24 stundir - 11.06.2008, Qupperneq 14
14 MIÐVIKUDAGUR 11. JÚNÍ 2008 24stundir
21. júní í 2 vikur frá kr. 44.990 Bjóðum nú allra síðustu sætin til Rhodos 21. júní í 2 vikur. Í boði er
stökktu tilboð en þá bókar þú flugsæti og gistingu og 4 dögum fyrir
brottför færðu að vita hvar þú gistir. Einnig er í boði frábært tilboð á
einum af okkar vinsælasta gististað á Rhodos, Hotel Forum, með
hálfu fæði og stendur aðeins 100 m frá ströndinni. Á hótelinu er góð
sundlaug, barir og veitingastaður. Góð aðstaða er fyrir börn s.s. bar-
nalaug, leikaðstaða, billiard, pílukast, borðtennis o.fl. Á daginn og
kvöldin er skemmtidagskrá fyrir bæði börn og fullorðna. Gríptu tæk-
ifærið og njóttu lífsins á þessum vinsæla áfangastað.
Skógarhlíð 18 • sími 595 1000 • www.heimsferdir.is
Verð kr. 44.990
- Stökktu tilboð
Netverð á mann, m.v. 2 fullorðna og 2
börn í íbúð. Stökktu tilboð 21. júní í 2
vikur. Aukalega kr. 10.000 m.v 2 í her-
bergi / stúdíó / íbúð.
Verð kr. 54.990
- Hotel Forum með hálfu fæði
Netverð á mann, m.v. 2 fullorðna og 2
börn í íbúð m/1 svefnherbergi í viku.
Hotel Forum 21. júní í 2 vikur.
Aukalega kr. 10.000 m.v. 2 fullorðna í
íbúð m/ 1 svefnherbergi.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
*** Allra síðustu sætin ***
Ótrúlegt tilboð
Kr. 54.990 í 2 vikur
- með hálfu fæði Rhodos
Í forystugrein 24 stunda 6. júní
sl. fjallaði Þröstur Emilsson um leg-
hálskrabbamein, orsakir þess, bólu-
setningar gegn því og hver beri
ábyrgðina, samfélagið eða einstak-
lingurinn sjálfur (foreldrar). Þar
talar hann um að leghálskrabba-
mein sé tengt lífsstíl og kynhegðun
og spyr „hvort lífið liggi á að ráð-
herra taki um það ákvörðun að
bólusetja ungar stúlkur gegn mein-
inu“.
Þröstur bendir á að nú þegar geti
foreldrar keypt bólusetningu handa
dætrum sínum og því þurfi ekki að
bíða eftir stjórnvaldsákvörðunum.
Það er vissulega rétt og ég er sann-
færð um að margir foreldrar munu
kaupa slíka bólusetningu handa
dætrum sínum en alls ekki allir.
Þröstur vill höfða til ábyrgðar for-
eldra í þessum efnum og tek ég
undir það með honum en tel að
meira þurfi að koma til.
Forvarnir af öllu tagi eru afar
mikilvægar. Foreldrar eiga að ræða
við börn sín um kynlíf, getnaðar-
varnir, reykingar og annað sem get-
ur haft áhrif á lífshamingju og lík-
amlega líðan þeirra í framtíðinni.
En það er því miður ekki nóg. Um
80% allra karla og kvenna sem farin
eru að stunda kynlíf smitast ein-
hvern tíma á ævinni af veirunni sem
veldur leghálskrabbameini. Það
sýnir okkur mikilvægi krabba-
meinsleitar og annars þess sem til
forvarna heyrir. Til dæmis þarf sér-
staklega að minna ungar konur á að
mæta reglubundið í krabbameins-
leit. Í grein Kristjáns Sigurðssonar,
yfirlæknis á Leitarstöð Krabba-
meinsfélags Íslands, sem finna má á
heimasíðu félagsins kemur fram að
aðsókn kvenna á aldrinum 20-24
ára í krabbameinsleit hefur minnk-
að á síðustu árum og rekur hann
það til þess að þær geri sér ekki
grein fyrir mikilvægi leitarinnar. Þar
kemur ábyrgð samfélagsins til sög-
unnar.
