Morgunblaðið - 08.12.1982, Blaðsíða 19

MORGUNBLAÐIÐ, MIÐVIKUDAGUR 8. DESEMBER 1982
19
*
Velheppnaðir Islands-
dagar í Fuglsang
„Lslandsdagarnir í Fuglsang
hcppnuðust í alla staði vel — þökk
sé hjónunum Erik og Trauta Sönder-
holm, sem höfðu veg og vanda af að
skipuleggja dagana. Þá mæltust er-
indi Eriks um Halldór Laxness og
íslendingasögur vel fyrir,“ skrifaði
Konn Sörensen, forstöðumaður sýn-
ingarsalarins í Fuglsang á Lálandi i
Danmörku eftir íslandssýningu sem
stóð frá 31. október til 10. nóvember
síðastliðins.
Sýnd voru verk eftir Jón Reyk-
dal, grafíklistamennina Pétur
Stefánsson og Hörpu Björnsdótt-
ur, og gullsmiðina Ásdísi Sveins-
dóttur Thoroddsen og Jens Guð-
jónsson. Þá voru sýndir munir eft-
ir Huldu Jósefsdóttur og Helga
Egilsson. Jafnframt því að sýnd
voru verk íslenzkra listamanna,
héldu Gísli Magnússon píanóleik-
ari og Gunnar Kvaran cellóleikari
tónleika. Þá voru sýnd verk sem
tengjast Islandi eftir danska lista-
menn.
íslandskynningin var hluti af
„norrænum vikum" í Fuglsang.
Áður höfðu verk finnskra lista-
manna verið kynnt.
Island er
kommet til
Fuglsang
/slandske og danske kunstnere ud-
stiller pá refugiet frem til 10. novem-
ber
„Geimálfurinn“
frumsýnd í Laugar-
ásbíói á morgun
BANDARÍSKA stórmyndin The
Extra-Terrestrial eða E.T. verður
frumsýnd í Laugarásbíói á fimmtu-
dagskvöldið nk. kl. 20.00. Kvik-
myndin verður frumsýnd samtímis í
Reykjavík, London og París. Hún
hefur ekki enn verið frumsýnd á hin-
um Norðurlöndunum vegna þess að
þar hafa ekki náðst samningar við
dreifingarfyrirtækið Universal í
Bandaríkjunum, sem heimta háar
prósentur af sýningum á myndinni.
Laugarásbiói tókst að gera hagstæða
samninga.
Á frumsýningardaginn kl. 13.30
Geimálfurinn góði úr mynd Spiel-
bergs, The Extra-Terrestrial, sem
frumsýnd verður í Laugarásbíói nk.
fimmtudag.
verður sérstök barnasýning þar
sem vangefnum og þroskaheftum
börnum verður boðið að sjá mynd-
ina. Það eru Junior Chamber-fé-
lagar í Reykjavík, sem skipuleggja
þá sýningu en börnin, sem boðið
verður, eru úr eftirtöldum skólum:
Öskjuhlíðarskóla, Heyrnleysingja-
skólanum, Þjálfunardeild við
Kópavogshæli, Bústaðaskóla og
sérdeildum Safamýrar- og Hlíða-
skóla.
JC-félagarnir sjá einnig um
frumsýninguna um kvöldið. Miði á
þá sýningu mun kosta 150 krónur
og rennur allur ágóði til málefna
vangefinna og þroskaheftra. í lok
sýningarinnar verður fulltrúum
barnanna afhentur ágóði af frum-
sýningunni en hann skiptist milli
áðurnefndra aðila. Er talið að um
63.000 krónur náist inn á frumsýn-
ingunni.
Þeir, sem fylgjast með í kvik-
myndaheiminum, kannast eflaust
vel við geimálfinn E.T. Það er sá
frægi Steven Spielberg (Jaws,
Raiders of the Lost Ark), sem leik-
stýrir og framleiðir myndina. Hún
er á góðri leið með að slá öll fyrri
aðsóknarmet í Bandaríkjunum.
