Morgunblaðið - 24.03.1977, Blaðsíða 3

MORGUNBLAÐIÐ, FIMMTUDAGUR 24. MARZ 1977
3
Dagur Norðurlanda haldinn hátíðlegur:
Meginverkefnið að skapa
vináttu milli íbúanna
— sagði Trygve Bratteli í hátíðarræðu sinni
HÁTÍÐARSAMKOMA
var í Norræna húsinu í
gærkvöldi á vegum Nor-
ræna félagsins og ís-
landsdeildar Norður-
landaráðs í tilefni af degi
Norðurlanda og flutti
Trygve Bratteli, fyrrum
forsætisráðherra Noregs,
þar hátíðarræðuna. Dag-
skráin hófst með ávarpi
Hjálmars Ólafssonar,
formanns Norræna
félagsins, þá flutti
Bratteli ræðu sína og
Guðný Guðmundsdóttir
lék verk eftir Grieg. Síð-
an flutti Jón Skaftason,
formaður íslandsdeildar
Norðurlandaráðs, ávarp
en að því loknu var frum-
flutt tónverk eftir Atla
Heimi Sveinsson við Ijóð
Ólafs Jóhanns Sigurðs-
sonar, en þeir eru báðir
verðlaunahafar Norður-
landaráðs 1976. Söng-
flokkurinn Hljómeyki
flutti verkið.
í hátíðarræðu sinni rakti
Trygve Bratteli samskipti
Norðurlandaþjóða, aðdraganda
þess að Norðurlandaráð var
sett á laggirnar og drap á þróun
og gildi samvinnu Norðurland-
anna þau 25 ár sem liðin eru frá
stofnun ráðsins.
Bratteli sagði, að framan af
hefði Norðurlandaráð að miklu
leyti verið starfsvettvangur
þingmanna, en stjórnir land-
anna hefðu lagt fremur lítið af
mörkum til að móta viðfangs-
efni ráðsins og ekki notað ráðið
til að koma á beinni norrænni
samvinnu. Á ýmsum mikilvæg-
um sviðum, svo sem i löggjöf og
menningarmálum, hefði nor-
ræn samvinna staðið traustum
fótum áður en Norðurlandaráð
kom til sögunnar. Starfssvið
ráðsins hefði aðallega verið
markað með tillögum frá þing-
mannaliðinu.
Bratteli sagði, að í þessu efni
hefðu starfshættir verið styrkt-
ir verulega eftir að komið var á
laggirnar nefnd samstarfsráð-
herra og norrænni ráðherra-
nefnd. Við það hefðu stjórnir
landana tekið beinan og virkan
þátt i starfi Norðurlandaráðs
en sú hefði jafnan verið ósk
þingmannanna. Með menn-
ingarmálaskrifstofunni í Kaup-
mannahöfn og skrifstofu sam-
starfsráðherranefndarinnar í
Ósló hefði komið meiri festa i
starf Norðurlandaráðs og þessi
sama þróun hefði gert Norður-
landaráð að samnefnara fyrir
svo til allt norrænt samstarf
milli opinberra nefnda og
stofnana i þessum löndum.
Þetta samstarf væri nú bæði
víðtækt og margbrotið.
Trygve Bratteli lauk ræðu
sinni með þvi að segja, að gildi
samvinnu milli ríkja yrði ekki
mælt í tölfræðilegum stærðum.
Mikilverðasta gildi samskipta
milli þjóða er fólgið í þeim
möguleika að skapa gagn-
kvæma virðingu og mannlega
vináttu milli þjóðanna. Ekki að-
eins milli leiðtoga þjóðanna
heldur milli fólksins sem lönd-
in byggðu. Þetta væri megin-
verkefnið á 25 ára afmælinu.
Ljósm.: ÓI.K.M.
Trygve Bratteli, fyrrum forsætisráðherra
tslandsdeildar Norðurlandaráðs f Norræna húsinu f gær.
Noregs, flytur hátfðarræðuna á
hátfðarsamkomu Norræna félagsins og
N ýir bílar
seljast vel
Innflutningi þó haldið í skefjum með
takmörkunum á gjaldeyrisyfirfærslu
NOKKUR sala virðist vera
á nýjum bifreiðum um
þessar mundir, og hjá sum-
um bifreiðaumboðum virð-
ist jafnvel vera meiri eftir-
spurn en unnt er að anna
vegna takmarkana sem eru
áyfirfærslu gjaldeyris.
