Morgunblaðið - 23.06.1978, Blaðsíða 17

MORGUNBLAÐIÐ, FÖSTUDAGUR 23. JÚNÍ 1978
17
Ragnhildur Helgadóttir
Kosið um lífsviðhorf
IIÉR íer á eftir ræða Ragnhild-
ar Ilelgadóttur á útifundi
sjálfstæðismanna á Lækjar-
torgi í gær:
Háttvirtir Reykvíkingar, góð-
ir sjálfstæðismenn.
I dag skín sól í Reykjavík. Það
er bjart yfir Reykjavík. Það er
tákn þeirrar vonar, sem kallað
hefur þennan stóra hóp hingað
saman. Hann gefur Reykjavík
von um það að hún verði frelsuð
úr þeim tröllahöndum, sem hún
er nú komin í.
I dag er örskammt til kosn-
inga. Þá hefur kjósandinn valdið
til þess að segja til um það sem
örlögum veldur um framtið
þessarar þjóðar. Island, landið
okkar, er gott land. Það á það
skilið af okkur, að við sjáum til
þess að það hafi farsæla stjórn.
Það skulum við gera og beina
kröftum okkar að því.
Þessi kosningabarátta stend-
ur milli sjálfstæðis og sósíal-
isma. Línurnar eru skýrar.
Baráttan er hörð. Tíminn er
stuttur. Núna er ekki einungis
kosið á milli stjórnmálaflokka.
Það er kosið á milli lífsviðhorfa.
Það er ekki einungis kosið um
það hvort kaupmátturinn sé
einhverjum prósentum meiri
eða minni, sem vissulega er
mikilvægt. Það er ekki einungis
kosið um það hvort verðbólgan
sé meiri eða minni. Það er kosið
um það hvort í þessu landi skuli
búa einstaklingar, sém hafa rétt
til þess að ráða einhverju um
framvindu mála í sínu eigin
landi. Þannig er ekki ástatt í
öllum löndum.
Það takast á megin lífsviðhorf
víða um heim. Annars vegar
lýðræðisöflin, öfl frelsis og
sjálfstæðis, og hins vegar alræð-
isöflin, öfl kúgunar og ófrelsis.
Lýðræðisöflin bera virðingu
fyrir manneskjunni sjálfri
gagnstætt alræðisöflunum.
Sjálfstæðisflokkurinn'' tekur
ákveðna afstöðu með lýðræðis-
öflum í heiminum. Mannleg
reisn er það, sem Sjálfstæðis-
flokkurinn setur í öndvegi.
Sjálfstæðisflokkurinn vill að
hér á landi fái áfram að þróast
frjálst menningarlíf. Betra og
bjartara líf en vera mundi ef
Sjálfstæðisflokkurinn missti
völdin. Ég sagði frjálst menn-
ingarlíf. Fyrir nokkrum dögum
voru hundruð Reykvíkinga við-
staddir, þegar tveir heimsfrægir
snillingar á sviði tónlistarinnar
stóðu hlið við hlið á sviði
Laugardalshallarinnar. Það
voru þeir Vladimir Ashkenazy
og sellósnillingurinn Rostropo-
vitch. Þessir menn fengu ekki
pláss fyrir listina í sínu eigin
landi. Þeir njóta sín ekki í sínu
eigin landi vegna þess að höft
eru lögð á list þeirra. Slíkt er
það ástand er bíður þjóða sem
kalla yfir sig það kenningakerfi,
sem Alþýðubandalagið starfar
eftir. Alþýðubandalagið starfar
eftir úreltu kenningakerfi, sem
varð til við útlendar og allt
aðrar aðstæður en hér eru og á
annarri öld. Og þetta kenninga-
kerfi miðast fyrst og fremst við
peninga og aftur peninga. En
Sjálfstæðisflokkurinn hefur
þjóðlega stefnu, er setur mann-
inn sjálfan í öndvegi. Sjálfstæð-
ismenn vilja sjálfstætt líf,
sjálfstætt fjölskyldulíf, sjálf-
stætt atvinnulíf og sjálfstætt
þjóðlíf.
Sjálfstæðismenn. Ég hvet til
þess að við notum vel hverja
einustu stund, sem eftir er fram
til kjördags. Við eyðum ekki
okkar tíma í langa fundi. Við
skulum, þessi stóri hópur, hvert
og eitt vinna að því að fá sem
allra flesta til liðs við þá stefnu,
sem hefur gæfu Islands í hendi
sér. Sjálfstæðismenn, komum
fljótt á kjörstað á sunnudags-
morguninn. Kjósum rétt og
fáum alla til að kjósa rétt, rétt
einstaklinganna.
Birgir ísl. Gunnarsson:
Það er hætta á því að ísland sigli
hraðbyri til sósíalísks stjórnarfars
HÉR FER á eftir ræða sú, sem
Birgir ísl. Gunnarsson flutti á
útifundi sjálfstæðismanna á
Lækjartorgi í gær:
Góðir Reykvíkingar.
Þessi fundur hér á Lækjar-
torgi í dag er haldinn undir
kjörorðinu: Sjálfstæði gegn
sósíalisma. Hversvegna er þetta
það atriði, sem við Sjálfstæðis-
menn leggjum hvað mesta
áherzlu á í þessari kosningabar-
áttu? Ástæðan er sú, að þessi
tvö hugtök tákna þær megin-
stefnur í stjórnmálum, sem nú
er barizt um. Eftir úrslit sveita-
stjórnarkosninganna fyrir tæp-
um fjórum vikum er ljóst, að
mjög er langt síðan að skilin í
íslenzkum stjórnmálum hafi
verið jafn skörp og að andstæð-
urnar hafi verið jafn miklar.
