Morgunblaðið - 31.08.1999, Page 49

MORGUNBLAÐIÐ
ÞRIÐJUDAGUR 31. ÁGÚST 1999 49
MINNINGAR
KIRKJUSTARF
Nú kveð ég þig, elsku besta Sig-
rún, með miklum söknuði. Þú sem
varst alltaf svo glöð og hress og oft-
ast líf og fjör í kringum þig.
Það er erfitt að sjá á eftir þér, Sig-
rún mín, því veröldin brosti til þín og
þú brostir á móti.
Eg minnist stundanna sem við átt-
um saman og rifjast þá upp ýmislegt
skemmtilegt, eins og t.d. þegar við
sátum í bíl fyrir utan húsið þitt heila
nótt og hlógum og töluðum alveg
þangað til þú þurftir að mæta í vinn-
una um morguninn.
Já, svona er lífíð hverfult, eina
stundina skln sól og svo á auga-
bragði dregur fyrir hana.
Sofðu nú rótt, elsku Sigrún Sól-
björt. Guð blessi ykkur, Halldór,
Guðrún, Jóhanna, Oskar og Omar.
Þorsteinn Másson (Steini).
í dag, 31. ágúst, verður gerð útför
Sigrúnar Sólbjartar Halldórsdóttur,
en hún andaðist skyndilega í ferð á
Spáni hinn 19. ágúst sl.
Sigrún var dóttir hjónanna Guð-
rúnar Hönnu Oskarsdóttur og Hall-
dórs Mikkaelssonar, fiskverkanda í
Neðri-Breiðadal í Önundarfirði. Hún
ólst upp hjá foreldrum sínum ásamt
þremur yngri systkinum. Gunn-
skólanám stundaði hún við Holts-
skóla og Flateyrarskóla.. Vorið 1996
lauk hún prófi upp úr 10. bekk
grunnskólans á Flateyri með góðum
vitnisburði, ekki síst í svonefndum
samræmdum gi'einum.
Haustið 1996 hóf Sigrún nám við
Framhaldsskóla Vestfjarða á ísa-
firði, og kom þessa síðustu þrjá vet-
ur daglega til skólans í gegnum
Vestfjarðagöngin eins og aðrir nem-
endur skólans úr Dýrafirði, Önund-
arfirði og Súgandafirði gera nú. Hún
stundaði námið ætíð mjög samvisku-
samlega og var með bestu náms-
mönnum skólans. Hún var á mála-
og samfélagsbraut, og skaraði þar
sérstaklega fram úr í stærðfræði, líf-
fræði og tungumálunum þýsku og
frönsku. Hún vildi ætíð ná sem full-
komnustu valdi yfir því sem hún var
að sinna og fást við, og var þar af
leiðandi treg til að láta nokkuð frá
sér fara nema hún væri vel ánægð
með það. Af þessu leiddi að hún var
nákvæm í öllum vinnubrögðum og
þannig fyrirmynd annarra í skóla-
starfinu. Öll verkefni hennar voru
unnin af sérstakri alúð, og þegar hún
skilaði þeim til kennara sinna lét hún
sér ekki nægja að skrifa nafn sitt
undir, heldur teiknaði hún yfirleitt
einnig mynd af bjartri sól og blóm-
um. Kennarar hennar gátu fyrirfram
verið vissir um að verkefni unnin af
Sigrúnu Sólbjörtu yrðu þeim til upp-
lyftingar í vetrarskammdeginu.
Sigrún stundaði ýmis störf í skóla-
leyfum, og má nefna að framan af
þessu sumi'i vann hún við afgreiðslu í
Gamla bakaríinu á Isafirði.
Sigrún hafði mikinn áhuga á
íþróttum. Hún var ein besta skíða-
göngukona landsins, vann íslands-
meistaratitil í skíðagöngu 1998 og
vann einnig Fossavatnsgöngu í
kvennaflokki sama ár. Hún hlaut til-
nefningu sem íþróttamaður ársins í
Isafjarðarbæ á sl. vetri, án þess þó
að hljóta titilinn. Sigi-ún stundaði
einnig hlaup og vann einu sinni Ós-
hlíðarhlaup, 10 km, í kvennaflokki. I
sambandi við íþróttirnar lagði hún
einstaklega hart að sér og réði yfir
geysilegum sjálfsaga. Sl. vetur vann
hún að þjálfun barna fyrir Skíðafélag
ísfn-ðinga og stóð sig frábærlega í
því starfi, enda voru börnin mjög
ánægð með hennar framlag.
