Morgunblaðið - 09.07.1982, Blaðsíða 21

MORGUNBLAÐIÐ, FÖSTUDAGUR 9. JÚLÍ1982 2 1
Aldís Jónsdóttir
- Minningarorð
F»dd 2. janúar 1913
Dáin 3. júlí 1982
Haustið 1974 hófu fjórtán
manns nám við tónmenntakenn-
aradeild Tónlistarskólans í
Reykjavík. Hópurinn virtist við
fyrstu sýn nokkuð sundurleitur
enda voru í honum einstaklingar á
ýmsum aldri, eða frá sautján ára
og fast að fimmtugu. En sameig-
inleg áhugamál og markmið
hristu bekkinn fljótlega saman og
í hönd fóru þrjú af eftirminni-
legustu árum ævi okkar. Þar fóru
saman gaman og alvara, mikil
vinna hvers og eins en jafnframt
náin samvinna og félagsskapur
okkar í milli. Endrum og eins urðu
svo óvæntar uppákomur sem að-
eins tilheyra skólaárunum og
gleymast seint þótt skólabækurn-
ar rykfalli uppi í hillum.
Elsta konan { hópnum, Aldís
Jónsdóttir, var komin á þann ald-
ur að geta verið móðir margra
bekkjarsystkina sinna. Ætla
mætti að sá aldursmunur fjar-
lægði hana frá þeim yngstu og
fyrirferðarmestu í bekknum en
svo varð þó ekki. Aldís tók fullan
þátt í starfi okkar og leik og lét
aldrei neinn bilbug á sér finna. Þó
hefur námið ekki verið henni
neinn dans á rósum. Hún þurfti að
sinna sínu heimili eftir sem áður
og þegar litið er til baka, áttar
maður sig fyrst á dugnaði hennar
og áræði. Húsmóðir á fimmtugs-
aldri, sem tekur þá ákvörðun ein
og óstudd að hefja erfitt skóla-
nám, hlýtur að hafa til að bera
mikið hugrekki og sterkan vilja.
Hvort tveggja hafði Aldís í ríkum
mæli. Oft hafði hún vindinn í
fangið þessi skólaár sín en þraut-
seigja og viljastyrkurinn báru
hana áfram þar sem margir hefðu
gugnað í hennar sporum. Þórður
Gíslason, eiginmaður hennar,
veiktist alvarlega á meðan á nám-
inu stóð en hún lauk því eigi að
síður á tilsettum tíma. Árið 1980
lést Þórður, sem þá hafði tekið við
starfi sveitarstjóra suður í Garði.
Aldís var þá orðin tónlistarkenn-
ari í Garðinum og gegndi því
starfi þangað til í vor. Missi eig-
inmannsins og erfiðum sjúkdómi
sínum mætti hún með sama vilja-
styrknum og fyrr.
Nú eru uppi þeir tímar þegar
konur hasla sér völl þar sem karl-
ar einir réðu ríkjum áður. Þær
konur hljóta verðskuldaða athygli.
Aðrar konu vinna afrek sín í kyrr-
þey. Aldís Jónsdóttir var ein
þeirra og gleymist ekki þeim sem
urðu henni samferða á lífsleiðinni.
Blessuð sé minning hennar.
Bekkjarsystkini úr Tónlist-
arskólanum í Reykjavík.
Nú hefur kvatt okkur elskuleg
vinkona, hún Dísa, aðeins 52 ára
gömul, og hugurinn reikar með
þakklæti til baka til alls þess sem
hún hefur gefið okkur á langri
vináttubraut.
Mikil reisn var yfir þeim hjón-
um Dodda og Dísu, en hann
kvaddi okkur hinsta sinni haustið
1980 í fullu starfi, en þau hjónin
og vinirnir höfðu þá vitað að hans
dagar gátu orðið allir, fyrirvara-
lítið. Enginn vissi þá að Dísa var
orðin veik fyrr en sjúkdómurinn
blossaði skyndilega upp. Við bár-
um þá von í brjósti að hún kæmist
yfir þann hjalla, og svo virtist
vera um tíma. En fljótlega varð
ljóst að svo myndi tæplega verða
og gerði hún sér grein fyrir að
hverju stefndi, hélt í vonina, en
var þó viðbúin hvenær sem kallið
kæmi.