Þetta er sannkölluð fjölskyldu-
mynd. Hún segir frá geimveru,
sem skilin er eftir á jörðinni,
þremur milljónum ljósára frá
heimkynnum sínum. Hún hittir
lítinn strák, sem kemur henni til
hjálpar og tekst mikill vinskapur
með þeim. Geimálfurinn getur
gert ýmsa þá hluti, sem manninn
getur aðeins dreymt um að gera.
Tónlist í myndinni er eftir John
Williams en handritið er skrifað
af Melissu Mathison.
Jólatónleikar Skagfirsku söngsveitarinnar
SKAGFIRSKA söngsveitin heldur
jólatónlcika í Bústaöakirkju fimmtu-
daginn 9. desember kl. 20.30.
Á efnisskrá eru m.a. lög eftir
Árna Björnsson, Eyþór Stefáns-
son, Sigfús Halldórsson, Sigvalda
Kaldalóns og Þórarinn Jónsson.
Af erlendum höfundum má nefna
Mozart, Hándel og Bach. Á þess-
um jólatónleikum eru m.a. jólalög,
svo sem Aðfangadagur jóla 1912
eftir Stefán frá Hvítadal við lag
Sigfúsar Halldórs, Nóttin helga
eftir A. Adams, Kirkjuarian eftir
Stradella, þar sem Sverrir Guð-
mundsson syngur einsöng, Jóla-
kvæði eftir séra Einar Sigurðsson
í Eydölum við lag Sigvalda Kalda-
lóns og lýkur á Heims um ból.
Að þessu sinni koma fram með
kórnum fjórir einsöngvarar, þau
Halla Jónasdóttir, Snorri Þórðar-
son, Steinn Erlingsson og Sverrir
Guðmundsson. Söngstjóri er Snæ-
björg Snæbjarnardóttir og undir-
leikari Árni Arinbjarnarson.
I tilefni árs aldraðra er sá ald-
urshópur sérstaklega velkominn.
Kórinn hefur í hyggju að syngja á
elliheimilum og sjúkrahúsum á
næstu dögum. Kórfélagar eru 75
talsins og starfsemi kórsins í
miklum blóma.
Aðgangur að tónleikunum er
ókeypis.
Þeir kynntu möguleika ferðamannsins i hinum 10 sögufrægu bnrgum Vestur-
þýskalands. Á myndinni eru (f.v.) Georg Ebeling forstjóri þýzku feróamálaskrif-
stofunnar í Kaupmannahöfn, Frank E. Siemsen ræóismaður íslands í Liibeck,
Fritz Kleiber forstjóri ferðamálaskrifstofunnar í Augsburg og Heinz Peters frá
Liibeck. Morgunblaðið/KÖE
Kynntu möguleika ferða-
mannsins í tíu sögu-
frægum þýzkum borgum
Nýverið voru staddir hér á landi
fulltrúar tíu vestur-þýzkra borga,
sem tekið hafa saman höndum um
að glæða ferðamannastraum til
borganna. Voru þeir hingað komnir
til að vekja athygli ferðaskrifstofu-
manna á borgunum. Ilefur i þessu
skyni verið myndað bandalag þess-
ara borga og nefnist það „Hinar 10
sögufrægu", en til þess heyra borg-
irnar Liibeck, Bremen, Miinster,
Bonn, Trier, Wiirzburg, Heidelberg,
Niirnberg, Freiburg og Augsburg.
„Þessar 10 borgir, sem ákveðið
hefur verið að kynna sameigin-
lega, eiga það allar sameiginlegt,
að þær eru gamlar og fornfrægar
og eiga sér ríkulega sögu,“ sagði
Franz E. Siemsen, ræðismaður Is-
lands í Lúbeck, við blaðamann, en
hann kom hingað ferðamálafull-
trúunum til trausts og halds.