Það er á ábyrgð samfélagsins að
upplýsa ungar konur um mikilvægi
þess að mæta reglulega í skoðun.
Það er ekki síður á ábyrgð sam-
félagsins að bregðast við lífsstíl nú-
tímamannsins og gera allt sem í
þess valdi stendur til þess að koma í
veg fyrir að fólk smitist af þessari
veiru sem og öðrum, sama hver
smitleiðin er. Það er líka á ábyrgð
samfélagsins að allar konur/stúlkur
sitji við sama borð og eigi allar kost
á bólusetningu óháð efnahag og
ábyrgðarkennd foreldra.
En liggur lífið á? Það eru manns-
líf í húfi, jafnvel hér á Íslandi þar
sem eftirlitið er gott og fólk þokka-
lega vel upplýst um leghálskrabba-
mein. Það liggur einmitt lífið á fyrir
stúlkuna sem í dag er tólf ára en
verður 37 ára eftir 25 ár, þá þriggja
barna móðir með leghálskrabba-
mein og gæti átt fimm ár eftir ólif-
uð. Það eru nefnilega ekki allar kon-
ur svo heppnar að meinið greinist í
tæka tíð, af hvaða völdum sem það
er. Það liggur lífið á fyrir tilvonandi
börn hennar, maka og aðra sem eru
henni nákomnir. Því er þannig farið
að fyrir þá sem í hlut eiga skiptir
tölfræðin engu máli, þá er baráttan
milli lífs og dauða það eina sem
máli skiptir. Það má hins vegar
koma í veg fyrir þjáningu þessa
fólks. Við höfum þekkinguna og öll
tæki og tól. Þjóð sem vill vera í
fremstu röð í heilbrigðismálum
hikar ekki og spyr ekki hvort nokk-
uð liggi á. Það kostar en mannslíf og
þjáningar fólks kosta líka sitt.
Það er enginn vafi í mínum huga.
Við eigum að taka upp bólusetn-
ingar gegn leghálskrabbameini
strax. Okkur liggur lífið á!
Höfundur er framhaldsskólakennari
Okkur liggur
lífið á!
UMRÆÐAN aSigríður Þórðardóttir
Það er á
ábyrgð sam-
félagsins að
upplýsa ung-
ar konur um
mikilvægi
þess að
mæta reglulega í skoðun.
Ofþyngd og offita er vaxandi
vandi í hinum vestræna heimi og er
því spáð að þar sé um að ræða
stærsta heilsufarslega vanda fram-
tíðarinnar. Íslendingar eru, því
miður, ekki undanskildir. Í nýlegri
umfjöllun í Morgunblaðinu var
greint frá því að Íslendingar væru í
áttunda sæti á meðal feitustu þjóða
heims. Í Bandaríkjunum eru menn
nú í fyrsta sinn að sjá fyrir að sú
kynslóð sem nú er að vaxa úr grasi
muni lifa skemur en foreldrar
þeirra. Þróunin er ógnvænleg og
dapurleg staðreynd því í raun er
auðvelt og einfalt að snúa henni við
ef allir tækju við sér og myndu
bregðast við á réttan hátt.
Lausnin er til staðar
Lausnin á heilsufarsvandanum
sem tengist ofþyngd og offitu er til
staðar. Það er klárt og skráð í ein-
hverjar virtustu læknaskýrslur ver-
aldar: Regluleg þjálfun getur ekki
aðeins bætt útlit þitt og líðan, en
getur einnig átt þátt í að koma í veg
fyrir og flýta fyrir bata, afstýrt
fjölda sjúkdóma sem herja á mann-
fólkið ásamt því að lengja líf.
Fjölmargar vísindalegar kannan-
ir hafa sýnt með óyggjandi hætti að
hreyfing spilar afar þýðingarmikið
hlutverk sem forvörn gegn sjúk-
dómum og langvarandi kvillum,
þ.á m. mörgum gerðum krabba-
meina, sykursýki, hjartasjúkdóm-
um, beinþynningu, gigt o.fl. Rann-
sóknir hafa ennfremur sýnt fram á
að þjálfun bætir heilastarfsemi og
sjálfstæði á efri árum. Regluleg
þjálfun ásamt skynsamlegum
neysluvenjum getur hæglega spar-
að milljarða í kostnað vegna heilsu-
gæslu.
