Dagblaðið Vísir - DV - 24.10.2008, Blaðsíða 4

FÖSTUdagUr 24. OKTÓBEr 20084 Fréttir
Sandkorn
n Hermt er að Björgólfur Guð-
mundsson, aðaleigandi Morg-
unblaðsins, sé í hátíðarviðtali
við blað sitt á sunnudaginn.
Agnes Bragadóttir, höfundur
kenningarinnar um alheims-
samsæri
seðlabanka
gegn Ís-
landi, tók
viðtalið
rétt eins og
klettavið-
tal við Geir
Haarde
forsæt-
isráðherra á dögunum. Allt
eins er búist við að Björgólf-
ur biðjist afsökunar á því fyrir
hönd Landsbankans að hafa
steypt þjóðinni í skuldafen
sem kennt er við IceSave. Þó
gæti verið að um væri að ræða
tilfinningaríkt viðtal um þraut-
ir aðaleigandans í kröppum
dansi kreppunnar.
n Fréttablaðið birti í gær and-
látsfregn Golfblaðsins í nokkr-
um véfréttastíl þar sem sagt
var að tímaritið væri komið í
dvala og óvíst hvort það myndi
skríða úr
híði sínu í
vor. Þessi
tíðindi
komu frekar
flatt upp á
þá sem að
Golfblaðinu
standa hjá
tímaritaút-
gáfunni Birtíngi enda næsta
tölublað Golfblaðsins á leið í
prentsmiðju eftir helgina. Þar
fyrir utan eru óstaðfestar and-
látsfregnir af fjölmiðlamarkaði
á síðum Fréttablaðsins svolítið
eins og snara í hengds manns
húsi þar sem sá kvittur er kom-
inn á kreik að fjöldauppsagnir
séu yfirvofandi á Fréttablaðinu
jafnvel þrátt fyrir að Ari Ed-
wald, forstjóri 365, hafi fengið
dynjandi lófaklapp frá starfs-
fólki blaðsins þegar hann lof-
aði því hátíðlega fyrir skömmu
að í engu yrði hróflað við
Fréttablaðinu þrátt fyrir sparn-
aðarsamruna við Árvakur.
n Rithöfundurinn Stefán Máni
þykir sýna þrælgott tímaskyn
með sinni nýjustu skáldsögu,
Ódáðahraun, sem kom út
í síðustu viku en þar fjallar
hann um
hrunadans
á verð-
bréfamark-
aði þegar
harðsvír-
aður und-
irheima-
kóngur,
Óðinn R.
Elsuson, sölsar undir sig stór-
fyrirtæki með óvönduðum
meðulum. Stefán Máni hefur
þó varla getað séð fyrir að ryk-
ið yrði dustað af líkfundarmál-
inu svokalla í kringum útgáfu
bókarinnar en málið komst
aftur í fréttir í tengslum við
amfetamínverksmiðju í Hafn-
arfirði.

n Einn amfetamínframleið-
andinn, Jónas Ingi Ragnars-
son, var lykilmaður í lík-
fundarmálinu en honum var
gert að sök að hafa sökkt líki
Litháans Vaidasar Jucevici-
us í höfnina í Neskaupstað í
byrjun árs 2005. Vaidas lést
þegar fíkniefni sem hann bar
innvortis láku út í líkama hans.
Stefán Máni er með sína eigin
útgáfu af þessari sorgarsögu
í Ódáðahrauni en þar rekst
glæponinn Óðinn á Litháa að
nafni Vaidas sem er sárþjáður
vegna efna sem eru föst í lík-
ama hans. Óðinn tekur málið
engum vettlingatökum, drep-
ur Litháann, ristir hann upp í
sláturhúsi og sækir amfetam-
ínið í iður hans.
