Morgunblaðið - 08.12.1982, Blaðsíða 26
26
MORGUNBLAÐIÐ, MIÐVIKUDAGUR 8. DESEMBER 1982
Albert Gudmundsson:
„Endalausir skattar
á sömu tekjur ...“
SVO sem frá hefur verið greint á
þingsíðu Mbl. fluttu Birgir ísleifur
Gunnarsson (S) og Matthías Bjarna-
son (S) frumvarp þess efnis að fast-
eignamat sem skattstofn eignaskatts
skuli ekki hækka meira milli ára en
sem svarar breytingu á skattvísitölu,
en eins og nú er hækkar þessi
skattstofn mjög mismunandi eftir
landshlutum, vegna mismunandi
framboðs og eftirspurnar ibúðarhús-
næðis.
Við umræðu um þetta frumvarp
sagði Albert Guðmundsson (S)
m.a.:
„íbúðir fólks eða vistarverur,
sem eru í eigu fólksins, eru greidd-
ar eða byggðar fyrir peninga, sem
það á afgangs þegar það hefur
greitt til ríkis og sveitarfélaga öll
sín opinberu gjöld, hvort sem það
heita skattar eða útsvör. Sem sagt,
það er byggt fyrir sparifé og vinnu-
Salome Þorkelsdóttir:
Albert Guðmundsson
framlag og á þessar eignir á alls
ekki að leggja síhækkandi fast-
eignagjöld. Þessar eignir eiga ekki
að vera tekjulind aftur og aftur
fyrir ríkissjóð.
Þeir sem hafa notað sínar tekjur
á annan hátt, t.d. lagt í banka til
geymslu, fá verðbætur og vexti af
sínu sparifé, en þeir sem leggja
sparifé í fasteignir, þ.e. byggja sér
þak yfir höfuðið, greiða þessa enda-
lausu skatta af sömu tekjum.
Skattleggja mætti söluágóða af
húseign, ef hún er seld eða af þeim
mismun, sem er á söluverði og nýj-
um vistarverum, ef sannanlegur
söluhagnaður, raunverulegur sölu-
hagnaður í slíkum skiptum er að
ræða. En ég er á móti því, að
skattleggja og meta fasteignir
manna til skatts og hafa þær að
tekjulind aftur og aftur fyrir ríkis-
sjóð, eins og raun ber vitni um.“
Heimilisfræði í grunnskólum
Salome Þorkelsdóttir og sjö aðrir
þingmenn Sjálfstæðisflokks hafa lagt
fram tillögu til þingsályktunar sem
felur í sér, ef samþykkt verður, að
ríkisstjórnin skuli hlutast til um „að
við endurskoðun aðalnámsskrár
grunnskóla verði ákveðinn lág-
marksstundafjöldi í heimilisfræðum í
öllum bekkjum grunnskólans.
í greinargerð segir að megin-
markmið heimilisfræðináms skuli
vera skv. námsskrá:
1. efla skilning nemenda á hlut-
verki heimilisins,
2. auka þekkingu þeirra og leikni í
heimilisstörfum,
3. auka skilning og áhuga nemenda
á hollustu og heilbrigði,
4. vekja skilning og áhuga á góðri
nýtingu og umhirðu verðmæta,
hagsýni í heimilisrekstri og
hagsmunamáium neytenda,
Salome Þorkclsdóttir
5. glæða áhuga nemenda á gildi
góðrar vinnutækni,
6. veita nemendum innsýn í vist-
fræðileg lögmál og glæða áhuga
þeirra á umhverfisvernd,
7. glæða sjálfstæði, samstarfsvilja
og samábyrgð nemenda. Þegar
rætt er um nám í heimilisfræð-
um þarf að hafa hugfast:
1. Að búsýsla og heimilisstörf eru
viðfangsefni sem varða jafnt
konur sem karla.