Samkvæmt upplýsingum sem
Morgunblaðið fékk hjá forsvars-
manni Sveins Egilssonar og Co
hefur verið fremur lítil sala á
nýjum bifreiðum, enda væru fjár-
ráð almennings lítil um þessar
mundir. Einnig hefði það sitt að
segja að tilteknar hömlur væru á
bifreiðainnflutningi varðandi yf-
irfærslu ágjaldeyri.
Hjá P. Stefánsson hf. fékk
Morgunblaðið þær upplýsingar að
þar væri mikil sala í þremur teg-
undum — Austin Mini, Austin
AUegro og Range Rover, og til að
mynda væri hvergi unnt að anna
eftirspurn eftir Austin Allegro.
Væri unnt að selja mun fleiri
bifreiðar þeirrar tegundar en af-
greiðsla og yfirfærsla fengist fyr-
ir. Þessi mikla eftirspurn væri
þrátt fyrir að óverulega væri lán-
að í bifreiðunum af hálfu um-
boðsins, en hins vegar fylgdi það
sögunni að mikill munur væri á
því hversu fólk utan af landi
hefði meiri peningaráð en fólk af
höf uðborgarsvæðinu.
Svipað var upp á teningnum
hjá Mazdaumboðinu, en þar fékk
Morgunblaðið þær upplýsingar að
pantanir lægju fyrir allt fram I
júlímánuð af ýmsum gerðum
Mazda.
Þýðing norska Stórþings-
ins í baráttunni gegn sam-
bandinu við Sviþjóð
Prof. ALF KAARTVEDT frá
Bergen heldur erindi í Norræna
húsinu fimmtudaginn 24. marz
kl. 20:30 og nefnir það:
„Unionsfellskap som
radikaliserende faktor“.
Fyrirlesarinn er fæddur 1921
og varð prófessor í sagnfræði í
Bergen 1967. Hann hefur gefið út
fjölda norskra sagnfræðirita, m.a.
„Det norske Storting gjennom
150 ár“.
í fyrirlestri sinum sýnir próf.
Alf Kaartvedt fram á, hvernig
sambandið við Svíþjóð 1814 ól af
sér róttæka hugmyndafræði í bar-
áttu Norðmanna gegn viðleitni
Svía til að tengja löndin enn fast-
ar, segir i frétt frá Norræna hús-
Framhald á bls. 29
Félag Skóla-
stjóra og yfir-
kennara stofnað
Eftirfarandi tillaga var sam-
þykkt á stofnfundi félags skóla-
stjóra og yfirkennara á grunn-
skólastigi, sem haldinn var 5.
mars sl.
Stofnfundur félags skólastjóra
og yfirkennara á grunnskólastigi
haldinn að Hótel Loftleiðum 5.
marz 1977 fagnar umræðum um
sameiningu kennarasamtakanna i
ein heildarsamtök. Skorar
fundurinn á félögin að vinna ötul-
lega að sameiningarmálum
VORTÍZKA
GLÆSILEGRI EN NOKKRU SINNI FYRR!
TÍZKA SEM TÖFRAR!
— Og allt getið þér sniðið og saumað sjálfar —
Svona bjart og fagurt er
tizkuvorið í „NEUE MODE":
Smekklegur khakifatnaður,
tízkuklæðnaður við allra hæfi,
nýstárleg pils og blússur, þægi-
leg og klæðileg útiföt, aðlað-
andi samkvæmiskjólar og
sportlegur hversdagsklæðn-
aður — allt hið nýjasta, sem
vortizkan hefir upp á að bjóða
getið þér auðveldlega sniðið og
saumað Sjálfar upp úr „NEUE
MODE".
Marz
fæst nú
Marzhefti „NEUE MODE
fylgja 100 hárnákvæm snið i
stærðunum 36 til 52. Og
handa byrjendum auk þess
tvær myndskýrðar saumaleið-
beiningar með sérlega hand-
hægum sniðaörkum.
Ef þér hafið ánægju af að sníða
og sauma fatnað yðar sjálfar.
þá verður sú ánægja margföld
með notkun „NEUE MODE'
hefti„NEUE MODE"
á öllum útsölustööum