Morgunblaðið - 15.01.1993, Side 41
MORGUNBLAÐIÐ FÖSTUDAGUR 15. JANÚAR 1993
41
Vaxtamunur Islands-
banka eykst ekki
Frá banka- og framkvæmdastjórn
íslandsbanka hf.:
Að gefnu tilefni, vegna ummæla
í fjölmiðlum um vaxtabreytingar um
áramót, óskar íslandsbanki eftir að
gera eftirfarandi athugasemd:
1. Vaxtabreytingar voru ekki
gerðar til að auka vaxtamun bank-
ans. Áætlað er að vaxtamunur ís-
landsbanka hafi verið í heild 2,7% á
liðnu ári og helst hann óbreyttur nú
í upphafi árs. Það er minnsti vaxta-
munur í sögu bankans. Afkomu
bankans vegna væri hins vegar
æskilegt að hann væri 3,0%.
2. Vegna gengisbreytinga og ráð-
stafana í ríkisfjármálum er tíma-
bundin aukning á verðbólgu fyrirsjá-
anleg. Umtalsverður hluti óverð-
tryggðra útlána banka og sparisjóða
er fjármagnaður með verðtryggðum
innlánum. Þessi staðreynd gerir það
óhjákvæmilegt að hækka vexti á
óverðtryggðum lánum þegar verð-
bólga eykst. Sem betur fer eru allar
horfur á að verðbólgan hjaðni á ný
þegar kemur fram á vor og ættu
óverðtryggðir vextir þá að lækka
aftur.
3. Víxitvextir bankans eru nú
15,6%. Þetta eru forvextir, greiddir
fyrirfram, og verða þeir að taka mið
'r. af verðlagshorfum næstu vikna. í
tjósi þeirrar verðbólguspár, sem fyr-
ir lá þegar ákvörðun var tekin, voru
þessir vextir síður en svo óeðlilega
háir. Nú hefur ríkisstjórnin ákveðið
að beita sér fyrir breytingum á end-
urgreiðslu virðisaukaskatts og mun
það hafa áhrif á þróun lánskjaravísi-
tölunnar. Vextir íslandsbanka verða
endurskoðaðir með hliðsjón af þessu.
4. Vextir á verðtryggðum lánum
- taka mið af markaðsvöxtum spari-
n skírteina og húsbréfa á Verðbréfa-
þingi íslands. Allt frá því í maí á
síðasta ári og fram til desembermán-
aðar hækkuðu markaðsvextir jafnt
og þétt. I nóvember voru meðalvext-
ir spariskírteina á Verðbréfaþingi
7,79%. Kjörvextir íslandsbanka, sem
eru lægstu útlánsvextir, voru þá
7,75%. Það getur ekki gengið að
vextir á spariskírteinum séu hærri
en lægstu útlánsvextir. Þess vegna
hafa vextir á verðtryggðum lánum
verið hækkaðir. Kjörvextir íslands-
banka eru því nú 8,25%.
5. Nýlega samþykkti Alþingi laga-
breytingu, sem hafði í för með sér
lækkun dráttarvaxta. í því sambandi
er mikilvægt að hafa í huga að drátt-
arvextir eru miðaðir við meðalútl-
ánsvexti liðins tíma. Breytingar á
dráttarvöxtum koma því alltaf á eft-
ir öðrum vaxtabreytingum. Þetta
veldur því að á tímum vaxandi verð-
bólgu verða dráttarvextir oft óeðli-
lega lágir um tíma. Að sama skapi
verða dráttarvextir á hinn bóginn
óeðlilega háir þegar verðbólgan
hjaðnar og þar til jafnvægi næst á
nýjan leik.
Það er því ekki einkennilegt né
einstætt að dráttarvextir geti um
tíma verið lægri en hæstu útláns-
vextir. Þetta gefur hins vegar tilefni
til að spyrja að því hvort ekki sé
ástæða til að endurskoða þær reglur
sem nú eru notaðar við ákvarðanir
dráttarvaxta.