2. Að allir þurfa að njóta fræðslu
um mikilvægustu úrlausnarefn-
in í sambandi við heimilisrekst-
ur, má þar til nefna:
a) Hyggilegt fæðuval, rétta með-
ferð matvæla og matreiðslu í
samræmi við næringarfræðilega
þekkingu og viðurkennda holl-
ustuhætti.
b) Hagkvæma öflun, nýtingu og
viðhald þeirra verðmæta sem
tengd eru búsýslu, jafnt hvort
sem um er að ræða persónulega
muni eða sameign neytenda.
Þingmannafrumvarp:
Lækkun fasteignaskatta
Kjartan Jóhannsson (A) og fleiri
þingmenn Alþýðuflokksins flytja
frumvarp til laga um lækkun gjalda af
fasteignum.
Frumvarpsgreinin er svo orðuð:
„Hvarvetna þar sem í lögum seg-
ir, að gjöld eða skattar til ríkis og
sveitarfélaga skuli reiknast sem
ákveðinn hundraðshluti af
fasteignamati fasteigna, þar með
talið mat fasteigna til eignar vegna
álagningar eignarskatts, skal lækka
gjaldstofn til álagningarinnar um
20% fyrir þau gjöld og skatta sem
reiknast á ársgrundvelli, en frá og
með gildistöku laganna til 1. des.
1983 að öðrum kosti. Jafnframt er
óheimilt að hækka viðkomandi
álagningarprósentu á árinu 1983
frá því sem gilti á árinu 1982.“
í greinargerð segir svo m.a.:
„Tilgangur þessa frumvarps er að
draga úr húsnæðiskostnaði á tím-
um minnkandi kaupmáttar og
koma í veg fyrir að greiðslubyrði af
íbúðareign eða húsaleigu aukist
vegna stórhækkaðs fasteignamats
sem er í engu samræmi við þróun
launa.
Fasteignamat íbúðarhúsnæðis
hefur nú verið hækkað um allt að
78% milli ára á sama tíma og laun
hækka um 48%. Þetta veldur aug-
Ijóslega mikilli aukningu húsnæðis-
kostnaðar bæði hjá þeim, sem búa í
eigin húsnæði, og eins þeim, sem
leigja íbúðir, því leiga er oft bundin
vísitölu húsnæðiskostnaðar. Sú
aukning greiðslubyrðar, sem hér
um ræðir, er mjög tilfinnanleg á
tímum versnandi kaupmáttar."
Kjartan Jóhannsson
Fyrirspurn til iðnaðarráðherra:
Aflíoma iðnfyrir-
tækja í ríkisrekstri
LÁRUS Jónsson (S) hefur borið
fram fyrirspurn til iðnaðarráðherra
um rekstrarafkomu iðnfyrirtækja,
sem eru í eigu ríkissjóðs að hluta
eða alfarið og hevra sem slík undir
iðnaðarráðherra. Fyrirspurnin er
svohljóðandi:
Hver var rekstrarafkoma eftir-
talinna fyrirtækja árið 1981, sem
eru að hluta eða öllu leyti í eigu
ríkissjóðs, og hver er áætluð
rekstrarafkoma þeirra árið 1982?
• 1. Járnblendisverksmiðjunnar
í Hvalfirði.
• 2. Kísiliðjunnar við Mývatn.
• 3. Aburðarverksmiðju ríkis-
ins.
• 4. ÁlafoSs hf.
• 5. Sementsverksmiðju ríkis-
ins.
• 6. Siglósíldar.
Ef taprekstur hefur orðið eða
er fyrirsjáanlegur hjá þessum
fyrirtækjum, hvernig er hann
fjármagnaður?
Hafa einhver þessara fyrir-
tækja tekið erlend lán undanfar-
in ár vegna rekstrartaps
(1980—82) og hver er greiðslu-
byrði þessara lána á árinu 1982?
Þingfréttir í stuttu máli
Svipmynd frá Alþingi: — Hlustað, lesið og spjallað
saman.
