Morgunblaðið - 12.06.1974, Blaðsíða 10

ÍO
MORGUNBLAÐIÐ, MIÐVIKUDAGUR 12. JUNI 1974
Friðrik Sophusson formaður S.U.S.:
Hvers
vegna
kýs
unga
munurinn á sjálfstæðismönn-
um og vinstri mönnum er fyrst
og fremst sá, að þeir fyrr-
nefndu sætta sig við málalok og
virða leikreglur lýðræðisins I
stað þess að segja skilið við
samherjana á sama hátt og „fé-
lagshyggjumennirnir" i vinstri
flokkunum. í Sjálfstæðis-
flokknum ríkir félagsþroski,
þar sem ungir starfa með þeim,
sem eldri eru, konur með körl-
um, stétt með stétt.
HVERS VEGNA
KÝS UNGA FÓLKIÐ
SJÁLFSTÆÐIS-
FLOKKINN?
Þegar unga fólkið veitir
Sjálfstæðisflokknum brautar-
gengi með atkvæði sinu við
kjörborðið liggja til þess marg-
ar ástæður. Ein er sú, að vinstri
flokkarnir hafa glatað trausti
þeirra með innbyrðis deilum og
bræðravígum. Önnur ástæða er
stefna Sjálfstæðisflokksins i
Sjálfstæðisflokkinn?
fólkið
UNDANFARIN ár hafa komm-
únistar og fvlgifiskar þeirra
hampað þeirri kenningu, að
unga fólkið fylgi Alþýðubanda-
laginu'. Eins og rækilega hefur
verið bent á, sýna úrslit
byggðakosninganna, að um
falskenningu var að ræða, enda
verða úrsiitin vart skýrð á
annan veg en þann, að unga
fólkið hafi stutt Sjálfstæðis-
flokkinn í mun ríkara mæli en
oft áður. f vonbrigðum sfnum
reyna Alþýðubandalagsmenn
kokhraustir að réttlæta fylgis-
tap sitt með ýmsu móti, en slfkt
verður hjákátlegt yfirklór,
þegar blákaldar staðreyndir
blasa við.
Málefni unga
fólksins
Þau mál, sem ijðrum fremur
snerta unga fólkið í daglega
llfinu eru menntamálin og hús-
næðismálín. Á síðustu árum
viðreisnarstjórnarinnar bar
talsvert á gagnrýni á þáverandi
menntamálaráðherra. Ýmsir
trúðu því þá, að ný rikisstjórn
myndi gerbreyta ástandinu. Að
fenginni þriggja ára reynslu er
öllunrljóst, að sú trú var byggð
á tálvonum. Afrekssaga núver-
andi menntamálaráðherra er
mjög stutt og viðburðasnauð.
Henni verður bezt lýst með
þögninni einni saman.
Sé litið til húsnæðismálanna
verður svipað upp á ten-
ingnum. Unga fólkið, sem
undanfarin ár hefur stofnað
eigið húsnæði, hrópar ekki fer-
falt húrra fyrir frammistöðu
ríkisstjórnarinnar. Miðað við
byggingarkostnað hafa lán Hús-
næðismálastofnunarinnar um
árabil ekki verið eins lág eins
og þau eru f dag.
Stjórn stofnunarinnar hefur
að visu lagt til, að upphæð
lánanna hækki, en sú tillaga
hefur enn ekki hlotið náð fyrir
augum ráðherrans. Ofan á
þetta bætist, að svokallaður
Byggingasjóður ríkisins er gal-
tómur og úr honum hefur ekki
verið lánað í marga mánuði. Til
þess að bæta úr brýnustu neyð-
inni hefur stjórn Húsnæðis-
málastofnunarinnar ákveðið að
leita eftir láni hjá Seðlabank-
anum, enda tekur þvi varla að
leita liðsinnis ráðherrans, sem
virðist úrræðalaus í þessum
efnum eins og öðrum.
Unga fólkið og
Alþýðubandalagið
Því verður ekki neitað, að á
viðreisnarárunum nærðust
kommúnistar á ýmsum
óánægjuröddum ungs fólks,
sem gagnrýndi það, sem miður
fór i þjóðfélaginu. Rétt eins og
púkinn á kirkjubitanum
belgdist út við blótsyrðin
kjömsuðu kommúnistar á gagn-
rýni unga fólksins og þóttust
vera helztu málsvarar þess.
Sumt ungt fólk, sem sá hættuna
af auknum ríkisafskiptum og
misnotkun opinbers valds, gekk
I gildruna og hélt, að Alþýðu-
bandalagið hefði áhuga á að
snúa óheillaþróuninni við.
Kommúnistarnir fengu völdin
og þar með tækifæri til að sýna,
hvað í þeim bjó. Aldrei hafa
opinber afskipti verið meiri og
aldrei hefur misnotkun
valdsins verið meiri en f tíð
núverandi ríkisstjórnar. Nægir
þar að að minna á þá þraut-
leiðinlegu áróðursþætti, sem
útvarpsráð hefur afhent vinstri
sinnuðum vindmylluriddurum
undir alls konar yfirskyni.
