Morgunblaðið - 28.02.1988, Blaðsíða 9

MORGUNBLAÐIÐ, SUNNUDAGUR 28. FEBRÚAR 1988
9
HUGVEKJA
Það er kallað
eftir sr. HALLDÓR GUNNARSSON
Það er harður húsbóndi, tíma-
leysið. Að vera nær alltaf að
gera eitthvað á síðustu stundu
eða þá sem verra virðist að
fresta því. Hvers vegna? Það er
kallað á okkur úr svo mörgum
áttum. Vinnan kallar, heimilið
og fjölskyldan, vinir og ættingj-
ar, aukastörfin öll, langanir, sem
fjölmiðlar og auglýsingar berg-
mála svo hátt og snjallt, að eng-
in leið er að komast undan og
síminn, sem virðist alltaf hafa
forgang. Kallið hljómar svo
miklu víðar, hávaðatónlist nýrra
útvarpsstöðva, sem virðist
smjúga ails staðar að og vissu-
lega er það erfítt, kallið til hug-
ans um það sem er ógert og
lætur mann ekki í friði og allt
sem maður sér heima eða á
vinnustað, sem bíður fram-
kvæmdar og kallar til manns.
Afleiðjng þessa ástands er
„stress", óskilgreint hugtak um
vanlíðan, sem brýst um síðir út
í vöðvagigt eða bólgu eða ann-
arri þyngri meinsemd. Innri sál-
arkreppa leitar um síðir út og
kemur þá fram í líkamlegum
veikindum.
Það er yndislegt að vera heil-
brigður, að geta tekist á við öll
óleystu verkefnin. Geta sinnt
félagsstörfum og jafnvel stjóm-
málum og reyna þannig að
bjarga því sem virðist vera að
fara úr böndum. Það þarf svo
víða að sinna kalli.
Svo kemur allt í einu kall úr
annarri átt og það kemur alltaf
jafn mikið að óvörum. Það hend-
ir ekki alla en enginn getur ver-
ið fyrirfram viss um að það kall
hljómi ekki til hans. Þetta kall
er slys eða veikindi. Þá verður
tímaleysi hins heilbrigða hlægi-
legt. Þá verður viðleitnin til að
bjarga vandamálum tengdum
félagsmálum og óuppfylltum
löngunum brosleg. Þá skilst í
einu vettvangi hversu dýrmæt
fjölskyldan er og það að eiga
annan vin að. Þá skilst fyrst að
tímaleysi er ekki til, því tíminn
er tilbúin mælieining, sem mælir
stundir og daga, sem við ætlum
okkur fyrirfram að eiga. Eða
hver er sá sem getur átt fyrir-
fram morgundaginn? Enginn.
Við vitum aldrei með fullri vissu
hvað stundin sem framundan er
geymir og ekkert heldur um
nóttina, sem svefn okkar hylur.
Ritningin segir okkur í dag
frá sérstæðu kalli Bartímeusdar:
„Davíðs sonur, Jesú, miskunna
þú mér.“ Jesús var á sinni hinstu
ferð til Jerúsalem, þar sem hann
vissi að krossinn og þjáningin,
smánin og einsemdin biðu hans.
Lærisveinar hans reyndu að
vemda hann frá kalli þessa bein-
ingarmanns við veginn. Það
brást. Kallið barst til Jesú og
hann nam staðar. — Hugsum
um það. Hann nam staðar,
heyrði kailið, skildi bænina og
vonina, tók þátt í örbyrgð hans
og óendanlegri þjáningu blinda
beiningarmannsins, sem bjó við
það hlutskipti að sitja í myrkri
fyrir utan þorpið við veginn og
þiggja ölmusu, þiggja aftur og
aftur lífgjöf til einnar stundar í
formi smápeninga til að kaupa
sér lífsviðurværi.
Jesús sagði: „Kallið á hann.
Og þeir kalla á blinda manninn
og segja við hann: Vertu hug-
hraustur, stattu upp, hann kallar
á þig. En hann kastaði frá sér
yfirhöfn sinni, stökk á fætur og
kom til Jesú. Og Jesús ávarpaði
hann og sagði: Hvað viltu að ég
gjöri fyrir þig? Og blindi maður-
inn sagði við hann: Rabbúni,
það, að ég fái aftur sjón mína.
