Helgarpósturinn - 21.08.1986, Blaðsíða 6
SKOÐANAKÖNNUN HELGARPÖSTSINS!
Bandalag jafnaðarmanna að
purrkast út. Alþýðuflokkurinn held-
ur fylgisaukningunni. Traust fylgi
Kvennalista. Framsókn og Alþýðu-
bandalag eiga undir bögg að
sækja.
TAFLA I
FYLGI FLOKKANNA
Staða flokkanna nú skv. HP-könnuninni, auk kannana Félagsvísindastofnunar og DV frá því í maíbyrjun, HP-
könnunnar frá því í nóvemberlok og úrslita alþingiskosninganna 1983. Tölurnar sýna hlutfall þeirra sem tóku
afstöðu.
SJÁLFSTÆDISfLOKKURINN
Helgarpósturinn hefur látið gera
skoðanakönnun um fylgi stjórn-
málaflokkanna. Þetta mun vera
fyrsta skoðanakönnun afþessu tagi
síðan fyrir bœjar- og sveitarstjórnar-
kosningarnar í vor, en ekki er ólík-
legt að búast megi við hrinu skoð-
anakannana þegar nœr dregur
þingsetningu í haust. Af þessari
könnun er Ijóst að staða Sjálfstœðis-
flokks er sterk um þessar mundir,
hann bœtir við sig um 5—7% frá síð-
ustu skoðanakönnunum. Alþýðu-
flokkurinn virðist halda fylgisaukn-
ingu sinni og vel það, en Alþýðu-
bandalagið er heldur í lœgri kantin-
um. Bandalag jafnaðarmanna er á
stöðugri niðurleið og fengi líklega
engan þingmann kjörinn ef gengið
yrði til kosninga nú í haust. Fylgi
Kvennalistans virðist orðið mjög
stöðugt og ekkert burtfararsnið á
honum úr stjórnmálunum. Fram-
sóknarflokkurinn vann nokkuð á í
skoðanakönnunum á fyrri helmingi
þessa árs, en nú virðist fylgi hans
hafa dalað aftur á landsvísu, líkt og
reyndar gerðist í skoðanakönnun-
um í fyrrasumar. Þess ber að geta að
síðustu skoðanakannamr um fylgi
flokkanna voru gerðar á tíma bœj-
ar- og sveitarstjórnarkosninganna
og kunna að hafa mótast afþví. Þœr
eru því eftilvill ekki að öllu leyti
marktœk viðmið, sem úrslit bœjar-
stjórnakosninganna eru náttúrlega
ekki heldur, því þar falla atkvœði
mjög á annan veg en í alþingiskosn-
ingum.
Helgarpósturinn innti kjósendur
líka eftir því hvort þeir vildu láta
kjósa nú í haust. Af þeim sem tóku
afstöðu kærði nokkur meirihluti sig
ekki um haustkosningar eða 59.1%
en 40.9% vildu láta kjósa. Enda
virðist það nokkuð ljóst að ekki
verði kosið fyrr en i vor.
Reyni maöur að gera sér grein
fyrir þingstyrk flokkanna í Ijósi HP-
könnunarinnar kemur á daginn að
Alþýðuflokkurinn fengi 12 þing-
menn en hefur nú 6. Framsóknar-
flokkur fengi 7 þingmenn en hefur
14. Bandalag jafnaðarmanna fengi
engan þingmann en hefur 4. Sjálf-
stœðisflokkur fengi 27 þingmenn en
hefur 23. Alþýðubandalag fengi 9
þingmenn en hefur 10, og Kvenna-
lisli fengi 5 þingmenn en hefur 3.
Hér er gert ráð fyrir þingmanna-
tölunni 60, einsog nú er. i næstu
kosningum verða þingmennirnir
63, og samkvæmt HP-könnuninni
hreppir Framsókn einn þeirra, en
Sjálfstæðisflokkur tvo.
Alþýðuflokkur má mjög vel við
niöurstöður könnunarinnar una.
