Morgunblaðið - 09.07.1982, Blaðsíða 16
16
MORGUNBLAÐIÐ, FÖSTUDAGUR 9. JÚLÍ1982
flliregpisitliffifrUÞ
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Arvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aóalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, simi 83033. Áskrift-
argjald 120 kr. á mónuöi innanlands. i lausasölu 8 kr. eintakiö.
Sjálfsögð
persónuvernd
Klemens Tryggvason, hagstofustjóri, gerir glögga grein
fyrir reglum Hagstofu íslands um notkun þjóðskrár
hér í blaðinu' í gær. Hagstofustjóri drepur sérstaklega á
notkun skrárinnar til dreifingar á happdrættismiðum í
fjáröflunarskyni. Hann segir réttilega, að slík notkun sé
umdeilanlegt mál, og það eins þótt einvörðungu viður-
kenndar velferðarstofnanir njóti þessarar þjónustu. Nú
njóta Krabbameinsfélagið, Geðverndarfélag Islands,
Hjartavernd og Styrktarfélag vangefinna fyrirgreiðslu
þjóðskrár við fjáröflun og auk þess hefur Styrktarfélag
lamaðra og fatlaðra aðgang að símnotendaskrá í fjáröflun-
arskyni. Fimm aðilar njóta sem sé þessarar þjónustu og
höfðu þeir allir fengið aðgang að henni fyrir 1975. Á árinu
1975, í ráðherratíð Geirs Hallgrímssonar, mótaði Hagstof-
an þá reglu, að gætt yrði hófs í sambandi við útskrift nafna
og heimilisfanga til dreifingar á happdrættismiðum. í
samræmi við það hefur á undanförnum 6 árum enginn nýr
aðili bæst í hóp þeirra fimm félaga sem áður eru talin.
Ekki fer á milli mála að sú regla Hagstofu Islands sem
hér hefur verið lýst er rétt. Mönnum er skylt að gefa
opinberum aðilum nauðsynlegar upplýsingar til að þjóð-
skráin sé í eðlilegu horfi miðað við venjuleg og takmörkuð
not opinberra aðila. Almenningur á ekki að þurfa að sæta
því, að þessar upplýsingar séu notaðar til að íþyngja hon-
um. Hér er alls ekki verið að leggja til, að afnuminn verði
réttur þeirra fimm félaga sem að ofan eru talin til að
hagnýta sér þjóðskrána og opinberar tölvuskrár aðrar með
þeim hætti sem þegar hefur verið heimilað. Öll sinna þessi
félög óumdeildum velferðarmálum, er snerta hagsmuni
allra landsmanna og þar með allra sem eiga nafn sitt í
þjóðskránni. Hitt er ljóst, að ekki er ástæða til að ganga
nær almenningi með þessum hætti en þegar hefur verið
gert og það yrði til að spilla fyrir þessu formi fjáröflunar
.ef aðgangur að þjóðskránni til þessara nota væri öllum
opinn. Af því mundu leiða minni tekjur og þar með sam-
dráttur nema tekjutap yrði bætt til dæmis með almennri
skattheimtu.
Lengi hefur verið til umræðu hér á landi að setja lög um
tölvuunnar upplýsingar og persónuvernd. Sjálfsagt er, að
löggjafinn fjalli um rétt einstaklingsins í þessu efni og
verndi hann eins og frekast er kostur. I því efni verður hið
sama að gilda um opinbera aðila og einkaaðila. Hagstofa
íslands hefur þó mótað sér skynsamlegar reglur um notk-
un þeirra upplýsinga sem hún ræður yfir án lagafyrir-
mæla. í þessu máli skipta fyrirmæli að ofan ekki mestu
heldur skynsamleg varkárni þeirra sem trúað er fyrir við-
kvæmum upplýsingum — hin sjálfsagða persónuvernd
verður ávallt best tryggð með eðlilegri virðingu fyrir rétti
einstaklingsins.
Ríkisútvarpið og
framsókn
Amiðstjórnarfundi framsóknarmanna í mars síðastliðn-
um sömdu þeir Þórarinn Þórarinsson, ritstjóri Tím-
ans, og Helgi H. Jónsson, fréttamaður á útvarpinu, ályktun
um utanríkismál, sem Ólafur Jóhannesson sagði að væri
„hugsunarlaus". Eftir að Þórarinn Þórarinsson hafði glutr-
að niður málstað framsóknarmanna vegna samningsins
um efnahagssamvinnu við Sovétríkin, reyndi Helgi H.
Jónsson að bæta um betur í fréttatíma útvarpsins í hádeg-
inu á miðvikudag, þegar hann ræddi við Ólaf G. Einarsson
á framsóknarforsendum. Og á miðvikudagskvöldið reyndi
annar framsóknarmaður hjá Ríkisútvarpinu enn að bæta
hlut flokks síns með framsóknarspurningum til Geirs
Hallgrímssonar. í báðum tilvikum mistókst aðför fram-
sóknarmannanna. Hins vegar er óþarft, að þeim líðist að
lækka þannig risið á Ríkisútvarpinu, þótt flokkur þeirra
standi höllum fæti.