Æskufólkið, sem beit á agnið og
trúði því, að Alþýöubandalagið
væri flokkur lýðræðis og
frelsis,' sneri því baki við
bandalaginu, þegar það sá í
gegnum blekkingarvefinn.
En það er einnig til ungt fólk,
sem i einfeldni sinni hefur
bergt á .vizkubrunni' lærifeðra
kommúnismans og trúir því
raunverulega, að i fræðikenn-
ingum hans finnist efnisviður
til að skapa Paradís á jörðu.
Það er kaldhæðni örlaganna, að
Alþýðubandalagið skuli einnig
hafa misst traust þessara ung-
menna, sem nú bjóða fram i
nafni Fylkingarinnar, sem áður
fyrr var framvarðar- og grjót-
kastaralið flokksins. Þá er
einnig boðið fram í nafní
Kommúnistaflokksins, Marxist-
anna — Leninistanna, sem
nýtur fulltingis forskrúfaðra
kommúnista af eldri gerðinni,
en á sumum þeirra hafa hvarm-
arnir vart þornað síðan félagi
Stalín leið.
Þetta unga fólk, sem I vímu
kommúnfskra fræðikenninga
talar og hugsar á annarri
bylgjulengd en aðrir Islend-
ingar, kallar störf og stefnu
Atþýðubandalagsins tusku-
brúðu pólitík, enda telur það
bandalágið hafa svikið flestar
hugsjónir sínar. Til marks um
þetta bendir það á undanláts-
semi bandalagsins, sem sé rétt-
lætt með þessu i dag, en hinu á
morgun. Þannig hafi íhaldsúr-
ræði eins og gengisfellingin í
des. 1972 veríð réttlætt af því
að Alþýðubandalagið ætlaði að
koma í veg fyrir nýjan „land-
ráðasamning'1 við Breta. Þegar
„landráðasamningurinn'* var
gerður sl. haust réttlættist
hann af því, að bandalagið
ætlaði að reka herinn, og þess
vegna var ekki hægt að slíta
stjórnarsamstarfi af þeim
sökum. Brottrekstri hersins var
svo fórnað fyrir nokkurra
mánaða setu í ráðherrastólnum
eins og öllum er kunnugt.
Utburðirnir
í íslenzkum
stjórnmálum
Hér að framan hefur mest
verið fjallað um Alþýðubanda-
lagið, enda er það sá stjórn-
málaflokkur, sem þótzt hefur
hafa mest fylgi meðal yngstu
kjósendanna. Þá trú hefur
unga fólkið sjálft gert að engu
eins og úrslit byggðakosning-
anna sanna ótvírætt.
Sé litið til annarra vinstri
flokka eða flokksbrota blasir
við hryggðarmynd eða öllu
heldur hreyfimynd, þar sem
flokkar og flokksbrot keppast
við að sameinast og sundrast.
Ástæðan fyrir þessari iðju er
fyrst og fremst sú gjá, sem stað-
fest er á milli yngri manna og
eldri í þessum flokkum. Yngri
mönnum þessara flokka hafa
verið meinuð áhrif á stefnu og
störf flokkanna og þess vegna
hafa þeir lagzt út með öðrum
misskildum lausingjalýð og
pólitískum útlögum á vinstri
kantinum. Aðalstarf þessara
manna er að grafa undan fyrr-
verandi samherjum sínum með
öllum tiltækum ráðum. Slík
moldvörpustarfsemi hefur
þegar fengið falleinkun'-
ungum kjósendum öðrum en
þeim örfáu, sem eru þátttak-
endur I leiknum. Til dæmis um
ringulreiðina, sem rikir I her-
búðum þessara útburða i Is-
lenzkum stjórnmálum, má
nefna það, að flestir forystu-
menn ungra framsóknarmanna
hafa gengið á mála hjá aflóga
samtökum svokallaðra frjáls-
lyndra og vinstri manna, en
einn fyrrverandi forvfgismaður
þeirra samtaka skipar nú i senn
annað og aftasta sæti á lista
Ásatrúarflokksins. Varla var
seinna vænna að leita trausts
og halds hjá Oðni og Þór, þegar
Hannibal er fallinn af stalli.
Unga fólkið og
Sjálftæðis-
flokkurinn
Hér hefur í nokkrum linum
verið dregin upp lýsing á
ástandinu á vinstri væng
islenzkra stjórnmála og bent á
nokkur atriði, sem skýra að
nokkru, hvers vegna unga
fólkið hefur sagt skilið við þá
lýðskrumara og klofnings-
kónga, sem keppast um það eitt
að klekkja hverjir á öðrum. Nú
kann einhver að spyrja:
Hvernig stendur á þvi, að ungir
sjálfstæðismenn eru ekki enn
búnir að kljúfa sinn flokk? Eru
þeir kannski aðeins þægir og
ljúfir liðléttingar, sem forysta
flokksins notar i snúninga,
þegar henni þóknast?
