Kirkjuritið - 01.03.1956, Síða 40

134
KIRKJURITIÐ
sé sú hve kaþólska kirkjan er ósveigjanleg í því efni að krefjast
þess, að hver sem vill eiga kaþólskan maka, gerist sjálfur kaþólsk-
ur, og alist börnin upp í þeirri trú.
Ekki taldi prófessorinn, að neitt verulega drægi saman með
hinum ýmsu flokkum mótmælenda. Samt gætti þess, að sumar
reformertar kirkjur sniðu kirkjusiði og mótuðu kirkjubúnað meir
í lúterska átt en áður. Mikið væri nú reist af nýjum kirkjum og
aðrar endurreistar eftir styrjöldina, enda ærin þörfin. Nokkuð
bæri á nýjum kirkjustíl og nýjungum í reynsluskyni, en yfirleitt
kysi almenningur hið forna kirkjulag, ef þess væri kostur.
Trúboðsstarf liefðu Þjóðverjar nú tekið upp að nýju á fyrri
svæðum í Indlandi, Afríku, Astralíu og víðar. Skorti samt mjög
fé til þessara framkvæmda. Ilitt hafði próf. Heiler Dr. A.
Schweitzer í Frankfurt í haust. Hefði þessi heimsfrægi postuli
verið undra ern, og brennandi í anda.
Af kirkjulegum áhrifamönnum í Þýzkalandi taldi próf. Heiler
dr. Hans Lilje biskup í Hannover fremstan. Hann er nú forseti
Lúterska Heimssambandsins og hefir verið á ferðalagi á vegum
þess víðs vegar um heim. Fór m. a. til Indlands og sótti Japans-
keisara heim. Ferðast líka um Bandaríkin.
Prófessor Heiler virtist þeim mönnum vel, er hér heyrðu hann
og sáu. Er og jafnan gróði að slíkum gestum, þótt guðfræði þeirra
líki sumum vel, en öðrum miður eins og gengur.
G. Á.
Menn halda oft iangar ræður ekki til þess að Iýsa sínum eigin skoðunum,
heldur til þess að mæla fram með skoðunum, sem þeir halda að aðrir menn
hafi. — Árni Pálsson.
* * *
Fel fortíðina miskunn Guðs, nútíðina kærleika Guðs og framtíðina for-
sjón Guðs. — Ágústínus.
* * *
Það er hættulegt að dæma aðra; ekki svo mjög sakir þess að þér geti
skjátlast, heldur af hinu, að þú kannt þá að leiða í ljós sannleikann um
sjálfan þig. — Filemon.