Morgunblaðið - 22.04.1978, Blaðsíða 27

MORGUNBLAÐIÐ, LAUGARDAGUR 22. APRÍL 1978 27
Twin Otter flugvél Vængja hefur verið máluð í nýjum litum og
endurnýjuð og yfirfarin og hefur hún áætlunarflug á flugleiðum
Vængja eftir helgina. Ljósm. ól.K.M.
Vængjavél endumýjuð
EIN AF flugvélum Vængja er
nýkomin til landsins eftir
gagngera skoðun og yfirferð í
Bandaríkjunum, en vélin var
að miklu leyti endurbyggð.
Er þetta Twin Otter vél
félagsins, sem tekur 19 farþega,
og tók verkið nokkrar vikur.
Ekki var hægt að framkvæma
þessa endurnýjun hérlendis
vegna slæmrar aðstöðu í flug-
skýlum svo og vegna manneklu
skv. upplýsingum frá en allar
ársskoðanir og minni háttar
skoðanir fara þó fram hérlendis.
Öll innrétting vélarinnar var
endursmíðuð, farið var yfir
allan skrokkinn, hann tekinn
sundur stykki fyrir stykki og
athugaður fneð tilliti til tæring-
ar. Er nú verið að ljúka við að
teppaleggja vélina að nýju og
setja í hana sætin en gert er ráð
fyrir að hún geti hafið
áætlunarflug nú eftir helgina,
en vélin kom til landsins s.l.
þriðjudag.
Þá hefur vélin verið máluð í
nýjum litum þ.e. gul, svört og
hvít, en vélarnar verða málaðar
þessum litum þegar þær hafa
allar farið í skoðun svipaða og
TF-REG hefur nú farið í. Næsta
vél fer eftir um það bil hálfan
mánuð og hinar tvær vélar
félagsins líklega síðar á árinu.
— Sáttaviðræður
Framhald af bls. 3.
bar þessa ákvörðun sína undir
fulltrúaráðsfund flokksins, og þrír
fjórðu hlutar hans (75%) samþykktu
hana. Þess má geta, að uppstillingar-
nefnd hafði þegar á fyrsta fundi
sínum fyrir prófkjörið skorað sam-
hljóða á Richard að taka sæti á
listanum.
4. Tvisvar var reynt að koma á
sáttaviðræðum með fulltrúum lista
uppstillingarnefndarinnar og for-
vígismönnum óánægða sjálfstæðis-
fólksins, í fyrra skiptið að ósk Axels
Jónssonar alþingismanns, en í
seinna skiptið að ósk Geirs Hall-
grímssonar formanns Sjálfstæðis-
flokksins, en þeir höfnuðu öllum
sáttaviðræðum. Greinilegt var, að
forvígismennirnir, þeir Sigurgeir
Jónsson bæjarfógeti, Þorvaldur Lúð-
víksson og Eggert Steinsen, vildu
engar sættir.
Áð lokum má geta þess, að tekin
verður lokaákvörðun um skipan
framboöslista Sjálfstæðisflokksins
til bæjarstjórnar í Kópavogi á fundi
fulltrúaráðsins nk. mánudagskvöld.
— Rússar skutu
Framhald af bls. 1.
kyns mannúðarlega hjálp eða
aðstoð sem þörf væri fyrir, nú eða
síðar, og myndi ráðuneytið fylgj-
ast vel með framvindu mála.
Utanríkisráðuneyti Suður-Kóreu
sendi og frá sér tilkynningu í kvöld
þar sem látin er í ljós von um að
Sovétríkin muni koma vel og
drengilega fram við þá sem í
kóresku vélinni væru. í tilkynning-
unni vár málið ekki útlistað en
gefið í skyn að flugstjórinn hefði
neyðzt til að nauðlenda eftir að
hafa rofið sovézka loftheigi, en
óvart þó.
Með vélinni voru 35 Kóreumenn,
51 Japani, fimm Frakkar, 2 Bretar,
2 Þjóðverjar og 2 af óþekktu
Asíuþjóðerni. Áhöfnin, 13 manns,
var Suður-Kóreufólk.
I kvöld sagði sovézka fréttastof-
an TASS, að undirbúningur væri
hafinn til að koma farþegum og
áhöfn úr iandi. Tass sagði að
orrustuvélar hefðu „truflað" far-
þegavélina sem ruðzt hefði inn í
sovézka lofthelgi. Fyrst hefði verið
reynt að hrekja hana á brott en
það hefði komið fyrir ekki. Síðan
hefði verið reynt að fá flugstjór-
ann til að lenda á nálægum
flugvelli, en það hefði ekki dugað
að heldur og síðan hefði flugstjór-
inn lent á ísilögðu vatni.
