Kirkjuritið - 01.09.1948, Qupperneq 46

220
KIRKJURITIÐ
arpresturinn í Útskálaprestakalli, séra Eiríkur Brynjólfsson,
dvalið vestan hafs og þjónað söfnuði séra Valdimars í Winni-
peg.
Séra Valdimar kom hingað með fjölskyldu sína, og er kona
hans, frú Lilja, íslenzk en fædd vestan hafs. Ég vil endurtaka
þakklæti mitt til séra Valdimars og fjölskyldu hans, fyrir
dvölina hér og þau ágætu störf, sem hann hefir hér unnið.
Ég vona, að þeim hafi orðið dvölin hér heima til ánægju og
gleði. Og ég er ekki í vafa um það, að þessi prestaskipti hafa
orðið til þess að auka og efla samstarf og skilning systurkirkn-
anna beggja megin hafsins.
Þrjár prestsekkjur létust á árinu:
Frú Þóra Jónsdóttir ekkja séra Stefáns M. Jónssonar á Auð-
kúlu andaðist að Æsustöðum í Húnavatnssýslu hinn 4. desem-
ber s. 1., 71 árs að aldri (f. 15. júní 1877). Glæsileg kona, ljóð-
elsk og sönggefin, og naut virðingar og trausts allra, sem
þekktu hana.
Frú Guðrún Runólfsdóttir ekkja séra Bjarna Einarssonar
f. prests í Þykkvabæjarklaustursprestakalli andaðist í Reykja-
vík hinn 15. marz s. 1., tæplega 81 árs að aldri (f. 1. júní 1867).
Guðrún var fríð kona sýnum, búsýslukona mikil, enda var
heimili þeirra hjóna rómað fyrir myndarbrag, en þau bjuggu
að Mýrum í Álftaveri allan sinn búskap.
Frú Guðrún B. Gísladóttir ekkja séra Ólafs Ólafssonar
prests að Brjánslæk og síðar í Saurbæjarþingum í Dalaprófasts-
dæmi andaðist 24. maí, 84 ára að aldri (f. 23. marz 1864).
Hún var talin hin glæsilegasta kona en hefir verið sjúklingur
um nærfellt 40 ára skeið.
Öllum þessum mætu konum þökkum vér lífsstarfið og
vottum minningu þeirra virðingu vora.
Veitingu fyrir prestaköllum hafa þessir prestar fengið á
sýnódusárinu:
1. Séra Jón Ámi Sigurðsson prestur á Stað á Reykjanesi
fékk veitingu fyrir Staðarprestakalli í Grindavík frá 1.
júní s. 1. eftir að hafa verið löglega kjörinn prestur þar.
2. Séra Ingólfur Ástmarsson prestur á Stað í Steingrímsfirði
fékk veitingu fyrir Mosfellsprestakalli í Grímsnesi að
afstaðinni lögmætri kosningu.
Næstu daga mun ennfremur séra Yngva Þóri Árnasyni verða