Morgunblaðið - 09.07.1982, Blaðsíða 11
MORGUNBLAÐIÐ, FÖSTUDAGUR 9. JÚLÍ1982
11
Kohl og aðrir samherjar hans í
andstöðunni álíta að næsta skref
sem einhverju skipti séu kosn-
ingarnar í Hessen í september.
Þeir leggja ekki aðaláhersluna á
að vinna kosningarnar og fella
stjórnina, þar sem þeir yrðu þá í
meirihlutaaðstöðu í sambands-
ráðinu og gætu sett jafnaðar-
mönnum og frjálsum demókröt-
um stólinn fyrir dyrnar, heldur
binda þeir vonir sínar við það að
frjálsir demókratar missi fót-
festuna og reyndi að losna úr
samstarfi við jafnaðarmenn.
Það er aðallega Kohl sem sér
ástandið með þessum augum,
enda ekki undarlegt ef höfð er í
huga sú aðstaða sem hann er í.
Hins vegar hafa verið á lofti efa-
semdir um forystuhæfileika hans
þó þær hafi farið hljótt og helst
heyrst meðal meðlima kristilegra
demókrata og Kristilega sósíal-
sambandsins á þinginu í Bonn.
Stefna hans mótast að nokkru af
aðgerðarleysi og þeirri tilhneig-
ingu að reyna að komast hjá
árekstrum, en fram hjá honum
yrði vart gengið varðandi forystu
stjórnarandstöðunnar.
Aðrir mögulegir keppinautar
um kanslaraembættið eins og
Bernhard Vogel, Richard von
Weizácker, Kurt Biedenkopf og
Lothar Spáth eru allir sammála
um að Kohl verði að fá annað
tækifæri, annað hvort á árinu
1982 eða 1984. Að því loknu er
síðan hægt að stokka spilin.
Eftir því sem tíminn líður er
hætta á vaxandi óánægju innan
flokksins og athyglin beinist að
þeim mamii sem gaf loforðin um
breytingarnar og er ætlast til að
hann fylgi þeim eftir.
Þó ekki væri nema vegna þess-
ara væntinga einna saman, var
það frábær hugmynd hjá Kohl að
efna til hópgöngu til að fagna
komu Reagans Bandaríkjaforseta
rétt fyrir heimsókn hans til
Bonn.
Hópgangan 5. júní færði
flokknum byr undir báða vængi
hvað varðar hugmyndir um sam-
einingu og framkvæmdasemi.
Þetta kom berlega í ljós í mikilli
þátttöku í göngunni, en þar voru
um 100.000 manns saman komin.
í fyrsta skipti síðan á dögum
Adenauers geta hægri menn nú
fagnað því að engar innanflokks-
erjur hindra för þeirra til valda.
Þetta er ástæðan fyrir því að for-
sætisráðherrann í Neðra-Sax-
landi, Ernst Albrecht, gaf út þá
yfirlýsingu að hann væri til í
mótframboð gegn Kohl, sem hef-
ur vakið mikla úlfuð meðal
flokksfélaga hans. Jafnvel
Strauss hefur sagt að Kohl verði
ekki einungis í framboði í hugs-
anlegum kosningum í ár heldur
einnig árið 1984.
Kristilegi demókrataflokkur-
inn vill ekki neina umræðu um
frambjóðendur, hann vill vel-
gengni.
(Heimild: The («erman Tribune)
íslandsmót í svif-
flugi á Helluflugvelli
FLUGMÁLAFÉLAG íslands gengst
fyrir íslandsmóti í svifflugi, sem
hefst á Helluflugvelli, laugardaginn
10. júlí, og mun standa til sunnu-
dagsins 18. júlí.
Eftirfarandi 8 keppendur og
svifflugur hafa verið skráðar til
keppninnar: Garðar Gíslason
(LS3-17), Hörður Hjálmarsson
(K-8B), Höskuldur Frímannsson
(K-8B), Leifur Magnússon (Ka-
6E), Sigmundur Andrésson
(Standard Astir), Sverrir Thor-
láksson (Spteed Astir), Þorgeir
Árnason (GB-12/16) og Þórmund-
ur Sigurbjarnarson (Ka-6CR).
Auk keppenda eru í hverju keppn-
isliði einn til þrír aðstoðarmenn.
Fjórar sviffluganna eru í eigu
Svifflugfélags íslands. Þær eru af
eldri gerð, smíðaðar úr tré og hafa
„rennigildi 25—30", þ.e. þær lækka
flugið um 1 metra fyrir hverja
25—30 metra sem þær svífa. Hin-
ar svifflugurnar eru í einkaeign,
þ.a. þrjár þeirra smíðaðar úr
trefjaplasti og hafa verulega betra
rennigildi, eða 35—44. Til að stuðla
að jafnari keppnisaðstöðu er not-
uð forgjöf þegar reiknuð eru út
stig í keppninni.
