Morgunblaðið - 08.12.1982, Blaðsíða 5

MORGUNBLAÐIÐ, MIÐVIKUDAGUR 8. DESEMBER 1982
5
EM\K
GEfímm
ALIHKXAK
f t9( aiiwbtm »>s f
fré 8»ma ttt l* e* ttvrri.
Eyjar gegn
um aldirnar
„EYJAR gegnum aldirnar — Frásagnir
af atburðum og mannlífi í Vestmanna-
eyjum frá gamalli tíð og nýrri,“ nefnist
núútkomin bók frá Erni og Örlygi hf.
eftir Guðlaug Gíslason alþingismann.
Hefur bókin að geyma frásagnir af
sögulegum viðburðum í Vestmannaeyj-
um frá fyrstu tíð í máli og myndum.
Segir Guðlaugur Gíslason í formála
bókarinnar að margir atburðir hafi
gerst f Vestmannaeyjum sem frásagn-
arverðir þóttu og voru taldir fréttaefni.
Með bókinni sé reynt að safna þessum
frásögnum saman á einn stað til fróð-
leiks fyrir þá sem áhuga kynnu að hafa
á málefnum Vestmanneyinga og þeim
atburðum sem þar hafa gerst.
Bókin „Eyjar gegnum aldirnar“ sem
er í stóru broti og mikið myndskreytt
skiptist í marga aðalkafla og má nefna
kafla um myndun Vestmannaeyja, um
upphaf byggðar í Eyjum og um íbúa
Vestmannaeyja. Þá eru í bókinni viða-
miklir kaflar er nefnast: „Ur gömlum
annálum og nýjum“ og „Slysfarir og
hrakningar Vestmannaeyjabáta". Þá
eru kaflar m.a. um sögu vatnsveitunn-
ar, um björgunarmál Eyjamanna, sam-
göngumál og þróun þeirra og um eld-
gosið í Heimaey 1973. Þá er fjallað um
alla alþingismenn Vestmannaeyja frá
upphafi, um sjúkrahús og lækna í Vest-
mannaeyjum, presta og sýslumenn og
bæjarfógeta.
Sem fyrr greinir er bókin mikið
myndskreytt. Eru myndirnar nær hálft
þriðja hundrað talsins og margar
þeirra gamlar og fágætar. Einnig eru
fjölmargar myndir úr bátamyndasafni
Jóns Björnssonar.
„Eyjar gegnum aldirnar" er sett, um-
brotin, filmuunnin, prentuð og bundin í
Prentsmiðjunni Hólum hf. Bókarhönn-
un annaðist Steinar J. Lúðvíksson en
kápuhönnun Sigurþór Jakobsson. Á
kápu er gömul mynd frá Vestmanna-
eyjum eftir C.W. Ludvig.
Arkitekt
stöðvi ekki
breytingar
„Það hefur verið óánægja með
þetta loft og þcssa lýsingu allt frá
því húsið var opnað,“ sagði Einar
Ilákonarson, formaður stjórnar
Kjarvalsstaða, í samtali við Morgun-
blaðið í gær. Stjórn Kjarvalsstaða
hefur óskað eftir því að lofti hússins
verði breytt, m.a. vegna slæmrar lýs-
ingar, sem listamenn hafa kvartað
yfir.
I fundargerð, sem gerð var á
112. stjórnarfundi segir m.a.:
„Stjórnin ítrekar bókun frá 109.
fundi og ætlast til þess, að arki-
tekt hússins, Hannes Kr. Davíðs-
son, geri tillögur um breytingu á
lofti og lýsingu í sýningarsölum
fyrir 15. janúar 1983. Að öðrum
kosti áskilur stjórnin sér rétt til
að leita til annarra aðila um úr-
lausn málsins."
„Stjórnin var einróma um að
taka þetta upp. Okkur finnst ekki,
að arkitekt hússins geti brugðið
fæti fyrir breytingar, sem stuðla
beint að því að gera húsið hæfara
til þess hlutverks, sem því er ætl-
að að gegna," sagði Einar enn-
fremur við Mbl. Bætti hann því
við, að á þakinu væru t.d. kúptir
gluggar, sem aldrei hefðu komið
að neinu gagni við lýsingu þar sem
þeir eru byrgðir.
Morgunblaðið leitaði álits
Hannesar Kr. Davíðssonar, arki-
teks hússins. Hann vildi ekkert
láta hafa eftir sér að svo stöddu,
en kvaðst myndu íhuga stöðuna
nánar næstu daga.
