Morgunblaðið - 08.12.1982, Blaðsíða 13
MORGUNBLAÐIÐ, MIÐVIKUDAGUR 8. DESEMBER 1982
13
Qlafur Indriðason hjá Pósti og síma:
„Mikill áhugi er
hjá ýmsum að fá
bílasímann nýja“
„ÞAÐ ER mikill áhugi hjá ýmsum að komast inn í þetta. Það hafa ekki
beinlínis komið pantanir því það hefur staðið svolítið á framleiðendum
talstöðva að koma fram með stöðvar sem við getum samþykkt í þetta. Við
erum þess vegna þessa dagana að taka við stöðvum sem viö pöntuðum hér í
símanum til reynslunotkunar," sagði Ólafur Indriðason hjá Pósti og síma í
samtali við Morgunblaðið, en hann var þá inntur eftir stööu varðandi bíla-
símana sem teknir verða í notkun hér á landi innan tíðar.
Olafur sagði ennfremur: „Þá fyrst geta menn farið að panta þessi tæki er
við höfum samþykkt þær. En málið er komið vel á veg hjá okkur, við erum
búnir að setja upp móðurstöðvar og afgreiðslubúnaðurinn er tilbúinn. Mér
skilst að fyrsti síminn verði settur í bíl hérlendis upp úr áramótunum, eða
strax og fyrsta stööin fæst annaöhvort frá Danmörku eða Svíþjóð.“
— En eru þetta frekar símar en
talstöðvar og er ekki hægt að
hlera eins og hægt er í talstöðvum
þeim sem notaðar hafa verið í bíl-
um?
„Þetta eru náttúrulega talstöðv-
ar fyrst og fremst, en þær hafa að
vissu leyti'eiginlega síma, vegna
þess að það er hægt að velja eina
og ákveðna talstöð af svo og svo
mörgum, hægt að hringja í ákveð-
ið símanúmer. Ef þú ert í þann
mund að hringja í annan bíl, þá
byrjar þú á því að hringja í af-
greiðslu Bílsíma, en það númer
verður sennilega 002. Þar berðu
fram erindi þitt, gefur upp það
númer sem þú vilt ná sambandi
við, afgreiðslan hefur síðan sam-
band við þennan ákveðna bíl og
það hringir í honum. Það þurfa
engir aðrir nauðsynlega að vita af
því. Hinsvegar er hægt að hlera ef
einhver vill hlera, því þannig er
þetta, þeir sem hafa „scanner-
-stöðvar" geta hiustað á
talstöðvarviðskiptin eins og þeir
vilja. Aðrir bílsímanotendur geta
einnig hlustað með því að stilla
rásina og opna talstöðina hjá sér.
Þannig er hægt að misnota þessa
hluti eins og flesta aðra.“
— En er hægt að hringja út um
allt land?
„Það verður ekki strax, en við
höfum nú þegar sett upp móður-
stöðvar á nokkrum stöðum, þann-
ig að í kílómetrum talið er spölur-
inn orðinn ansi góður nú þegar.
Margir staðir eru þó enn útundan,
en innan örfárra ára ætti að vera
hægt að hringja hvaðan sem er
hvert sem er. Nú þegar er svo til
allur Suðurlandsvegurinn austur
að Höfn í góðu sambandi."
— En kostnaðarhliðin?
„Það er ekki ljóst hvað stöðv-
arnar muni kosta, en talstöðv-
arnar sem við höfum í huga kosta
nú um 50 þúsund krónur. Trúlegt
er þó að þær lækki frekar, þegar
meiri framleiðsla er komin og ný
merki. Þetta eru skandinavískar
stöðvar, en kæmu japanskar til
skjalanna yrðu þær verulega ódýr-
ari. Síðan kæmi fastagjald sem
yrði væntanlega svipað og sjálf-
virkur sími og samtalsgjald."
Þrjóska skip-
verja kom ekki í
veg fyrir björgun
Félagar í björgunarsveitinni Sigur-
von í Sandgerði voru heidur betur
réttir menn á réttum stað er neyðar-
kall barst síðla kvölds þann 23. nóv-
emher sl. Þeir voru mættir til vinnu í
húsi sveitarinnar þegar neyðarkall
barst frá 11 tonna eikarbáti, Bjarna
KE. Keyndist hann hafa strandað
norðarlega á svonefndri Býjarskers-
eyri.
