Morgunblaðið - 09.07.1982, Blaðsíða 15
MORGUNBLAÐIÐ, FÖSTUDAGUR 9. JULÍ1982
15
ítalir áfram
Paolo Rossi, lengst til vinstri, skorar hér annað mark sitt og Ítalíu í leiknum gegn Póllandi í g*r. ítalir sigrudu
í leiknum með tveimur mörkum gegn engu og komast þeir þar með í úrslitaleikinn á sunnudaginn. Rossi hefur
heldur betur tekið við sér í síðustu tveimur leikjum, hann skoraði þrjú mörk gegn Brasilíu og nú tvö gegn
Póllandi. Er hann nú dýrkaður í heimalandi sínu, en hann er nýbyrjaður að leika á ný eftir að hafa verið i
leikbanni í tvö ár, eftir aðild að mútuhneykslinu fræga á Ítalíu. Hann var að vísu sýknaður fyrir dómstóli, en
knattspyrnusambandið dæmdi hann engu að síður i tveggja ára bann.
Niðurstöður rannsóknar:
Líkur á að trefjarík fæða
lækki kólesteról í blóði
Hosfon, 8. júlí. Al'.
TREFJARÍK fæda getur
hjálpað fólki í baráttunni við
kólesteról, en til þess má
rekja flesta hjartasjúkdóma,
segir í nýútkominni skýrslu.
Trefjarík fæða fer hraðar í
gegnum meltinguna og aðstand-
endur tilraunarinnar segja að um
leið minnki greinilega kólesteról-
ið, sem líkaminn vinni úr fæðunni.
Rannsókn þessi, sem fór fram á
Ítalíu, var gerð með lyfjum sem
hröðuðu meltingunni, en þeir sem
að henni stóðu segja að með aukn-
um trefjum, megi ná fram alveg
samskonar áhrifum við það, að
draga úr kólesterólnámi líkamans.
Hins vegar er enn órannsakað í
hversu miklum mæli hægt er að
hindra kólesterólnám líkamans
með mataræði einu saman. Hluti
kólesteróls kemur inn í líkamann
með fæðunni, en lifrin framleiðir
stærstan hluta þess.
Kólesteról er fita sem hleðst
innan á æðaveggina. Þetta veldur
því að streymi blóðsins verður
hægara og þegar fitan fer að
hindra blóðið í að ná til hjartans
getur afleiðingin verið hjartaslag.
Þessi nýjasta rannsókn var gerð
af Maurizio Ponz de Leon lækni
við í Modena háskólann á Ítalíu og
niðurstöður hennar voru birtar í
læknaritinu New England Journal
of Medicine sem birtist í dag. í
henni tóku þátt 33 manns og var
þeim gefið lyfið Metoclopramide
til að flýta fyrir meltingunni, en
með því móti tókst að minnka kól-
esterólnám líkamans um 30 til 50
prósent.
Bretland:
Verkföll
lama enn
samgöngur
l.ondon. 8. júlí. Al*.
VÉLAMENN í lestum sem eru í
verkfalli, ítrekuðu í dag, að hinar
bresku ríkisreknu járnbrautir, geti
ekki stöðvað verkfall þeirra, þrátt
fyrir að um 750 þeirra hafi snúið
aftur til starfa, án þess að verkfalli
hafi verið aflétt.
Talsmenn bresku járnbraut-
anna tilkynntu í dag, að þær
myndu halda uppi áframhaldandi
samgöngum með hjálp þeirra
manna, sem þegar hafa hafið
störf, í þeirri von að fleiri fylgdu
fordæmi þeirra.
Verkalýðsleiðtoginn Ray Buckt-
on sagðist í dag vera snortinn,
vegna samstöðu hinna 25.000 fé-
lagsmanna sinna og tók fram:
„Þeir munu ekki verða brotnir á
bak aftur."
Talsmaður járnbrautanna sagði
í dag, að þeim hefði tekist að
halda uppi 10 prósentum þeirrar
farþegaþjónustu sem daglega er
boðið upp á, en tap þeirra er 8,5
milljón punda á dag.
Verkfallið hófst á sunnudag, og
enn hefur ekkert skref verið stigið
í átt til samkomulags og stjórn
járnbrautanna segist ekki hefja
samningaviðræður, fyrr en verk-
fallinu hafi verið aflétt.
Bera
búskussar
ábyrgð á
fæðuskorti?
(ienf, 8. júli. Al'.
FULLTRÚI Bandaríkjanna á
fundi Efnahags- og félagsmála-
ráðs Sameinuðu þjóðanna sagði í
dag að Sovétríkin bæru mikinn
hluta ábyrgðarinnar á fæðuskort-
inum í heiminum, en þörf Sov-
étmanna fvrir kornkaup erlendis
yrði rakin beint til þess að efna-
hagskerfið í Sovétríkjunum skil-
aði ekki árangri.
Að því er fram kom í máli
bandaríska fulltrúans hafa
40% þess korns sem bætzt hef-
ur við á heimsmarkaði farið til
Sovétríkjanna.
Aður en kommúnistar tóku
völd í Rússlandi var korn flutt
út þaðan í ríkum mæli, enda
var Rússland þá oft nefnt
„kornskemma Evrópu".
Undanfarin ár hefur oftast
orðið uppskerubrestur í Sov-
étríkjunum og í dag barst sú
fregn þaðan að í ár yrði korn-
uppskerubrestur fjórða árið í
röð, og væri óhagstæðu tíðar-
fari um að kenna.
Bani-Sadr slapp
yið mordtilrædi
Parí.s, 8. júlí. AP.