Fyrir borganna hönd komu
hingað forstjórar ferðamálaráða
Lúbeck og Augsburg, en einnig
forstjóri þýzku ferðamálaskrif-
stofunnar í Kaupmannahöfn.
Fimm ár eru síðan borgirnar
tóku sig saman um þessa kynn-
ingarstarfsemi. Auk sjálfstæðs
kynningarstarfs er haft náið sam-
starf við þýzka ríkisflugfélagið,
Lufthansa, og járnbrautirnar.
Ferðamálafulltrúarnir sögðu að
aukin áherzla væri lögð á að
kynna V-Þýzkaland sem ferða-
mannaland og þá möguleika sem í
boði væru fyrir ferðamenn, sem
þangað færu. Þeir fullyrtu að ís-
lenzkir ferðamenn ættu að geta
fundið ýmislegt við sitt hæfi á öll-
um árstímum í borgunum 10.
Þeir sögðu að meðal þess sem
borgirnar hefðu upp á að bjóða
umfram stórborgirnar væri meiri
fegurð, glæstari saga, minni og
huggulegri gististaðir og lægra
verðlag. Auk þess væri menning
og listir í háum gæðaflokki í borg-
unum 10.
Tvær borganna 10, Trier og
Augsburg, eru jafnframt tvær
elztu borgir V-Þýzkalands. Trier
verður 2.000 ára á næsta ári og
Augsburg nær sama aldri 1984.
íslenzkum ferðamönnum í
V-Þýzkalandi hefur fjölgað jafnt
og þétt á undanförnum árum, og
nærri lætur að á síðasta ári hafi
íslendingar gist um 30 þúsund
gistinætur þar í landi. Þá kom
fram á fundinum að á fyrri hluta
þessa árs hafi gjaldeyristekjur
V-Þjóðverja af íslendingum auk-
ist um nær 30 af hundraði.
Listmuna-
stofa opnuð
llveragerði, 2. desember.
Myndlistarmaöurinn Sigurður
Sólmundarson og eiginkona hans,
Auöur Guðbrandsdóttir, opnuðu í
gær lítinn listaskála að heimili sínu,
Dynskógum 5 í Hveragerði. Skálinn
heitir „Litla listmunastofan" og
verður hún opin fimmtudaga og
föstudaga frá klukkan 14 til 18, en
laugardaga og sunnudaga frá klukk-
an 14 til 22.
Þarna sýnir Sigurður 20 nýjar
myndir, sem hann hefur unnið úr
efnum úr steinaríkinu og öðrum
náttúrulegum efnum. Þetta er
fjórða einkasýning Sigurðar og
eru myndirnar til sölu. Þá eru og
til sýnis og sölu ýmsir handunnir
munir úr tré og fleiri efnum, til
dæmis gesta- og dagbækur, sem
kaupandinn getur fengið skreyttar
og áritaðar að eigin ósk.
Sigurður Sólmundarson er
handmenntakennari við grunn-
skóla Hveragerðis og undrar
marga, hversu afkastamikill hann
er við listsköpun sína jafnframt
fullu starfi.
Til greina kemur að leigja stof-
una út undir fundi, en hún tekur
um 30 manns í sæti og þar eru á
boðstólum öl- og kaffiveitingar.
Við Hvergerðingar hljótum að
fagna þessu framtaki þeirra hjóna
og óskum þeim góðs gengis með
reksturinn. Sigrún
Bíóhöllin sýnir
„Manninn með
barnsandlitið“
BÍÓHÖLLIN hefur hafið sýningar á
kvikmyndinni „Maðurinn með barns-
andlitiö". Aðalhlutverk í myndinni
leika Terence llill og Bud Spencer.
Kvikmyndin fjallar um gullrán, er
lest er rænd og allir, sem með henni
ferðast eru drepnir. Síðan snýst
söguþráðurinn um leit að gullinu.