DRAUGALANDIÐ
Skáldið Skrifar
Í nótt dreymdi mig jeppakirkju-
garð, nýja bók sem hlotið hafði
nafnið Draugalandið, mig dreymdi
hrun blóðbankans og mig dreymdi
Geir H. Haarde og hann brosti eins
og ein af þessum fíflalegu dúkkum sem gegn-
um tíðina hafa fengið að spóka sig sitjandi
á lærum búktalara. Ég áttaði mig strax á því
að þetta bjánalega bros gat ekki verið góður
fyrirboði og þá er ég að taka tillit til þess að
núna eru ráðamenn orðnir ráðþrota og uppi-
skroppa með þráð í lyganetin. Þeir hafa notað
allt líkingamál sem tengist sjósókn og hrakn-
ingum og þeir æla hver um annan þveran –
bullandi sjóveikir í brælunni í ólgusjó lán-
leysis – fórnarlömb þeirrar fyrirhyggju sem
hvorki var né hét. Og þjóðin situr í skuldasúp-
unni og þarf að borga brúsann. Nei, við ætlum
ekki að finna sökudólga, við ætlum að nýta
tárin til að salta grautinn – við ætlum að bíta á
jaxlinn og gleyma því sem gerðist. Því fyrr, því
betra. Gleymum því strax í dag að Dabbi litli
bankamaður ýtti eyðslubrjálæðinu af stað og
stöndum saman í því að gleyma allri dellunni
sem Dabbi og Dóri lugu að okkur. Gleymum
því hvernig forsetinn lýsti dásemd útrásar-
innar. Við skulum fallast í faðma, gráta í hljóði
og gleyma því að landinu okkar hefur verið
stjórnað af fólki sem ekki hefur haft hundsvit
á einu eða neinu. Gerum okkur grein fyrir því
að leikskólabörn hefðu stjórnað landinu bet-
ur en þeir þingmenn sem við höfum valið. Og
um leið og okkur er þetta ljóst þá skulum við
muna að það er gott að gleyma.
Eymdinni fylgja ný tækifæri og ég er að hug-
leiða hvort við ættum ekki bara að stofna nýj-
an stjórnmálaflokk. Þetta getur allavega ekki
versnað. Við getum kallað hann Nýja-Ísland
eða eitthvað í þá áttina. Við getum byrjað
upp á nýtt og við getum byrjað á því að láta
Dabba litla bankamann fá að njóta eftir-
launanna sem hann hefur fyrir löngu náð að
tryggja sér. Reyndar myndi það ekki hryggja
mig þótt þingmannaskarinn allur hundsk-
aðist heim og obbanum mætti mín vegna
bjóða tvöföld eftirlaun ef menn lofuðu að fela
smetti sín á meðan ælupest óráðsíunnar er
að ganga yfir. Þá gæfist okkur kannski tóm
til að afnema verðtryggingu lána og þá gæti
það loksins orðið hagstætt fyrir ríkið að halda
verðbólgunni niðri. Núna er staðan nefnilega
sú að ríkið á alla bankana og allar skuldirnar.
Við erum ríkið. GUÐ BLESSI NÝTT ÍS-
LAND!
Brátt í gömlu förin fennir,
við fáum störf að vinna
og njóta þess að neyðin kennir
nöktu fólki að spinna.
Ó
Kristján Hreinsson sKáld sKrifar. „Ég áttaði mig strax á því að þetta bjánalega bros gat ekki verið góður fyrirboði“
Bjarni Harðarson, þingmaður Framsóknar-
flokksins, segir að Björn Ingi Hrafnsson, rit-
stjóri Markaðarins og fyrrverandi oddviti
flokksins í borgarstjórn, beiti Markaðnum
afdráttarlaust gegn Guðna Ágústssyni, for-
manni Framsóknarflokksins. Hann segir
engan hafa skaðað flokkinn meira en Björn
Ingi. Björn segir ásakanir af þessu tagi frá-
leitar. Hann segist enn fremur ekki íhuga
endurkomu í pólitík.
„Björn Ingi hefur beitt sínum fjöl-
miðli, Markaðnum, og bloggsíðu
sinni mjög afdráttarlaust gegn
Framsóknarflokknum og þá sér-
staklega formanni hans,“ seg-
ir Bjarni Harðarson, þingmaður
Framsóknarflokksins, í samtali við
DV.
Óróleiki í flokknum
Á bloggsíðu sinni, bjarnihardar.
blog.is, hnýtir Bjarni í Björn Inga
Hrafnsson, ritstjóra á Markaðn-
um og fyrrverandi borgarfulltrúa
Framsóknarflokksins í Reykjavík.
