Víðförli - 01.03.1947, Qupperneq 27

SKÁLHOLT
25
þykir að hafa bændaskóla á þessum stað: Jarðhiti, jarðargæði,
sem hér hafa sum verið talin, og samgangnamiðdepill héraðs
í Laugarási í framtíðinni. Bændaskóla á alls ekki að setja á
fornan bæjarhól Skálholts, heldur nær jarðhita, engjum og
beztu ræktunarsvæðum jarðarinnar.
Það er vitaskuld, að fyrir hönd menntaskóla og klerkdóms
muni nú eða síðar verða gerðar kröfur til fornmenja allra, lóðar
og landspildna á hinum forna biskupsstað. Þótt margt í því
tilkalli sé álitamál í sjálfu sér, mun því ekki verða á bug vísað.
A þessu stigi máls er fátt hægt að fortaka um menntastofn-
anir, sem kunna að rísa í hvirfing Skálholtslandareignar, í boga-
dreginni strjálingsröð frá Þorlákshver að Laugaráshverum og
brúnni. Frá sáttum þeirra í milli þarf sem bezt að ganga frá
upphafi, svo að þröngt megi sáttir sitja, og er gott, að bænda-
skólinn þurfi engan þann blett að afhenda síðar, sem hans
stofnfé væri lagt í.
Það er sannfæring mín, að þær stofnanir, sem vit þykir að
setja í Skálholt, verði aldrei tröllauknar né ósamrýmanlegar.
Þær geta orðið mjög margar, er aldir líða. Þær þurfa að styðja
hver aðra, en stugga ekki.
Sigurbjörn Einarsson:
Biskup í Skálholt aítur
Sjálfsagt er hverjum Islendingi það Ijóst, að Skálholt er fyrst
og fremst kirkjunnar helgistaður. Landið var gefið til kirkjunn-
ar nauðsynja, kirkjan gerði Skálholt að höfuðsetri, allar dýr-
mætar þjóðminningar um Skálholt eru bundnar við biskups-
stólinn og andlega forystu hans. Engin viðreisn staðarins er
hugsanleg án þess að þetta sé í fyrirrúmi. Þeir tveir, sem hér
hafa talað máli Skálholts, benda á þetta, hvor á sinn hátt.
Hitt er satt, að Skálholtsland má endast til víðtækra nytja
með nútíma tækni. Þjóðnýt og tímabær nytjun landsins þarf
ekki að spjalla staðinn. Þvert á móti, ef lánsamlega er að stað-