Jökull - 01.12.1983, Page 161

Vélsleðaferð um vesturhluta Vatnajökuls vorið 1981
BRAGI HANNIBALSSON
ABSTR.\CT
The author describes a tour on five snow scooters on
Vatnajökull which nine members of the Iceland Glaciologi-
cal Society carried out in eight days at the end of May in
1980. The route wentfrom Breidamerkurjökull to Godheim-
ar, Kverkfjöll and Hvannadalshnjúkur.
Laugardagsmorguninn 14. júní 1981 lagði 8
manna hópur að stað frá Nesti á Ártúnsbrekku.
Farartækin voru 2 jeppar með kerrur og voru 2 vél-
sleðar á livorri kerru og einn bíll af Toyotagerð með
1 vélsleða á palli. Ferðinni var heitið á Vatnajökul
og skyldi fara upp Tungnárjökul. Auk undirritaðs
voru í ferð þessari Kristín Ingvarsdóttir, Torfi H.
Ágústsson (Torfi tjaldlausi), Valdimar Valdimars-
son, Skúli Már Sigurðsson, Ásta Oskarsdóttir,
Þórður Henriksson og Páll Fransson. Ferðin í Jökul-
heima gekk vel fyrir utan smá töf, er varð vegna
hjólbarðabilunar á annarri kerrunni. Það Ieiddi til
þess að öxullinn bognaði og gekk því illa að láta
varahjólið passa undir, en með hæfilega mörgum
skífum undir felgurærnar tókst það.
I Jökulheima komum við svo á níunda tímanum
um kvöldið og eftir að hafa matast var ákveðið að
halda á jökulinn án þess að sofa. Bjart varogjafnvel
sólskin á Tungnárjökli er við vorum á leiðinni í
Jökulheima og þegar við lögðum af stað þaðan var
enn bjart að sjá á jökulinn, en heldur hafði þó þyngt
að. Ágætlega gekk að komast að jökulröndinni, áin
mjög lítil (rétt í hné) og engar teljandi torfærur
aðrar. Var nú farangri komið fyrir á dráttarsleðum
og haldið af stað upp jökulinn sem orðinn var snjó-
laus og vatnsrásaðir margar neðst. Ætlunin var að
fara inn undir Kerlingar og þar upp eins og okkur
hafði verið ráðlagt áður en við lögðum af stað af
Jörfamönnum nýlega komnum af jöklinum, en
vegna vatnsrásanna urðum við að fara beint upp
hallann fyrstu kílómetrana. Þar komum við á þykk-
an snjóskafl er var undir einskonar hjallaí jöklinum.
Fylgdum við nú skaflinum í stefnu á Kerlingar, en
svo fór þó að lokum að skaflinn þraut og komum við
þá á ís sem var talsvert sprunginn og því illur yfir-
ferðar. Er hér var komið sögu var farið að rigna og
þokan búin að byrgja alla sýn. Eftir nokkrar vanga-
veltur var ákveðið að snúa við og halda niður í
Jökulheima og gista. Næsta morgun, sunnudag, var
svo aftur lagt á jökulinn og nú haldið beint upp
hallann og stefna tekin sunnanvert við Grímsfjall.
Mynd 1. Við Geirvörtur.
Hágöngur til hægri, 16.
júní 1981. Ljósm. Valdi-
mar Valdimarsson.
JÖKULL 33. ÁR 159