Dagblaðið Vísir - DV - 24.10.2008, Blaðsíða 41

FÖSTUdagUr 24. OKTÓBEr 2008 41Sport
Jói Kalli í dalinn Jóhannes Karl guðjónsson og félagar
í Burnley ferðast til Charlton um helgina og mæta gömlu
liðsfélögum Hermanns Hreiðarssonar í ensku Champion-
ship-deildinni. Burnley er með 19 stig í 6. sæti en Charlton
hefur gengið afleitlega miðað við gengið sem því er spáð
og situr í 20. sæti. aron Einar gunnarsson og félagar í Cov-
entry taka á móti derby og ætla sér sigur eftir tvo tapleiki
í röð. Þá mætir reading með Ívar Ingimarsson og Brynj-
ar Björn gunnarsson í fararbroddi liði QPr á heimavelli.
reading er með 23 stig í 3. sæti deildarinnar.
Grétar Mætir Botnliðinu grétar rafn Steinsson og liðsfélagar hans
í Bolton geta svo gott sem bundið enda á starfsferil Juandes ramos hjá
Tottenham vinni þeir á White Hart Lane á sunnudaginn. Tottenham er
rótfast á botninum og hefur ekki enn unnið leik, með tvö stig eftir átta
umferðir. ramos fékk stuðningsyfirlýsingu frá stjórninni eftir tapið gegn
Stoke um síðustu helgi en menn vilja meina að það hafi verið koss dauð-
ans og tap gegn Bolton yrði seinasti naglinn í líkkistu hans.
LESTU NÚNA SPORTIÐ Á DV.IS!
Eitthvað verður undan að láta þegar toppliðin
tvö, Liverpool og Chelsea, mætast á Stanford
Bridge á sunnudaginn. Bæði liðin eru taplaus og
hafa sýnt mikinn karakter í upphafi tímabilsins.
Liðin gjörþekkja hvort annað enda mætast þau
nú í 22. skipti á aðeins fjórum árum.
uppgjörið á toppnum
Leikir Chelsea og Liverpool und-
anfarin ár hafa verið allsvakalegir.
Spennan á milli þessa liða er sumpart
farin að skyggja á annálaðan fjand-
skap liðanna við sína fornu fjendur
frá Manchesterborg og London. Að-
dáendur liðanna beggja eru farnir
að beita hatri sínu í auknum mæli að
hver öðrum. Skemmst er að minn-
ast þess að í Moskvu höfðu fylgjend-
ur Chelsea flutt með sér fána tileink-
aðan Púllurum sem á stóð „Scouser
free zone“.
Fjandvinir í seinni tíð
Hjá mörgum fjandvinum er það
nálægðin við hverja aðra sem nærir
fjandskapinn en í tilfelli toppliðanna
í deildinni nú eru það viðureignir
liðanna, ekki síst í Meistaradeildinni,
sem skapað hafa þessa spennu á
milli liðanna. Jose Morinho, fyrrver-
andi stjóri Chelsea, átti ekki sístan
hlut í að kynda undir eldinum enda
gat Portúgalinn hæglega stofnað til
illinda aleinn í herbergi. Þegar Eiður
Smári gekk til liðs við þá bláu jukust
vinsældir Chelsea til muna á Íslandi,
í landi sem fjölmargir Púllarar eru
saman komnir. Landinn var og er því
virkur þátttakandi í baráttu liðanna.
umdeild atvik í hrönnum
Leikir liðanna hafa sjaldnast ver-
ið áferðarfallegir og opnir. Sókn-
arleikur hefur vikið fyrir stöðubar-
áttu og slagsmálum um hvern bolta.
Umdeild atvik hafa síðan verið nær
regla en undantekning í þessum við-
ureignum. Skemmst er að minnast
þegar Rob Stiles dómari rændi þá
rauðu sigri með því að dæma eina
fáránlegustu vítaspyrnu seinni ára
og fékk fyrir það nokkurra vikna frí
frá dómgæslu. Og ef við spólum svo
aðeins aftur í tímann, til ársins 2005,
finnum við eitt umdeildasta mark
allra tíma sem Luis Garcia var skráð-
ur fyrir. Þetta mark, sem enn veld-
ur martröðum Chelsea-manna, var
markið sem kom Liverpool í frægan
úrslitaleik í Istanbul.