80 hross til sölu —
fjórir verðflokkar
10 til 30 þúsund kr.
Varmahlíð 8. júlí frá blaðamanni
Mbl. Hildi Kinarsdóttur.
ALDREI hefur annað eins úrval hesta
verið samankomið á einum stað, að
því er Sveinn Guðmundsson, formað-
ur framkvæmdanefndar landsmótsins
að Vindheimamelum, tjáði okkur.
I*egar eru komnir á annað þúsund
hestar á Vindheimamela og búast má
við meiri fjölda eftir því sem líða tek-
ur á mótið, en það hófst sl. þriðjudag,
og lýkur nk. sunnudag. Mannfjöldinn
er lika orðinn nokkur, en þegar er
komnið á þriðja þúsund manns, en
aðstaða er á mótssvæðinu fyrir um
1520 manns. Hér starfar fjöldinn allur
af fólki eða milli 800—900 manns við
hin ýmsu þjónustustörf við gesti mót-
sins, knapar sem taka þátt í landsmót-
inu eru 300—400 hundruð. Og er því
hér um eitt hið stærsta mót sinnar
tegundar, að ræða.
Veðrið hefur verið afar hagstætt
fyrir þá keppni, sem hér fer fram,
það hefur verið hlýtt, en gengið
öðru hverju á með smá skúrum, en
sólin gægst fram, þess á milli. Eru
brautirnar því mjúkar og ryklausar
og aðstæður eins og best verður á
kosið. Að því er Björn Sigurðsson
löggæslumaður tjáði okkur, hefur
allt gengið áfallalaust á svæðinu, og
í nágrenni þess og kvað hann
stemmninguna góða og í anda
hestamanna, sagðist hann ekki bú-
ast við neinni bindindishátíð en séð
yrði um að vín yrði ekki til vand-
ræða. Úr öllum landshornum
streyma nú hestamenn á landsmót-
ið á Vindheimamelum, bæði ríðandi
og akandi. Þeir sem lengst eru að
komnir eru 21 Vestfirðingur, menn
og konur með 68 hross. Þau hafa
farið um 600 km leið á hestum sín-
um og hefur förin tekið þau 9 daga.
Fólkið er frá Bolungarvík, ísafirði,
Súgandafirði og einhverjir bættust í
hópinn í Gilsfirði. Gekk ferðin afar
vel hjá fólkinu sem kom á móts-
svæðið í gær. Sagðist það hafa farið
stuttar dagleiðir, því ekkert lá á,
auk þess sem leita þurfti góðra haga
á hverjum gististað. Flest fólkið
svaf á Edduhótelum, að auki var í
förinni rúta þar sem það gat hvílt
sig. Tvenn hjón frá Bolungarvík,
höfðu þó innréttað gamlan mjólk-
urbíl, þar sem þau höfðu svefn- og
eldunaraðstöðu og meira að segja
ísskáp í bílnum. Sagði ferðafólkið að
veðrið hefði verið milt og hlýtt á
leiðinni, en öðru hvoru hefði rignt
svolítið.
Bændur í ýmsum þeim sveitum,
sem Vestfirðingarnir fóru um, riðu
með ferðafólkinu eitthvað á leið og
vísuðu því veginn ef þess þurfti
með. Töluverður áhugi virðist vera
fyrir þeim 80 hrossum sem eru til
sölu á landsmótinu á Vindheima-
melum. Er hér um að ræða hross,
sem eru innan við 9 vetra og eru
þetta góðir reiðhestar, að því er
Arni Magnússon frá Akureyri tjáði
okkur, en hann ásamt Hreini Jó-
hannssyni, Varmalæk, og Birni
Sveinbjörnssyni, Hafsteinsstöðum,
sjá um sölu og sýningu á hrossunum
fyrir hönd mótsstjórnarinnar. Hest-
arnir eru hvaðanæva að af landinu,
og hefur þeim verið skipt niður í 4
verðflokka, og er verðið frá 10 þús-
und og upp í 30 þúsund kr. og ef til
vill verða einhverjir þeirra seldir
eitthvað dýrara.
Evrópumótió á Landsmóti hestamanna:
Reynir og Sigurbjörn ke|
UM SJÖLEYTIÐ í kvöld,
drógu keppendur í Evrópumót-
inu svokallaða, um hesta til að
keppa á. Fengu keppendur
hestana afhenta klukkustund
áður en keppnin hófst. Fyrir
íslands hönd keppa, Reynir
Aöalsteinsson og Sigurbjörn
Bárðarson, en alls eru kepp-
endur frá níu löndum.
Fyrir hönd Austurríkis keppa
Jóhannes Hyos og Beadinac
Matschy, fyrir Danmörku keppa
Sven Sivertsen og Ofe Larsen,
fyrir Noreg keppa Unn Hroghen
og Bent Skugeholm, hollensku
keppendurnir eru Marjolein Diep-
en og Sandra Nieuwenijk, frá
Sviss eru Marietta Maissen og
Johnny Zigerlig, frá Svíþjóð
Lindgren og Mech, fyrir Frakk-
lands hönd Penny Prautmann og
Anton Crivello og frá Þýskalandi