Fréttatíminn - 15.06.2012, Qupperneq 60

„Þetta var svo stuttur tími sem Krist-
ján fékk ef maður lítur á það að hann
lýkur endanlega námi úti í Finnlandi
1998 og síðan er það nú bara árið
2000 sem sjúkdómurinn leiddi til
þess að hann varð að hætta að spila.
Og var síðan allur einu og hálfu ári
síðar,“ segir Þórarinn Eldjárn faðir
gítarleikarans Kristjáns Eldjárn sem
hefði orðið fertugur þann 16. júní en
hann lést í apríl 2002, tæplega þrí-
tugur að aldri, eftir tæplega tveggja
ára erfið veikindi.
Að Kristjáni látunum stofnuðu
ættingjar hans, vinir og samstarfs-
menn minningarsjóð, sem ætlað er
að verðlauna framúrskarandi tónlist-
armenn, í hans nafni. Fyrst var veitt
úr Minningarsjóði Kristjáns Eldjárn
16. júní 2007 þegar hann hefði orðið
35 ára. Úthlutað verður úr sjóðnum í
fjórða sinn á laugardaginn klukkan
17 við hátíðlega athöfn í Listasafni
Sigurjóns Ólafssonar.
Alla jafna er úthlutað úr sjóðnum
á tveggja ára fresti, síðast í fyrra, en
Þórarinn Eldjárn, faðir Kristjáns,
segir að ákveðið hafi verið að veita
úr sjóðnum í ár í tilefni þeirra fjöru-
tíu ára sem liðin eru frá fæðingu
Kristjáns. Þá þótti upplagt að gefa
út á geisladiski úrval af upptökum
frá tvennum burtfarartónleikum
Kristjáns. Diskurinn nefnist Gítar-
maður og hann má panta á netfang-
inu minningarsjodur@eldjarn.is.
„Við höfðum aldrei farið almenni-
lega í gegnum þær upptökur sem
voru til en það var svo bara mat
manna að þetta væru upptökur sem
væru algerlega nothæfar,“ segir
Þórarinn en fyrir útgáfu fengu upp-
tökurnar meðhöndlum hjá færustu
fagmönnum og vinum Kristjáns.
„Okkur þótti afskaplega vænt um
að geta komið þessu út með svona
ágætum hætti eins og mér sýnist
þetta vera.“ -þþ
 Kristján Eldjárn HEfði orðið fErtugur 16. júní
Ættingjar og vinir minnast gítarmannsins
Kristján Eldjárn lést tæplega þrítugur
að aldri árið 2002 eftir erfið veikindi.
Ættingjar hans og vinir hafa nú gefið út
diskinn Gítarmaður með úrvali af upp-
tökum frá tvennum brottfarartónleikum
hans. Mynd/Gunnar Vigfússon
60 dægurmál Helgin 15.-17. júní 2012