Tass sagði að farþegar og áhöfn
hefðu verið flutt til næstu byggðar
en ekki var minnzt á hvort slys
hefði orðið á fólki.
Flugvélin fór frá París á mið-
vikudag og var förinni heitið til
Seoul en hún átti að taka eldsneyti
í Anchorage í Kanada. Vélin átti
að lenda í Alaska kl. 20.30 en síðar
heyrðist frá henni í tæki
radíóamatörs eins í Kanada, fjór-
um klukkustundum áður. Sagðist
flugstjórinn þá vera í grennd við
Ellesmereeyju. Þegar samband
rofnaði við vélina var talið að hún
hefði hrapað í grennt við Norður-
pólinn og kanadíski flugherinn hóf
þegar leit að vélinni. Kóreskur
starfsmaður flugfélagsins í
Anchorage sagði nokkru síðar frá
því, að í neyðarsendi hefðu náðst
merki frá vélinni, en flugstjórinn
gæti ekki gefið upp hvar hann
væri. Var í fyrstu talið að vélin
hefði nauðlent einhvers staðar í
auðnum Kanada. Einnig var leitað
til bandaríska flughersins og hann
beðinn að taka þátt í leitinni.
Fyrstu fregnir um að vélin hefði
verið neydd til að lenda í Sovét-
ríkjunum birtust í fimmtudags-
blaði Washington Post og var þar
vitnað í ritara Hvíta hússins, Jody
Powell, en ekki var þó kveðið ýkja
fast að orði.
Suður Kórea og Sovétríkin hafa |
ekki með sér stjórnmálasamband.
Reuterfréttastofan sagði í kvöld að
Kosygin forsætisráðherra hefði
staðfest það við japanskan ráð-
herra og embættismenn á
Murmanskflugvelli á Kolaskaga,
að tveir um borð í vélinni hefðu
látizt í lendingunni.
Eins og í upphafi fréttarinnar
greinir voru fréttir af þessum
atburði bæði á fimmtudag og
föstudag mjög óljósar og mót-
sagnakenndar lengst af og síðla
föstudags bar heimildum t.d. ekki
saman um hversu margir hefðu
verið með vélinni þótt fleiri
heimildir, þ. á m. frá flugvellinum
í París, teldu að 113 manns hefðu
verið með vélinni.
Bandarískar heimildir voru líka
fram eftir kvöldi mjög á reiki um
það hvort vélin hefði verið neydd
til að lenda eftir að sovézkar vélar
hefðu skotið á hana, eða eftir
öðrum leiðum.
- Hafréttarráðst.
Framhald af bls. 23
mála, er það að -segja, að í
samningsuppkastinu er miðað við
að veita beri öðrum ríkjum aðgang
að umframmagni innan efnahags-
lögsögunnar þegar strandríkið
hefur ákveðið leyfilegan hámarks-
afla og getu sína til að hagnýta
hann. Er það því víðtæk krafa, að
leyfilegt skuli vera að bera ágrein-
ing um þetta efni undir þriðja
aðila. Um það er enn deilt, en
afstaða íslenzku sendinefndarinn-
ar hefur alltaf verið og er að
ákvarðanir strandríkja um þessi
atriði verði ekki vefengdar.
Það er auðvitað annað höfuð-
verkefni sendinefndarinnar að
berjast fyrir sem hagstæðastri
niðurstöðu í því efni.
Fundir eru í gangi alla daga, frá
morgni til kvölds, en jafnframt er
nauðsynlegt að hafa samband við
sem flesta bak við tjöldin, enda
kemur oft meira út úr slíkum
fundum en formlegum ræðuhöld-
um.
— Hvað geta landluktu og
landfræðilega afskiptu ríkin gert?
— Þau ríki hafa víðtæka sam-
vinnu sín á milii og eru nú 53
talsins, þannig að ef til atkvæða-
greiðslna kæmi mundu þau e.t.v.
geta stöðvað framgang mála, þar
sem % hluta atkvæða þarf til að
fá niðurstöðu. Mundu þá atkvæði
strandríkjanna 86 ekki hrökkva
til. Landluktu ríkin skáka í þessu
skjólinu, en strandríkin reyna að
sannfæra þau um, að þau fái
ekkert ef heildarsamkomulag næst
ekki. Strandríkin mundu þá fara
sínu fram hvað sem hver segði,
sagði Hans.
