Morgunblaðið - 09.07.1982, Blaðsíða 24
24
MORGUNBLAÐIÐ, FÖSTUDAGUR 9. JÚLÍ 1982
Athugasemd frá Luðra-
sveit Reykjavíkur
MORGUNBLAÐINU hefur borist
eftirfarandi athugasemd frá Lúðra-
sveit Reykjavíkur:
Til að verða við óskum þeirra
mörgu sem beðið hafa okkur að
svara hinum ósmekklegu skrifum
Jóns Ásgeirssonar í Morgunblað-
inu 24.6. sl., skal tekið fram að því
miður er það ekki mögulegt. Til
þess verður maðurinn og skrif
hans að vera svaraverð. Eða
hvernig er hægt að svara jafn fá-
ránlegum fullyrðingum og J.Á.
setur fram í umræddri grein?
Ekki er heldur hægt að sjá hvort
J.Á. er að segja frá afmælistón-
leikum Lúðrasveitar Reykjavíkur
eða hvort hann er að reyna að ná
sér niðri á lúðrasveitum almennt.
Hvort heldur er, eru fullyrð-
ingar þessar rugl og vitleysa sem
lýsa engu öðru en fákunnáttu og
þekkingarleysi greinarhöfundar.
Þó hann hafi verið stjórnandi
tveggja lúðrasveita og þó svo hann
hafi verið nemandi á horn í langan
tíma. Ellegar þá að þessi ummæli
hans eru skrifuð af öðrum og ann-
arlegri hvötum, nema hvort
tveggja sé.
Stjórnandi L.R. á afmælistón-
leikunum, Ernest Majo, er þekkt
tónskáld og útsetjari. Eftir hann
hafa verið gefin út yfir 240 tón-
verk sem hann hefir hlotið margar
viðurkenningar fyrir, enda eru
verk hans mikið leikin, ekki aðeins
í hans heimalandi heldur um allan
heim. Hin dónalegu ummæli J.Á.
um stjórnandann dæma sig sjálf.
Ymsar spurningar vakna við
lestur slíkra greina J.Á., en þessi
er ekki sú fyrsta sem hann skrifar
í niðrandi tóni um tónleika áhuga-
fólks, jafnt kóra sem lúðrasveita.
En áleitnasta spurningin er sú,
hvort íslenskt tónlistarlíf hafi
þörf fyrir gagnrýni sem þessa,
jafn niðurbrjótandi og ósvífna og
sem þjónar þeim tilgangi einum
að fæla fólk frá þátttöku í tónlist-
ariðkun og almenning frá því að
sækja tónleika.
Okkur finnst að lesendur Morg-
unblaðsins eigi skilið að fá vand-
aðri skrif um tónlist en oft koma
frá J.Á. og nægir að minna á skrif
hans um V. Askinazy.
Aðalfundur kjördæmisráðs
Sjálfstæðisflokksins
Þann 19. júní 1982 var aðalfundur
kjördæmisráös Sjálfstæðisflokksins
í Norðurlandskjördæmi vestra, hald-
inn á Blönduósi. Fundarstjóri var
Sigurður Þorbjarnarson frá Geita-
skarði. Formaður kjördæmisráðs,
Omar Hauksson, Siglufirði, gerði
stuttlega grein fyrir liðnu starfsári.
Friðrik Sophusson, varaformaður
flokksins, flutti ræðu um viðhorfin í
stjórnmálunum og Pálmi Jónsson,
landbúnaðarráðherra, ræddi sömu
málefni og jafnframt hin ýmsu fram-
faramál kjördæmisins.
Kjörin var ný stjórn kjördæm-
isráðsins og hana skipa: Stefán Á.
Jónsson, Kagaðarhóli, formaður,
Egill Gunnlaugsson, Hvamms-
tanga, Karl Sigurgeirsson,
Hvammstanga, Ómar Hauksson,
Siglufirði og Sigurður Eymunds-
son, Blönduósi.
