Morgunblaðið - 29.11.1974, Blaðsíða 32

32
MORGlíNBLAÐIÐ, FÖSTUDAGUR 29. NOVEMBER 1974
— Fúkalyf
Framhald af bls. 14
rannsóknastofnun mjólkuriðnað-
arins, sem mundi taka slíkt að sér.
— Ef kjötrannsóknastöð sem
rætt er um, verður að veru-
leika, þá ætti mjólkurrann-
sóknastöð einnig að koma upp,
segir Guðbrandur Hlíðar. Og
nú hefur komið fram að hús-
rými er hjá Rannsóknastofn-
un landbúnaðarins í Keidnaholti
og þar ætti slík búvörurann-
sóknadeild heima. Um þetta hef-
ur verið rætt í Framleiðsluráði
landbúnaðarins og Gunnari Guð-
bjartssyni falið að fara með málið
til stjórnar Rannsóknastofnunar-
innar, þar sem hann á sæti. Þeir
hafa samþykkt það þar og í vor
var landbúnaðarráðherra skrifað
og farið fram á að skipuð yrði
nefnd til að kanna málið. Þetta
verður ekki gert í snatri, sagði
Guðbrandur Hlíðar, er hann
ræddi málið við okkur. En það
þarf að komast í gang. Velja þarf
menn til framhaldsmenntunar og
kynna sér tækjabúnað og fleira
þessháttar. En sé búið að sam-
þykkja slíka stofnun, þá ætti ekki
að vera langt í fjárveitingar til
náms og tækja.
— Eðlilegt er að slík stofnun sé
til húsa i Keldnaholti, þar sem
landbúnaðarrannsóknir fara
fram.
Hér er ennþá engin rannsókna-
stofnun, sem stendur við bakið á
mjólkuriðnaðinum, eins og er t.d.
annars staðar á Norðurlöndum.
Hér er þó ekki um svo litla fram-
leiðslu að ræða, líklega um 100
millj. litra á ári, sem líklega
hleypur á 5 milljarða króna verð-
mæti á ári segir Guðbrandur. Is-
lenzk mjólkurbú pukra hvert í
sínu horni með sín vandamál og
enginn íslenzkur samnefnari er
til, sem leita má til i þessum efn
um. Engar grundvallarrannsókn-
ir hafa nokkru sinni farið fram
ánæringagildi íslenzkrar mjólkur.
Það eina, sem við vitum nokkurn
veginn um, er meðalnyt og fitu-
prósenta og i grófum dráttum
flokkun mjólkur með aðferð, sem
hefir gengið sér til húðar, þar sem
væðing mjólkurtanka hefur rutt
sér braut. Ekkert er t.d. vitað um
hlutföll fitusýra i mjólk og hverj-
ar þeirra eru mettaðar eða ómett-
aðar, ekkert um próteinhlutföll og
bætiefni í mjól og smjöri, sem er
háð árstíðasveiflum. 1 stuttu máli
er nær ekkert vitað um hið mikil-
væga hráefni, mjólkina, sem þó er
ein meginundirstaða i næringu
þjóðarinnar. Ég tel því meira en
tímabært að bæta úr þeim þekk-
ingarskorti og hefjast handa um
víðtækan undirbúning að stofn-
un, er tæki upp hin brýnu rann-
sóknarefní, sem íslenzkur mjólk
uriðnaður þarf að styðjast við i
frekari þróun mjólkurmála morg-
undagsins. Slík stofnun þarf að
hafa tvær deildir, efnárannsókna-
deild og gerlarannsóknadeild, og í
þeirri síðarnefndu yrði eitt veiga-
mesta verkefnið júgurbólgurann-
sóknir fyrir alla íslenzka mjólkur-
framleiðendur, og fúkalyfjarann-
sóknir á mjólk, sagði Guðbrandur
að lokum. — E. Pá.