Félagar úr Sigurvon brugðu
skjótt við, mönnuðu bát og héldu til
móts við Bjarna. Um það bil er
björgunarsveitarmenn komu á
staðinn, losnaði Bjarni af eigin
rammleik. Skipverjar sinntu hins
vegar engu leiðbeiningum björgun-
arsveitarmanna að fara út á meira
dýpi og keyrðu á fullri ferð í átt til
lands á aðeins fimm faðma dýpi.
Tókst Bjarna naumlega að sleppa
við grynningar, en þegar báturinn
var kominn til móts við innsigl-
ingarljósin töldu björgunarsveit-
armenn honum óhætt. Svo reyndist
hins vegar ekki því áður en varði
villtust skipverjar Bjarna á nýjan
leik, tóku stefnuna á Sandgerðisvit-
ann og stefndu rakleiðis upp í fjöru.
Þegar hér var komið sögu gáfust
björgunarsveitarmennirnir upp á
leiðbeiningunum, sigldu Bjarna
uppi og sendu mann um borð til að
stýra bátnum í örugga höfn.
I Víkurblaðinu frá 2. desember
segir svo um þennan atburð. „Ör-
uggt má telja, að það sé björgun-
arsveitinni Sigurvon að þakka, að
björgun bæði manna og báts tókst
þetta vel, þrátt fyrir erfið sam-
skipti við skipverja."
Flugleiðir bjóða aukna
þjónustu við fullborg-
andi farþega milli landa
FLUGLEIÐIR hafa ákveðið að auka
þjónustu sína við þá farþega, sem
fljúga á svokölluðum ársmiðum, eða
greiða hæsta fargjald, að sögn Hans
Indriðasonar, forstöðumanns norður-
svæðis Flugleiða.
„Við höfum um nokkurt skeið
verið að skoða möguleika á því, að
gera eitthvað fyrir þessa farþega
okkar og niðurstaðan varð sú, að
byrja á því að bjóða þeim tvo
drykki um borð í véiunum endur-
gjaldslaust. Síðan ætlum við að
auka rými þeirra eftir því sem við
verður komið á þann hátt, að bóka
ekki í sætið við hliðina,“ sagði
Hans Indriðason ennfremur.
Hans Indriðason sagði, að far-
þegar hefðu þegar í gær sýnt þess-
ari þjónustu áhuga og sagt hana
jákvæða. „Við erum nú að útbúa
spurningalista fyrir þessa farþega,
þar sem þeir eru spurðir að því, á
hvern hátt væri helzt hægt að bæta
aðstöðu þeirra um borð í vélunum.
Það er misjafnt hvað menn hafa
áhuga á. Sumir vilja vinna um borð
og aðrir vilja hreinlega sofa, en við
vonumst til að fá einhverja frekari
hugmynd um óskir farþeganna,
þegar við fáum svör við þessum
spurningum," sagði Hans Indriða-
son.
VINDURINN OG ÉG er saga indíánastúlku sem höfundurinn byggir
að nokkru á atburðum úr eigin lífi. Sagan lýsir baráttu hennar við sjálfa
sig og umhverfi sitt. Lesandinn fær að skyggnast inn í líf og menningu
Indíána og verður vitni að þeirri glímu sem á sér stað þegar indíáni
hrökklast frá heimabyggð sinni til stórborgar. kr. 321,10
HRIFANDI BOK SEM ÞU GETUR EKKI HÆTT AÐ
LESA EF ÞÚ ERT EINU SINNI BYRJAÐUR
ÍALl
Freyjugötu 27 Sími 18188
KOMDU
KRÖKKUNUM Á OVART!
Fardu til þeirru umjólin
Mömmur, pabbar, systur, bræður, afar, ömmur, frændur,
frænkur, synir, dætur og vinir geta nú brugðið undir sig betri
fætinum og farið sjálf með jólapakkana og hangikjötið til
útlanda.
Ástæðan er auðvitað hin hagstæðu jólafargjöld sem Flug-
leiðir bjóða til Norðurlandanna.
Fargjöld báðar leiðir eru sem hér segir:
Kaupmannahöfn Kr. 4.906.-
Gautaborg Kr. 4.853.-
Osló Kr. 4.475.-
Stokkhólmur Kr. 5.597,-
Barnaafsláttur er 50%.
Fargjöldin taka gildi 1. des.
Upplýsingar um skilmála og ferðamöguleika veita söluskrif-
stofur Flugleiða , umboðsmenn og ferðaskrifstofurnar.
FLUGLEIDIR
Gott fólk hjá traustu félagi