Varastjórn skipa: Páll Dag-
bjartsson, Varmahlíð, Magnús
Sigurðsson, Hnjúki, Tryggvi Ingv-
arsson, Hvammstanga, Gylfi Sig-
urðsson, Skagaströnd og Þórarinn
Þorvaldsson, Þóroddsstöðum.
Eftirfarandi ályktanir voru
samþykktar:
Stjórnmálaályktun:
Aðalfundur kjördæmisráðs
Sjálfstæðisflokksins í Norður-
landskjördæmi vestra fagnar
þeim árangri, sem flokkurinn náði
í nýafstöðnum sveitarstjórnar-
kosningum.
Fundurinn telur að þessi árang-
ur hafi náðst fyrir baráttuhug og
samstöðu flokksmanna um allt
land.
Fundurinn væntir þess að sá
einhugur sem nú ríkir innan
flokksins, dugi honum til glæstra
sigra í framtíðinni. Treystir fund-
urinn því, að forystumenn flokks-
ins stuðli að því í störfum sínum
öllum, að svo megi verða.
Atvinnu- og orkumál:
Aðalfundur kjördæmisráðs vek-
ur athygli á vaxandi erfiðleikum í
atvinnumálum landsmanna og
uggvænlegum horfum í þeim efn-
um. Fundurinn lýsir fylgi sínu við
skynsamlega uppbyggingu orku-
freks iðnaðar í kjördæminu og
annars framleiðsluiðnaðar og
leggur höfuðáherslu á, að ný
atvinnutækifæri komi til í kjör-
INNLENTT
dæminu, þar sem hefðbundnir at-
vinnuvegir svo sem landbúnaður
og sjávarútvegur, hafa orðið fyrir
áföllum og tekjur íbúanna rýrnað
af jæim sökum.
I þessu sambandi fagnar fund-
urinn sérstaklega ákvörðun um
virkjun Blöndu og þakkar öllum
sem stuðluöu að framgangi þess
mikla hagsmunamáls kjördæmis-
ins. Þá leggur fundurinn áherslu á
að heimaaðilar njóti, eins og
framast er unnt, þeirra atvinnu-
möguleika sem skapast við bygg-
ingu virkjunarinnar.
Fundurinn bendir á nauðsyn
þess að samhliða byggingu
Blönduvirkjunar, verði hafinn
undirbúningur að markvissri
framtíðaruppbyggingu atvinnu-
lífsins, til hagsbóta fyrir íbúa
kjördæmisins.
Steinullarverksmiðja:
Fundurinn lýsir fullum stuðn-
ingi við byggingu steinullarverk-
smiðju á Sauðárkróki og hvetur til
þess að framkvæmdir verði hafnar
hið fyrsta.
Gras- og heykögglaverksmiðjur:
Fundurinn fagnar því að stofn-
uð hafa verið hlutafélög um upp-
byggingu fóðuriðnaðar í kjördæm-
inu.
Mennta- og fræðslumál:
I menningar- og fræðslumálum
er það mikið fagnaðarefni, að
Hólaskóli hefur verið endurreist-
ur. Einnig að framhaldsmenntun
hefur náð að eflast verulega í
kjördæminu og hvetur fundurinn
sveitarfélögin til víðtækrar sam-
vinnu á því sviði.
Loðnurannsóknir fyrir Norðurlandi:
Aðalfundur kjördæmisráðs
leggur áherslu á að loðnurann-
sóknum fyrir Norðurlandi verði
flýtt og þær hefjist ekki síðar en
10. ágúst nk.
Glatt á hjalla i góðum hópi. Frá vinstri: Konráð Ægisson, Auðunn Snorrason, Friðbjörn Steinsson, Garðar
Erlendsson og frú, Bjarni Jakobsson i Iðju, Eggert Guðmundsson og Sveinn A. Sæmundsson, formaður Félags
blikksmiðjueigenda.