Öll mjólk, sem fer til neyzlu, er flokkuð og gæðaprófuð á hinni vel
búnu rannsóknastofu Mjólkursamsölunnar, þar sem Edda Guðmunds-
dóttir er þarna að vinna. Þar eru daglega teknar um 100 mismunandi
gæðamatsprufur á ýmiskonar mjólkurvörum, þ.e. um 36 þúsund á ári.
Bolungarvík:
Félagsvist
heldur sjálfstæðiskvennafélagið Þuríður sunda-
fyllir laugardaginn 30. nóvember í féiagsheimil-
inu kl. 9 e.h. Fullveldisávarp Sigurlaug Bjarna-
dóttir, alþingismaður. Tízkusýning. Kaffiveit-
ingar. Góð verðlaun.
Nefndih.
BAZAR
Sjálfstæðiskvennafélagið Sókn í Keflavík, heldur kökubazar i Sjálf-
stæðishúsinu, sunnudaginn 1. des. n.k. kl. 3 e.h.
Tekið á móti kökum frá kl. 11 —2 e.h. á sunnudag.
Komið og gerið góð kaup.
Nefndin.
Draumur
að rætast
UPP
SKAL ÞAÐ
Sjálfboðaliða
vantar til ýmissa starfa,
laugardag kl. 1 3.00.
Með fjárstuðningi og mikilli
sjálfboðavinnu er nú lang-
þráður draumur að rætast.
Betur má ef
duga skal
Aðalfundur fulltrúaráðsins
Aðalfundur Fulltrúaráðs sjálfstæðisfélaganna i Reykjavik verður hald-
inn mánudaginn 2. desember í Súlnasal, Hótel Sögu og hefst kl.
20.30.
Dagskrá:
1. Skýrsla stjórnar um s.l. starfsár.
2. Kjör formanns og sex fulltrúa i stjórn fulltrúa-
ráðsins.
3. Kjör 1 2 fulltrúa i flokksráð Sjálfstæðisflokks-
ins.
4. Önnur mál.
Birgir (sleifur Gunnarsson, borgarstjóri flytur ræðu á fundinum.
Fulltrúaráðsmeðlimir eru hvattir til að mæta vel og stundvislega.
Stjórn Fulltrúaráðsins.
Áður boðaður aðalfundur
sjálfstæðiskvennafélags Borgarfjarðar 30. nóv., fellur niður. Nánar
auglýst siðar.
Stjórnin.
Húsnæðis- og byggingamál
Ráðstefna
Laugardaginn 30, nóv. n.k. verður haldin i Veitingahúsinu Glæsibæ
ráðstefna um húsnæðis- og byggingamál. Aðstandendur ráðstefnunnar
eru SUS, Heimdallur, SUS á Reykjanesi og byggingarfélögin á
Reykjavikursvæðinu.
Dagskrá:
1 3.30 Herbert Guðmundsson ritstjóri setur ráðstefnuna.
1 3.45 Ávarp: Gunnar Thoroddsen félagsmálaráðherra.
14.00 Lögð fram ályktunardrög ásamt greinargerð. Aðalefni krafa
um endurskoðun og veigamiklar úrbætur á ýmsum grund-
vallaratriðum.
14.15 6 — 7 sérfróðir menn svara spurningum fundarmanna. Þeirra
á meðal verða: Skúlí Sigurðsson, skrifstofustjóri húsnæðis-
málastjórnar, Gestur Ólafsson, skipulagsarkitekt, Finnur P.
Fróðason, innanhússarkitekt, Einar Þ. Ásgeirsson arkitekt,
Þorgils Axelsson, byggingatæknifræðingur og Júlíus Sólnes,
prófessor.
15.15 Almennar umræður og afgreiðsla ályktana.
17 —17.30 Ráðstefnuslit.
Barátta fyrir framgangi þeirra ályktana sem ráðstefnan kann að
samþykkja verður ein áf uppistöðum starfs SUS i vetur.
