Morgunblaðið - 02.03.1967, Blaðsíða 30

30
MORGUNBLAÐIÐ, FIMMTUDAGUR-2. MARZ lí>67.
Glæsilegur árangur Fram í
knattspyrnu og handbolta
— og markvisst unnið að
undirbúningi nýs félagssvæðis
AÐALFUNDUR Knattspyrnufé-
lagsins Fram var haldinn s.l.
laugardag. Á fundinum kom
fram, að aðalstjórn félagsins hef-
ur unnið markvisst að undirbún-
ingi framkvæmda við hið nýja
félagssvæði Fram við Miklu-
braut. Standa yfir samningar
milli Fram og borgaryfirvald-
anna um þessar mundir og eru
allar likur á, að hafizt verði
handa um uppbyggingu svæðis-
ins innan tíðar.
Jón Þorláksson, formaður
Fram flutti skýrslu aðalstjórnar.
I upphafi fundar minntist hann
Sigurðar E. Jónssonar, fyrrum
formanns Fram, sem lézt á síð-
asta árL Risu fundarmenn úr
sætum í virðingarskyni við hinn
látna forustumann félagsins.
Fyrir fundinum lágu fjölritað-
ar skýrslur knattspyrnudeildar
og handknattleiksdeildar. Fram
náði mjög góðum árangri bæði
í knattspyrnu og handknattleik á
síðasta ári og vann ekkert félag
eins mörg mót í knattspyrnu og
Fram. f knattspyrnunni vann
Fram 12 mót og í handknattleik
7 mót af 14, eða 50%, sem verð-
ur að teljast mjög góð útkoma.
Knattspyrnan
Stjórn knattspyrnudeildar á
siðasta ári var skipuð eftirtöld-
um mönnum: Formaður Alfreð
Þorsteinsson, varaformaður Hin-
rik Einarsson, ritari Hilmar
Svavarsson, gjaldkeri Þorkell
Þorkelsson og spjaldskrárritari
Þorgeir Lúðvíksson.
Knattspyrnudeildin vann að
mörgum verkefnum á síðasta ári,
m. a. kom skozka atvinnumanna-
liðið Dundee Utd. í heimsókn á
vegum deildarinnar. Þá fór 2.
flokkur félagsins í keppnisför til
Danmerkur og náði ágætum ár-
angri. M. a. sigruðu Fram-pilt-
arnir dönsku meistarana í sínum
aldursflokki.
Aðalmál deildarinnar var að
rétta meistaraflokkinn við, en
Fram féll úr 1. deild 1965 og lék
í fyrsta skipti í 2. deild á síðasta
ári. Karl Guðmundsson var ráð-
inn þjálfari meistaraflokks og
vann ötullega að þjálfuninni.
Dvöl Fram í 2. deild varð því
ekki löng og vann félagið sæti
sitt í 1. deild aftur. Karl Guð-
mundssoa þjálfaði einnig 1.
flokk, sem sigraði í Reykjavíkur-
móti.
Þjálfari 2. flokks var Hilmar
Svavarsson. A-liðið sigraði í
Reykjavíkurmóti og hefur auk
þess möguleika á sigri í haust
móti, en því móti er ekki lokið
enn. B-liðið stóð sig einnig mjög
vel, tapaði engum leik og sigraði
í öllum mótum sumarsins, þ. e.
Reykjavíkur-, miðsumars- og
haustmóti. Að launum hlaut
flokkurinn „Gæðahornið" svo-
kallaða, en það hlýtur sá flokkur
félagsins, sem beztri útkomu nær
hverju sinni.
Þjálfari 3. flokks var Jóhannes
Atlason. Útkoma 3. flokks var
sérstaklega góð. A-liðið sigraði
í íslandsmóti og haustmóti og b-
liðið sigraði í öllum mótum sum-
arsins. Jóhannes þjálfaði einnig
4. flokk, en sá flokk.ur náði ekki
eins góðri útkomu að þessu sinni.
Þjálfarar 5. flokks voru Alfreð
Þorsteinsson, Skúli Nielsen og
Hilmar Ólafsson. A-liðið sigraði
í Islandsmótinu eftir mjög
skemmtiiega og tvisýna baráttu
við FH.
Alls hlaut Fram 173 stig út úr
mótum sumarsins af 278 mögu-
legum, skoraði 337 mörk gegn
221 og sigraði í 12 mótum af 33,
en möguleiki er að vinna 13.
mótið.
Auk annarra verkefna, stóð
knattspyrnudeildin fyrir útkomu
félagsblaðs.
Á aðalfundi knattspyrnudeild-
ar, sem haldinn var í nóvember,
var Hilmar Svavarsson kjörinn
formaður, en aðrir í stjórn eru
Sæmundur Gíslason, Þorkell
Þorkelsson, Þorgeir Lúðvíksson
og Einar Árnason.
Handknattleikur
Stjórn handknattleiksdeildar á
síðasta ári var þannig skipuð:
Formaður Birgir Lúðvíksson,
varaformaður Sveinn Ragnars-
son, gjaldkeri Hilmar Ólafsson,
ritari Bjarney Valdimarsdóttir
og spjaldskráritari Þorgeir Lúð-
víksson.
Þjálfari meistara- og 1. flokks
var Karl Benediktsson. Varð
Fram Rey k j a víkurmeistari og
hlaut 2. sæti í íslandsmóti. 1.
flokkur sigraði í íslandsmóti.
Þjálfari 2. flokks var Sveinn
Ragnarsson og náði þessi flokkur
mjög góðum árangri, vann alla
sína leiki og varð því bæði
Reykjavíkur- og íslandsmeistari.
