Fréttatíminn - 27.02.2015, Side 70

 Bar Myndskreyttir veggir
Málaði veitingastað með Air-brush
Í Austurstræti er unnið dag og nótt
við það að gera nýjan veitingastað
kláran til opnunar. American Bar,
eða Ameríski barinn, mun opna þar
innan skamms í því húsi sem áður
hýsti Thorvaldsen Bistro. Á veggj-
um staðarins hafa verið málaðar og
teiknaðar myndir af ýmsum toga og
munu eflaust fanga athygli þeirra
sem heimsækja staðinn.
Air-brush meistarinn Ýr Bald-
ursdóttir er einn þeirra listamanna
sem hafa skreytt staðinn. „Eigand-
inn hringdi í mig eftir að hafa fengið
ábendingu frá snyrtistofu hér í bæ,“
segir Ýr. „Ég hef verið að gera alls-
konar myndir með Air-brush tækni
og mikið skreytt bíla og mótorhjól.
Ég fékk þær leiðbeiningar að eig-
endurnir vildu hafa þetta amerískt
út í smá bíóþema, svo ég gerði stóra
mynd af Jack Nicholson úr Shining
myndinni og líka Monicu Lewinsky
og allskonar skreytingar,“ segir Ýr.
„Þetta er skemmtilegt verkefni
og ég hef verið í mjög fjölbreyttum
verkefnum Ég stefni á það að halda
sýningu þegar nær dregur jólum,
þar sem ég hef verið að leika mér
að blanda saman Air-brush aðferð-
inni við olíumálningu. Það er spenn-
andi að sjá hvernig það mun þróast,“
segir Ýr Baldursdóttir Air-brush
meistari.
Ameríski barinn opnar á næstu
dögum og þar verður meðal annars
boðið upp á borgara og rif frá Dirty
Burgers and Ribs, ásamt fleira góð-
gæti. -hf
Ýr Baldursdóttir ásamt Jack Nicholson.
Ljósmynd/Hari
Ég ætla að elta draum-
inn, segir Rakel Björk
Björnsdóttir. Ljósmynd/Hari
 Herranótt rakel Björk Björnsdóttir Með aðalHlutverkið
Foreldrarnir geta
ekki sungið
Leikfélag Menntaskólans í Reykjavík, Herranótt, frumsýnir í
kvöld söngleikinn Vorið vaknar, eða Spring Awakening eftir
þá Duncan Shaeik og Steven Sater. Með aðalhlutverkið
fer ung og efnileg leikkona sem heitir Rakel Björk Björns-
dóttir. Hún útskrifast úr MR í vor og ætlar sér að þreyta
inngöngupróf í leiklistarskóla í London í kjölfarið. Hún lék
í kvikmyndinni Falskur fugl á síðasta ári og í vor verður
kvikmyndin Þrestir eftir Rúnar Rúnarsson frumsýnd, þar
sem Rakel fer með aðalhlutverkið.
H erranótt, leikfélag MR, set-ur upp eina stóra sýningu á ári og í ár er það söngleikur-
inn Vorið vaknar sem varð fyrir val-
inu. Rakel Björk Björnsdóttir, sem
leikur eitt aðalhlutverkanna, segir
alltaf jafn gaman að taka þátt, en
hún er að taka þátt í þriðja sinn. „Við
byrjuðum að lesa handritið í byrjun
desember og svo höfum við æft stíft
frá áramótum,“ segir Rakel Björk.