Fjórföldun sektar-
ákvæða frá 1980
„Tollkrít“ enn dregin á langinn
• Eiður Guðnason (A) mælti
fyrir nefndaráliti um stjórnar-
frumvarp í efri deild Alþingis sl.
mánudag, sem gerir ráð fyrir
samræmingu sektarákvæða frá
því þau vóru síðast ákveðin 1980.
Frumvarpið gerir ráð fyrir fjór-
földun sektarupphæða. Eiður
sagði þetta stjórnarfrumvarp
segja sitt um eigið mat ríkis-
stjórnarinnar á verðlagsþróun í
landinu á þessu 2ja ára tímabili.
• Ragnar Arnalds, fjármálaráð-
herra, mælti sama dag fyrir
stjórnarfrumvarpi um „tollkrít",
sem gerir ráð fyrir framkvæmd
tollkrítar í áföngum frá og með
ársbyrjun 1984.
• Friðrik Sophusson (S) minnti á
yfirlýsingar forsætisráðherra og
fjármálaráðherra 1980, þessefn-
is, að þá um haustið myndi koma
fram stjórnarfrumvarp um
„tollkrít". Það hafi brugðizt.
• Sami þingmaður sagði að
næsta skref ríkisstjórnarinnar
hafi verið að leggja á nýjan
skatt, tollafgreiðslugjald, á sl.
þingi. Hann hafi verið afsakaður
með því að til stæði að taka upp
„tollkrít" frá og með ársbyrjun
1983. Þetta frumvarp miðaðist
hinsvegar við ársbyrjun 1984 og
þá aðeins í sambandi við áfanga-
framkvæmd.
• Egill Jónsson (S) mælti fyrir
frumvarpi, sem hann flytur, um
framleiðnisjóð landbúnaðarins.
Umræðu lauk ekki þar eð land-
búnaðarráðherra þurfti að víkja
af fundi en flutningsmaður taldi
ráðherra þurfa að vera viðstadd-
an þegar mál, er undir hans
ráðuneyti heyra, væru til um-
ræðu.
• Stjórnarfrumvarp um fram-
lengingu 19% verðjöfnunar-
gjalds á roforku til ársloka 1983
var til fyrstu umræðu í neðri
deild í gær. Enginn mælti fyrir
frumvarpinu og gekk það um-
ræðulaust til þingnefndar.
• Halldór Blöndal (S) mælti
sama dag fyrir frumvarpi þess-
efnis að „viðhald, fasteignagjöld
og iðgjald af húseigenda-
tryggingu á íbúðarhúsnæði til
eigin nota“ skuli frádráttarbært
til skatts.
• Salome Þorkelsdóttir (S) mælti
fyrir frumvarpi sem hún flytur
ásamt fleiri þingmönnum, þess-
efnis, að nafnnúmer skuli fylgja
á umslagi utan um utankjör-
staðaatkvæði, ásamt nafni og
heimilisfangi, til að auðvelda
talningu.
• Jóhanna Sigurðardóttir (A)
mælti fyrir frumvarpi sem hún
flytur ásamt fleiri þingmönnum
Alþýðuflokks um framtals-
skyldu á ágóðaþóknun, öku-
tækjastyrk, húsaleigustyrk og
hvers konar öðrum fríðindum og
hlunnindum, sem greidd eru
samhliða launum, til skattstjóra.
Tilgangur: að auðvelda úttekt á
raunverulegri tekjuskiptingu í
þjóðfélaginu.
• Svavar Gestsson, félagsmála-
ráðherra, mælti fyrir stjórnar-
frumvarpi um málefni fatlaðra.
• Eiður Guðnason (A) og Stefán
Jónsson (Abl.) flytja frumvarp
þessefnis að ökuskírteini útgefin
á Álandseyjum, í Danmörku,
Finnlandi, Færeyjum, Græn-
landi, Noregi og Svíþjóð skuli
hér á landi jafngild íslenzkum
ökuskírteinum.
• Þá hefur verið lögð fram til-
laga til þingsályktunar „um full-
gildingu samnings um loft-
mengun sem berst langar leiðir
milli landa“ og gerður var í Genf
13. nóvember 1979.