Sigrún Sólbjört var óvenju glæsi-
leg stúlka, og mjög vel gefin bæði til
sálar og líkama, eins og hér hefur
komið fram. Það er ekki auðvelt að
skilja, að henni skyldi ekki ætlað
lengra líf en raun ber vitni. Nemend-
ur og kennarar við Framhaldsskóla
Vestfjai'ða eru harmi slegnir yfir
hinu skyndilega fráfalli hennar. For-
eldrar hennar, systkini og aðrir
vandamenn eiga þó um sárast að
binda. Þeim eru hér með sendar
innilegar samúðarkveðjur.
Guð blessi minningu Sigi'únar Sól-
bjartar Halldórsdóttur.
Björn Teitsson, Brynjar
og Viborg.
• Fleiri minningargveinar um
Sigrúnu Sólbjörtu Halldórsdóttur
bíða birtingar og munu birtast í
blaöinu næstu daga.
+
Ástkær eiginmaður minn, faðir okkar, tengda-
faðir og afi,
ÞÓRARINN INGI SIGURÐSSON
skipstjóri,
Melabraut 28,
Seltjarnarnesi,
lést á Landspítalanum laugardaginn 28. ágúst
síðastliðinn.
Sjöfn Guðmundsdóttir,
Theódóra Þórarinsdóttir, Árni Jóhannsson,
Sigurður Þórarinsson, Elín María Hilmarsdóttir,
Þorvaldur Þórarinsson
Unnar Eli, Sara Sjöfn og Ingi Hilmar.
Elskulegur eiginmaður minn, faðir okkar,
tengdafaðir, afi og langafi,
GUNNAR MAGNÚS MAGNÚSSON,
Lynghaga 26,
Reykjavík,
lést á Landspítalanum fimmtudaginn
26. ágúst.
Borghildur Guðmundsdóttir,
Arndís J. Gunnarsdóttir, Erlingur Leifsson,
Guðmundur Örn Gunnarsson, Lena Hallbáck,
Hidligunnur Gunnarsdóttir, Ásbjörn Jónsson,
barnabörn og barnabarnabarn.
Okkar kæra,
SIGRÚN ÞORLEIFSDÓTTIR,
hjúkrunarheimilinu Skógarbæ,
áður Hvassaleiti 22,
Reykjavík,
sem lést mánudaginn 23. ágúst, verður jarð-
sungin frá Bústaðakirkju fimmtudaginn 2. sept-
ember kl. 13.30.
Fyrir hönd aðstandenda,
Hanna Karen Kristjánsdóttir,
Þórir Georgsson,
Gunnar Þórisson,
Kristján Þórisson.
Elskulegur faðir okkar, tengdafaðir, afi og
langafi,
HÖRÐUR VIGFÚSSON,
Sólvangsvegi 3,
áður Mosabarði 11,
Hafnarfirði,
sem lést á Sólvangi í Hafnarfirði 23. ágúst sl.,
verður jarðsunginn frá Hafnarfjarðarkirkju í
dag, þriðjudaginn 31. ágúst, kl. 15.00.
Þeim, sem vildu minnast hans, er bent á Sólvang í Hafnarfirði.
Ævar Harðarson,
Sonja Harðardóttir,
Kristjana Harðardóttir,
Þórður Harðarson,
Kristín Harðardóttir,
Ástþór Harðarson,
Ómar H. Harðarson,
Magnús Ólafsson,
Björn Sigtryggsson,
Guðrún Kristjánsdóttir,
Sigurður Runólfsson,
Sigurvina Falsdóttir,
Ásdís Vignisdóttir,
barnabörn og barnabarnabörn.
+
Ástkær eiginkona mín, móðir okkar, tengda-
móðir og amma,
SESSELJA GUÐFINNSDÓTTIR,
Borg, Njarðvík,
Borgarfirði eystra,
verður jarðsungin frá Bakkagerðiskirkju laug-
ardaginn 4. september kl. 14.00.
Kveðjuathöfn verður í Fossvogskapellu mið-
vikudaginn 1. september kl. 15.00.
Þeim, sem vildu minnast hennar, er bent á Minningarsjóð Landspítalans
eða Slysavarnasveitina Sveinunga.
Sigurður Bóasson,
Jón Helgason, Kristjana Björnsdóttir,
Björg Sigurðardóttir, Páll Haraldsson,
Jakob Sigurðsson, Margrét B. Hjarðar,
Jóhann Sigurðsson
og barnabörn.