Hann virðist hafa bætt talsvert við
sig á Reykjanesi, þar sem flokkurinn
vann einmitt stórsigra í bæjarstjórn-
BANDARÍKJAMENN
ÓVINSÆLIR
— nú í kjölfar hvaladeilunnar. 70% telja að
varnarsamstarfið eigi að endurskoða.
Þátttakendur í skoðanakönnun
Helgarpóstsins voru ennfremur
spurðir að því hvort þeir teldu að
endurskoða ætti varnarsamstarfið
við Bandaríkin í kjölfar hvaladeil-
unnar og þess þrýstings sem Banda-
ríkjastjórn hefur beitt íslendinga í
þessu máli. Af niðurstöðunum að
dæma er greinilegt að mikill urgur
er í Islendingum gagnvart vinaþjóð-
inni í vestri, því hvorki meira né
minna en 70.6% þeirra sem taka af-
stöðu telja að varnarsamstarfið eigi
að endurskoða að undangenginni
hvaladeilunni. Það vekur athygli að
í þessu tilfelli er hlutfall óákveðinna
mjög lágt, aðeins rúm 11%.
arkosningunum. Fylgi hans á lands-
byggðinni helst nokkuð svipað og í
fyrri könnunum, en dalar eilítið í
Reykjavík.
Framsóknarfiokkurinn er enn í
sama öldudalnum og í bæjarstjórn-
arkosningunum. Fylgi hans í
Reykjavík og á Reykjanesi er sem
fyrr sáralitið, en hinsvegar virðist
hann rétta nokkuð hlut sinn á lands-
byggðinni.
Framtíð Bandalags jafnaðarmanna
er mjög óviss. Mikill losarabragur
hefur verið á flokknum undanfarið
ár og fylgið heldur áfram að dvína.
Bandalagið tapar enn heilu prósenti
frá síðustu HP-könnun og virðist nú-
orðið eiga sér ansi fáa formælendur
á landsbyggðinni.
Sjálfstæðisflokkurinn hlýtur að
teljast sigurvegari þessarar skoð-
anakönnunar, enda þótt flokkurinn
hafi átt í ýmsum erfiðum málum að
undanförnu. Flokkurinn bætir veru-
lega við sig á landsbyggðinni frá síð-
ustu HP-könnun, en í Reykjavík og á
Reykjanesi er fylgið jafnt og traust.
Alþýðubandalagið er heldur í
lægri kantinum að þessu sinni, en
reyndar taldist það sigurvegari HP-
könnunarinnar í nóvember í fyrra.
Ekki er ólíklegt að Alþýðubandalag-
ið gjaldi innri sundrungar í flokkn-
um og þá er Guðmundarmálið
kannski ekki síður ofarlega í hugum
kjósenda.
Einsog áður kom fram virðist
Kvennalistinn óðum vera að skjóta
rótum í íslenskum stjórnmálum.
Það vekur athygli í þessari könn-
un hversu mikið lausafylgið er, sá
hópur virðist stöðugt fara vaxandi.
Óákveðnir á landsvísu eru ríflega
21%, en 15.8% kæra sig ekki um að
svara. Stór hluti þeirra sem
óákveðnir eru telst án efa til vel upp-
lýstra kjósenda, sem bíða þess
átekta hverju fram vindur í stjórn-
málalífinu.
Helgarpósturinn spurði ennfrem-
ur að því hver afstaða kjósenda til
ríkisstjórnarinnar vœri. Þar er hlut-
fall óákveðinna hvorki meira né
minna en 29.4%. Af þeim sem tóku
afstöðu kváðust 55.5% styðja ríkis-
stjórnina, en 44.5% sögðust andvig-
ir henni. En hlutfall óákveðinna
hlýtur að segja sína sögu.
GREINARGERÐ SKÁÍS
Þessi skoðanakönnun var gerð
um síðustu helgi. Hringt var í 800
einstaklinga skv. tölvuskrá yfir
símanúmer fyrir allt landið.
SpurniBgunum var beint til þeirra
sem svöruðu og voru 18 ára eða
eldri og var miðað við jafnt hlutfall
kynja.