En Jesús sagði við hann: Far
þú leiðar þinnar, trú þín hefur
gjört þig heilan. Og jafnskjótt
fékk hann aftur sjónina og fylgdi
honum áleiðis."
Það var sagt frá kalli tveggja
manna, Bartímeusar og Jesú.
Það var bænarkall og bænar-
svar. Annar hafði mætt þjáning-
unni, myrkrinu, háðinu og ill-
giminni. Hinn var á leið til móts
við myrkrið. Þá skeði undrið
með þessum skrifuðu orðum:
Hann nam staðar. Hann heyrði
bænina og uppfyllti óskina og
hélt síðan áfram sína leið, til
móts við krossinn.
Þessi frásögn á að koma til
okkar allra í dag. Hann nemur
staðar og heyrir bænarkall okk-
ar: Miskunna þú, hjálpa þú og
ef við eigum í innri trúarbaráttu
gagnvart þjáningunni hljómar
bæn okkar: Ég vil trúa, hjálpa
þú vantrú minni.
Skiljum við ekki betur núna
hvað tímaleysi er ómerkilegt og
tilgangslaust? Þurfum við virki-
lega sjálf að mæta slysi, veikind-
um, ástvinamissi eða annarri
þjáningu til að geta skilið það
dýrmætasta sem við eigum: Að
vera heilbrigð og njóta alls sem
Drottinn Guð hefur gefíð á rétt-
an hátt, að elska hann með því
að elska maka okkar, böm, for-
eldra, aðra ættingja og ástvini
og þann sem mætir okkur á
lífsleiðinni og er hjálpar þurfí.
Lærum að nema staðar
frammi fyrir kalli þess einstakl-
ings sem þjáist og biður um
hjálp. Læmm að nema staðar —
aðeins stutta stund til að geta
farið með bæn okkar, kall okkar
til hans, sem gefur okkur
lífsdaginn og stundina sem fram
undan er. Lærum að nema stað-
ar til að geta litið til baka og
fram á leið. Upphafíð og endir-
inn virðast þar. Okkur er boðin
fylgd með honum til þjáningar-
innar á krossi og þaðan til
páskadagsmorguns á nýjum
degi.
VÖRN GEGN VERÐBÓLGU
KJARABRÉF - Ávöxtun: 12 - 14°/*umfram verðbólgu
TEKJUBRÉF - Ávöxtun: 12 - 14%*umfram verðbólgu
MARKBRÉF - Ávöxtun: 13 - 16%*umfram verðbólgu
BANKABRÉF - Ávöxtun: 9 - 10% umfram verðbólgu
SPARISKÍRTEINI - Ávöxtun: 7,2 - 8,5% umfram verðbólgu
VAXTAKJORIN IDAG Hér að ofan geturðu séð hvernig
vaxtakjörin eru í dag. Þess ber þó að gæta að tölurnar eru birtar
án tillits til sölulauna eða innlausnargjalds. Fjárfestingarfélagið
| er alltaf reiðubúið til þess að veita þér upplýsingar um bestu
£ kosti verðbréfamarkaðsins hverju sinni.
* Ácetlud raunávöxtun nœstu nánuði
TALAÐU VID OKKUR Sérfræðingar Fjárfestingarfélagsins
eru alltaf til viðtals í Kringlunni og í Hafnarstræti 7. Þeir veita
þér góð ráð um ávöxtun peninganna þinna, innlausn spari-
skírteina, kaup og sölu verðbréfa, gengi verðbréfa, aðstoð við
fjárfestingar og annað sem þú þarft að vita. í dag er nauðsynlegt
að nýta sér aðstoð þeirra sem þekkja markaðinn.
Símsvarinn okkar er í vinnu allan sólar-
hringinn. Hann veitir þér upplýsingar um
daglegt gengi Kjarabréfa, Markbréfa,
Fjölþjóðabréfa og Tekjubréfa.
SÍMANÚMER SÍMSVARANS ER 28506
HAFNARSTRÆTI 7, 101 REYKJAVÍK, S (91) 28566
Tólf ár í fararbroddi!
G2>
FJÁRFESÍINCARFÉIAGIÐ
KRINGLUNNI, 103 REYKJAVÍK, S (91) 689700
GENGI 26. FEBRÚAR
KJARABRÉF 2.663
TEKJUBRÉF 1.363
MARKBRÉF 1.383
FJÖLÞJÓÐABRÉF 1.268