Allir áhugamenn um húsnæðis- og byggingarmál eru hvattir til að
fjölmenna og stuðla þannig að árangursríku starfi ungra sjálfstæðis-
manna að þessum brýnu hagsmunamálum ungs fólks.
„Enginn má
undan líta”
Ný bók eftir Guð-
laug Guðmundsson
KOMIN er út ný bók eftir Guð-
laug Guðmundsson, höfund
bókarinnar „Reynistaðarbræðra“.
Nefnist hún „Enginn má undan
líta“.
Bókaútgáfan Örn og Örlygur
gefur bókina út. Segir í fréttatil-
kynningu frá útgáfunni, að hér sé
á ferðinni safnfræðilegt skáldrit
um morðmálin í Húnaþingi á
síðustu öld, sem varpi nýju ljósi á
aðdraganda þeirra og afleiðingar.
Höfundurinn birti mörg áður
óbirt skjöl, sem sennilega hafi
ekki verið hreyfð úr pökkum sín-
um i hartnær hundrað ár, en þau
tali sínu máli um það mannlíf,
sem lifað var á fyrri hluta sfðustu
aldar.
Þá segir meðal annars: „Þá er
að finna upplýsingar, er kollvarpa
þjóðsögunni um örlög fanganna,
sem fluttir voru til Kaupmanna-
hafnar. Birt er mynd af áður
óþekktu bréfi, sem miðill skrifaði
ósjálfrátt en hendi miðilsins var
stjórnað af konunni, sem tekin
var af lifi I Vatnsdalshólum."
Nýtt blað
„Umbrot”
á Akranesi
Akranesi, 27. nóvember
NÝTT blað hóf göngu sína föstu-
daginn 8. nóvember hér á
Akranesi. Blaðið nefnist
„Umbrot“. Nafnið Umbrot táknar
ekki eins og mörgum dettur f hug
við fyrstu sýn, að hér sé á ferð-
inni einhver óskapleg umbrot i
blaðaútgáfu og blaðamennsku —
þvert á móti. Þetta orð er notað á
fagmáli prentara, þegar blaðinu
er raðað upp f sfður þ.e. fyrir-
sögnum, myndum og texta. Þá er
talað um að verið sé að brjóta
blaðið um. Þar með þótti útgef-
endum vel við hæfi að nota nafnið
Umbrot.
Hugmyndin er sú að Umbrot
komi út einu sinni I mánuði til að
byrja með og verður það selt í
lausasölu. Ef það fær góðar við-
tökur lesenda, er ráðgert að safna
því áskrifendum, en það verður
timinn að leiða i ljós. Blaðstjórn
og ábyrgðarmenn Umbrots eru:
Guðjón Sigurðsson auglýsinga-
stjóri, Indriði Valdimarsson rit-
stjóri, Sigurvin Sigurjónsson og
Þórður Eliasson meðritstjórar.
Setning og prentun er unnin hjá
Prentverki Akraness h.f. Raunar
eru ofantaldir menn starfsmenn
þess. Næsta blað kemur út 6.
desember.
Júlfus.
2. skuttog-
arinn sjó-
setturhjá
Stálvík
SKUTTOGARI sá sem nú er í
smiðum i Stálvík h.f. i Arnarvogi
fer á flot n.k. laugardagsmorgun.
Togarinn er 47 metra langur,
milli 300 og 400 rúmlestir að
stærð. Togarinn sem er í eigu
Guðmundar Runólfssonar á
Grundarfirði, er annar skuttog-
arinn, sem Stálvik smiðar. Sá
fyrri, Stálvik, er gerður út frá
Siglufirði, og hefur reynst vel.
Aðalvél skipsins er af gerðinni
Wickmann AX 7, en hjálparvélar
eru frá Caterpillar. Fiskileitar-
tækin eru öll frá Simrad. Um leið
og togarinn verður sjósettur kl.
6.30 á laugardagsmorguninn
verður honum gefið nafn. Enn er
ekki vitað hvert það verður, en
fyrri skip Guðmundar hafa borið
nafnið Runólfur.