ÍRANI, sem handtckinn, var á Orly-flugvelli í París á miö-
vikudagskvöld meö hálft annaö kíló af sprengiefni í fórum
sínum, segist hafa ætlað aö nota þaö viö banatilræði við
Bani-Sadr, fyrrum Iransforseta, sem nú er í útlegð í Frakk-
landi. þessar upplýsingar eru hafðar eftir frönsku lögreglunni
en talsmenn Bani-Sadr vildu hins vegar ekkert um málið
segja.
Iraninn var handtekinn við
tollskoðun á Orly-flugvelli en
þangað kom hann frá Teheran
með viðkomu í Istanbul og
Frankfurt. Sprengiefnið hafði
hann falið á töskubotni og sett
annan falskan botn yfir.
Bani-Sadr hefur dvalið í Frakk-
landi síðan hann flýði frá íran 29.
júlí á síðasta ári ásamt Massoud
Rajavi, leiðtoga Mujahedeen-
skæruliða.
Falklandseyjar:
Lík argentínskra hermanna
liggja eins og hráviði um allt
Port Stanley, Kalklandseyjum, 8. júlí. AP.
IH)TT rúmar þrjár vikur séu liónar frá lokum átakanna á Falklandseyjum
liggja enn lik argentínskra hermanna eins og hráviði á hæóunum í kringum
Port Stanley. Bretar segja ástæóuna vera þá, aö Argentínumenn hafi grafió
ótölulegan grúa af jarðsprengjum á þessum svæóum áður en þeir flýðu og
ekki hirt um að kortleggja þær.
Auk jarðsprengjanna skildu
argentínsku hermennirnir eftir
sig reiðinnar ósköp af vopnum og
skotfærum, sem mikil hætta staf-
ar af, og fjöldann allan af sprengju-
gildrum. Brian Lloyd, kapteinn í
verkfræðisveitum hersins, sagðist
t.d. hafa fundið eina slíka spennta
handsprengju, undir gólffjölunum
í barnaskólanum í Port Stanley.
„Ef krakki hefði hoppað á gólfinu,
hefði sprengjan sprungið," sagði
hann.
Sprengjugildrur fundust einnig
í ullarböllum í vörugeymslum, í
móhraukunum, sem eyjarskeggjar
nota til eldiviðar, á veðhlaupa-
brautinni, í skurðum, vopna-
geymslum og ökrum og engjum
umhverfis bæinn. Þrír breskir
hermenn hafa misst fæturna
vegna þessa og einn argentínskur
hermaður, sem vann ásamt 35
löndum sinum við að hreinsa upp
jarðsprengjur og sprengjugildrur.
Bretar telja, að ár eða meira muni
líða áður en fólk geti farið frjálst
ferða sinna umhverfis Port Stan-
ley og að jafnvel þá geti það alltaf
átt von á að stíga á ófundna
sprengju.
Það, sem veldur mestum erfið-
leikum við sprengjuleitina, er að
þær eru úr plasti og koma því ekki
fram á venjulegum málmleitar-
tækjum. Þess vegna verða her-
mennirnir að skríða á fjórum fót-
um eftir jörðinni og leita sprengj-
anna með löngum málmstöngum,
sem þeir stinga í jörðina. Er það
mjög seinlegt og ekki síður hættu-
legt eins og að líkum lætur.
ISLANDS
Lestun í erlendum
höfnum
AMERÍKA
PORTSMOUTH
Mare Garant 12. júli
Fjallfoss 26. julí
Mare Garant 3. agust
NEW YORK
Junior Lotte 2. júli
Mare Garant 14. júli
Fjallfoss 28. júli
Mare Garant 4. águst
HALIFAX
Mare Garant 19. júli
Hofsjökull 5. ágúst
BRETLAND/
MEGINLAND
ROTTERDAM
Alafoss
Eyrarfoss
Álafoss
Eyrarfoss
ANTWERPEN
Alafoss
Eyrarfoss
Alafoss
Eyrarfoss
FELIXSTOWE
Alafoss
Eyrarfoss
Alafoss
Eyrarfoss
HAMBORG
Alafoss
Eyrarfoss
Alafoss
Eyrarfoss
WESTON POINT
Helgey 7. juli
Helgey 20. júli
NORÐURLÖND/
EYSTRASALT
BERGEN
Manafoss 19. júli
Mánafoss 2. ágúst
KRISTIANSAND
Lagarfoss 21. júli
Lagarfoss 4. ágúst
MOSS
Dettifoss 13. júli
Lagarfoss 20. júlí
Dettifoss 27. júli
Laxfoss 3. ágúst
GAUTABORG
Dettifoss 14. júli
Mánafoss 21. júli
Dettifoss 28. júli
Mánafoss 4. ágúst
KAUPMANNAHÖFN
Dettifoss 15. júli
Mánafoss 22. júlí
Dettifoss 29. júli
Mánafoss 5. águst
HELSINGBORG
Dettifoss 16. júli
Mánafoss 23. júli
Dettifoss 30. júli
Mánafoss 6. ágúst
HELSINKI
Lagarfoss 14. júli
Laxfoss 28. júli
GOYNIA
Lagarfoss 16. júli
Laxfoss 30. júli
HORSENS
Lagarfoss 19. júli
Laxfoss 2. ágúst
THORSHAVN
Dettifoss 22. júli
12. júli
19. júli
26. júli
2. ágúst
13. júli
20. júli
27. júli
3. ágúst
14. júli
21. júli
28. júli
4. ágúst
15. águst
22. júli
29. júli
5. ágúst
VIKULEGAR
STRANDSIGLINGAR
- framog til baka
frá REYKJAVIK alla mánudaga
frá ISAFIRDI alla þrtöjudaga
frá AKUREYRI alla fimmtudaga
EIMSKIP
SfefH 27100