Fyrirmyndir barnanna
Vandinn er stór og er vaxandi og
virðist e.t.v. einhverjum vonlítil
barátta að ráðast gegn honum. En
hugsum aðeins málið. Er það ekki
staðreynd að við sjálf getum gert
heilmikið til að snúa við þessari
þróun. Hvernig við kjósum að lifa
okkar lífi hefur heilmikil áhrif á
komandi kynslóðir. Við erum fyr-
irmyndir barna okkar og ef við
stundum reglulega hreyfingu og
viðhöfum hollar neysluvenjur og
neyslureglur á heimilum okkar
leggjum við okkar af mörkum við
að skila út í samfélagið heilbrigð-
um einstaklingum sem hafa til-
einkað sér hollan lífsstíl og líkur
eru á að þær haldist út allt lífið.
Við þurfum að hafa í huga sem
foreldri að sú hegðun sem börn sjá
hjá fullorðna fólkinu er oftast sú
sem þau munu kjósa sjálf við sam-
bærilegar aðstæður þannig að
ábyrgð okkar er mikil en um leið
kærkomið tækifæri til að nýta til
góðs. Við höfum í hendi okkar að
vera góðar fyrirmyndir.
Mótandi neysluvenjur
Ef við segjum við börnin: „Þú
verður að hreyfa þig, farðu nú út
að hjóla og hættu að hanga í tölvu-
leik,“ og ef við svo sitjum sjálf jafn-
an við tölvuna eða við sjónvarpið,
erum við vitanlega ekki að senda
réttu skilaboðin. Það sem börnin
sjá er það sem þau muna miklu
betur en það sem þau heyra. Á
ensku er til einfalt og gott orða-
tiltæki: „Walk the talk“!
Mataræði heimilisins er sannar-
lega ekki síður mikilvægt og er tví-
mælalaust mótandi fyrir framtíðar
neysluvenjur barnanna. Þar ræður
mestu um hvað við veljum í inn-
kaupakörfuna. Ef við viljum ekki
að börnin okkar borði kex og sætt
morgunkorn daglega þá fer það
einfaldlega ekki í körfuna nema
e.t.v. endrum og eins. Kaupum við
oft skyndibita vegna þess að við
teljum okkur ekki hafa tíma til að
elda? Eru alltaf til sætindi á vísum
stað inni í skáp? Okkar neysluvenj-
ur er það sem börnin sjá og meta
að sé „í lagi“ og munu tileinka sér
þegar þau velja fyrir sig. Það er
okkar hlutverk að setja þeim mörk
og kenna þeim heilbrigðar neyslu-
venjur og að sjálfsögðu vera þeim
fyrirmynd einnig í þeim efnum.
Leggjum áherslu á reglulega
hreyfingu sem lífsstíl. Neytum
hollrar, fjölbreyttrar fæðu með
áherslu á grænmeti og ávexti – að
borða sjaldan sætindi, kökur og
kex – sneiða hjá harðri og hertri
fitu – sleppa ekki úr máltíð og
muna að morgunverður er mikil-
vægasta máltíð dagsins. Ég er
nokkuð viss um að þetta hefur þú
heyrt allt oft áður. En hefurðu náð
að tileinka þér það?
Hugsaðu vel um heilsu þína fyrir
þig sjálfa/n og ekki síður fyrir sam-
félagið okkar sem ábyrgur sam-
félagsþegn, sem fyrirmynd.
Höfundur er fjögurra barna móðir og
framkvæmdastjóri Hreyfingar
Tökum „U-beygju“
með góðu fordæmi
UMRÆÐAN aÁgústa Johnson
Ef við svo
sitjum sjálf
jafnan við
tölvuna eða
við sjón-
varpið, erum
við vitanlega
ekki að senda réttu skila-
boðin. Það sem börnin
sjá er það sem þau muna
miklu betur en það sem
þau heyra.
Hreyfing Ofþyngd og of-
fita er vaxandi vandi.