Morgunblaðið - 21.04.1998, Qupperneq 23

MORGUNBLAÐIÐ
ÞRIÐJUDAGUR 21. APRÍL 1998 23
ERLENT
Fundur leiðtoga Ameríkurrkja í Santiago
Stefnt að stærsta frí-
verslunarsvæði heims
Santiago. Reuters.
LEIÐTOGAR Amcríkuríkja
ákváðu á fundi í Santiago í Chile á
sunnudag að hefja samningaviðræð-
ur um stofnun stærsta fríverslunar-
bandalags heims ekki síðar en árið
2005. Þeir lofuðu ennfremur að-
gerðum til að draga úr fátækt,
stemma stigu við eiturlyfjasmygli
og efla mannréttindi í þessum
heimshluta.
Leiðtogar 34 ríkja sátu fundinn
og mikilvægasta ákvörðun þeirra
var að hefja viðræður um fríversl-
unarsvæði sem nær frá Alaska til
Patagóníu, syðst í Rómönsku Amer-
íku. 800 milljónir manna búa á
þessu svæði.
Leiðtogamir samþykktu fram-
kvæmdaáætlun, sem miðar að því
að bæta réttarfarið og mannrétt-
indi, stemma stigu við eiturlyfja-
smygli og draga úr fátækt sem er
enn mikið vandamál 1 Rómönsku
Ameríku þrátt fyrir mikinn hagvöxt
á síðustu árum og minnstu verð-
bólgu í hálfa öld.
Embættismenn sögðu að alþjóð-
legar lánastofnanir myndu veita 40
milljarða Bandaríkjadala, andvirði
2.900 milljarða króna, í aðgerðir til
að draga úr fátækt í þessum heims-
hluta á næstu þremur árum. Þetta
er helmingi meira fé en notað hefur
verið í slíkar aðgerðir frá árinu
1995. Um 40% íbúa Rómönsku Am-
eríku búa við fátækt.
„Við teljum að efnahagslegur
samruni, fjárfestingar og fríverslun
séu mikilvægir þættir í því að bæta
lífskjörin og atvinnuástandið og
vernda betur umhverfið,“ sagði í
lokayfirlýsingu leiðtoganna. „Bar-
áttan gegn fátækt er enn helsta úr-
lausnarefni okkar í þessum heims-
hluta.“
Clinton tómhentur
í yflrlýsingunni lofuðu leiðtog-
amir að stofna Fríverslunarsvæði
Ameríku, FTAA, ekki síðar en árið
2005 og sögðu að „áþreifanlegur ár-
angur“ ætti að nást í samningavið-
ræðunum fyrir aldamót.
Til að viðræðurnar beri árangur
er þó brýnt að Bill Clinton Banda-
ríkjaforseti fái sérstaka heimild frá
þinginu til að hraða viðræðunum og
tryggja að það geti ekki breytt við-
skiptasamningunum. Þingið neitaði
að veita forsetanum slíka heimild í
fyrra eftir að verkalýðshreyfingin
og umhverfisverndarsinnar, áhrifa-
mikil öfl í Demókrataflokknum,
lögðust gegn henni.
Bandaríkjastjórn lagði til árið
1990 að Ameríkuríkin stofnuðu frí-
verslunarbandalag og beitti sér fyr-
ir þeirri tillögu á fyrsta fundi leið-
toga ríkjanna árið 1994. Staða
Clintons var hins vegar veik á fund-
inum í Santiago þar sem hann hefur
ekki fengið heimild frá þinginu til
að hraða viðræðunum. Leiðtogar
Suður-Ameríkuríkja stálu senunni
af Clinton á fundinum með því að
tilkynna áform um að tengja Mið-
Ameríkuríki og nokkur Suður-Am-
eríkuríki við Mercosur-tollabanda-
lagið, sem Brasilía, Argentína, Ur-
uguay og Paraguay eiga aðild að.
fhuga fríverslunarsamning
við Kúbu
Fidel Castro, forseta Kúbu, var
ekki boðið á leiðtogafundinn og ekk-
ert var minnst á Kúbu í lokayfirlýs-
ingunni. Nokkrir forsetanna ræddu
þó málefni Kúbu við Clinton og
stjómvöld í mörgum ríkja Róm-
önsku Ameríku eru andvíg við-
skiptabanni Bandaríkjanna á eyj-
una og vilja hefja viðræður við
Kúbustjórn til að knýja fram lýð-
ræðisumbætur. Stjórn Chile sagðist
jafnvel ætla að íhuga að gera frí-
verslunarsamning við Kúbu.
Jean Chretien, forsætisráðherra
Kanada, tilkynnti að hann hygðist
fara til Kúbu á næstunni til að ræða
við Castro.
ESTEE LAUDER
I ■ x ^ i * i *
Lesið i liti
• •••
Nú geturðu látið greina húðlit þinn... fljótt, auðveldlega og
nákvæmlega. Estée Lauder nýtir sér tölvutæknina til að lesa í
húóliti eins og spákona í lófa.
Litgreinirinn les á augabragði hvaöa litur af Estée Lauder andlits-
förðunum fer hverri konu best.
Líttu inn og láttu sannfærast!
Estée Lauder býður viðskiptavinum sínum þessa þjónustu í versl-
uninni Söru, Bankastræti 8, í dag frá kl. 13 til 18.
Bankastræti 8, sími 5513140.
Vildarkort Visa og Flugleiða gefa nú punkta á Olísstöðvunum.
Með því að nota Vildarkortið færð þú afslátt í formi punkta hjá 160 fyrirtækjum
um land allt og nú einnig á 60 Olísstöðvum um allt land. Vildarkortið veitir
þér margvísleg fríðindi, víðtækar ferðatryggingar og spennandi ferðatilboð
eins og tveir fyrir einn, svo nokkuð sé nefnt. Hafðu samband við bankann
þinn strax í dag og sæktu um Vildarkort Visa og Flugleiða - aðeins eitt símtal
og þú ert með rétta kortið.
Þú safnar ferðapunktum í Vildarklúbbnum og tekur þátt
í ferðapotti á Olísstöðvunum. ----------- ’TTT
VISA
FLUGLEIDIRj
Það er um að gera að drífa sig strax á næstu Olísstöð og nota kortið (greiða
með Vildarkortinu) því þá áttu möguleika á að vinna vikuferð fyrir tvo til
Minneapolis. Gisting og flugvallarskattur eru innifalin í ferðinni. Það eru fimm
ferðir í pottinum og dregið verður í beinni útsendingu á Matthildi.
í Minneapolis þarf enginn að láta sér leiðast því þar gefst kostur á að kynnast
á einum stað mörgu af því besta sem Bandaríkin hafa upp á að bjóða.
Þar er meðal annars Mall of America sem er ein stærsta yfirbyggða
verslunarmiðstöð heimsins með skemmtigörðum, veitingastöðum
og afþreyingu sem fátt jafnast við.
Með Vildarkortið á Olísstöðvunum
eru þér allir vegir færir.
* Vildarkortsforðlr frð Olisstöðvunum bjóðast tii 1. mal 1998.