Helgarpósturinn - 21.08.1986, Blaðsíða 31

FRÉTTAPÓSTUR
Afmælishátíðin í Reykjavík
Hátíðahöldin í Reykjavík vegna 200 ára afmælis borgar-
innar fóru mjög vel fram á afmælisdeginum 18. ágúst. Talið
er að um 60—80 þúsund manns hafi komið saman í mið-
bænum þegar mest var um miðjan daginn. Hátt í 30 þúsund
manns sóttu siðan hátíðardagskrána á Arnarhóli um kvöld-
ið. Hátíðin var að mestu slysalaus, lítil ölvun var og voru lög-
reglumenn mjög ánægðir með daginn. Mesta athygli á af-
mælinu vakti 200 metra löng afmælisterta sem staðsett var
í endilangri Lækjargötunni. Var mjög stappað af fólki í
kringum kökuna og fengu færri en vildu, enda tertan ætluð
30 þúsundum en ekki 80. í hljómskálagarði var einnig
margt um manninn og ýmislegt til skemmtunar. Meðal ann-
ars danssýning, dýrasýning, hástökkskeppni og leiðbein-
ingar í lyftingum. Á Austurvelli var sögugarður og í Fógeta-
garðinum var djass og djúsgarður. Einnig var grillgarður
þar sem grillaðar voru 20 þúsund pylsur en einnig þar fengu
færri en vildu. Aldrei áður í sögu borgarinnar hefur svo
mikill fjöldi manna safnast saman á einum stað. Á hátíðar-
dagskránni um kvöldið skemmti Sinfóníuhljómsveit ís-
lands, fluttur var leikþáttur um upphaf Reykjavíkur sem
kaupstaðar, forsetinn Vigdís Finnbogadóttir flutti ávarp og
að lokum skemmti hljómsveit Gunnars Þórðarsonar fram að
miðnætti er ein skrautlegasta flugeldasýning sem um getur
var haldin. Inná milli höfðu Karl Ágúst Úlfsson og Þórhall-
ur Sigurðsson farið með gamanmál. Hátíðahöldin þóttu tak-
ast með miklum ágætum.
Tæknisýning í Borgarleikhúsi
Sunnudaginn sl. var opnuð i Borgarleikhúsinu viðamikil
tæknisýning í tilefni af 200 ára afmæli Reykjavíkur og gafst
almenningi þar í fyrsta sinn tækifæri til að skoða innviði
leikhússins. Sýningin veitir yfirlit yfir starfsemi borgarinn-
ar og fyrirtækja hennar og auk þess kynna Landsvirkjun,
Skýrsluvélar ríkisins og Reykjavíkurborgar og Skógræktar-
félag Reykjavíkur starfsemi sína.
Guðmundur J. endurgreiðir
Guðmundur J. Guðmundsson alþingismaður hefur end-
urgreitt þrotabúi Hafskips fjárhæðina sem hann þáði í nóv-
ember 1983 úr hendi Alberts Guðmundssonar þáverandi
f jármálaráðherra til þess að leita sér heilsubótar í Flórída.
XJm er að ræða 100 þúsund krónur sem að viðbættum vöxt-
um verða samtals 152.250,- krónur. Áður hafði Guðmundur
sent Alberti þessa peninga en Albert endursendi þá. Féð er
upphaflega komið frá Hafskip og Eimskip. Því er það að
Guðmundur sendir þrotabúinu féð.
Fréttapunktar
• Allt bendir til metf jölda ferðamanna í ár. Fyrstu sjö mán-
uði ársins komu tæplega 68 þúsund útlendir ferðamenn til
landsins en á sama tíma í fyrra var fjöldi þeirra 59 þúsund.
• Um 0,5% af vinnufúsum mönnum í landinu voru án
vinnu í júlímánuði samkvæmt atvinnuleysisskráningum.
Það jafngildir um 660 manns atvinnulausum allan mánuð-
inn sem er svipað hlutfall og undanfarin þrjú ár.
• Skipaðir hafa verið fimm fulltrúar í dómnefnd vegna fyr-
irhugaðrar samkeppni um ráðhús í Reykjavík. Gagnrýni
hefur komið fram frá minnihlutanum í borgarstjórn sem
telur mörg verkefni í borginni brýnni en bygging ráðhúss.
• Nýtt lag eftir Jóhann G. Jóhannsson hefur komist í tíu
laga úrslit í alþjóðlegu söngvakeppninni í Castlebar á ír-
landi sem haldin verður í byrjun október.
• Hátíðahöldin á ísafirði i tilefni 200 ára afmælis kaup-
staðarréttinda bæjarins fóru fram i miklu blíðskaparveðri á
Silfurtorgi á sunnudag. Fjöldi bæjarbúa sótti skemmtunina
og myndaðist góð stemmning.
• Hátíðahöld vegna 200 ára afmælis Eskifjarðar fóru fram
í blíðskaparveðri á mánudag en þá kom út fyrsta tölublað
dagblaðsins Eskif jarðar sem gefið verður út alla hátíðarvik-
una. Eins hóf Útvarp Eskifjörður starfsemi í tilefni afmælis-
ins.
• Seðlabankinn visar alfarið á bug ásökunum um að hann
hafi ekki staðið sig sem skyldi varðandi upplýsingar um
hæstu lögleyfðu vexti. En Björn Pálsson var sýknaður af
fjórum ákæruhliðum i nýgengnum okurdómi vegna þessa
meinta trassaskapar Seðlabankans.
• Jóhann Hjartarson sigraði glæsilega á opna breska sam-
veldismótinu í skák. Jóhann hlaut 8 vinninga af 9 mögu-
legum sem er mjög góður árangur. Næstu menn fengu 7
vinninga og er því sigur Jóhanns mjög afgerandi.
• Eðvarð Þór Eðvarsson sundmaður úr Njarðvík setti á
þriðjudag Norðurlandamet i 200 metra baksundi á heims-
meistaramótinu í sundi sem fram fer í Madrid. Eðvarð synti
á 2:03.03 mínútum.
• Búrhval rak á land i vikunni rétt norðan við Árskógs-
strönd við Eyjafjörð. Áður en hvalinn rak á land hafði
hann sést á reki í sjónum í tvo daga áður.
• Um þessar mundir eru 50 ár frá þvi að Flugmálafélag ís-
lands og Flugmálastjórn hófu starfsemi sína og i tilefni af
því var á þriðjudag opnuð sýning i Skýli 1 á Reykjavikur-
flugvelli.
Andlát
Ásgeir Ólafsson fyrrverandi forstjóri Brunabótafélags
íslands lést á Landspítalanum í Reykjavík á laugardaginn
var, 63 ára að aldri.
HELENA

SPENNANDI
NÁTT- OG UNDIR
FATNAÐ
LADY OF PARIS
Laugavegi 84 (2. hœö) - Sími 1 28 58
HELGARPÓSTURINN 31