Morgunblaðið - 22.11.1975, Blaðsíða 2

2
MORGUNBLAÐIÐ, LAUGARDAGUR 22. NÖVEMBER 1975
Slysum hefur fækkað um helming:
„Treystum á fólkað
halda áfram vöku sinni”
— segir læknir á slysadeildinni
„FYRSTU 12 dagana i
nóvember fengum við til
meðferðar 81 slasaðan úr
umferðinni en síðan hefur
stórlega dregið úr fjölda
slasaðrgu Ég gæti trúað að
það væri helmingsmunur,"
sagöi Haukur Árnason
læknir á slysadeild Borgar-
spítalans í samtali við
Morgunblaðið í gær. „Það
er greinilegt að sú mikla
herferð sem fjölmiðlar
hafa verið mcð upp á síð-
kastið hefur haft áhrif.
Fólk virðist hafa gætt bet-
ur að sér í umferðinni og
nú verðum við bara að
treysta á að það haldi því
áfram,“ sagði Haukur.
Ráðstefna SUS
um landbúnaðar-
mál í dag
SAMBAND ungra sjálfstæðis-
manna gengst i dag fyrir ráð-
stefnu um landbúnaðarmál í Fé-
lagsheimilinu Fólkvangi á Kjalar-
nesi. Ráðstefnan hefst klukkan 10
árdegis og að lokinni setningu
fjalla þrír ungir bændur um
spurninguna: Er róttækra breyt-
inga þörf í landbúnaði? Eftir há-
degi ræðir Gunnar Bjarnason
ráðunautur, um nýja möguleika
til innlendrar fóðuröflunar og
Pálmi Jónsson, alþm., og Jónas
Kristjánsson, ritstjóri um spurn-
inguna: Er verðmyndunarkerfi
landbúnaðarins úrelt? Einnig
verða almennar fyrirspurnir og
umræður. I hádegi snæða ráð-
stefnugestir hádegisverð og þar
flytur Ingólfur Jónsson, fyrrv.
ráðherra, ávarp.
Öskar Ölason yfirlögregluþjónn
umferðarmála í Reykjavíkurlög-
reglunni tók í sama streng. „Veg-
farendur hafa sýnt að hægt er að
halda slysunum í skefjum með
þvf að vera vakandi í umferðinni
og nú er fyrir öllu að þeir haldi
vöku sinni,“ sagði Óskar. Hann
sagði að herferð fjölmiðla hefði
greinilega haft geysimikla þýð-
ingu og einnig taldi hann að hert
eftirlit lögreglu hefði haft sitt að
segja. „Ég ítreka það að lögreglan
mun áfram hafa góðar gætur á
umferðinni og við treystum á veg-
farendur að láta okkur hafa sem
minnst að gera.“
Hjá Hauki Árnasyni lækni fékk
Morgunblaðið þær upplýsingar,
að 10 fyrstu mánuði ársins hefði
slysadeildin fengið 41 úr umferð-
inni með höfuðkúpubrot og
brotin andlitsbein, hryggbrot
voru 17, fótleggja- og öklabrot 40,
lærleggjabrot 17, upp- og fram-
handleggsbrot 33, áverkar í
andliti 341, sár á fótleggjum 160,
áverkar á brjósti og kviðarholi 23
og höfuðkúpu- og mænuáverkar
137. Þetta eru ískyggilegar tölur
og segja betur en margt annað
hver nauðsyn er á bættri
umferðarmenningu.
Þá hafði Morgunblaðið í gær
samband við gjörgæzludeild
Borgarspítalans og spurðist fyrir
um líðan fólksins sem legið hefur
meðvitundarlaust á deildinni
eftir umferðarslys. Fengust þær
upplýsingar að 68 ára gamla
konan frá Keflavík væri nú út-
skrifuð af deildinni en 15 ára
pilturinn sem féll af vélhjóli á
Laufásvegi og 21 árs piltur sem
slasaðist í bílslysi á Djúpavogi
væru enn meðvitundarlausir og i
lífshættu.
Lombardy tefl-
ir fjöltefli
BANDARlSKI stórmeistarinn
William Lombardy teflir í dag
fjöltefli í Iðnaðarmannahúsinu í
Keflavík kl. 14. Á morgun fer
hann til Vestmannaeyja og teflir
þar fjöltefli við heimamenn kl.
14. Keppnisstaður verður auglýst-
ur nánar í götuauglýsingum þar í
bæ. Allir skákáhugamenn eru vel-
komnir.