Úrslit sveitastjórnarkosning-
anna sýna, að það er hætta á því
að ísland sigli hraðbyri í átt til
sósíalísks stjórnarfars. Alþýðu-
bandalagið hefur fyllst slíkum
hroka eftir kosningasigurinn
um daginn, að frambjóðendur
þess og málgögn hafa í stórum
stíl varpað af sér dulargervinu
og boða það nú ómengað, að hér
eigi að koma á sósíalisma, ef
Alþýðubandalagið fái nógu
sterk ítök. Enginn vafi er á því
að það meina þeir af heilum
hug. Þeir hafa að vísu stundum
talið heppilegt að leyna þessu
markmiði sínu, en kosningaúr-
slitin fyrir fjórum vikum gáfu
þeim byr í seglin og þann byr
hyggjast þeir nota til að láta
kné fylgja kviði. Loforð þeirra
þessa dagana um bætt kjör til
handa öllum almenningi eru
hrein kosningaloforð. Sjálfur
upplifði ég í borgarstjórn á
dögunum hvernig Alþýðubanda-
lagið sveik án þess að blikna öll
stóru loforðin fyrir borgar-
stjórnarkosningar um full^r
verðbætur á laun. Þessi loforð
eru aðeins sett fram til að slá
ryki í augu fólksins og tW þess
ætluð að gera leið þeirra í
valdastólana greiðfærari.
í þessum kosningum er einnig
annar flokkur, sem kennir sig
við sósíalisma, en það er Al-
þýðuflokkurinn. í þeim svipting-
um, sem framundan eru í
íslenzku þjóðfélagi, er Alþýðu-
flokknum ekki treystandi.
Reynslan hefur sýnt að hann er
veikgeðja flokkur, sem er til í
allt og það skulum við hafa
hugfast, að Alþýðuflokkurinn
hefur nú leitt Alþýðubandalagið
til forystu í borgarstjórn
Reykjavíkur og það mun Al-
þýðuflokkur óhikað gera í ríkis-
stjórn, ef hann telur það henta
stundarhagsmunum sínum.
Sjálfstæðisflokkurinn er eina
stjórnmálaaflið í íslenzku þjóð-
félagi í dag, sem getur staðizt
þennan ágang sósíalismans.
Sjálfstæðisflokkurinn einn hef-
ur það þrek og afl sem þarf til
að láta þær útlendu öfgastefnur,
sem nú berast okkur utan úr
heimi, brotna á sér áður en þær
flæða yfir landið. Sjálfstæðis-
flokkurinn einn getur tryggt
sjálfstæði þessarar þjóðar og
sjálfstæði þeirra einstaklinga,
sem í landinu búa. Til þess þarf
hann þó öflugt fylgi Reykvík-
inga og landsmanna allra.
Þess vegna er kjörorð okkar í
dag sjálfstæði gegn sósíalisma
— og með þessum orðum býð ég
ykkur öll velkomin hingað á
Lækjartorg og gef fyrsta ræðu-
manni dagsins, Geir Hallgríms-
syni forsætisráðherra orðið.
Guðmundur G. Þórarinsson
hyggst stefna Vilmundi Gylfasyni
GUÐMUNDUR G. Þór-
arinsson, sem skipar 2. sæti
á framboðslista Framsókn-
arflokksins í Reykjavík,
skýrir frá því í grein í
dagblaðinu Vísi í gær, að
hann hyggðist stefna Vil-
mundi Gylfasyni, sem skip-
ar 2. sæti í framboðslista
Alþýðuflokksins í Reykja-
vík, vegna ummæla hans í
blaðagrein. Guðmundur G.
Þórarinsson segir að Vil-
mundur Gylfason „sleppur
ekki með það að gera mig
að sakborningi í þessu
Guðbjartsmáli. Einfaldlega
hingað og svo nákvæmlega
ekki lengra. Þetta mál
skulum við taka í botn
Vilmundur Gylfason, þótt
við verðum að fara í gegn-
um allt dómstólakerfið.u
Guðmundur G. Þórarinsson seg-
ir ennfremur í grein sinni: „Nú er
nóg komið og hér á Vilmundur við
fuílkomið ofurefli að etja. Ég hef
bæði réttinn og sannleikann mín
megin, en Vilmundur stendur einn
með sitt spillta og sýkta hugarfar
hins vegar. Vilmundur Gylfason
hefur gjörsamlega misst sjónar á
sannleikanum. Sumar árásir hans
á einstaklinga hefðu getað leitt af
sér mikla ógæfu, ef auðna hefði
ekki ráðið meiru.“
Morgunblaðið leitaði í gær
umsagnar Vilmundar Gylfasonar
um þá fyrirætlan Guðmundar G.
Þórarinssonar að hefja mál á
hendur honum. Vilmundur sagðist
ekkert hafa við þessa fýrirætlun
Guðmundar að athuga, „þetta er
frjáls maður í frjálsu landi.“
Orðrétt sagði Vilmundur: „Búum
við ekki við traust dómskerfi og
það gildir með þessa grein mína
eins og aðrar að þar er farið rétt
með. Guðmundur Þórarinsson
sagði það í sjónvarpi á sunnudag-
inn, að ég hefði með skrifum
mínum orðið valdur að því að
saklaust fólk sat í tukthúsi og það
getur líka vel verið að dómstólarn-
ir hafi eitthvað að athuga við það.“