Fróðskaparrit - 01.01.1960, Síða 91

Úrskepanđi sjúkur í liðum og ryggi
97
ber til at gera meira burtur úr viðgerðini, til heil gongd
er fingin á sjúklingin, og tá ið hann at enda verður sloppin
fram at ganga, hava ryggjavøddarnir ment seg so munandi,
at teir eru rygginum góður studningur. Eingin ivi kann
heldur vera í, at hava vit undir hond sjúklingar við byrjí
andi kúlu ella bendingum til viks (scoliosis) í rygginum
ella sjúklingar við byrjandi spondylosis, so verða úrslitini
nógv betur við framtøkari venjingarviðgerð, ið mennir ryggja«
vøddarnar, og av leiðbeining um, hvussu umráðandi tað
er at standa og sita væl fyri undir arbeiði. Nógv betri
verða úrslitini á henda hátt enn sum vant, tá ið reiðuliga
einki verður gjørt uttan tað, at leggja sjúklingarnar undir
onkra hitaviðgerð. Eg vil illa taka uppá tunguna, hvussu
ið gongst, tá ið vit mest sum beinan vegin fyriskipa studd*
lind. Ómetandi týdning hevur venjingarviðgerðin í eftir*
viðgerðini av beinbrotum, og sera umráðandi er tað, at
nóg skjótt verður farið undir venjingarnar, tað er, at onga*
tíð meira enn neyðugt verður lagt kúrt av brotnum limi.
Ivaleyst rennur brotið tá eisini skjótari saman. Tí kunnugt
er, at kúrr knota skjótt úrkálkast. Tíverri verður her ofta
gingið illa um, sjúklingunum til mikið mein og samfelagnum
til nógv hall av mistum arbeiðisdøgum; teir tilburðir ikki
um at tala, har sjúklingurin ikki fæst í vinnu aftur og má
verða beindur undir almenna umsorgan við avlamisstyrki.
Um ravmagnsviðgerðina er at siga, at hana ber til at geva
á ymiskan hátt, sum stuttbylgjuviðgerð, longbylgjugjøgnum*
hiting (diathermia), galvanostreym, faradaystreym, ovurtítt=
føran vendistreym (Tesla), myotensorviðgerð, ultraljóð, jón=
bering, og so eisini á heldur einfaldan hátt sum ljósboga
og hitakodda.
Mest nýttu háttaløgini eru stuttbylgju* og myotensor=
viðgerðin, og seinru árini hevur jónberingin lagt nógv
undir seg.
Stuttbylgjuviðgerð er viðgerð við ovurtíttførum streymi.
Aldulongdin gongur frá 30 niður í 3 m. Tað eigur at verða
sagt, at tað eitur stuttbylgjuviðgerð og ikki diathermia, tí
7