Eins og Hans G. Andersen
bendir hér á má í rauninni segja,
að hafréttarmálin séu komin í
hnút. Talsmaður strandríkjahóps-
ins er fuiltrúi Perú, en Austurrík-
ismaður forsvarsmaður landluktu
ríkjanna. Þeir eru báðir harðorðir
og sá síðarnefndi gaf tilefni til
þess að fulltrúi Mexíkó spurði, hve
margir fiskimenn væru atvinnu-
lausir í Vínarborg.
Landluktu ríkin byggja mál-
flutning sinn mjög á því, að þau
hafi rétt til fiskveiða innan 200
mílnanna, sem nú eigi að taka af
þeim með alþjóðasamningi. Þeim
hefur verið bent á að fara inn fyrir
200 mílur einhvers strandríkis til
fiskveiða og prófa hve mikinn rétt
þau hefðu!
66 ríki hafa nú 200 mílur og 83
meiri en 12. Og auðvitað er þá
hægt að halda því fram með
fulluin rökum, að 200 mílurnar séu
þegar alþjóðalög, sem enginn fái
breytt. En samt er barizt og enn
er gripið til „rakanna" sem ís-
lenzka 50 mílna vitleysan gaf byr
undir vængi. Þannig lagði tékk-
neski fulltrúinn til í dag, að
efnahagslögsögunni yrði skipt í
belti, strandríkin hefðu einkarétt
á fiskveiðum innan 50 mílna en
ekki á 100 — 150 mílna beltinu.
Kvótakerfi nefna þeir líka. Hins
vegar gat hann þess sérstaklega,
að landluktu ríkin hefðu fallizt á
íslenzku regluna og fram að þessu
hefur enginn hróflað við henni,
hvað sem síðar kann að verða.
Þessa dagana er mikið talað um
árangur af ráðstefnunni. I næstu
viku er þó búizt við, að málin
skýrist eitthvað, en allsherjar-
fundur er fyrirhugaður nk. mið-
vikudag.
— Öryggisráðið
Framhald af bls. 1.
þjóðin sé mjög skipt í afstöðu
sinni. Sumir vilji enga samninga
við mannræningjana og þar í hópi
sé til dæmis kommúnistaflokkur
Berlinguers, sem er mjög áhrifa-
mikill, en síðan komi aðrir sem
leggi áherzlu á þær kvalir sem
fjölskylda Moros verði að líða og
hvetja slíkar raddir til samninga.
Fjölskyldan hefur sjálf formlega
farið þess á leit við Kristilega
demókrataflokkinn, að „hann taki
raunhæfa afstöðu og sýni rögg-
semi og getu sína í verki með því
að vinna að því á áþreifanlegan
hátt að Moro verði leystur ú
haldi". Ýmsir trúarleiðtogar hafa
og lýst stuðningi við beiðni fjöl-
skyldunnar.
I bréfinu síðasta með myndinni
var þess krafizt, að kommúnistar
sem sitja í fangelsum á Ítalíu verði
látnir lausir, en ekki var það nánar
skilgreint. Það vekur því sérstaka
athygli að Enrico Berlinguer,
formaður ítalska kommúnista-
flokksins, hefur risið mjög ein-
dregið gegn þessari kröfu. Eini
flokkurinn sem vikið hefur að því
að „fara milliveginn" eru jafnaðar-
menn, en augljóst er af öllu, segja
fréttaskýrendur, að meirihluti
fólks er mjög hikandi í því að
gengið verði að kröfum mann-
ræningjanna. Auk þess sem það
virðist almenn skoðun að ekki sé
nein trygging fyrir því að Moro sé
enn á lífi og sérfræðingar hafa
ekki enn skorið úr um það hvort
hin nýja mynd af Moro er ósvikin.
Saragat, fyrrverandi forseti
Ítalíu, sagði í dag að skipti af því
tagi sem mannræningjarnir færu
fram á væru ógerningur án þess að
brjóta lög og ögra lögreglu lands-
ins.
— Fíkniefni
Framhald af bls. 2
menn Fíkniefnadeildar lögregl-
unnar í Reykjavík unnið að
rannsókn umfangsmikils fíkni-
efnamáls og má nú heita að
rannsókninni sé lokið.