Úrtakið skiptist í þrjú svæði:
Reykjavík (306 símanúmer),
Reykjanes (182 símanúmer) og
landsbyggðin, þ.e. kjördæmi önn-
ur en Reykjavík og Reykjanes (312
símanúmer).
Spurt var:
Ef kosið vœri til alþingis núna
hvaða flokk myndiröu kjósa?
Styður þú ríkisstjórnina eða
ekki?
Telur þú að kjósa eigi í haust?
Telur þú að endurskoða eigi
varnarsamstarfið nú í kjölfar
hvaladeilunnar?
Niðurstöðurnar birtast í með-
fylgjandi töflum.
HP nú Fél.vís.st. 13. maí DV 2. maí HP 21. nóv. Kosn. 1983
Alþýðuflokkur 19.0% 15.5% 13.5% 18.6% 11.7%
Framsóknarflokkur 11.9% 15.4% 20.8% 14.4% 18.5%
Bandalag jafnaðarmanna 1.6% 3.7% 3.0% 2.3% 7.3%
Sjálfstæðisflokkur 44.4% 39.8% 39.1% 37.4% 38.7%
Alþýðubandalag 14.3% 15.9% 15.3% 19.2% 17.3%
Kvennalisti 8.1% 9.0% 8.3% 6.9% 5.5%
Flokkur mannsins 0.6% 0.7% - 1.3% -
TAFLA II
ALLT LANDIÐ
Fjöldi % af heild % þeirra er tóku afstöðu
Alþýðuflokkur 96 12.0 19.0
Framsóknarflokkur 60 7.5 11.9
Bandalag jafnaðarmanna 8 1.0 1.6
Sjálfstæðisflokkur 224 28.0 44.4
Alþýðubandalag 72 9.0 14.3
Kvennalisti 41 5.1 8.1
Flokkur mannsins/aðrir fl. 3 0.4 0.6
Óákveðnir 170 21.3 -
Kj. ekki/sk. auðu/neita 126 15.8 -
TAFLA III
REYKJAVÍK
Fjöldi % af heild % þeirra er tóku afstöðu
Alþýðuflokkur 32 10.5 16.8
Framsóknarflokkur 11 3.6 5.8
Bandalag jafnaðarmanna 4 1.3 2.1
Sjálfstæðisflokkur 89 29.1 46.6
Alþýðubandalag 33 10.8 17.3
Kvennalisti 21 6.9 11.0
Flokkur mannsinsfaðrir fl. 1 0.3 0.5
Óákveðnir 67 21.9 —
Kj. ekkifek. auðu/neita 48 15.7 -
TAFLA IV
REYKJANES
Fjöldi % af heild % þeirra er tóku afstöðu
Alþýðuflokkur 34 18.7 26.0
Framsóknarflokkur 7 3.8 5.3
Bandalag jafnaðarmanna 4 2.2 3.1
Sjálfstæðisflokkur 58 31.9 44.3
Alþýðubandalag 13 7.1 9.9
Kvennalisti 15 8.2 11.5
Flokkur mannsinsteðrir fl. 0 0.0 0.0
Óákveðnir 32 17.6 -
Kj. ekki/sk. auðu/neita 19 10.4 -
TAFLA V
LANDSBYGGÐIN
Fjöldi % af heild % þeirra er tóku afstöðu
Alþýðuflokkur 30 9.6 16.5
Framsóknarflokkur 42 13.5 23.1
Bandalag jafnaðarmanna 0 0.0 0.0
Sjálfstæðisflokkur 77 24.7 42.3
Alþýðubandalag 26 8.3 14.3
Kvennalisti 5 1.6 2.7
Flokkur mannsins/aðrir fl. 2 0.6 1.1
Óákveðnir 71 22.8 -
Kj. ekki/sk. auðu/neita 59 18.9 -
Á AÐ ENDURSKOÐA
Ernarsamstarfið NÚ í KJÖLFAR
HVALADEILUNNAR?
ALLT LANDIÐ
Fjöldi % af heild % þeirra er tóku afstöðu
Já 463 57.9 70.6
Nei 193 24.1 29.4
Óákveðnir 91 11.4 -
Neita að svara 53 6.6 -
6 HELGARPÓSTURINN