Helgarpósturinn - 21.08.1986, Blaðsíða 29
nna húsverkin. • Au-pair stelpur fró
> heimilisstörf, en ffá ekki lengur
kunningsskapar, eða hafði fundist fyrir algjöra
tilviljun og hundaheppni.
Mikið mun vera um það að fólk verði sér úti
um au-pair stúlkur með því að auglýsa í er-
lendum blöðum og margir viðmælenda okkar
höfðu fengið stúlku vegna ábendingar annarr-
ar af sama þjóðerni, sem þegar var komin til
landsins. íslenskt kunningjafólk ræður greini-
lega oft til sín erlendar vinstúlkur til barna-
gæslu og léttra heimilisstarfa. Töluverður
fjöldi mun vera af þessum erlendu au-pair
stúlkum hér á landi, flestum frá hinum Norður-
löndunum. Færeyskar ungmeyjar virðast t.d.
ótrúlega margar á höfuðborgarsvæðinu, því
þegar fjölskylda ein hvatti færeysku au-pair
stúlkuna sína til að bjóða vinkonum sínum
heim gátu þær ekki allar mætt, en voru þó tólf
að tölu! Einnig höfum við fregnir af því að
danskar au-pair stelpur í Vesturbænum í
Reykjavík hafi með sér sérstök samtök, svo
einhver fjöldi hlýtur að vera af þeim líka þegar
allt er talið.
ÞRÍFA FYRIR VINNUKONURNAR
Yfirleitt fannst þeim fjölskyldum, sem nutu
einhverrar heimilisaðstoðar, þær hafa dottið í
lukkupottinn. Eitt vandamál áttu húsmæðurn-
ar á viðkomandi heimilum þó sameiginlegt,
sérstaklega ef þær þágu aðstoð við þrif og
þvotta. Það voru sálarkvalirnar við að láta
ókunna konu sjá óreiðu og óhreinindi á heimil-
inu, ásamt illviðráðanlegri sektarkennd yfir
því að borga kynsystur sinni fyrir að „skafa
undan sér skítinn", eins og einn viðmælandi
HP komst að orði. Ófáar húsmæðurnar viður-
kenndu að hafa tekið til og þrifið „svona örlít-
ið" áður en þær tóku á móti vinnukonunni
sinni, að minnsta kosti í upphafi. Ein kona fór
t.d. alltaf heim í hádeginu og lagaði til, þá daga
sem von var á heimilishjálpinni eftir hádegi.
Óvenjulegasta dæmið um nútímavinnukonu
er óumdeilanlega prófessorinn við Háskóla ís-
lands, sem sagan segir að hafi fengið til sín
írskan munk einu sinni í viku. Því miður náðist
ekki í umræddan háskólamann til þess að fá
sögusögnina staðfesta, en eftir að hafa talað
við Father Bradshaw hjá kaþólska söfnuðin-
um í Breiðholti, skýrðist málið.
Father Bradshaw tjáði okkur, að allt þar til
fyrir u.þ.b. tveimur árum hefðu kaþólskir trú-
boðar frá írlandi tekið að sér smávægilega
húshjálp fyrir fólk. Sagði hann, að nú hefði
verið tekið fyrir þetta, sökum þess að trúboð-
arnir fengju ekki lengur atvinnuleyfi hér á
landi vegna aukins atvinnuleysis meðal íslend-
inga. Hér væru hins vegar ekki munkar og
nunnur á ferð, heldur almennir írskir borgarar.
Sagan um írska munkinn er því að öllum lík-
indum bæði nokkurra ára gömul og eilitið af-
bökuð eins og kemur gjarnan fyrir bestu sög-
ur. Óneitanlega er hún þó skemmtileg.
AUGLÝSTI í MÖRGUM ERLENDUM
BLÖÐUM
Helgarpósturinn sneri sér að lokum til Krist-
ínar S. Kuaran, alþingismanns, sem á tæplega
tveggja ára dóttur, og spurði hvernig hún hefði
leyst sín barnagæslu- og hreingerningamál.
„Þessa tvo vetur, sem ég hef setið á þingi eft-
ir að yngsta dóttir mín fæddist, hef ég verið
svo heppin að hafa haft au-pair stúlkur á heim-
ilinu. Eg á síðan afar duglega 12 ára stelpu,
sem hefur passað systur sína á sumrin eftir að
skóla lýkur. Þetta hefur þannig verið sumar-
vinnan hennar."