Upplýst er um innflutning um
20 kg hass og og um 200 g af
amfetamíndufti í máli þessu og
hefur það nánast allt verið flutt
inn á árinu 1977. Lagt hefur verið
hald á um 2 kg hass. Mestur hluti
þessara efna var fluttur til lands-
ins frá Hollandi, en einnig nokkuð
frá Danmörku. Efni þetta var að
talsverðu leyti flutt inn í sjón-
varpstækjum, sem keypt höfðu
verið ný til flutningsins. Þessi
fíkniefni hafa verið seld víða um
land en meirihluti þeirra var þó
seldur á Reykjavíkursvæðinu og til
varnarliða á Keflavíkurflugvelli.
Liðlega 100 manns hafa verið
yfirheyrðir vegna rannsóknar
málsins, sem teygst hefur um allt
land og til annarra landa. Saka-
dómur í ávana- og fíkniefnamálum
hefur vegna málsins kveðið upp 19
gæsluvarðhaldsúrskurði yfir 15
aðilum, sem hafa verið úrskurðað-
ir í mismunandi langt gæsluvarð-
hald, frá allt að 5 dögum og upp
í allt að 60 daga. Lengst sat einn
aðili málsins inni í 99 daga.
Fréttatilkynninguna undirritar
Guðmundur Gígja lögreglumaður,
sem stjórnað hefur rannsókn
málsins af hálfu fíkniefnadeildar-
innar. Guðmundur er nýlega kom-
inn úr ferð til Norðurlanda og
Hollands, þar sem hann rannsak-
aði nokkur atriði í sambandi við
þetta mál.
— Borgarnes-
hreppur
Framhald af bls. 2
í gær barst Morgunblaðinu
fréttatilkynning frá Verkamanna-
sambandi íslands, þar sem segir:
„Eftir hádegið í dag var undir-
ritaður samningur milli Verka-
lýðsfélags Borgarness og hrepps-
nefndarinnar um laun verka-
manna sem starfa hjá Borgarnes-
hreppi. Felur þessi samningur í
sér, að gengið er að þeim kröfum
Verkalýðsfélags Borgarness, að
laun séu ekki lægri en kjarasamn-
ingar kveða á um. Þá felst einnig
í samningnum, að starfsaldurs-
hækkun kemur eftir þrjú ár í stað
fjögurra áður og samið var sér-
staklega um hækkun fyrir þá
lægstlaunuðu.
Sem dæmi um áhrif þessa nýja
samnings á laun, má nefna, að
kaup samkvæmt þriðja taxta
hækkar eins og segir hér að neðan,
og er þá miðað við dagvinnukaup:
LöKÍn Samn- Nýju
frá 1. inKar samn
marz inxarnir
Fyrsta árid 675 709 710
Eítir 1 ár 685 720 735
Eftir 4 ár (nú 3 ár) 699 734 760
Sé miðað við kjaraskerðingar-
lögin frá 1. marz, felur hækkunin
í sér 5,185% hækkun á byrjunar-
káupi, 7,299% hækkun á kaupi
eftir eitt ár og 8,727% hækkun á
kaupi eftir 3 ár (4 ár áður).
Þessir samningar við hrepps-
nefnd Borgarness eru fyrstu
samningarnir, sem gerðir eru eftir
að kjaraskerðingarlögin gengu í
gildi 1. marz og fela í sér að
beinlínis er gengið að kröfunni um
að launþegum sé bætt sú skerðing,
sem í lögunum fólst.“
Unglingur frá öðru landi á þínu heimili?
AFS
býöur þér aö taka inn á þltt eigiö heimili 15—17 ára ungiing til sumardvalar frá Bandarfkjunum, eöa til ársdvalar
ungling frá t.d. ítalíu, Sviss, Bretlandi eöa Bandaríkjunum. Þannig færöu tækifæri til aö veita nýjum
menningarstraumum inn á heimiliö. Þú fræöist um líf og háttu fólks í öörum löndum; hugsunarhátt þess, siövenjur,
áhugamál, viöbrögö, lunderni, svefntíma, uppskriftir o.s.frv. o.s.frv. o.s.frv.
Og alla þessa forvitnilegu reynslu geturöu öölast í stofunni heima hjá þér.
Umsóknarfrestur er til 28. apríl.
Upplýsingar á skrifstofunni frá kl. 5—6. gj £ íslandi,
Hverfisgötu 39,
sími 25450.
AFS
BREIÐHYLTINGAR!