Því er fyrst til að svara, að
ungir sjálfstæðismenn leggja
meiri áherzlu á málefnabaráttu
en kryt um einstaka menn,
gagnstætt þvi sem segja má um
glundroðaliðið í vinstri
vængnum. I öðru lagi má benda
á, að þeir hafa meiri áhrif á
stefnumótun Sjálfstæðis-
flokksins en gengur og gerist
um ungliðasamtök annarra
rslenzkra stjórnmálaflokka.
Fjölmörg stefnumál Sjálf-
stæðisflokksins hafa orðið til og
mótazt i röðum ungra sjálf-
stæðismanna, á þingum þeirra
og ráðstefnum.
í þriðja lagi má nefna, að
samkvæmt tillögum ungra
sjálfstæðismanna hafa ýmsar
umbætur verið gerðar á skipu-
lagi og starfsháttum flokksins,
en þær stefna allar að þvi að
opna flokkinn og auka áhrif
óbreyttra liðsmanna og ljós-
enda hans. Þannig er flokkur-
inn hæfari til að taka á móti
nýjum og ferskum hugmyndum
og opna leið fyrir virkari þátt-
töku fleiri manna. I þessu sam-
bandi nægir aó minna á breyt-
ingu á miðstjórnarkjöri,
stofnun málefnanefnda að
ógleymdu prófkjörinu, sem
hefur verið viðhaft við uppstill-
ingu framboðslista flokksins
við venjulegar aðstæður.
í fjórða lagi hafa ungir sjálf-
stæðismenn meiri áhrif I æðstu
valdastofnunum flokksins en
titt er um samsvarandi samtök
annarra flokka. Til marks um
þetta skal rifjað upp, að á síð-
asta landsfundi hlaut fulltrúi
ungra sjálfstæðismanna flest
atkvæði þeirra sem i kjöri voru.
Það, sem hér hefur verið tí-
undað, er að sjálfsögðu ekki
eingöngu að þakka dugnaði og
framsækni ungra sjálfstæðis-
manna heldur ekki siður skiln-
ingi þeirra eldri á málefnum
unga fólksins og þörfinni á end-
urnýjun i flokksstarfseminni.
Auðvitað hefur oftsinnis verið
barizt um menn og málefni, en
málum, sem sérstaklega snerta
æskuna. í húsnæðismálum er
það skýr stefna Sjálfstæðis-
flokksins, að sem flestir búi i
eigin húsnæði og hafi fullan
ráðstöfunarrétt yfir þvi. I
menntamálunum er lögð
áherzla á tækifæri til hagnýts
náms, sem í senn fullnægir
starfsvilja og starforku ís-
lenzkrar æsku og kemur að
mestu gagni í lifsbaráttu þjóð-
arinnar.
1 þriðja lagi má benda á skel-
egga afstöðu til öryggismála
þjóðarinnar, þar sem markmið-
ið er að verja sjálfstæði íslands
og efla frið og öryggi í nágrenni
landsins. Þessu markmiði verð-
ur bezt náð með þátttöku Is-
lands i varnarsamstarfi vest-
rænna þjóða, þar sem íslend-
ingar njóta fyllstu réttinda og
taka á sig þær skyldur, sem
eðlilegar eru. I þessu sambandi
er rétt að árétta, að í Atlants-
hafsbandalaginu er engri þjóó
fært að vera eingöngu
þiggjandi. Samtökin ná því að-
eins tilgangi sínum, að allar að-
ildarþjóðirnar taki virkan þátt í
starfinu og leggi sitt af mörkum
til þess, að markmiðum banda-
lagsins um frið og öryggi í
Evrópu verði náð.
Þá má að lokum nefna af-
stöðu Sjálfstæðisflokksins til
einstaklingsins I þjóðfélaginu,
en grundvöllur sjálfstæðis-
stefnunnar er frjálshyggjan,
sem leggur áherzlu á andlegt og
efnalegt frelsi einstaklinganna
og þar með vald þeirra til að
hafa sem mest áhrif á aðstöðu
sina, lífshætti og umhverfi.
Sjálfstæðisflokkurinn vill efla
frumkvæðisvilja og kraft
einstaklinganna og draga þann-
ig úr óhóflegum rikisafskipt-
um. Með slíkum aðgerðum er
jafnframt bezt tryggt, að lýð-
ræðið þróist eðlilega án stöðn-
unar eða byltingar.
Hér hafa verið tilgreindar
nokkrar ástæður fyrir því, að
unga fólkið kýs Sjálfstæðis-
flokkinn fremur en aðra stjórn-
málaflokka, en margt fleira má
að sjálfsögðu tína til.
Sjálfstæðisflokkurinn hlaut
meðbyr yngstu kjósendanna I
byggðakosningunum og vann
mikinn sigur. I alþingiskosn-
ingum 30. júní n.k. verður þeim
sigri fylgt eftir. Takmarkið er
að losa þjóðina við ófögnuð
vinstri stjórnar og efla Sjálf-
stæðisflokkinn til forystu í mál-
efnum lands og þjóðar. Þvi tak-
marki verður náð ef æskan og
Sjálfstæðisflokkurinn taka sam,-
an höndum.