Morgunblaðið - 08.12.1982, Blaðsíða 23

MORGUNBLAÐIÐ, MIÐVIKUDAGUR 8. DESEMBER 1982
23
Sameinaðir
munum við sigra
eftir Jón Magnússon
Helgi Ólafsson hagfræðingur
ítrekaði sl. laugardag fyrirspurn
til mín. Mér datt fyrst í hug, þegar
ég sá yfirskriftina hjá Helga, að
svar mitt hefði farið fram hjá
honum, því svarið birtist á slæm-
um stað í Morgunblaðinu, vafa-
laust vegna þrengsla. Ég fór því
fram á það við ritstjóra, að svarið
yrði endurbirt á sama stað og með
sömu viðhöfn og fyrirspurn Helga
upphaflega, en því var hafnað og
sannast enn að sitt er hvað Jón og
séra Jón.
Því er hins vegar miður farið að
Morgunblaðið skyldi taka þannig í
beiðni mína um endurbirtingu. í
raun var tvöföld ástæða til þess
fyrir blaðið að birta svarið aftur,
þar sem Helgi endurtekur spurn-
ingu sína. Með því að hafa svarið á
sömu síðu og spurninguna hefðu
lesendur getað borið saman spurn-
inguna og svarið.
Það er tæpast ástæða til að
svara Helga frekar en gert hefur
verið. Hvort hann vill taka svar
mitt alvarlega eða gera tilraun til
að snúa út úr er hans mál og ég
læt mér slíkt í léttu rúmi liggja.
Þó til nánari skýringar fyrir hann,
bendi ég ítrekað á, að í viðtalinu
við blaðamann Morgunblaðsins
hnýtti ég ekki saman ummælum
um útkomu formanns flokksins og
hvaða meginniðurstöður mætti
draga. I því sambandi bendi ég á
að formaðurinn var einn af 28
frambjóðendum. Ég sagði það að
mér fyndist það slæmur hlutur, að
formaður Sjálfstæðisflokksins
skyldi ekki fá betri útkomu. Ég tel
mig hafa gert mitt til að hvetja
fólk til að kjósa hann í prófkjörinu
og benda á, að það væri fyrst og
fremst veikt fyrir Sjálfstæðis-
flokkinn ef formaður hans fengi
ekki góða kosningu. Þær dylgjur
sem mér virðist mega lesa út úr
ítrekunarspurningu Helga eru því
ómaklegar og ósmekklegar, en
e.t.v. er hér ekki um dylgjur af
Jón Magnússon
Helga hálfu að ræða heldur mis-
skilning minn á ummælum hans
og er hann þá beðinn velvirðingar
á því.
Helgi spyr hvað sé átt við með
orðunum víðsýnn og frjálslyndur
,og neitar með öllu að kynna sér
umræður og skrif frá síðustu ár-
um til að komast að raun um hvað
ég á við. Þó mér finnist það vera
einkamál Helga hvað hann vill
kynna sér og hvað ekki og mér
verulega óviðkomandi, þá vil ég
samt ekki hafna erindi hans. Til
að byrja með þetta: Ég hef lengi
haldið því fram að Sjálfstæðis-
flokkurinn ætti að starfa sem
breiður fjöldaflokkur og rúma
innan sinna vébanda mismunandi
sjónarmið borgaralegra sinnaðs
fólks. Akveðinn skoðanamun verð-
ur því að virða og taka tillit til
hans með því að sýna nægjanlegan
sveigjanleika. Þeir sem viður-
kenna þetta eru að mínu viti
frjálslyndir og víðsýnir í þeim
skilningi sem ég ræddi um. Til
frekari glöggvunar fyrir Helga
bendi ég honum á viðtal við mig í
Morgunblaðinu þ. 4. október 1981
þar sem é'g svara nákvæmlega
þessari spurningu.
Dæmi eru oft gleggra svar en
löng ritsmíð og útlistanir. Til að
stytta mál mitt, bendi ég á eitt
atriði, og vel það, sem Helgi þekk-
ir best. Helgi er starfsmaður
Framkvæmdastofnunar ríkisins.
Frá fyrstu tíð og enn þann dag í
dag hef ég haldið því fram að
þessa stofnun ætti að leggja niður.
Hvað segir þetta um frjálslyndi?