GÖMUL hús og verndun þeirra
verða í sviðsljósinu um þessa
helgi. Þá efna Umhverfismála-
ráð Reykjavfkur, Samband fsl.
sveitarfélaga og Arkitektafélag
íslands, til ráðstefnu um hús-
friðun f samráði við Sögufélag-
ið, sem standa mun yfir f
hátfðasal Háskóla lslands
laugardag og sunnudag. Kjör-
orð ráðstefnunnar verður: „Að
fortfð skal hyggja.“ Og á sama
tfma opna nemendur f Mynd-
listar- og handfðaskólanum til
sýningar um Grjótaþorpið, og
hefur sýningunni verið komið
fyrir framan Bernhöftstorfuna.
Að sögn Hildar Hákonardótt-
ur, skólastjóra, þá er svokölluð
umhverfisteikning einn liður í
náminu við skólann, Kjartan
Guðjónsson leiðbeinir þessum
Verndun
gamalla
húsa á
dagskrá yfír
helgina:
Ljósmynd Ól.K.M.
Á BAK VIÐ ÞESSA HÖLL EH LÍTIÐ ÞORP — Eins og vaenta má
koma vistarverur Morgunblaðsins nokkuð við sögu á sýningu mynd-
listarnemanna, eins og sést á myndinni.
Húsfriðunarráðstefna og Gr jóta-
þorp til sýnis undir Bernhöftstorfu
bekk en í honum eru 18
nemendur. Ákveðið var að taka
þessa námsönn fyrir nú í
nóvember til að hægt væri að
fara út undir bert loft áður en
of kalt yrði í veðri, og einnig
var ákveðið að þessu sinni
skyldi verða tekið fyrir ákveðið
verkefni — Grjótaþorpið. Hins
vegar var ekkert áformað um
það fyrirfram hvernig tekið
skyldi á verkefninu, en
nemendurnir fóru og gerðu
„vettvangsrannsókn" svo að
leitað sé fanga í orðasafni lög-
reglufréttaritara —
nemendurnir skoðuðu sig sem
sagt um í Grjótaþorpinu,
reyndu að átta sig á því hvað
það væri í raun og veru, fengu
að fara inn í sögufræg hús eins
og fjalaköttinn, inn á búðarloft,
í bakgarða og reyndu að átta sig
dálítið á sögu þess.
Hildur sagði, að að þessu
loknu hefðu nemendurnir
ásamt Kjartani farið að hug-
leiða hvernig vinna mætti úr
þessu efni og niðurstaðan orðið
sú að þau hefðu ákveðið að
koma upp sýningu um Grjóta-
þorpið í hópvinnu. Sýningin
ætti að vera komin upp í dag og
tengjast þannig húsfriðunar-
ráðstefnunni sem þá stæði yfir
í Háskólanum.
Svo að vikið sé frekar að hús-
friðunarráðstefnunni verður
hún sett kl. 9.30 af Birgi ísleifi
Gunnarssyni, borgarstjóra. Þá
flytur dr. Kristján Eldjárn, for-
seti íslands, ávarp en að því
búnu flytur Vibeke Fischer
Thomsen, arkitekt, erindi um
endurnýjun gamalla borgar-
hluta og verndunarsjónarmið
og Birgir Thorlacius, ráðu-
neytisstjóri, fjallar um Hús-
friðunarárið 1975.
Að loknu hádegisverðarhléi
mun Þór Magnússon, þjóð-
minjavörður, fjalla um húsfrið-
un á íslandi og ýmis vandamál í
þvf sambandi, Björn Þorsteins-
son ræðir um skráningu húsa
og minja, Páll Lindal um lög-
gjöf um húsfriðun og Nanna
Hermannsson, forstöðumaður
Árbæjarsafns, um stefnur um
verndun gamalla bygginga.
Á morgun hefst ráðstefnan
kl. 10 með erindi Þorsteins
Gunnarssonar, arkitekts, um
gamlar byggingar í Reykjavik
og verndun þeirra, Jón Páll
Halldórsson, formaður stjórnar
byggðasafns Vestfjarða, fjallar
um gamla bæinn á ísafirði og
vanda sveitarstjórna i sam-
bandi við friðun húsa, Guðrún
Jónsdóttir, arkitekt, fjallar um
Bernhöftstorfuna og starfsemi
áhugamannasamtaka og Hjör-
leifur Stefánsson, arkitekt, um
byggingar sem lestrarefni.
Eftir hádegi mun Einar
Hedén, borgarminjavörður I
Stafangri, ræða um hagnýta
húsavernd, og Baldvin
Halldórsson, leikari, segir frá
reynslu sinni af endurnýjun
timburhúsa. Að því loknu verða
almennar umræður um efni
ráðstefnunnar.