Þjálfari 3. flokks var Gylfi Jó-
hannesson. Tapaði flokkurinn að-
eins 2 leikjum, en náði þó hvorki
að sigra í Reykjavíkur- né ís-
landsmóti.
Þjálfarar 4. flokks voru Frí-
mann Vilhjálmsson og Friðgeir
Indriðason.
Þjálfari meistara-, 1. og 2.
flokks kvenna var Hilmar Ólafs-
son. Meistaraflokkurinn náði 50%
útkomu úr mótunum, hlaut 9 stig
af 18. 1. flokkur kvenna sigraði
bæði í Reykjavikur- og íslands-
móti. Og 2. flokkur sigraði í Is-
landsmóti.
Gunnlaugur Hjálmarsson — ein skærasta stjarna Fram-liðSins.
í byrjendaflokki stúlkna voru
Bjarney Valdimarsdóttir og
Hrafnhildur Helgadóttir þjálfar-
ar.
Á keppnistímabilinu 1965—66
lék Fram samtals 66 leiki, sigraði
í 47, gerði 7 jafntefli og tapaði
einungis 12 leikjum. Hlaut Fram
101 stig af 132 möguleigum og
sigraði í 7 mótum af 14. Alls
skoraði Fram 795 mörk í þessum
leikjum og fékk á sig 559.
Á aðalfundi deildarinnar, sem
haldinn var um mánaðarmótin
nóv.-des. var Birgir Lúðvíksson
endurkjörinn formaður, en aðrir
Framihald á bls. 31.

Milan vann Real 2-0
INTER MILAN vann Real
Madrid í gærkvöldi með 2-0 og
hefur með þeim sigri tryggt sér
rétt til undanúrslita (4 liða) og
ætla flestir að nú sé sigurbraut
liðsins rudd.
í gærkvöldi fóru fram ýmsir
af Evrópuleikjunum í keppnun-
um þremur.
Úrslit urðu þessi:
Meistaralið:
Inter Milan — Real Madrid 2-0
Vojvodina (Jug) — Celtic 1-0
í fyrra vann Real Madrid bik-
arinn í 6. sinn.
Linfield (frl.) — CSKA
(Búlgaría) 2-2
Ajax — Duikla Prag 1-1
Bikarlið:
G. Rangérs
R. Zaragosa 2-0
Eigo oldrei
ofturkvæmt
SVISSNESKA knattspyrhusam-
bandið hefur ákveðið að ef ein-
hver svissneskur leikmaður eða
þjá'lfari gerist starfsmaður hjá
einhverju liði er leiki í „þjóð-
legu atvinnumannadeildinni“
bandarísku eigi þeir aldrei aftur
kvæmt í svissnesk félög.
Tilkynning þessi var gefin út
skömmu eftir að alþjóðasam-
bandið ihafði aðvarað aðildar-
félög sín um að margir af beztu
leikmönnum ýmissa Evrópu-
liða stæðu í samningum við for-
ráðamenn bandarísku deildar-
innar nýstocfnuðu.
Sacmbandið bætti við að eina
viðurkennda samband knatt-
spyrnumanna í Bandaríkjunum
væri „N-Amerí'ku knattspyrnu-
deildin", sem er aðili að alþjóða
sambandinu.
RÚSSINN Valentin Chistja-
kov setti á miðvikudag óstað-
fest heimsmet í 50 m grinda-
hlaupi. Hljóp hann á 6.5 sek.
Tíminn er 1/10 úr sek betri
en landi hans átti.
Skólamótið í frjáls-
íþróttum II. marz
Þátttökutilkynningar skortir
Myndin sýnir
gegn Napoli 3
að nokkru ólætin er urðu á dögunum er enska liðið Burnley vann sinn fyrri leik
:0 og urðu áhorfendur ákvæða við.
SKóLAMÓT í frjálsum íþrótt-
um verður haldið 11. marz n.k.
eins og áður hefur verið skýrt
frá. Fer mótið fram í íþrótta-
höllinni í Laugardal og hefst kl.
2 síðdegis. Ævinlega hefur mikil
þátttaka verið í þessum mótum,
R-vikurmót
skíðamanna
SKÍÐAMÓTI Reykjavíkur verð-
ur fram haldið við Skíðaskál-
ann í Hveradölum á sunnudag-
inn og verður þá keppt í svigi
B-flokks, C-flokks karla,
drengjaflokki og telpnaflokki.
Skíðaráðið annast móts'haldið
og verður Þórir Lárusson for-
maður ráðsins, mótstjóri.
Meðal skráðra keppenda eru
allir beztu menn í Reykjavík í
áðurnefndum flokkum. Nafna-
kall verður við endamark braut-
ar kl. 12, en keppnin hefst kl.
1 e.h.
en auglýstur þátttökufrestur
rennur út á morgun og vænta
forráðamenn mótsins þess að
skólafélög og ilþróttakennarar
bregði fljótt við og tilkynni þátt
töku sinna nemenda, þvi ekki
verður tekið á móti þátttöku-
tilkynningum eftir þann dag.
Þarfnast undirbúningur mótsins
nokkurs tíma.
Keppnisgreinar á mótinu eru
fyrir sveina yngri og eldri og
keppa þeir í 100 m hlaupi, fyrir
drengi sem keppa í 200 m hlaupi,
fyrir unglinga og fullorðna sem
keppa í 400 m hlaupi og einn
kvennaflokkur sem keppir í 100
m hlaupi.
Allir flokkar keppa síðan i
4x100 m boðhlaupi, 35 m sprett-
hlaupi og hástökki.
Þátttöku þarf að senda skrif-
lega til Benedikts Jakobssonar,
íþróttahúsi Háskólans.
1 gærkvöldi hafði aðeins ein
þátttökutilkynning borizt, en vit
að var um margar í undir'bún-
ingi, en þær verða að berast
strax.