Náttúrufræðingurinn - 1940, Page 103

NÁTTÚRUFRÆÐINGURINN
95
Hvað eru margir hestar í Evrópu?
Þeir fróðleiksmolar, sem tilfærðir verða hér á eftir, eru að
langmestu leyti byggðir á skýrslum frá árinu 1934. Þó eru töl-
urnar frá einstöku löndum eldri (t. d. Portúgal frá árinu 1930)
og sumar yngri (t. d. íslandi frá árinu 1937). Tölurnar ná yfir
28 Evrópulönd. Eina ríkið, sem nokkuð kveður að, af þeim, sem
ég hefi .ekki náð í tölur frá, er Albanía, sem er 27538 ferkíló-
metrar að stærð með einni milljón og 50 þús. íbúum. Hin ríkin,
sem ekki eru tekin með, eru: Danzig, Liechtenstein, Monaco,
Andorra, Vatikanríkið og San Marino. íbúafjöldi þeirra allra
er aðeins 465 þúsund, eða tæplega fjórum sinnum meiri en hér
á landi, og flatarmál þeirra er aðeins 2737 ferkílómetrar, eða
rúmlega fertugasti hlutinn af flatarmáli Islands. Má því heita
að öll Evrópa sé talin, þótt þessi lönd vanti. Flatarmál Evrópu
er eins og kunnugt er rúmlega 11 millj. f.erkílómetrar, en íbúa-
fjöldinn um 520 milljónir (árið 1934).
Og hvað eiga nú þessar 520 milljónir mikið af hestum? Þeirri
spurningu skal nú leitast við að svara. Verður nú hestafjöldi
allra landanna talinn, þeirra fyrst, sem flesta eiga, og síðan í
lækkandi röð. Tölurnar tákna þúsundir og eru þannig:
1. Rússland 0 . . . . 15.600 15. Irska fríríkið . . . 441
2. Pólland . . . . . . 3.760 16. Lettland 375
3. Þýzkaland . . . . 3.374 17. Búlgaría 368
4. Frakkland . . . . 2.878 18. Finnland 357
5. Rúmenía . . . . . . 2.034 19. Grikkland 341
6. Júgóslavía . . . . 1.869 20. Holland 299
7. Stóra Bretland . . 1.131 21. Austurríki 261
8. Italía 975 22. Belgía 233
9. Ungverjaland . 803 23. Estland 216
10. Tékkóslóvakía 701 24. Noregur 181
11. Svíþjóð 659 25. Sviss 140
12. Lithauen2) . . . 587 26. Portúgal 84
13. Spánn 563 27. Island 47
14. Danmörk3) . . 506 28. Luxemburg . . 17
Þetta verða samtals 38 millj. og 800 þús. hestar. Eins og yfir-
litið b.er með sér, eiga aðeins 7 ríki meira en eina milljón hesta
hvert, og önnur sjö meira en hálfa milljón en minna en heila.
1) Aðeins Evrópu-hlutinn. 2) Og Memel. 3) Og Færeyjar.