Flugvélar draga svifflugurnar á
loft í 600 m flughæð þar sem
svifflugan sleppir dráttartaug-
inni, og reynir síðan keppandinn
að fljúga þá keppnisleið, sem
mótsstjórn hefur tilkynnt fyrir
þann dag. Svifflugurnar haldast
einkum á lofti með því að nýta sér
hitauppstreymi, en til þess að það
myndist þarf yfirleitt að vera sól-
skin. Keppt er í hraðaflugi á þrí-
hyrningsleiðum, eða á leiðum að
og frá tilteknum stöðum. Kepp-
endur þurfa að sanna flug sitt um
þessa staði með því að ljósmynda
þá úr lofti.
Meðan á mótinu stendur verður
einnig til afnota á Helluflugvelli
tveggja sæta kennslusviffluga, svo
og mótorsviffluga, sem hefur flug
undir eigin vélarafli.
Mótsstjóri verður dr. Þorgeir
Pálsson, en veðurfræðingur mót-
sins verður Guðmundur Hafsteins-
son. Flugmenn dráttarflugvéla
verða þeir Árni Guðmundsson
(Múlakoti), Gunnar Arthursson og
Þorsteinn Jónsson.
Dregið í happdrætti
„Hjólbarðadagsins"
ÞANN 6. júlí sl. var dregið I happ-
drætti „Hjólbardadagsins", sem
efnt var til í tilefni af hjólbaröadeg-
inum, em haldinn var 2. júní sl.
Hjólbarðadagurinn var sem
kunnugt er haldinn af Bílgreina-
sambandinu í samráði við
Dómsmálaráðuneytið, Bifreiðaeft-
irlitið, Umferðaráð, FÍB og lög-
regluna.
Eftirtalin vinningsnúmer voru
dregin út hjá Borgarfógetaemb-
ættinu:
1) 4043, vinningur frá Bílaborg
hf.: Hjólbarðar undir fólksbifreið.
2) 1430, vinningur frá Jöfur hf.:
Hjólbarðar undir fólksbifreið. 3)
30, vinningur frá SÍS, véladeild:
Hjólbarðar undir fólksbifreið. 4)
4423, vinningur frá Heklu hf.:
Hjólbarðar undir fólksbifreið. 5)
484, Vinningur frá ísdekk hf.:
Hjólbarðar undir fólksbifreið.
Arnar Arnarson dregur vinninga I
happdrættinu I umsjón Þorkels
Gíslasonar, borgarfógeta.
Vinningshafar geta haft sam-
band við skrifstofu Bílgreinasam-
bandsins, Tjarnargötu 14.
Safnaðarferð Nessóknar
NÆSTKOMANDI sunnudag þann
11. júlí verður efnt til árlegrar safn-
aðarferðar Nessóknar. Lagt verður
af stað frá kirkjunni kl. 9 stundvís-
lega. Ekið um Mosfellsdal á Þing-
veíli. Þá verður haldið, sem leið ligg-
ur um Bolabás og Bolaklif, norður
með Ármannsfelli að Meyjarsæti,
þar sem ætlunin er að finna góðan
stað til þess að menn geti borðað
nestið sitt, áður en haldið verður yfir
Kaldadal um Húsafell, Reykholtsdal
í Borgarfirði.
I Borgarfirði eru margir sögu-
frægir ' staðir, þeirra á meðal
Reykholt, þar sem er að finna
merkar minjar frá veru Snorra
Sturlusonar þar, s.s. Snorralaug
og jarðgöngin sem fundust fyrir
nokkrum árum, þegar verið var að
grafa fyrir skólanum. í Reykholti
verður helgistund hjá sóknar-
prestinum sr. Geir Waage. Þá
gefst mönnum kostur á að kaupa
sér kaffiveitingar á sumarhótelinu
eða ljúka við nestið sitt. Heim
verður svo haldið um Borgarnes
yfir Geldingardragann og fyrir
Hvalfjörð. Borgfirðingurinn Guð-
mundur Illugason hefur tekið að
sér að gerast leiðsögumaður.
Þátttaka tilkynnist kirkjuverði
kl. 17—18 í síma 16783, sem veitir
allar nánari upplýsingar.
Frank M. Halldórsson.
Philips bílaútvörp hafa haft ofan af fyrirfjölmörgum íslenskum
ökumönnum og farþegum áratugum saman enda eru þau
annáluð fyrir góðan hljóm og frábæra endingu. Við bjóðum nú
meira úrval Philips bíltækja en nokkru sinni fyrr. Allt frá
einföldustu útvörpum til fullkomnustu
sambyggðra steríótækja.
Ef þú tengir svo Philips tækin við hina frábæru Bose magnara og
hátalara færðu hljóm, sem þú átt ekki von á nema úr dýrustu
stofutækjum eða bestu hljómleikahöll. Það er svo sannarlega
hreinn tónn.
Líttu við hjá okkur, ísetningarþjónustan er á staðnum.
IPHILIPS -BOSÉE~
Philips og Bose, - tveir stórir sem standa sig!
heimilistæki hf.
HAFNARSTRÆTI 3 - 20455 - SÆTÚNI 8 -15655