Síðastliðin ár veitti hún for-
stöðu Tónlitarskólanum í Garðin-
um, þar sem maður hennar hafði
verið sveitarstjóri. Við vinir henn-
ar vissum að skólinn, nemendur
hans og kennarar og allt það fólk,
sem skólanum tengdist var henni
mjög hjartfólgið og reyndist henni
sérstaklega vel, og einkanlega
voru henni kær presthjónin á Ut-
skálum, sem tóku henni opnum
örmum. Hún náði aðeins að slíta
skólanum núna í vor, en varð svo
að leggjast beint inn á spítala, og
átti ekki afturkvæmt þaðan. Hún
lét þau orð falla í okkar hóp, að
hún ætlaði að taka eiginmann
sinn sér til fyrirmyndar og standa
og starfa svo lengi sem stætt væri.
Við vinir hennar minnumst með
hlýhug ferðalaga og sameiginlegra
stunda með þeim hjónum og
einkasyni þeirra, Gísla Jóni,
stunda sem gott er að eiga í sjóði
minninganna.
Hún kallaði ættingja sína og
vini að sjúkrabeði sínu laugardag-
inn 3. júlí og þar kvöddum við
hana eitt af öðru. Hún ætlaði sér
ekki að hverfa héðan fyrr en hún
hefði kvatt sem flesta og frá henni
streymdi hlýja og styrkur, en síð-
an þvarr lífsneistinn.
Mynd hennar í huga okkar, vin-
átta hennar, vonir hennar og
viljastyrkur og æðruleysi er hún
vissi að hverju stefndi marka djúp
spor í hjörtu okkar er við kveðjum
hana hinsta sinni. Blessuð sé
minning hennar.
Vinahópurinn
Laugardagskvöldið 3. júlí lést í
Landspítalanum mágkona okkar
og kær vinur, Aldís Jónsdóttir, að-
eins 52 ára. Það er ætíð svo þegar
dauðinn ber að dyrum,hann kem-
ur að okkur sem eftir stöndum
óviðbúnum, þótt í þessu tilviki
kæmi hann ekki án fyrirvara. Dísa
kenndi þess sjúkdóms fyrir rétt
tæpum tveimur árum, er nú hefur
lagt hana að velli langt um aldur
fram. Dísa bar veikindi sín með
einstakri hetjulund og æðruleysi,
þótt ljóst væri að hverju stefndi.
Dísa var á margan hátt merk
kona og hafði ýmsa hæfileika og
sérstaklega var hún næm á tónlist
og aflaði sér menntunar í þeirri
grein. Áhugamálin voru fjölmörg,
þá einkum ferðalög, útivist og
gönguferðir, sem hún hafði sér-
stakt yndi af og naut í ríkum
mæli. Hafði hún ávallt frá mörgu
að segja, af því sem fyrir augu bar
í slíkum ferðum. Við kynntumst
Dísu þegar hún gekk að eiga bróð-
ur okkar, Þórð Gíslason, hagfræð-
ingarráðunaut, síðar sveitarstjóra
á Flateyri og í Garði. Hún bjó
bróður okkar og einkasyni þeirra
hlýlegt og fallegt heimili. Það var
ávallt tilhlökkunarefni að sækja
þau Dodda og Dísu heim, og minn-
umst við með þakklæti allra
ánægjustundanna sem við áttum
öll saman. Já, þá var oft glatt á
hjalla.
Skyndilega brá bliku á loft, þeg-
ar Doddi féll snögglega frá fyrir
tæpum tveimur árum. Var það
mikið áfall og þó einkum fyrir
Dísu og son þeirra, Gísla Jón. Dísa
hafði mikla ánægju af að veita
öðrum. Það sýndi hún á laugar-
daginn var, þegar hún kallaði vini
sína og vandamenn til sín á spítal-
ann. Hún hafði fengið pakka frá
Austurríki með ýmsu góðgæti í, og
vildi láta aðra njóta þess með sér.
Sérstakar þakkir viljum við
færa prestshjónunum í Garði,
séra Guðmundi og konu hans,
Steinvöru, fyrir þeirra þátt í að
gera þetta fallega og ógleyman-
lega stund. Einnig viljum við
þakka hjúkrunarkonunum sem
voru á vakt fyrir þeirra þátt. Við
vottum syni hennar og aldraðri
móður og öðrum ættingjum samúð
okkar.
Þóra og Auður
ATHYGLI skal vakin á því, að afmælis- og minn-
ingargreinar verða að berast blaðinu með góðum
fyrirvara. Þannig verður grein, sem birtast á í mið-
vikudagsblaði, að berast í síðasta lagi fyrir hádegi á
mánudag og hliðstætt með greinar aðra daga. í minn-
ingargreinum skal hinn látni ekki ávarpaður. Þess
skal einnig getið, af marggefnu tilefni, að frumort
ljóð um hinn iátna eru ekki birt á minningarorðasíð-
um Morgunblaðsins. Handrit þurfa að vera vélrituð
og með góðu línubili.

