Fréttatíminn - 27.02.2015, Page 52

52 matur & vín Helgin 27. febrúar–1. mars 2015

Fæst í Lyfju og Apótekinu
Sambucol:
– Náttúruleg vörn
gegn flensu
– Veitir forvörn
gegn flensu
– Sannkölluð
andoxunarbomba
fyrir frumurnar
raritet.is
Besta flensu-
og kvefmixtúra
sem ég hef prófað
”
Sambucol
Immuni
Forte
Sykurlaust,
náttúrulegt
þykkni fyrir
fullorðna.
Sambucol
for Kids
Bragðgott
náttúrulegt
þykkni fyrir
börn.
Sambucol
Immune
Forte
forðahylki
Fyrir þá sem
ekki vilja
mixtúru.
 EldamEnnska TöfrasproTinn, maTvinnsluvélin og blandarinn
T il að elda mat frá grunni, það er að segja að nota ferskt hráefni en ekki allt tilbúið
úr krukkum, dósum og bökkum,
þarf að hafa allan tímann í heim-
inum sem þá fer í að skera, saxa og
stappa. Fyrir hina, sem ekki hafa
tíma og nennu til þessa, er einfald-
ara að brúka hina heilögu þrenn-
ingu eldhússins: Töfrasprotann,
matvinnsluvélina og blandarann.
Það er hægt að kaupa endalaust af
mis mikilvægum tækjum og tólum
í eldhúsið. Sum eru þarfaþing en
önnur eru það einfaldlega ekki. Þó
að það sé gott þarf enginn að eiga
pastavél. Gott kökukefli og hnífur
gera það sama og slík græja, en
ekkert nútímaeldhús getur þrifist
án þess einhvers konar matvinnslu-
vél komi til sögunnar. Þrenningin
heilaga kemur í öllum stærðum og
gerðum. Allt frá litlum töfrasprotum
og krukkunum, sem fylgja þeim oft,
yfir í risastóra blandara og múlínexa.
Ef við hugsum þetta út frá kristin-
dómi þá er Jesús töfrasprotinn, mat-
vinnsluvélin er hinn heilagi andi og
Vítamix blandarinn er alvitur guð.
Nota bene, ekki góði lútherski guð-
inn sem prestar kenna í fermingar-
fæðslu heldur reiði guðinn úr gamla
testamentinu. Maukar allt sem ofan
í hann fer. Þar liggur reyndar efinn.
Á að mauka eða ekki mauka?
Töfrasprotinn, sérstaklega dýrari
týpurnar, búa yfir talsverðu afli en
við fyrstu sýn kannski svolítið ein-
tóna, það er að mauka grænmeti og
gera súpur flauelsmjúkar. Það er
vissulega þarft verk en þegar betur
er að gáð getur góði sprotinn, ekki
Hin heilaga
þrenning
hægeldunar
ósvipað Jesú, breytt olíu og eggi
í majónes og jafnað saman hvaða
salatsósu sem er. Þrátt fyrir marga
möguleika er hann þó nánast ein-
göngu notaður til að mauka.
Þar kemur matvinnsluvélin inn.
Flestum dugar boxið sem fylgir
téðum töfrasprota, nema haldnar
séu stórveislur. Þá viljum við eitt-
hvað stærra. Með vélinni er hægt
að stjórna, púlsa eins og það er
kallað að þrýsta oft á takkann en
halda honum ekki inni svo ekki
verði úr ein drulla. Vissulega hægt
að mauka en kokkurinn hefur smá
stjórn.
Þegar svo kemur að því að bryðja
klaka, eða eitthvað annað ámóta
hart og ófyrirgefandi, þá fer það
bara beint í blandarann. Fæstir eiga
hinn almaukandi Vitamix á eldhús-
bekknum en flestir eiga hins vegar
einhvers konar blandara. Það eina
sem þarf að gera áður en farið er
af stað með blandarann er að fara
ekki alltaf beint í hæstu stillinguna.
Þeir sem það gera kannast líklega
flestir við það þegar blöðin snúast á
fullu en það sem hræra á situr sem
fastast ofan á stórri loftbólu og fer
hvergi. Annar vankantur á blandar-
anum er að yfirleitt standa blöðin
tiltölulega hátt svo það þarf að gera
talsvert magn í einu. Einnig þarf
líka slatta af vökva til að fá almættið
til að vinna vel.
Þrenningin er því best notuð sitt
á hvað og best að eiga eitt af hverju.
Svona þegar á að hífa tækjakostinn
upp á næsta stig.
Haraldur Jónasson
hari@frettatiminn.is
Bamix töfrasprotinn er nákvæmlega það,
töfrasproti. Hakkar kjöt, býr til mæjónes,
þeytir rjóma og salatsósur. Svo náttúrulega
maukar hann allt sem mauka þarf. Fæst í
Kokku og er svo sem ekkert gefins. Kostar
frá 27.900 krónum og er hverrar krónu virði.
Matvinnsluvélar eru til í öllum
stærðum og gerðum. Oft er þó
einfaldleikinn bestur. Þessi Bosch
matvinnsluvél er einföld, kraft-
mikil og gerir allt sem þarf að gera.
Hræra, rífa, brytja, raspa og tæta.
Já og þeytir líka. Fæst í Bosch
búðinni og kostar 22.600 krónur.
Vitamix blandarinn
er bæði ljótur og
rándýr, en ekki
segja honum það
beint því þá maukar
hann á þér putta.
Besti blandarinn
og fyrir þá sem
ætla að massa búst
og hráfæðissúpur
er eins gott að
byrja á toppnum.
Kostar rétt rúmlega
105.000 krónur í
Kælitækni en eins
gott að hafa hraðan
á því þetta er tilboð.