Kirkjuritið - 01.03.1956, Qupperneq 38

Viðtal við prófessor Fr. Heiler
Prófessor Fr. Heiler frá Marburg í Þýzkalandi var hér á ferð-
inni á heimleið sinni frá Ameríku.
Hann er fæddur í Múnchen 1892 af kaþólskum foreldrum, en
snerist til mótmælendatrúar í Svíþjóð 1919, fyrir áhrif Söder-
bloms erkibiskups kennara síns. Síðan varð Heiler kennari í
trúarbragðasögu við háskólann í Marburg, og er það enn. Af rit-
um hans má nefna bók um Sadhu Sundar Sing og aðra um bænina.
Prófessor Heiler er hæglátur og geðþekkur maður. Vellærður.
Hann dvaldi nokkra daga á heimili Jóns Auðuns dómsprófasts,
prédikaði á sænsku í dómkirkjunni 22. janúar s. 1. og hélt tvö
erindi á vegum guðfræðideildarinnar daginn eftir.
I erindum sínum lagði prófessorinn áherzlu á, hve margt er
sameiginlegt með öllum trúarbrögðum. Mundu hin miklu aust-
urlenzku trúarbrögð því halda áfram, að móta hugmyndir manna
og líferni á margvíslegan hátt um langan aldur. Hins vegar vséri
kristindómurinn víðtækasta opinberun Guðs, og ætti þess vegna
að geta mestu til vegar komið og ná víðast. Væri þess og að
vænta, að á sigurför sinni myndi kirkjan í hverju landi vernda
og tileinka sér það sannasta og bezta úr öðrum átrúnaði.
Sem svar við ýmissum fyrirspurnum gaf hann eftirfarandi upp-
lýsingar:
Kirkjusókn í Vestur-Þýzkalandi er nú ekki sem æskilegust og
sízt vaxandi. Stafar það m. a. af hinum mikla flóttamannastraumi
austan að. Hins vegar er tiltölulega betri kirkjusókn nú i
Austur-Þýzkalandi en fyrir styrjöldina, vegna þess að innan
kirkjunnar njóta menn þar öllu meira frelsis en svo að segja a
nokkru öðru sviði.
Jafnaðarmannastefnan í Þýzkalandi er nú ekki eins þrælbundin
efnishyggjunni, eða jafn andvíg kristindóminum og í gamla daga-