— Hvernig komstu í samband vid þessar
ertendu stúlkur?
„Eg auglýsti í útlendum blöðum. í fyrra aug-
lýsti ég bara í Færeyjum, en árið á undan aug-
lýsti ég í Noregi, Danmörku og Svíþjóð og fékk
að endingu norska stúlku. Núna í augnablik-
inu er ég aftur með auglýsingu í blaði í Færeyj-
um, því ég var mjög ánægð með færeysku
stelpuna sem var hjá mér í vetur.
Það er allur gangur á þessu hjá þeim konum,
sem ég hef rætt málið við og eru í sömu spor-
um. Ein þeirra hefur haft nokkrar sænskar
stelpur, sem m.a. hafa vísað hver á aðra. Það
er auðvitað mjög þægilegt og talsvert örugg-
ara en að fá gjörókunnuga stúlku. Annars hef
ég verið frábærlega heppin með au-pair stúlk-
urnar mínar."
— Er ekkert óþœgilegt ad fá allt í einu
ókunna manneskju inn á heimilid?
„Við höfum lagt áherslu á að fá til okkar
stelpur sem eru áhugasamar t.d. um íþróttir
eða annað tómstundastarf. Sú fyrsta æfði
karate og var í því öllum stundum. Þessar stúlk-
ur eiga auðvitað frí á kvöldin og um helgar,
sem þær geta nýtt á þann hátt sem þeim sýn-
ist. Sú færeyska var á hinn bóginn sundkona
og æfði og keppti í sundi í sínum frítímum.
Auðvitað er þeim alveg velkomið að vera
hér á heimilinu öll kvöld og helgar, en þær
hafa gott af því að kynnast íslenskum krökk-
um á líku reki. Þetta verða þá félagar, sem þær
geta farið með í bíó og annað slíkt. Ég vil þess
vegna mjög gjarnan að þær hafi eitthvað
áhugamál, því þannig myndast strax kunn-
ingsskapur og þeim leiðist þá ekki á meðan!
Þetta léttir óneitanlega líka á því sem þú varst
að inna eftir, varðandi það að fá ókunna
manneskju inn á heimilið til langdvalar. Það er
sem sagt síður en svo erfitt, a.m.k. ef þetta eru
áhugasamar og mannblendar stelpur.
Við hjónin spyrjum fyrst og fremst um
tvennt, þegar svona ráðning stendur fyrir dyr-
um. Númer eitt er það hvort þær reykja. Ef
svarið er já, koma þær alls ekki til greina. Önn-
ur spurningin er hvort þær hafi eitthvað sér-
stakt áhugamál, sem þær sinna í tómstundum.
Ef svarið við því er lítið afgerandi, er hætt við
að þeim komi til með að leiðast hérna. Þetta
hljómar kannski eins og endalaus áróður fyrir
íþróttum, en það sýnir sig einfaldlega að fólk,
sem á sér áhugamál, er fljótara að falla inn í
þjóðfélagsmunstrið og hangir ekki heima í
leiðindum."
MUNAÐUR
Vinnukonuleysi síðari tíma er auðsjáanlega
leyst á ýmsan máta. Störfum hinna dæmi-
gerðu vinnukvenna á árum áður hefur verið
deilt niður og þeim dreift á fjölskyldumeðlimi
og aðkeyptan vinnukraft af nýja skólanum. Því
má svo heldur ekki gleyma, að allflest heimili
búa nú yfir tímasparandi tækjum, sem ekki
þekktust á tímum vinnukvenna fyrr á öldinni.
Aðstoð við þrif og barnagæslu verður þó enn
að kallast munaður, á sama hátt og vinnukon-
urnar í gamla daga voru aðeins á heimilum
hinna efnamestu í þjóðfélaginu. Flest þekkjum
við dæmi um mannmörg heimili þar sem báð-
ir foreldrar vinna úti, en í stað þess að fá hús-
hjálp fer húsmóðirin jafnvel í skúringavinnu
úti í bæ eftir fullan vinnudag annars staðar.
Réttlætinu verður víst seint fullnægt — í þessu
máli sem öðrum.
HELGARPÓSTURINN 29