Fjórir íþróttamenn heiðraðir
Hörður Sigmarsson, Jón Alfreðsson, Marteinn Geirsson og
Matthías Hallgrímsson hlutu verðlaun Morgunblaðsins
5K«4fT/!l
1 GÆR voru hin árlegu verðlaun
sem Morgunblaðið veitir íþrðtta-
mönnum afhent í kaffiboði sem
blaðið bauð til á Hðtel Loft-
leiðum. Að þessu sinni hlutu
fjðrir íþróttamenn viðurkenn-
ingu blaðsins: Hörður Sigmars-
son, handknattleiksmaður, og
knattspyrnumennirnir Jón
Alfreðsson, Marteinn Geirsson og
Matthías Hallgrímsson. Afhenti
Haraldur Sveinsson, fram-
kvæmdastjóri Morgunblaðsins,
þeim Herði, Jóni og Marteini
verðlaun sfn, en Gunnar Sigurðs-
son, formaður Knattspyrnuráðs
Iþróttabandalags Akraness, tók
við verðlaunum Matthíasar Hall-
grfmssonar, sem ekki gat verið
viðstaddur.
Steinar J. Lúðvíksson, íþrótta-
fréttamaður Morgunblaðsins,
gerði grein fyrir verðlaunum
blaðsins. Sagði hann að þetta væri
í fimmta sinn sem blaðið heiðraði
knattspyrnumenn og i fjórða sinn
sem handknattleiksverðlaun
væru veitt. Fyrirkomulag við
verðlaunaveitinguna væri þannig,
að íþróttafréttamenn blaðsins
gæfu öllum leikmönnum er tækju
þátt i 1. deildar keppni í hand-
knattleik og knattspyrnu einkunn
eða stig að loknum hverjum leik,
og þeir sem hefðu hæstu meðalút-
komu fyrir leiki sína væru af
blaðsins hálfu valdir „Leikmenn
Islandsmótsins". Einnig væru
þeir leikmenn sem skoruðu flest
mörk í 1. deildar keppninni,
markakóngar, heiðraðir. Sagði
Steinar, að einkunnagjöf blaða-
mannanna væri jafnan umdeild
og umdeilanleg, en hins vegar
gætu flestir verið sammála um að
þegar upp væri staðið að leikslok-
um væri niðurstaðan eðlileg og
sanngjörn og þeir íþróttamenn er
hlytu viðurkenningu blaðsins vel
að henni komnir.
Hörður Sigmarsson, Haukum,
hlaut flest stig í einkunnagjöf
Morgunblaðsins í íslandsmótinu í
handknattleik 1975, 44 í 14 leikj-
um eða 3.14 stig að meðaltali fyrir
leik. í öðru sæti varð Ólafur H.
Jónsson, Val, með 40 stig fyrir 13
leiki, eða 3,07 að meðaltali og f
þriðja sæti varð Sigurgeir
Sigurðsson, Víkingi, með 30 stig
fyrir 11 leiki, eða 2,72 að meðal-
tali fyrir leik. Hörður var því val-
inn „Leikmaður Islandsmótsins
1975“. Hann varð einnig marka-
kóngur í handknattleiknum,
skoraði 125 mörk, mun fleiri en
næsti maður sem var Björn
Pétursson, Gróttu, með 89 mörk.
I knattspyrnunni urðu þeir efst-
ir og jafnir Jón AJfreðsson frá
Akranesi og Marteinn Geirsson,
Fram, sem báðir hlutu 41 stig
fyrir 14 leiki, eða 2,92 stig að
meðaltali fyrir leik. I þriðja sæti
varð Einar Gunnarsson, Keflavík,
með 33 stig fyrir 12 leiki, eða 2,75
stig að meðaltali. Verður Jón
Alfreðsson þar með fyrsti knatt-
spyrnumaðurinn sem hlýtur verð-
laun blaðsins öðru sinni en hann
var verðlaunahafi í fyrsta sinn
sem blaðið veitti slíka viðurkenn-
ingu árið 1971.
Markakóngur f knattspyrnunni
varð Matthías Hallgrímsson frá
Akranesi sem skoraði 10 mörk, en
næstir honum voru Guðmundur
Þorbjörnsson, Val, Marteinn
Geirsson, Fram, og Örn Óskars-
son, ÍBV, sem allir skoruðu 8
mörk.
Er Haraldur Sveinsson hafði af-
hent fþróttamönnunum verðlaun
sín og árnað þeim heilla tóku til
máls Gunnar Sigurðsson, for-
maður Knattspyrnuráðs IA,
Alfreð Þorsteinsson, formaður
Fram, og Hafsteinn Geirsson, for-
maður handknattleiksdeildar
Hauka. Óskuðu þeir íþróttamönn-
unum til hamingju með verðlaun
sín og þökkuðu Morgunblaðinu
framtak það sem það sýndi með
verðlaunaveitingu þessari, sem
þeir sögðu að hefði örvandi áhrif
á íþróttirnar og sköpuðu aukinn
áhuga íþróttamannanna. I ávarpi
sínu gerði Hafsteinn Geirsson
þjálfaramál f handknattleik einn-
ig nokkuð að umtalsefni, og
verður nánar greint frá því í
blaðinu síðar, svo og birt viðtöl
við verðlaunahafana.