Ný ljóðabók
eftir Nínu Björk
HJÁ MÁLI og Menningu er
komin út fimmta ljóðabók
Nínu Bjarkar Árnadóttur,
Svartur hestur í myrkrinu. Bókin
skiptist í tvo kafla: Með kórónu
úr skýi og Fugl óttans.
í forlagskynningu segir svo
um bókina og höfund hennar:
„Þegar með fyrstu ljóðabók
sinni, Ung ljóð, 1965, komst
Nína Björk Árnadóttir í röð ef-
nilegustu ljóðskálda og síðari
verk hennar, bæði ljóð og leik-
rit, hafa vissulega uppfyllt
fyrirheit þeirrar bókar. I þess-
ari nýju bók er að finna bæði
myrk ljóð um innri reynslu og
opin ljóð um ytri atvik: veru-
leikinn er umskapaður í
Nína Björk Árnadóttir
skáldskap — í eigin nafni og
annarra."
Svartur hestur í myrkrinu er
67 bls. að stærð, prentuð og
bundin í Hólum hf. Kápu
teiknaði Hilmar Þ. Helgason.
Guðmundur Árni Stefáns-
son ritstjóri Alþýðublaðsins
GUÐMUNDUR Árni Stefánsson hefur verið ráðinn ritstjóri Alþýðublaðsins í
stað Jóns Baldvins Hannibalssonar.
Guðmundur Árni hefur verið
starfandi ristjórnarfulltrúi við Al-
þýðublaðið um nokkurt skeið, en
áður var hann blaðamaður við
Helgarpóstinn. Guðmundur Árni
sagði í samtali við Mbl., að ekki
væri að vænta neinna stórbreyt-
inga á blaðinu með sinni tilkomu í
ritstjórastól. „Við erum hins vegar
að flytja í nýtt húsnæði og taka í
gagnið nýjar setningarvélar,"
sagði Guðmundur Árni. Áuk Guð-
mundar Árna starfa við Alþýðu-
blaðið blaðamennirnir Þráinn
Hallgrímsson og Friðrik Guð-
mundsson.
Forstjóri Litla Hrauns segir upp störfum:
Sagði upp vegna
ágreinings um rekstur
— segir Helgi Gunnarsson
HELGI Gunnarsson, forstjóri Vinnuhælisins að Litla Hrauni, sagði upp
störfum þann 1. desember síðastliðinn vegna ágreinings um rekstur hælisins
og lét af störfum sama dag. Jón Böðvarsson, deildarstjóri í hagsýsludeild
fjármálaráðuneytisins, hefur verið settur til bráðabirgða þess að stjórna
rekstri vinnuhælisins.
„Ég sagði upp störfum vegna
ágreinings um hvernig haga skuli
rekstri vinnuhælisins. Litla
Hraun hefur um langt skeið verið
í fjársvelti og erfitt hefur verið að
halda rekstrinum innan ramma
fjárveitinga, en svipað er ástatt
um ýmsar opinberar stofnanir,"
sagði Helgi Gunnarsson í samtali
_við Mbl.
„Ég hef starfað við vinnuhælið í
10 ár og hef kynnt mér fangels-
ismál hjá nágrannaþjóðum okkar.
Ef reka á Litla Hraun hliðstætt og
fangelsi meðal nágrannaþjóða, þá
þarf að veita meira fé til vinnu-
hælisins. Þær fjárveitingar sem
stofuninni hafa verið skammtaðar
nægja engan veginn.
Þetta er í raun og veru spurning
um hvort við viljum reyna að rétta
föngum hjálparhönd — freista
þess að leiða þá frá villu síns veg-
ar. Endurmenntun er nauðsynleg,
ef við einlæglega viljum rétta
þessum ógæfusömu mönnum
hjálparhönd. Við stefndum að því
að halda námskeið fyrir fanga í
verklegum greinum en til þess er
ekkert fjármagn og þar stendur
hnífurinn í kúnni.
Ég vil vinna að málefnum fanga
eins og ég kann og veit best — ef
mér eru ekki sköpuð skilyrði til
þess, þá vil ég fremur láta af
störfum. Ég tel mig þekkja vel til
þessara mála og hafa mikla
reynslu og ekki fara með fleipur
— því hef ég sagt upp störfum,"
sagði Helgi Gunnarsson.
JNNLENTV
maHcaður