Blikksmiðir vígja tvo sumar-
bústaði í landi Klausturhóla
Kristján Ottósson, formaður Félags blikksmiða, á miðri mynd, ræðir við
Ara Þorleifsson, bónda að Klausturhólum, sem seldi blikksmiðum land
undir bústaðina. Aftar fyrir miðju er Bjarni Böðvarsson, trésmíðameist-
ari, og fyrir aftan hann er Hilmar Viktorsson. Til hægri eru Böðvar
Bjarnason og Ámundi Ámundason, blikksmiður.
Það var mikið um dýrðir í landi
Klausturhóla í Grímsnesi 12. júní
sl. en Félag blikksmiða vígði þá,
og tók formlega í notkun tvo
myndarlega sumarbústaði félags-
ins. Það var vel til fundið hjá
Kristjáni Ottóssyni, formanni, og
hans mönnum að vígja bústaðina
þennan dag, því þá voru liðin 47 ár
frá stofnun félagsins. Bústaðirnir
eru hvor um sig hugsaðir fyrir 10
manns og er gistiaðstaða og tæki í
bústöðunum í samræmi við þá
tölu.
Það var árið 1974, að Félag
blikksmiða keypti þrjá hektara
úr landi Klausturhóla og árið
1976 keypti félagið enn þrjá
hektara af Ara bónda í Klaust-
urhólum. Framkvæmdir við
bústaðina hófust síðan fyrir
réttum þremur árum og hefur
mikið af starfinu verið unnið í
sjálfboðavinnu félagsmanna.
Hvor bústaður er 45 fermetrar
að stærð, þrjú svefnherbergi,
salerni, setustofa og eldhús.
Bústaðirnir voru reistir á
staðnum sem heilsárs hús og all-
ur frágangur við húsin er með
það í huga, að þar sé hægt að
dvelja jafnt að vetri sem sumri.
Rafmagn er ekki í bústöðunum,
en hins vegar eru gaseldavélar
og gasísskápar, og upphitun er
frá timburofnum.
„Það hefði ekki verið mikið
vandamál fyrir okkur að fá
rafmagn í bústaðina, en okkur
fannst það hins vegar hluti af
því að dvelja í sumarbústað að
fólk þyrfti aðeins að hafa fyrir
hlutunum," sagði Kristján
Ottósson í spjalli við blaöamann.
„Þess vegna meðal annars, lögð-
um við ekki áherzlu á, að hafa
rennandi vatn í bústöðunum, en
það er hins vegar stutt að ná í
það. Þeir sem dvalið hafa í bú-
stöðum blikksmiða, láta vel af
sér, og menn hafa haft á orði að
þeir vilji gjarnan skreppa úr
„lúxusnum" í borginni og slappa
af úti í náttúrunni, en ekki að
dvelja þar í sams konar „lúxus".
Þá gætu þeir alveg eins farið á
vandað sumarhótel. Við viljum
hafa kyrrð þarna, að fólki geti
liðið vel, en jafnframt að það
þurfi aðeins að hugsa," sagði
Kristján.
Á síðasta ári gaf blikksmiða-
félagið út Blikksmiðasögu ís-
lands, en auk sögunnar, hefur
það rit að geyma blikksmiðatal
og greint er frá blikksmiðjum.
Þessar framkvæmdir, útgáfan
og bygging sumarbústaða, kost-
aði drjúgt og Kristján var spurð-
ur, hvernig slíkt væri mögulegt,
fyrir lítið félag.
„Svarið við því er einfalt,
dugnaður félagsmanna og einka-
framtak þeirra gerði þessa hluti
að veruleika. Blikksmiðatalið
hefur verið að fullu greitt og
sumarbústaðina eigum við
skuldlausa," sagði Kristján
Ottósson.
Stór hluti gesta fyrir utan bústaðinn. Á myndinni eru blikksmiðir, aðrir iðnaðarmenn, sem unnu við að reisa
bústaðina, vinir og velunnarar.