22 leikir á fjórum árum
Það er ótrúlegt en satt að liðin tvö
munu nú mætast í 22. skipti á aðeins
fjórum árum. Af þessum leikjum eru
sex undanúrslitaleikir í Meistara-
deildinni auk þess sem liðin mættust
einnig í riðlakeppni sömu deildar
2005/2006. Þá eru ótaldir fjórir bikar-
leikir á jafnmörgum árum. Hreinlega
fáránleg tölfræði og skýrir kannski
einna helst hvers vegna aðdáendur
liðanna eru komnir með upp í kok af
hverjum öðrum.
Meiðsli lykilmanna
Á sunnudaginn klukkan 13 verð-
ur flautað til leiks á Brúnni. Bæði lið
eiga við meiðsli leikmanna að etja og
er ástandið sínu verra hjá Liverpool
samkvæmt nýjustu fréttum. Fern-
ando Torres, sá sem skoraði síðast
gegn Chelsea, verður ekki leikfær og
ekki víst hvort lykilmennirnir Gerr-
ard, Alonso og Robbie Keane verði
allir með eftir að hafa meiðst á mið-
vikudaginn í erfiðum Meistaradeild-
arleik liðsins í Madríd. Það eru líka
vandræði í vörninni eftir að Skrtel
meiddist og Agger kom aftur í lið-
ið. Eftir það hefur vörnin verið brot-
hætt. Hinn danski Agger hefur ekki
náð taktinum og samstarf hans og
Carraghers alls ekki sannfærandi.
Rafa Benitez segist hafa áhyggjur af
ástandi leikmanna en vonast til að
sem flestir verði klárir í slaginn enda
veitir honum ekki af sínum bestu
leikmönnum ef árangur á að nást
gegn gríðarsterku liði Chelsea á úti-
velli.
liverpool að hætti Mourinhos
Hjá Chelsea styttist í endurkomu
Ballacks og Drogbas en ekki er
reiknað með þeim tilbúnum í þenn-
an leik. Fyrirliðinn John Terry hefur
tekið þann pólinn í hæðin að hæla
Liverpool fyrir viðureign liðanna.
Hann sagði að Liverpool minnti
hann á lið Chelsea þegar það spil-
aði undir stjórn Mourinhos. „Það
sem heillað hefur mig við þá er að
þeir hafa, án þess að spila vel, náð
að klára leiki með mörkum í lokin.
Þetta er atriði sem við verðum að
vera viðbúnir. Þeir sýna mikla stað-
festu og trú í ár.“
Jafntefli aftur?
Hvað sem verður má gera ráð fyrir
mikilli báráttu liðanna á sunnudag-
inn. Liðin eru bæði taplaus, saman á
toppi deildarinnar og allt verður lagt
í sölurnar til halda sig þar áfram. Þótt
einhverjar af helstu stjörnum lið-
anna verði ekki með eru leikir þess-
ara liða þess eðlis að liðsheildin og
hungrið mun ráða úrslitum frek-
ar en nokkuð annað. Veikar von-
ir standa til að liðin bjóði upp á að-
eins fjörugri leik en síðast á Stanford
Bridge í febrúar þegar liðin skildu
jöfn án þess að skora mark. Það mun
þó engum koma á óvart ef sú verður
raunin á ný.
sveinn waaGe
blaðamaður skrifar: swaage@dv.is
Leikir CheLsea og Liver-
pooL í ÚrvaLsdeiLdinni
frá stofnun 1992
Sigrar
Chelsea 14
Liverpool 11
Jafntefli 7
leikir alls 32
Mörk
Chelsea 42
liverpool 35
alls 77
Brjáluð barátta Mynd úr síðasta leik
liðanna á Stanford Bridge 30 apríl
síðastliðinn er lýsandi fyrir átökin í
leikjum liðanna undanfarin ár. Þarna
mætast stálin stinn, Steven gerrard
og Claude Makalele.