„Söngleikurinn er byggður á sögu frá
árinu 1890 og það er ótrúlega gaman
að leika og syngja í þessu.“
Rakel á sér þann draum að geta
leikið og sungið að atvinnu í
framtíðinni og er farin að leggja
drög að því að láta þann draum
rætast. „Ég lék í Fölskum fugli
í fyrra og í vor verður myndin
Þrestir frumsýnd þar sem ég
leik eitt aðalhlutverkanna. Það
er alveg ótrúlega skemmtilegt. Ég
er að útskrifast frá MR í vor og ætla
í smá ævintýri. Ég ætla að reyna
að komast inn í skóla í London og
vonandi gengur það bara vel,“ seg-
ir Rakel sem sótti um í Leiklistar-
skólanum hér heima þegar inntöku-
prófin voru í janúar og komst í loka
úrtakið. „Það var pínu svekkjandi að
komast ekki inn, eðlilega. Sérstak-
lega þegar maður var kominn svona
langt,“ segir Rakel Björk. „Það má
samt ekki draga úr manni, maður
heldur bara áfram.“
Rakel hefur verið að syngja í
veislum og öðrum uppákomum
undanfarið og nýtir hvert tækifæri
til þess að syngja. „Foreldrar mínir
geta ekki sungið svo það er ekki al-
veg vitað hvaðan ég hef þetta eigin-
lega,“ segir Rakel. „Ég hef bara alltaf
verið að syngja og tók þátt í öllum
þeim söngkeppnum sem ég gat
þegar ég var yngri, og í söngkeppni
framhaldsskólanna. Það er draumur-
inn að geta verið söng- og leikkona
og ég ætla að reyna það,“ segir Rakel
Björk Björnsdóttir.
Herranótt mun sýna 8 til 10 sýn-
ingar af Vorið vaknar og allar nánari
upplýsingar um sýninguna má finna
á www.midi.is
Hannes Friðbjarnarson
hannes@frettatiminn.is
Nýdanskir dagar að
hefjast
Hljómsveitin Nýdönsk hefur í kvöld
tónleikaröð sem þeir kalla Nýdanska
daga. Í tilefni þess frumsýnir sveitin
forláta mottur á tónleikum í Bæjarbíói
í Hafnarfirði í kvöld, en Mottumars
hefst um helgina. Í þessari tónleikaröð
mun sveitin heimsækja Siglufjörð,
Akureyri, Reykjanesbæ, Akranes ásamt
Hafnarfirði með tvennum tónleikum í
Bæjarbíói um helgina. Sérstakir gestir
í Bæjarbíói verða nemendur í Tón-
listarskóla Hafnarfjarðar, sem munu
leika nokkur vel valin lög Nýdanskra
á tónleikunum. Allar upplýsingar um
Nýdanska daga má finna á Facebook
síðu hljómsveitarinnar.
Dóri Gylfa og Siggi Þór
í Rétti
Tökur á þriðju þáttaröð spennuþáttanna
Réttur hefjast í vor. Leikstjóri þáttanna
verður Baldvin Z og er undirbúningur
hafinn og verið að ráða í helstu hlutverk.
Jóhanna Vigdís Arnardóttir mun leika
aðalhlutverkið eins og í fyrri seríum sem
gerðar voru fyrir fimm og
sex árum. Önnur hlut-
verk í þáttunum
verða í höndum
Halldórs
Gylfasonar og
Sigurðar Þórs
Óskarssonar,
svo einhverjir
séu nefndir, en
leikaraval stendur
yfir þessa dagana.
Lucky Records til sölu
Hljómplötuverslunin Lucky Records við Rauðarárstíg er auglýst til sölu hjá
fasteignasölunni Atvinnueign. Ingvar Geirsson, eigandi verslunarinnar, segist
ekki hafa hugsað þetta í langan tíma, en aðallega langi hann að sjá hvað er í
boði. „Ég er nú bara að þreifa fyrir mér. Það fer ekki bara eftir tilboði, heldur
líka eftir hugsjón hvort ég láti af þessu verða,“ segir Ingvar. „Ég hef alltaf
reynt að gera búðina betri og finnst eins og ég komist ekki mikið lengra í bili.“
Lucky Records byrjaði sem bás í Kolaportinu árið 2005 og hefur jafnt og þétt
orðið ein vinsælasta búðin í miðbænum. Verið valin besta hljómplötuverslun
landsins 2012, 2013 og 2014, ásamt því að hafa verið valin ein af sex bestu
hljómplötuverslunum heims af BA-Highlife. „Það eru margir sem koma til
greina sem arftakar, en þetta ræðst á hugarfari, reynslu og virðingu fyrir
hugtakinu plötubúð,“ segir Ingvar Geirsson, eigandi Lucky Records. -hf
70 dægurmál Helgin 27. febrúar–1. mars 2015
MÍL ANÓ f rá
Tímabi l : ma í - jún í 2015
16.999 kr.
TAKMARKAÐ MAGN Í BOÐI
BÓKAÐU NÚNA Á WOWAIR.IS