Fróðskaparrit - 01.01.1960, Blaðsíða 17

Nýggir tilburðir við tuberklasjúkum í Eiðis læknadømi 23
við røntgenrannsókn av lungunum, dyrking ella priing úr
spýtti ella kannan av magaskolivatninum. Men høvundinum
stóð ikki annað í at velja.
Meðan smittuhitin er, ella í tíðini aftaná, síggja vit ofta
við røntgenrannsókn av lungum stórar broytingar, trotar,
ikki bert í eitlunum í lungarótini, men eisini í vevnaðinum
uttan um teir og aðrar staðir í lungunum, broytingar, sum
ikki verða avdúkaðar við banking og lurting. Vælkent er
eisini, at ógvuliga ofta hevur eydnast sveitavatnsstøðini í
Keypmannahavn við dyrking ella priing at finna tubba^
steyrar í spýtti, sum við strokkanning ongar tílíkar hevði,
og í magaskolivatni. Men at lata hetta, ið funnið verður,
galda sum prógv fyri sjúkuavgerðini lungnatuberklar, hevði
verið bæði skeivt og villandi.
Afturat kemur tað, at høv. var bygdalækni á støðum,
ið eru langt av leið frá tuberklastøðini í Havn. At ferðast
aftur og fram til tuberklastøðina tók altíð 2 dagar, stundum
3, tí bar ikki til, uttan tað var bráðneyðugt, at siga børn=
um og ungum fólki, ið vóru vorðin frísk av smittuhita,
at gera tað. Ikki heilt fá nýsmittað børn hava havt nakra
mánaða vist á tuberklasjúkrahúsinum í Sandagerði (barakk*
unum), og tey eru sjálvandi undantøk; men røntgenúrslit<
ini hava ikki megnað at broyta omanfyri nevndu av<
marking.
6. talva vísir, at tilsamans kenna vit 76 (c? 38 ?38) nýggjar
tilburðir við lungnatuberklum í Eiðis læknadømi hetta 32
ára tíðarskeiðið, her er talan um. Tuberklar vórðu funnir
í spýttinum við strokkanning hjá 64 (d1 34 ? 30). Hetta
sigur ikki, at steyrarnir vórðu funnir við fyrstu rannsókn.
Tað bendir bert á, at á einumhvørjum tíðarbili eru funnir
tubbasteyrar í spýttinum. Fleiri ferðir hevur tað hent, at
eingir steyrar hava verið at finna beinan vegin ella við
fyrstu vist á bróstsjúkrahúsi. Sjúklingurin er at vísa seg
vorðin púra frískur. Mánaðir ella ár seinni afturstig og nú
tubbasteyrar í spýttinum.
Røntgenkanning hevur í hesi ritgerð ikki havt stórvegis