6. Stjómendur íslandsbanka telja
rétt og skynsamlegt að bregðast
strax við þeim vanda sem tímabund-
in aukning á verðbólgu veldur. Á
þann hátt er staða og afkoma bank-
ans best tryggð og þannig getur
bankinn best sinnt þörfum viðskipta-
vina sinna í bráð og lengd, jafnt
innstæðueigendum og lántakendum.
Banka og framkvæmdaptjórn
íslandsbanka hf.,
Kringlunni 7, Reykjavík
LEIÐRÉTTIN G AR
Nafn misritaðist
í minningargrein Páls B. Helga-
sonar yfirlæknis um Ófeig J. Ófeigs-
son lækni í blaðinu á miðvikudag
misritaðist nafnið á félagssamtökun-
um Mayo Alumni á íslandi, en það
er félagsskapur íslenskra lækna, sem
stundað hafa framhaldsnám við
Mayo Clinic í Minnesota í Bandaríkj-
unum. Beðist er velvirðingar á mis-
tökum þessum.
Grunnkennslu-
bók
í frétt á blaðsíðu 10 í Morgunblað-
inu í gær er sagt frá nýútkominni
kennslubók eftir Ólaf M. Jóhannes-
son, er nefnist „Stafsetning - reglur
og æfingar“. í upphafi fréttarinnar
misritaðist orðið „grunnkennslubók"
og varð að grunnskólabók. Þetta leið-
réttist hér með og er ítrekað að bók-
in er grunnkennslubók fyrir nemend-
ur á framhaldsskólastigi.
Forboðin spor
ekki ást
í fréttatilkynningu frá Háskólabíó
sem birtist í blaðinu í gær var rangt
farið með nafn myndarinnar sem
nýlega var frumsýnd en hún heitir
Forboðin spor en ekki Forboðin ást.
Morgunblaðið biðst velvirðingar á
þessum mistökum.
Athugasemd
frá NLFÍ
MORGUNBLAÐINU barst í gær
svohljóðandi athugasemd frá Nátt-
úrulækningafélagi íslands:
„Að gefnu tilefni óskar Náttúru-
lækningafélag íslands eftir að fram
komi að Ingibjörg Björnsdóttir, höf-
undur greinar, er nefnist „gigt er
læknanleg", er birtist í Morgunblað-
inu þann 13. janúar, skrifar ekki í
nafni félagsins. Ingibjörg var ráðin
n
i
VELVAKANDI
AÐ UPPLIFA
GUÐDÓMINN
Elsa Georgsdóttir:
Guðsríki finnst aðeins með því
að lifa lífinu. Hinn sannmenntaði
maður er sá sem lífið hefur
kennt. Guðdómurinn er alviturt
afl sem öllu stjórnar. Það er eng-
in tilviljun til. Við mætum honum
í öllu sem fyrir okkur kemur í
lífinu. Enginn hefur leyfi til að
predika um Guðdóminn.
Engvir tveir menn hljóta sömu
reynslu, þess vegna eru leiðirnar
til Guðdómsins eins margar og
mennirnir eru margir. Reynsla
hvers manns er það eina sem
hann á. Og það er það sem er
svo leyndardómsfullt og spenn-
andi við hvern, og sem maður á
að bera virðingu fyrir. Þess
vegna á maður að afla sér sem
mestrar reynslu, á því vex mað-
ur. Vaxa í samfélagi hvort við
annað en ekki útiloka hvort ann-
að.
