Fréttatíminn - 27.02.2015, Side 6
DORMA Holtagörðum, Reykjavík ✆ 512 6800
Dalsbraut 1, Akureyri ✆ 558 1100
Húsgagnahöllinni, Reykjavík ✆ 558 1100
SVEFNSÓFAR
DORMA
NÝTT Í
VERONA – CliCk ClaCk
MILANO – CliCk ClaCk
ROMA – CliCk ClaCk
Stærð: 200x100 H: 50 cm. Svefnpláss: 120x200 cm.
Dökk- og ljósgrátt slitsterkt áklæði.
Stærð: 200x94 H: 40 cm. Svefnpláss: 140x200 cm. Grábrúnt slitsterkt áklæði.
Stærð: 200x110 H: 40 cm. Svefnpláss 120x200 cm. Dökkgrátt slitsterkt áklæði.
TILBOÐ 99.900 kr.
Fullt verð 119.900
TILBOÐ 89.900 kr.
Fullt verð 99.900
TILBOÐ 79.900 kr.
Fullt verð 89.900
Búrahald varphæna bannað
Atvinnuvega- og nýsköpunarráðuneytið hefur
gefið út reglugerð um velferð alifugla. Undan-
farna áratugi hafa verið gerðar umfangsmiklar
rannsóknir erlendis á velferð varphæna og
kjúklinga sem leitt hafa af sér strangari kröfur
til alifuglaeldis í nágrannalöndum okkar, en
Ísland dregist aftur úr að sama skapi. Á þetta
sérstaklega við um búrahald varphæna en
þegar fyrri reglugerð var sett árið 1995 voru
varphænur hérlendis nær eingöngu haldnar
í hefðbundnum óinnréttuðum búrum. Með
gildistöku nýju reglugerðarinnar verður óheimilt
að nota þessi búr eftir 31. desember 2021, en í
öðrum löndum í Evrópu hefur notkun þessara
búra verið bönnuð frá ársbyrjun 2012. Einnig er
skilgreint í nýju reglugerðinni hvernig bregðast
skuli við dritbruna á fótum alifugla og óheimilt
verður að goggstýfa alifugla. -hh
Góð afkoma
Regins
Afkoma Regins á liðnu ári var
góð og í samræmi við áætlun
félagsins, að því er fram kemur
í tilkynningu. Rekstrartekjur
námu 4.765 milljónum króna.
Þar af námu leigutekjur 4.237
milljónum. Leigutekjur hafa
hækkað um 20% samanborið
við árið 2013. Rekstrarhagn-
aður fyrir söluhagnað, mats-
breytingu og afskriftir/EBITDA
var 3.035 milljónir króna sem
samsvarar 23% hækkun
samanborið við árið 2013.
Hagnaður eftir tekjuskatt nam
2.229 milljónum króna. -jh
Svavar Gestsson á fornar
ritstjóraslóðir
Svavar Gestsson, fyrrverandi
alþingismaður, ráðherra
og sendiherra, leitar á
fornar slóðir en hann hefur
tekið við ritstjórn tímaritsins
Breiðfirðings. Svavar var rit-
stjóri dagblaðsins Þjóðviljans
um árabil áður en hann hóf
afskipti af stjórnmálum.
Reykhólavefurinn greinir frá því að á liðnu hausti
hafi verið ákveðið að koma tímaritinu á lagg-
irnar að nýju en ársrit þetta kom út áratugum
saman, frá árinu 1942 til 2009, þegar það lagðist
í dvala. Svavar hefur um árabil verið með annan
fótinn í Hólaseli í Reykhólahreppi. Fyrsta hefti
Breiðfirðings, undir ritstjórn Svavars, kemur út á
vormánuðum. -jh
Uppboð á folatollum á folaldasýningu
Hin árlega folalda-
sýning Sörla verður
haldin í reiðhöllinni að
Sörlastöðum í Hafnarfirði
á morgun, laugardag,
klukkan 13. Dómarar eru
framkvæmdastjórar Fáks
og Spretts, Jón Finnur
Hanson og Magnús Bene-
diktsson. Keppt verður í
flokki mer- og hestfolalda.
Tvö folöld verða sýnd í
hverju holli. Verðlaun
verða veitt fyrir folald
sýningar að mati dómara,
folald sýningar að mati
áhorfenda og efstu folöld í
hvorum flokki fyrir sig.
Aðgangur er ókeypis. Upp-
boð á folatollum verður
í hléi undir stóðhestana
Hágang frá Narfastöðum,
Aðal frá Nýjabæ, Sjóð frá
Kirkjubæ, Eril frá Einhamri
og Hersi frá Lambanesi.
Árleg folaldasýning Sörla í Hafnarfirði verður haldin á
laugardag klukkan 13.
Matvælaeftirlit Dagsektir vegna rangra Merkinga hafa reynst illa
Það
litar okkar
starfsum-
hverfi
hversu
veigalítil
þvingun-
arúrræðin
eru sam-
kvæmt
okkar mat-
vælalög-
gjöf.