Ef Helgi kynnir sér ummæli
fyrsta formanns Sjálfstæðis-
flokksins, Jóns Þorlákssonar, þar
sem hann útskýrir hugtakið
frjálslyndi, hlýtur hann að fallast
á það með mér að samkvæmt
þeirri skýringu er tilvist pólitískr-
ar fyrirgreiðslustofnunar eins og
Framkvæmdastofnunar í and-
stöðu við viðhorf og kenningar
frjálslyndra manna, sem krefjast
þess að höft, hömlur og sérfyrir-
greiðsla séu ekki fyrir hendi. Ég
var eini frambjóðandinn í nýaf-
stöðnu prófkjöri Sjálfstæðis-
flokksins hér í Reykjavík, sem
lagði sérstaka áherslu á þetta
gamla kosningaloforð Sjálfstæðis-
flokksins, að Framkvæmdastofn-
un yrði lögð niður. Ágæti Helgi, ég
vona að þessi svör dugi þér. Mér er
sagt að þú sért mjög traustur og
ötull sjálfstæðismaður. Ég tel því
að við höfum báðir mun mikilvæg-
ari verkefnum að sinna en skrifast
á í Morgunblaðinu. Við eigum að
taka höndum saman í þeirri bar-
áttu, sem framundan er. Kosn-
ingarnar á næsta ári þurfum við
sjálfstæðismenn að vinna glæsi-
lega. Við eigum að setja okkur það
mark að tryggja formanni flokks-
ins glæsilega kosningu og helst að
láta ekki þar við sitja, heldur gera
enn betur. Við skulum ekki
gleyma því að þó að viss ágrein-
ingur geti verið fyrir hendi um
einstök mál, þá eigum við sjálf-
stæðismenn að standa saman á
þessari stundu sem órofa heild.
Sameinaðir munum við sigra.
Reykjavík, 6. desember 1982,
Viðræður borgarinnar og ríkisins um Keldur:
Vonast til að sam-
komulag náist fljótlega
— Tillaga um skipun viðræðunefndar felld í borgarstjórn
BORGARSTJÓRN felldi á fundi sín-
um á fimmtudagskvöld þá tillögu
Sigurjóns Péturssonar, borgar-
fulltrúa Alþýðubandalagsins, að kos-
in yrði þriggja manna nefnd til við-
r.i'öna við ríkið um land Keldna.
Þess má geta að að undanförnu hef-
ur verið starfandi nefnd þriggja
manna frá Reykjavíkurborg, sem
vinnur að þessu verkefni. í nefnd-
inni eiga sæti borgarfulltrúarnir
Markús Örn Antonsson og Vilhjálm-
ur Þ. Vilhjálmsson, auk Þórðar Þ.
Þorbjarnarsonar borgarverkfræð-
ings.
Tillaga Sigurjóns hlaut 9 at-
BANKASTJÓRAR og bankaráð
Búnaðarbanka íslands færðu Elli-
og hjúkrunarheimilinu Grund á 60
ára afmæli þess, 29. október sl.,
kr. 100.000 að gjöf. Verður þessu
fé, á sínum tíma, varið til sjúkra-
heimilis fyrir eldra fólkið.
Er ljúft og skylt að þakka
kvæði og því ekki stuðning. Sjálf-
stæðismenn létu bóka afstöðu sína
í málinu, en hún er á þá leið að
þegar stefnumótun í skipulags-
málum verðandi Grafarholts-
byggð hefði verið kynnt í upphafi
kjörtímabilsins, hefði komið fram
að borgarstjóri hefði skipað nefnd
til þess að annast viðræður við
menntamálaráðherra eða fulltrúa
hans um land Keldna og annarra
stofnana háskólans. Unnið hefði
vérið mikið undirbúningsstarf og
viðræður væru vel á veg komnar.
Strax og niðurstöður lægju fyrir
yrðu þær kynntar borgarráði til
þessa höfðinglegu gjöf og þann
skilning og vinarhug, sem að
baki liggur, en Búnaðarbanki ís-
lands studdi ávallt við bakið,
þegar á þurfti að halda, og það
var nokkuð oft, segir í frétt frá
Gísla Sigurbjörnssyni forstjóra.
samþykktar eða synjunar og því
væri ekki efni til að samþykkja
tillögu Sigurjóns.
I umræðum um tillöguna kom
það fram hjá Markúsi Erni Ant-
onssyni, að það kæmi á óvart að
heyra ummæli Sigurjóns, en hann
sagði að þessi vinnubrögð væru
ólýðræðisleg og röng. Markús
sagði að viðræðunefnd hefði verið
skipuð í júní og væri fyllilega eðli-
lega að málum staðið. Um væri að
ræða vinnunefnd, sem borgar-
stjóri hefði skipað og væri honum
heimilt að velja sína fulltrúa í
nefndina, enda gerði hún ekki
samninga sjálfstætt og myndu
samkomulagsdrög koma til borg-
arráðs og borgarstjórnar til sam-
þykktar. Sagði Markús að vonir
stæðu til þess að samkomulag
næðist fljótlega í þessu máli.