smáauglýsingar — smáauglýsingar — smáauglýsingar — smáauglýsingar
Keflavík
Til sölu risíbúð viö Aðalgötu.
Söluverð 300 þús.
3ja herb. íbúö
viö Faxabraut
í góðu ástandi. Söluverð 500
þús.
4ra herb. íbúö
viö Hringbraut
Skipti á raöhúsi koma til greina
2ja og 3ja herb. íbúöir
sem seldar veröa tllbúnar undir
tréverk en öll sameign fullfrá-
gengin.
Höfum mikiö úrval af 3ja og 4ra
herb. íbúöum.
Sumarbústaöur
Nýr sumarbústaöur í landl Indr-
iöastaöar í Skorradal. Aö mestu
fullgeröur.
Fasteignasalan Hafnargötu 27,
Keflavík, s. 1420.
p —(( ^TF—'VV'r-
‘ ýmislegt
Sólargeislinn
Sjóöur til hjálpar blindu öldruöu
fólki. Gjöfum og áheltum veitt
mótöku i Ingólfstræti 16.
Blindravinafélag Islands.
Antik rýmingarsala
Húsgögn, málverk, gjafavörur,
antikmunir, Laufásvegi 6 og
Týrsgötu 3. Sími 20290.
Leiguhúsnæöi
Ung hjón meö tvö börn (3ja og
10 ára), nýkomin tll landsins eftir
5 ára námsdvöl í Sviþjóö, vantar
3ja herb. ibúö nú þegar. Fyrir-
framgreiösla möguleg.
Vinsamlega hringiö i sima
19561.
FERÐAFELAG
ÍSLANDS
ÖLDUGÖTU 3
SÍMAR 11798 og 19533.
Helgarferöir 9.—11. júlí:
1. kl. 20.00 Þórsmörk. Glst í
húsi.
2. kl. 20.00 Landmannalaugar.
Gist í húsi.
3. kl. 20.00 Hveravellir — Hvit-
árnes. Gist í húsi.
4. kl. 20.00 Eiríksjökull — Strút-
ur. Gist í tjöldum.
Eyöiö helginni i óbyggöum og
njótiö þægilegrar gistingar í
sæluhúsum Feröafélags Islands.
Feröafélag Islands.
ÚTIVISTARFERÐIR
Útivistarferöir
Helgarferðir 9.—11. júlí
a) Þórsmörk, föstud. kl. 20.
Gist í nýja Utivistarskálanum
Básum. Gönguferöir f. alla.
Kvöldvaka. Ódýrasta helgarferö-
in.
b) Fimmvöróuháls, laugard. kl.
8.30. Stutt bakpokaferö. Gist i
húsi.
Dagsferöir 11. júlí
a) Þórsmörk. b) Tröllafoss og
nágr. c) Esja.
Uppl. og farseölar á skrlfst.
Lækjarg. 6a, s. 14606. Sjáumstl
Feröafélagiö Útivist.
Fíladelfía Breiöholtiö
Samkoma í tjaldkirkjunni viö
Fellaskóla kl. 20.30. Leiö 12, allir
velkomnir.
AUGLVSINOASIMINN ER:
22480
raðauglýsingar — raðauglýsingar — raðauglýsingar
húsnæöi óskast
Lítil einstaklingsíbúð
óskast til leigu. Má vera í eldra húsi. Fyrir-
framgreiðsla kemur til greina.
Síldar- og fiskimjölsverksmiöjan hf.
Reykjavík. Sími 24450.
Hver vill
hjálpa ungu pari í húsnaeðisvandræðum, (hún
er aö Ijúka námi í MHI og hann í Hl), gætum
veitt heimilisaðstoð. Algjörri reglusemi heitið.
Upplýsingar í síma 94-3425 eöa 36687.
Selfoss
Ungur kennari óskar aö leigja á Selfossi litla
íbúö eða herb. meö aðgangi að eldhúsi sem
allra fyrst.
Nánari upplýsingar gefur formaður skóla-
nefndar í síma 99-1978, eða skólastjóri
Gagnfræðaskólans á Selfossi í símum 99-
1256 eöa 99-1178.
Skólanefnd.
Til sölu
Dodge 100 Pickup sendibíll árg 1979, lítiö
ekinn.
Til sýnis á Bílasölu Sveins Egilssonar hf.
Körfubifreið
Til sölu er körfubifreið, lyftigeta 17 metrar.
Upplýsingar í síma 33414 og 10028.
Til sölu
Land undir tvo sumarbústaöi er til sölu í landi
Fjeykjabóls í Hrunamannahreppi. Landinu
fylgja réttindi fyrir heitu og köldu vatni. Til-
boð óskast. Upplýsingar í síma 50437 eða
50542.