Þar talar hann um meintan óróa
í flokknum „ ...þar sem Björn Ingi
og nokkrir menn með honum
hafa um langt skeið sprengt reyk-
sprengjur“. Bjarni segir í samtali
við DV að Björn Ingi eigi lítið með
að býsnast yfir fylgistölum Fram-
sóknarflokksins. „Enginn maður
hefur leikið þennan flokk eins grátt
og Björn Ingi,“ segir hann.
Undrast viðkvæmni Bjarna
Björn Ingi segir að Bjarni sé frjáls
skoðana sinna en finnst ásakanir
hans í sinn garð fráleitar. „Ég undr-
ast viðkvæmni Bjarna. Hann hefur
lengi unnið við fjölmiðla og ætti því
að kunna að taka pólitískri umræðu
ekki persónulega,“ segir Björn Ingi.
Hann bætir því að hann sé blaða-
maður í dag og ætli ekki að munn-
höggvast við stjórnmálamenn. Þeg-
ar Bjarni er spurður hvort hann telji
að Björn Ingi sé á leið í pólitík seg-
ir hann: „Það ætla ég að vona ekki.“
Þegar Björn Ingi er spurður hvort
hann sé að íhuga slíkt segir hann:
„Nei, ekki neitt.“
Heiðarleiki ofar öðru
Friðrik Jónsson, formaður
Framsóknarfélags Akraness, skrif-
ar á bloggsíðu sinni, fridrik.eyjan.
is, að Bjarni hafi tekið við hlutverki
Kristins H. Gunnarssonar, fyrr-
verandi þingmanns Framsóknar-
flokksins, sem óróamaður í flokkn-
um.
Bjarni segir allt tal um að hann
sé óróamaður dæma sig sjálft. Í
pistli á bloggsíðu sinni segir hann:
„Þó ég kunni nú alltaf hálfilla við
svona barnaleg samanburðarfræð-
i hljómar það ólíkt heiðarlegra að
vera líkt við Kristin heldur en t.d.
REI-borgarfulltrúann fyrrverandi.“
Spurður um þessi ummæli seg-
ist Bjarni einfaldlega ekki geta var-
ist þeirri hugsun að hann vilji frek-
ar vera líkt við Kristin en Björn
Inga. „Ég held nú að eftir það sem
á undan er gengið í þjóðfélaginu
verði heiðarleiki metinn að verð-
leikum í pólitík, án þess að ég segi
nú meira um það,“ segir hann.
Hafnar óróa
Bjarni segir aðspurður ekki
rétt að mikill órói sé í Framsókn-
arflokknum. „Það er ekki órói
í flokknum. Það er lítill hópur
manna sem stendur á hliðarlín-
unni, enginn þeirra í trúnaðar-
störfum fyrir flokkinn svo ég viti,
sem hefur látið ófriðlega. Þeir hafa
verið ósáttir við það að Framsókn-
arflokkurinn taki ekki upp stefnu
Samfylkingarinnar í Evrópumál-
um. Ég hef í sjálfu sér aldrei skil-
ið af hverju þessir menn vilja telja
sig til Framsóknarflokksins en ekki
Samfylkingarinnar,“ segir Bjarni og
bætir því við að flokkurinn sé betur
kominn án manna sem vilji vinna
honum tjón. Hann segir enn frem-
ur að hann verði ekki mikið var við
óróa í flokknum, hvorki á þingi né
á fundum Framsóknarflokksins.
„Ég veit ekki hvort það
er rétt að tala um að
þetta sé í flokkn-
um. Þetta er meira
svona utan í hon-
um,“ segir hann
að lokum.
„Ég veit ekki hvort
það er rétt að tala um
að þetta sé í flokkn-
um. Þetta er meira
svona utan í honum.“
BALDUR GUÐMUNDSSON
blaðamaður skrifar baldur@dv.is
MarkaðnuM
beitt gegn
guðna
Vonar að Björn Ingi snúi ekki aftur
í pólitík Bjarni Harðarson, þingmaður
Framsóknarflokksins, segist ekki verða
var við óróleika innan flokksins.
Íhugar ekki endur-
komu í pólitík Björn
Ingi Hrafnsson ritstjóri
segist ekki vilja
munnhöggvast við
stjórnmálamenn.