Albert Guðmundsson sagði að
samkomulagsdrög yrðu lögð fyrir
borgarstjórn þegar þau væru full-
mótuð. Unnið væri að því að ná
árangri og þegar þar að kæmi
yrðu tillögur kynntar og eðlilegt
væri að þá kæmi minnihlutinn inn
í þetta mál.
Afmælisgjöf til Grundar
Hér má sjá Vilhjálm Einarsson skólameistara skoda varning.
Egilsstaðir:
„Fyrsta, annað
og þriðja“
— fylgst með uppboði í Fellabæ
Kgilsstöóum, 6. desomber.
SÍÐASTLIÐINN laugardagsmorg-
un hófst í Veitingaskálanum við
Lagarfljótsbrú, umfangsmesta upp-
boð sem haldið hefur verið hér um
slóðir í manna minnum.
Stundvíslega klukkan tíu um
morguninn byrjuðu þeir félagar,
Þráinn Jónsson, hreppstjóri
Fellahrepps og Sveinbjörn
Sveinbjörnsson, fulltrúi sýslu-
manns Norður-Múlasýslu, að
sveifla uppboðshamrinum og
hvetja fólk að bjóða í hinar !
margvíslegustu vörutegundir —
allt frá sokkum upp í sófasett og
hjónarúm. Ekki stóð á tilboðum
— enda húsfyllir.
Hér var á ferð opinbert upp-
boð á eigum þrotabús Verslunar-
innar Bjarkar, sem starfaði í
tæpt ár, fyrst á Egilsstöðum og
síðar í Fellabæ — að kröfu
skiptaréttar Norður-Múlasýslu
— en eigandinn hafði lýst sig
gjaldþrota.
Þegar tíðindamaður Morgun-
blaðsins leit inn á uppboðið
hafði það staðið látlaust í 6
klukkustundir fyrir troðfullu
húsi og ekkert lát virtist á vöru-
birgðunum — sem fyrst og
fremst er fatnaður hvers konar
auk nokkurra húsgagna.
Að sögn skiptaráðanda var
vörulager verslunarinnar met-
inn á kr. 1.200.000 en kröfur í
þrotabúið námu liðlega þeirri
uppbæð.
Klukkan sjö um kvöldið var
uppboðinu frestað til mánudags.
Þá höfðu verið boðnar upp vörur
fyrir 300.000 kr.
Mikil kátína ríkti á uppboðinu
og virtust margir gera góð kaup.
T.d. var algengt að mönnum
væru slegnar fernar gallabuxur
á 300 krónur eða þá dýrindis
samkvæmiskjóll. Sófasett fengu
menn fyrir 10.000 kr. og þóttu
kjarakaup.
— Ólafur
Stúdentaráö fordæmir yfir-
gang Sovétmanna í Afganistan
EFTIRFARANDI ályktun var sam
þykkt á fundi Stúdentaráðs Háskóla
íslands, Bmmtudaginn 18. nóvem-
ber sl.
Eins og flestum er kunnugt þá
dvaldi hér á landi fyrir nokkru
afganskur flóttamaður í boði
Vöku, félags lýðræðissinnaðra
stúdenta. Til þess að ítreka stuðn-
ing sinn við afgönsku andspyrnu-
hreyfinguna, samþykkti Stúdenta-
ráð eftirfarandi ályktun: „Innrás
Sovétríkjanna í Afganistan er
brot á öllum viðurkenndum al-
þjóðalögum. Frelsi og sjálfstæði
þjóðarinnar er fótum troðið. Auk
þess olli innrásin versnandi sam-
búð stórveldanna og vígbúnaðar-
kapphlaupið jókst.“
Sú umfjöllun sem átt hefur sér
stað um málefni Afgana hér á
landi upp á síðkastið hefur veitt
okkur holla áminningu um að afg-
anska þjóðin berst ekki aðeins
fyrir frelsi og mannréttindum,
heldur einnig fyrir lífi sínu gegn
einni stærstu hernaðarvél heims.
SHI fordæmir, sem fyrr, yfir-
gang Sovétmanna í Afganistan og
lýsir jafnframt yfir fullum stuðn-
ingi við baráttu afgönsku and-
spyrnuhreyfingarinnar gegn inn-
rásarliði Sovétmanna.
SHÍ vill ennfremur hvetja Al-
þingi, kirkju, stjórnmálaflokka,
verkalýðsfélög og aðra aðila að
fara að dæmi SHI.