Safnaðarstarf
S
Islenskur tíða-
söngur og samtal
í Hallgrímskirkju
Á MORGUN, miðvikudaginn 1. sept-
ember, hefst vikulegur tíðasöngur í
Hallgrímskirkju. Sunginn verður
náttsöngur (completorium) kl. 21
alla miðvikudaga. Tíðasöngurinn er
hinn gamli hefðbundni tíðasöngur,
sem sunginn hefur verið um aldir í
kirkju Krists. Marteinn Lúther segir
m.a. um tíðasönginn: „Slíkur var
ki'istinna manna háttur á tímum
postulanna, og svo ætti enn að vera,
að menn kæmu saman að morgni...
og eins að kvöldi til að lesa, lofa,
syngja og biðja... því fyrir öllu er að
orð Guðs berist víða og styrki og
blessi sálirnar.“
I tengslum við náttsönginn verður
„opið hús“ í safnaðarsal Hallgríms-
kirkju kl. 20-21. Borið verður fram
kaffi og te og á hverju kvöldi verður
samtal um áhugaverð efni sem
snerta lífið og líðandi stund skoðuð í
samhengi kirkju og kristinnar trúar.
Sr. Kristján Valur Ingólfsson mun
leiða tíðagjörðina og fyrsta kvöldið
mun hann svara spurningum um
tíðagjörð og bænalíf. Samtalsstund-
irnar í vetur verða skipulagðar í
samvinnu við starfsfólk á biskups-
stofu og einu sinni í mánuði að jafn-
aði verða fyrirlestrar á vegum Hall-
grímskirkju. Samtals- og fræðslu-
stundirnar verða aldrei lengri en ein
klukkustund því náttsöngurinn mun
ávallt hefjast stundvíslega kl. 21.
Hallgrímskirkja. Fyiirbænaguðs-
þjónusta kl. 10.30. Beðið fyrir sjúkum.
Laugarneskirkja. Morgunbænir kl.
6.45.
Seltjarnarneskirkja. Foreldramorg-
unn kl. 10-12.
Víðistaðakirkja. Aftansöngur og fyr-
irbænir kl. 18.30.
Grindavíkurkirkja. Foreldramorg-
unn kl. 10-12.
Borgarneskirkja. Mömmumorgunn í
safnaðarheimilinu milli kl. 10 og 12.
Helgistund í kirkjunni sömu daga kl.
18.30.
Krossinn. AJmenn samkoma kl. 20.30
í Hlíðasmára 5. Allir velkomnir.
+ Konan mín, dr
SIGRÍÐUR HALFDÁNARDÓTTIR,
Eskihlíð 6A, 7 W
andaðist mánudaginn 30. ágúst á Land-
spítalanum.
Jarðarförin auglýst síðar. isjL/
Ólafur Halldórsson. , ..'Js
+
Elskuleg móðir okkar, tengdamóðir og amma,
KATRÍN JÓNA LÍKAFRÓNSDÓTTIR,
sem lést á líknardeild Landspítalans sunnudag-
inn 22. ágúst sl., verður jarðsungin frá Kópa-
vogskirkju á morgun, miðvikudaginn 1. septem-
ber, kl. 13.30.
Sigurður Hlíðdal Haraldsson, Helena Heiðbrá Svavarsdóttir,
Ægir Haraldsson,
Katrín Hildur Sigurðardóttir,
Tinna Sigurðardóttir,
Alda Björk Sigurðardóttir.
+
Innilegar þakkir fyrir auðsýnda samúð og hlý-
hug við andlát og útför föður okkar, tengda-
föður, afa og langafa,
INGVARS FRIÐRIKSSONAR
bónda,
Steinholti.
Sérstakar þakkir til starfsfólks Sambýlis
aldraðra á Egilsstöðum og Sjúkrahússins á
Egilsstöðum fyrir góða umönnun.
Guð blessi ykkur öll.
Karólína Sigurborg Ingvarsdóttir, Alfreð Steinar Rafnsson,
Guðný Valgerður Ingvarsdóttir,
Friðrik Ingvarsson, Sigurbjörg Ásta Guðmundsdóttir,
Haukur Ingvarsson, Aðalheiður Sigurlín Óskarsdóttir,
Anna Gunnhildur Ingvarsdóttir, Þráinn Skarphéðinsson,
barnabörn og barnabarnabörn.
+
Innilegar þakkir til allra sem sýndu hlýhug og
samúð við andlát og útför
BIRNU ÖNNU SIGVALDADÓTTUR,
Snorrabraut 69,
Reykjavík.
Ragnar Karlsson,
Björn Ragnarsson, Ragnheiður Margrét Guðmundsdóttir,
Karl Ragnarsson, Jóhanna Þormóðsdóttir,
Ásta Margrét Ragnarsdóttir, Ólafur M. Jósefsson
barnabörn og aðrir aðstandendur.