Öryggismál eru í forgangi þegar kemur að eftirliti með merkingum á matvælum. Eftir því sem tími leyfir gera heilbrigðisfulltrú-
ar matvælaeftirlits við einnig athugasemdir óheimilar næringar- og heilsufullyrðingar á matvælum. Ljósmynd/Hari
v ið vildum helst hafa fleiri heilbrigðis-fulltrúa en við höfum í dag svo að við getum haft enn meira eftirlit með
notkun næringar- og heilsufullyrðinga á um-
búðum matvæla en við gerum í dag sem er
þó töluvert,“ segir Óskar Ísfeld Sigurðsson,
deildarstjóri matvælaeftirlits hjá Heilbrigðis-
eftirliti Reykjavíkur. „Við höfum bent á að sí-
fellt, til dæmis með nýrri löggjöf, er verið að
bæta við verkefnum sem heilbrigðiseftirlit á
að hafa eftirlit með án þess að fjármagn fylgi
með þessum verkefnum. Heilbrigðiseftirlitið
vinnur samkvæmt ákveðinni eftirlitsáætlun
og fjárhagsáætlun, og því þurfum við að
forgangsraða verkefnum okkar eins margir
aðrir. Aðaláherslan er því lögð á mál er varða
öryggi matvæla og síðan reglubundið eftirlit
með matvælafyrirtækjum sem eru eftir-
litsþegar okkar. Eitt dæmi um slík öryggis-
mál er ef ofnæmis- eða óþolsvaldur er ekki
merktur á umbúðum matvæla. Eftir því sem
tími leyfir gerum við einnig athugasemdir
við aðrar merkingar og þar á meðal óheim-
ilar næringar- og heilsufullyrðingar á um-
búðum matvæla en öryggismálin eru alltaf
í forgangi en Heilbrigðiseftirlit Reykjavíkur
gerir athugasemdir við merkingar á fjölda
matvara á hverju ári,“ segir Óskar.
Á umbúðum fjölda matvæla og í aug-
lýsingum eru matvælunum tileinkaðir
ákveðnir kostir sem þær standa ekki alltaf
undir. Evrópusambandið hefur birt lista yfir
leyfilegar næringar- og heilsufullyrðingar.
Dæmi um næringarfullyrðingu er að vara
sé „próteingjafi“ og þarf þá minnst 12% af
orkugildi hennar að koma úr próteinum, og
dæmi um heilsufullyrðingu er „kólín stuðlar
að eðlilegum fituefnaskiptum“ sem aðeins
má nota ef matvæli innihalda minnst 82,5
mg af kólíni á hver 100 g eða ml. Óheimilt er
að halda því fram í merkingum að matvæli
lækni tiltekna sjúkdóma.
Óskar segir að bæði neytendur og fyrir-
tæki, oft samkeppnisaðilar, setji sig í sam-
band við heilbrigðiseftirlit á viðkomandi
svæði þegar þeir telja að reglur séu brotnar,
og þá sé brugðist við samkvæmt verklagi
eftir alvarleika máls. „Matvælalöggjöfin er
hins vegar veik hvað þvingunaraðgerðir
varðar og einnig að samkvæmt stjórnsýslu-
löggjöfinni ber okkur alltaf að gæta meðal-
hófs og velja vægustu úrræðin hverju sinni
til að ná tileinkuðum árangri. Ákvæði um
dagsektir hafa reynst illa og dæmi er um
að heilbrigðiseftirlit hafi þurft að endur-
greiða þær eftir dómsmál þannig að það er
ekki vænleg leið að óbreyttu. Ef viðkomandi
athugasemd eða mál varðar ekki öryggi
matvæla þurfum við að gefa fyrirtækjunum
hæfilegan frest til að bæta úr. En ef um er að
ræða öryggismál er gerð krafa um aðgerðir
og úrbætur strax og að vara sé innkölluð
af markaði og frá neytendum. Við stöndum
líka veikt að vígi hvað varðar auglýsingar í
fjölmiðlum með óheimiluðum fullyrðingum
um matvæli. Við gerum athugasemdir við
slíkar auglýsingar en í reynd erum við bara
að benda viðkomandi fyrirtæki á að auglýs-
ingin sé ólögleg,“ segir Óskar.
Spurður hvort heilbrigðiseftirlitið skorti
úrræði til að geta brugðist við á áhrifaríkan
hátt játar hann því. „Það litar okkar starfs-
umhverfi hversu veigalítil þvingunarúrræð-
in eru samkvæmt okkar matvælalöggjöf,“
segir Óskar.
Erla Hlynsdóttir
erla@frettatiminn.is
Veigalítil þvingunarúrræði
vegna rangra merkinga
Fleiri heilbrigðisfulltrúa skortir hjá matvælaeftirliti Heilbrigðiseftirlits Reykjavíkur til að hafa
betra eftirlit með næringar- og heilsufullyrðingum á matvælum. Deildarstjóri matvælaeftirlitsins
segir matvælalöggjöfina veika hvað þvingunarúrræði varðar þegar matvæli eru rangt merkt og
hafa dagsektir reynst afar illa.
6 fréttir Helgin 27. febrúar–1. mars 2015