Maðurinn dæmir sig sjálfur
með hugsunum sínum, orðum og
athöfnum. Maðurinn lærir ekki
neitt af orðum. Það er vegna
þess að það er reynslan ein sem
kennir. Trúarbrögð eru aðeins
út í hött, þau eru eins og pólitík,
eintómt mas og orðagjálfur. Það
á að upplifa Guðdóminn en ekki
tala um hann. Fáir hafa lært af
stórmennum mannkynssögunnar
vegna þess að sannleikann er
ekki hægt að segja með orðum,
aðeins upplifa hann með því að
lifa lífinu með réttri afstöðu til
þess. Hættum að predika um
frelsarann, lifum heldur lífinu og
verðum eins stór og hann.
TÝNDURJAKKI
Ljós kvendragtaijakki tapað-
ist á Hótel íslandi á gamlárs-
kvöld. Finnandi vinsamlegast
hringi í síma 45278.
HÁLAR
TRÖPPUR
Blaðberi hringdi og vildi koma
koma því á framfæri við húseig-
endur að hreinsa vel tröppur og
aðgang að húsum og hafa úti-
ljósin kveikt, því á stundum
væri aðkoman að húsum stór-
hættuleg fyrir gangandi vegfar-
endur.
KRISTNES-
MÁLIÐ
Alveg blöskrar manni það sem
stendur í Degi á Akureyri 8. og
9. janúar sl. Þar stendur 8. janú-
ar: „Ný staða komin upp í Krist-
nesmálinu." „Samkomulag heil-
brigðisráðneytis við FSA sögð
mistök og tekist á um nýtt með
aðild Ríkisspítalanna." „Krafa
stjórnarinnar um orlofshús í
Kristnesi nú mesta ágreinings-
efnið. Þann 9. janúar: „Til
skammar að yfirtakan strandi á
einu húsi,“ segir forstjóri Ríkis-
spitalanna.
Hvernig getur stjórnarnefndin
verið þekkt fyrir að fara fram á
að fá orlofshús til eigin nota
þegar sífellt er talað um sparn-
að, nær þessi sparnaðaráætlun
ekki til ykkar, sem einmitt vinn-
ið að þessu?
Ekki trúi ég öðru en að þetta
framferði verði stöðvað.
TÝNDUR
KÖTTUR
Hálfstálpaður svartur og hvít-
ur högni týndist frá Bollagötu
milli jóla og nýárs. Gegnir nafn-
inu Lilli og er mjög mannelskur.
Upplýsingar í síma 21986.
ER GIFT FÓLK
ÞRIÐJA
FLOKKS?
Undirritaða langar að spyija
hvað gift fólk þarf að ganga
langt til að fá leikskólapláss. Þó
ekki væri nema hálfan daginn
virðist vera erfitt og það fyrir
barn sem er komið á fimmta ár.
Dóttir okkar er búin að bíða í
tvö heil ár eftir að komast inn
eftir hádegi í Hólaborg í Efra-
Breiðholti og ekki er nokkur von
um að hún fái pláss fyrr en
næsta vor eða sumar, þegar öll
sex ára böm hætta og fara í
skóla. Hún er greinilega þriðja
flokks barn þar sem hún á gifta
foreldra en ekki þessa sem lifa
á kerfinu, svo sem einstæða fo-
renda og námsfólk. Svo ofan á
þetta allt saman kemur klíku-
skapur hreint og beint.
Það virðist ekki skorta pen-
inga þegar á að byggja Ráðhús
eða Perlu og það nýjasta er að
fara að eyða offjár í skautasvell
á Tjörninni þegar til er þetta fína
svell í Laugardal. Væri ekki
betra að nota þá peninga til að
reisa fleiri leikskóla eða dag-
heimili hér í bæ og reyna að
bæta aðstöðu komandi kynslóða.
Nei, það virðist vera aðalkapps-
mál ráðamanna að reisa ein-
hverja minnisvarða úr steini svo
að komandi kynslóðir muni eftir
þeim á dauðan hátt en ekki á
mannlegan og nýtanlegan hátt.
Með þessum orðum vona ég
að augu fólks opnist og sjái hvert
stefni í þessu samfélagi.
