Dagblaðið Vísir - DV - 24.10.2008, Blaðsíða 10
FÖSTUdagUr 24. OKTÓBEr 200810 Helgarblað
ERFIÐ FÆÐING
STYRKTARSJÓÐS
Hinsta ósk Soffíu Þuríðar Magnúsdóttur var að fyrir það sem hún lét eftir sig, sem nemur tugum millj-
óna, yrði stofnaður styrktarsjóður við Háskóla Íslands fyrir ljósmæður í framhaldsnámi. Í dag, rúmum
þremur árum eftir andlát Soffíu, hefur sjóðurinn enn ekki verið stofnaður. Dögg Pálsdóttir, skipta-
stjóri dánarbúsins, segir málið vissulega hafa dregist en á því séu eðlilegar skýringar.
„Þetta hefur vissulega gengið
hægt en stundum gengur hægt
að skipta dánarbúum,“ segir
Dögg Pálsdóttir, lögmaður
og skiptastjóri dánarbús
Soffíu Þuríðar Magnús-
dóttur sem lést fyrir
þremur árum. Hinsta
ósk Soffíu var að all-
ar eignir hennar, sem
nema tugum millj-
óna, yrðu nýttar til
að koma á laggirn-
ar styrktarsjóði við
Háskóla Íslands
sem ljósmæð-
ur gætu sótt í til
framhaldsnáms. Enn hefur sjóður-
inn ekki verið stofnaður.
Ekki óeðlilegur dráttur
„Sum dánarbú klárast fljótt því
það er svo litlu að skipta en önnur
taka lengri tíma því það er svo margt
sem þarf að skoða. Auðvitað má velta
fyrir sér hversu hratt svona er unnið
en að mínu mati er hér ekki um óeðli-
legan drátt að ræða,“ segir Dögg.
Skipulag styrktarsjóðsins er ekki
ljóst en stefnt er að því að úthlutað
verði úr sjóðnum einu sinni á ári,
jafnvel á afmælisdegi Soffíu en hún
fæddist 3. júlí 1922. Því standa von-
ir til að hægt verði að úthluta í fyrsta
sinn á næsta ári.
Spurð um ástæður þess að rúm-
um þremur árum eftir andlát Soff-
íu sé enn ekki búið að stofna sjóð-
inn segir Dögg: „Það eru skýringar á
því. Það þurfti að selja eignir og upp
komu gallamál á fasteigninni.“
Eignirnar á öruggum
reikningi
Ljósmóðurfræði heyra
undir hjúkrunarfræði-
deild Háskóla Íslands.
Sóley S. Bender deild-
arforseti segir und-
irbúningsvinnu við
sjóðinn í fullum gangi.
„Þetta er búið að taka
of langan tíma en von-
andi næst að klára þetta
sem allra fyrst.“
Dögg segir að um
þetta leyti í fyrra hafi hún
verið í sambandi við Sól-
eyju ásamt öðrum hjá há-
skólanum og þá hafið verið gerð
drög að skipulagsskránni. Málið hafi
þá verið langt komið en fór síðan í
biðstöðu. „Búið er að ákveða nýjan
fund með forsvarsmönnum hjúkr-
unardeildar háskólans til að ganga
endanlega frá skipulagsskránni og
ég á ekki von á öðru en að sjóður-
inn verði stofnaður eigi síðar en í
lok ársins. Fjármunir dánarbúsins
eru eins og reglur bjóða á fjárvörslu-
reikningi lögmannsstofu minnar í
öruggri ávöxtun,“ segir Dögg.
Hún bendir á að hún hafi ver-
ið skipaður skiptastjóri að beiðni
Soffíu enda hafi verið fyrirmæli þess
efnis í erfðaskránni. „Ég aðstoðaði
hana með öll fjármál þegar hún var
á lífi. Ég held að hún hafi treyst fáum
betur til að klára þetta,“ segir hún.
Þarf að skoða hvert mál
Soffía sótti sjálf menntun við Há-
skóla Íslands og lauk þaðan BA-prófi
í dönsku og bókasafnsfræði. Lengst
af starfaði hún hjá Lyfjaverslun rík-
isins og varð síðar fulltrúi og deild-
arstjóri hjá heilbrigðis- og trygg-
ingamálaráðuneytinu. Soffía lést
barnlaus 28. febrúar 2005 á líknar-
deild Landspítalans, 82 ára að aldri.
Móðir hennar, Björg Magnúsdótt-
ir, var ljósmóðir og bar Soffía ávallt
mikinn hlýhug til ljósmæðra.
Guðlaug Einarsdóttir, formað-
ur Félags ljósmæðra, segir að inn-
an vébanda félagsins séu til stað-
ar styrktarsjóðir en hún veit ekki
til þess að áður hafi komið til arfur
sem eyrnamerktur er ljósmæðrum.
„Þetta kemur mér mikið á óvart og á
eftir að koma ljósmæðrum almennt
mikið á óvart.“ Spurð um gildi sjóðs-
ins fyrir ljósmæður á Íslandi seg-
ir hún: „Þetta styrkir ljósmæður til
framhaldsnáms og styrkir því ljós-
mæðrafræðin í þágu kvenna.“
Sigurður Líndal, prófessor við
lagadeild Háskólans á Bifröst, seg-
ir engin allsherjar viðmið til staðar
um hversu langan tíma skuli taka í að
skipta dánarbúi. Slíkt þurfi alltaf að
meta eftir aðstæðum. Hann bendir á
að við búskipti þurfi gjarnan að meta
eignir og kalla til matsmenn, en einn-
ig geti komið upp deilur milli erfingja
sem tefja málið enn frekar. Þannig sé
ómögulegt að segja til um hver eðli-
legur tími sé nema hafa farið yfir öll
gögn hvers máls fyrir sig.
Erla HlynSDóttir
blaðamaður skrifar: erla@dv.is
„Þetta er búið að taka of langan tíma en von-
andi næst að klára þetta sem allra fyrst.“
Ekkert óeðlilegt dögg Pálsdóttir
segir ekki óeðlilegt að styrktarsjóður-
inn sé enn ekki kominn á
laggirnar, þremur árum eftir
andlát Soffíu.
Dóttir ljósmóður Móðir
Soffíu var ljósmóðir en sjálfri
varð henni ekki barna auðið.
MynD PHotoS.coM
Vildi styrkja ljósmæður Soffía
Þuríður Magnúsdóttir ritaði í erfðaskrá
sína að eignir hennar skyldu renna
óskiptar til styrktarsjóðs fyrir ljósmæður
í framhaldsnámi. MynD Úr EinkaSafni