Morgunblaðið - 15.01.1993, Blaðsíða 5

MORGUNBLAÐIÐ FÖSTUDAGUR 15. JANÚAR 1993
5
Heilsustofnun NLFI í Hveragerði
Þjónustugjöld innheimt
fyrir 130 af 160 rúmum
HEILSUSTOFNUN Náttúrulækningafélags íslands í Hveragerði hef-
ur fengið heimild heilbrigðisráðuneytisins til að taka daggjöld af
130 rúmum af þeim 160 rúmum sem eru á stofnuninni. Að sögn
Árna Gunnarssonar, framkvæmdastjóra Heilsustofnunarinnar, þarf
um 50 milljónir króna á þessu ári til að brúa bilið milli framlags
ríkisins og áætlaðs rekstrarkostnaðar. Gjaidið sem tekið hefur verið
upp er 1.300 til 1.500 kr. á sólarhring fyrir 80 rúm, en 1.000 til 1.200
kr. fyrir 50 rúm.
A fjárlögum er gert ráð fyrir að
Heilsustofnun NLFI fái 191 milljón
króna til rekstrarins á þessu ári og
12,5 milljónir til framkvæmda, eða
samtals 203,5 milljónir. Að sögn
Árna Gunnarssonar er þetta um 50
milljónum króna lægri upphæð en
reksturinn kostaði á síðasta ári.
Nýtt dómhús
Hæstaréttar
Ríkíð leitar
til borgar-
yfirvalda
BORGARRÁÐI hefur borist bréf
frá fjármálaráðuneyti og dóms-
málaráðuneyti, þar sem óskað er
eftir viðbrögðum og viðhorfi
borgaryfirvalda til nýtingar á
lóðinni við Lindargötu 2, undir
dómhús Hæstaréttar.
Að sögn Vilhjálms Þ. Vilhjálms-
sonar formanns skipulagsnefndar,
er gert ráð fyrir að dómhúsið verði
milli 1.800 til 2.000 fermetrar að
stærð. Erindinu var vísað til um-
sagnar skipulagsnefndar, sem mun
taka það fyrir á mánudag.
„Við urðum því að leita einhverra
leiða til að reka hér þessi 160 rúm,
og varð niðurstaðan sú að okkur
er heimilað að taka daggjöld fyrir
130 rúm. Gjaldið fer nokkuð eftir
því hvar viðkomandi rúm eru í þess-
ari stóru stofnun, og þannig verða
dýrustu gjöldin 1.500 kr. á sólar-
hring, en þau ódýrustu 1.000 kr.
Hæsta gjaldið er þó hundrað krón-
um lægra en það gjald sem tekið
var fyrir 60 endurhæfingarrúm á
síðasta ári,“ sagði Árni.
Hann sagði að þau 30 rúm sem
verða án gjaldtöku væru svokölluð
endurhæfingarrúm, sem einkum
væru ætluð því fólki sem þyrfti á
mikilli endurhæfingu að halda eftir
aðgerðir eða vist á sjúkrahúsum.
Árni sagði að miklar breytingar
hefðu verið gerðar að undanförnu
á ýmsu í rekstri Heilsustofnunar
NLFÍ án þess að horfið hefði verið
frá upprunalegum markmiðum
náttúrulækninga um hverskonar
forvarnir með réttu mataræði, góðri
hreyfingu og skynsamlegu lífemi.
„Það sem kannski er nýmæli í
þessum samningi sem gerður er við
ráðuneytið er að hann gildir í raun
og veru til fimm ára. Við erum
þannig búin að fá ágætiseinkunn
hjá heilbrigðisyfírvöldum vegna
þeirra breytinga sem hér hafa verið
gerðar, og það er gefið undir fótinn
með að þetta samstarf geti varað
í að minnsta kosti fímm ár,“ sagði
Árni.

hjá H.K. þjónustunni, Smiðjuvegi 4B, Kópavogi (bak við Bónus),
laugardaginn 16. og sunnudaginn 17. janúarfrá kl. 10-17.
Komið og sjáið frábæra sleða á frábæru verði.
POLARIS EINKAUMBOÐ A ISLANDI:
Hjólbarðaþjónustan, Undirhlíð 2, Akureyri.
Umboð á Suðurlandi: H.K. þjónustan, Smiðjuvegi 4B, Kópavogi