Með von um betri framtið fyr-
ir börnin okkar.
Vilborg Jónsdóttir.
til reynslu við Heilsuskóla NLFI á
síðastliðnu ári og lauk þeim reynslu-
tíma hinn 31. desember 1992.
Ennfremur óskar félagið eftir að
fram komi, að nýstofnaður skóli,
Heilsuskólinn sf., er Ingibjörg veitir
forstöðu, tengist á engan hátt Nátt-
úrulækingafélagi íslands.
Náttúrulækningafélagið gefur út
tímaritið Heilsuvemd, rekur Heilsu-
skóla NLFÍ og Heilsustofnun NLFÍ
í Hveragerði. Það hefur á að skipa
fagmönnum jafnt í meðferð gigt-
lækninga sem á öðrum sviðum og
túlkar greinin því að engu leyti sjón-
armið Náttúrulækningafélagsins."
RODIER
Stórútsala
30-70% AFSLÁTTUR
Stærðir frá 34
RODI
BORGARKRINGLUNNI •
R
SÍMI: 67 80 55
1 sM
Viltu halda i
æskublómann-
Fræðsla um hollustuhætti, kennsL .
andlitslyftingu, næringu, kjarnafæði og
kripalujóga.
Þetta er viðurkennd aðferð, sem verndar
æskublómann, eyðir hrukkum og eykur
almenna vellíðan og orku.
Leiðbeinendur: Hallgrímur Þ. Magnússon, læknir,
Ingibjörg Guðmundsdóttir og Ingibjörg Björnsdór'
Mæting einu sinni í viku tvo tíma í senn
6 sinnum. Samtals 12 klst.Verð kr. 9.000
Greiðsluskilmálar.
Taktu ábyrgd á eigin heilsu!
Upplýsingar og bókanir virka daga
frákl. 12-20 ísíma*J | Q66
J\
eilsuskólinn sf.
AUSTURSTRÆTl 17, 3. HÆÐ, 101 Reykjavík
VERÐLAUNAHAFAR
[ GETRAUN HAPPDRÆITIS
HÁSKÚLA ÍSLANDS
EINFALDUR
Kolbrún Haraldsdóttir, Engihjalla 15,200 Kópavogi
Rúnar Steindórsson, Lambstekk 8, 109 Reykjavík
Jón Bragi Gunnarsson, Hagamel 43,107 Reykjavík
Kristján Guðmundsson, Hamarsgerði 8,108 Reykjavík
Lilja Halldórsdóttir, Dalbraut 53, 300 Akranesi
Ásgeir Þór Ólafsson, Ásklifi 15,340 Stykkishólmi
Ólöf Jóna Elíasdóttir, Birkigrund 33,200 Kópavogi
María Stefánsdóttir, Bjarkarstíg 5, 600 Akureyri
Guðrún Þ. Níelsdóttir, Stapasíðu 16,603 Akureyri
Unnur Ósk Unnsteinsdóttir, Fjarðarvegi 37, 680 Þórshöfn
TROMP
Guðjón Magnússon, Eyrarlandsvegi 8, 600 Akureyri
Amheiður Runólfsdóttir, Efstalandi 6,108 Reykjavík
Jóna Soffía Baldursdóttir, Sólgarði, 720 Borgarfirði Eystra
Jóhanna L. ívarsdóttir, Furugrund 66,200 Kópavogi
Kristín Sigtryggsdóttir, Rauðalœk 39,105 Reykjavík
NÍA
Sigfús Sigfússon, Þórunnarstrceti 125, 600 Akureyri
Miðarrtir verða sendir vinningshöfum ípósti.
Happdrætti Háskóla íslands þakkar landsmönna
góða þáttöku í getrauninni.
Dregið verður í 1. flokki í DAG 15. janúar 1993.
HAPPDRÆTTI
HÁSKÓLA ÍSLANDS
vænlegast til vinnings