Kirkjuritið - 01.09.1948, Síða 45

PRESTASTEFNAN 1948
219
og fluttist til Reykjavíkur. Hann var prófastur í V.-ísafjarðar-
prófastsdæmi 1908—1929.
Hann var kvæntur Maríu ísaksdóttur, en hún lézt 24. apríl
1943. Hann andaðist í Reykjavík 28. apríl s. I.
Séra Þórður var mikilhæfur prestur og um margt menning-
arfrömuður í héraði. Innilegur trúmaður, frjálslyndur og víð-
sýnn, einarður og fylginn sér í baráttunni fyrir áhugamálum
sínum, en ástsæll í starfi og naut almenns trausts og vinsælda.
Vér söknum innilega allra þessara ágætu manna úr hópi
vorum. Vér finnum, að þau sæti, sem þeir á sínum tíma skip-
uðu með hinni mestu prýði, verða vandfyllt. Og vér biðjum
Guð að blessa þá í æðra heimi um leið og vér þökkum þeim
fagurt og blessunarríkt ævistarf.
En þar sem vér eigum á bak að sjá svo mörgum stéttar-
bræðrum vorum, þá er það oss jafnframt gleðiefni að geta
boðið hér velkomna nýja starfsmenn fyrir málefni kirkjunnar,
enda þótt vér hefðum kosið, að þeir væru fleiri, því að enn
eru verkamennimir í víngarðinum of fáir.
Aðeins einn guðfræðikandídat hefir tekið prestsvígslu á
sýnódusárinu, séra Jóhann S. Hlíðar, er vígður var hinn 18.
janúar til prédikunarstarfa á vegum Sambands íslenzkra
Kristniboðsfélaga og að þar til fengnu samþykki kirkjumála-
ráðherra.
Séra Jóhann S. Hlíðar er fæddur á Akureyri 25. ágúst 1918.
Hann lauk stúdentsprófi á Akureyri 1941 og embættisprófi
í guðfræði við Háskóla íslands vorið 1946.
Tveir guðfræðikandídatar luku embættisprófi nú í vor, þeir
Hermann Gunnarsson og Þórarinn Þór, og verður hinn síðar-
nefndi settur til að þjóna Staðarprestakalli á Reykjanesi frá
1. júlí n. k.
Þessa nýju starfsbræður bjóðum vér hjartanlega velkomna
og árnum þeim heilla og blessunar Guðs.
Loks er þess að geta, að í júlímánuði síðastliðnum kom hing-
að til landsins einn af ágætustu klerkum meðal Vestur-íslend-
inga, séra Valdimar J. Eylands, prestur Fyrsta lútherska safn-
aðarins í Winnipeg, og hefir haft hér á hendi þjónustu Útskála-
prestakalls og Grindavíkurprestakalls. Jafnframt hefir sókn-