Morgunblaðið - 23.06.1978, Blaðsíða 32

Frambjóðandi
Alþýðuflokks-
ins farinn til
r
Astralíu
BJARNI Guðnason. efsti maður á
lista Alþýðuflokksins í Austur-
landskjördæmi, er nú farinn af
landi brott og er á leið til
Ástralíu. þar scm hann verður
næstu sex vikurnar.
Bjarna er boðið til Ástralíu af
einum háskólanna þar. Á Bjarni
að flytja fyrirlestra um íslenzk
íræði á meðan hann dvelur þar.
Neskaupstaður;
Síldarvinnsl-
an greiðir
ekki fullar
vísitölubætur
SÍLDARVINNSLAN h.f. í Nes-
kaupstað hefur enn ekki greitt
starfsfólki við fyrirtækið fullar
vísitölubætur á laun, þrátt fyrir
að ýmsir forystumanna fyrirtæk-
isins eru meðal þeirra sem hafa
kallað Iök ríkisstjórnarinnar
„kaupránslög“ ok heimtað samn-
ingana í gildi. Fékk Morgunblað-
ið þessar upplýsingar austur í
Neskaupstað í gær. Hjá Síldar-
vinnslunni og dótturfyrirtækjum
starfa að meðaltali kringum 200
manns.
Hins vegar hefur Neskaupstað-
arbær gert samning við sitt
starfsfólk um fullar vísitölubæt-
ur. Fyrst var samið við skrif-
stofufólk bæjarins. en á síðasta
fundi bæjarstjórnar fyrir sveitar-
stjórnarkosningarnar báru þeir
Gylfi Gunnarsson bæjarfulltrúi
Sjálfstæðisflokksins og Sigfinnur
Karlsson forseti Alþýðusam-
bands Austurlands og þáverandi
Framhald á bls. 18
Sjálfstæðismenn í Reykjavík efndu í gær til útifundar á Lækjartorgi í tilefni af alþingiskosningunum á
sunnudaginn og var fundurinn fjölmennur. Ljósm. Mbl. Ól.K.Mag.
Júní setti sölumet í Englandi:
Seldi 219 tonn fyrir
rétt um 50 milljónir kr.
Hafnarfjarðartogarinn
Júní GK-345, eign Bæjarút-
gerðar Ilafnarfjarðar, setti
nýtt sölumet í Englandi,
þegar togarinn seldi í Hull
í gær og í fyrradag. Júní
seldi alls 219 tonn fyrir
103.126 sterlingspund eða
49.4 millj. kr. ísl. Er þetta
hæsta sala nokkurs skips í
Englandi til þessa. Skip-
stjóri á Júní er Þorleifur
Björnsson.
Aflinn, sem Júní var með, var
blandaður, um 60 tonn var ufsi, 10
tonn karfi, 10—11 tonn ýsa, 2—3
tonn koli en annars þorskur. Þessi
sala vakti gífurlega athygli í
hafnarbæjum Bretlands í gær, þar
sem mjög sjaldgæft er að hátt verð
fáist fyrir fisk að sumarlagi, bezti
sölutíminn hefst í október. Þá
vekur það einnig athygli að Júní
fór á veiðar þann 31. maí s.l.
þannig að elzti hluti aflans var

orðinn meira en tuttugu daga
gamall þegar hann kom til Eng-
lands, en frystihúsamenn hér á
landi tjáðu Morgunblaðinu í gær,
en svo gamall fiskur þætti vart
vinnsluhæfur á Islandi.
Gamla sölumetið í Englandi átti
annar íslenzkur togari, Ögri RE,
sem skömmu fyrir jólin 1976 seldi
fyrir 98 þús. sterlingspund
Pétur Sigurðsson á útifundinum í gær
Hætta á válegri þróun þjóðmála
— fái S j álfs tæðisflokkurinn ekki traust kjósenda
„Ef kjósendur bera ekki
gæíu til að veita Sjálfstæðis-
flokknum traust í alþingis-
kosningunum er hætta á vá-
legri þróun þjóðmála á næstu
misserum. Sigur vinstri flokk-
anna í þessum kosningum
kallar einnig skilyrðislaust á
myndun vinstri ríkisstjórnar,“
sagði Pétur Sigurðsson, sem
skipar 8. sæti á framboðslista
Sjálfstæðisflokksins í Reykja-
vík í ræðu á fjölmennum
útifundi sjálfstæðismanna á
Lækjartorgi í gær. Pétur Sig-
urðsson sagði, að aðeins eitt
gæti komið í veg fyrir áform
um vinstri stjórn að kosning-
um loknum. „Það er að sjálf-
stæðismenn snúi vörn í sókn í
alþingiskosningunum og sýni
að þeim loknum þann styrk-
leika. sem verður að taka tillit
til við næstu stjórnarmyndun.
Þetta getur tekizt með þrot-
lausri vinnu og aftur vinnu.“
Pétur Sigurðsson sagði enn-
fremur:
„Fyrir nokkrum dögum géngu
inn á þetta torg lúnir og
fótfúnir, menn, sem komu
nokkrir sunnan úr Keflavík. I
málgagni þeirra, Stóra-sann-
leik, var daginn eftir mynd af
fundi þeirra hér og frétt þess
efnis að á fundinum hefði verið
sjö til átta þúsund manns. Ef við
berum okkur saman við þá frétt,
þá eru hér um 20 þúsund manns.
Og það er góður fundur.
Góðir fundarmenn!
Þegar sú staðreynd sveitar-
stjórnakosninganna lá fyrir að
Reykjavíkurborg væri komin
undir ráðstjórn, leituðu margir
svars við spurningunni: hvað olli
þessum mikla kosningaósigri
Sjálfstæðisflokksins?
Við þessari spurningu komu
réttilega fram mörg svör, enda
um margar samverkandi ástæð-
ur að ræða.
Ekki skal hér á þessum
lokafundi okkar Sjálfstæðis-
manna í Rvk. í þéssari kosninga-
baráttu farið í saumana á
einstökum málum sem þar hafa
óneitanlega verið orsök að, en ég
viðurkenni hreinskilningslega
að mörg mistök hafa verið gerð
í tíð núverandi ríkisstjórnar og
skal axla minn hluta þeirra, sem
einn stuðningsmanna hennar á
Alþingi.
En mistök eru ekki aðeins til
að viðurkenna, þau eru til að
læra af og sá lærdómur á að
fyrirbyggja endurtekningu
þeirra.
Það málið sem þyngst hefur
vegið hjá kjósendum, tel ég hafa
verið vanhæfni ríkisstjórnar-
innar í baráttunni við verðbólg-
una, þótt margt hafi þar áunnist
sem óneitanlega er jákvætt. —
Ennfremur framkvæmd síðustu
efnahagsaðgerða, sérstaklega í
launamálum, og sá áróður and-
stæðinga okkar, sem virðist
hafa hitt í mark, að ríkisstjórn-
in hafi svikið samninga við
launþegasamtökin.
I þessu máli virðist alveg
geymast síendurtekin varnaðar-
orð ráðamanna sem fram komu
á s.l. ári vegna kröfu- og
samningsgerðar launþegasam-
takanna, að ef fram úr greiðslu-
getu atvinnuveganna yrði farið,
yrði að gera ráðstafanir til að
halda þeim gangandi til að
koma í veg fyrir stöðvun þeirra
og atvinnuleysi, mestu ógæfu og
böl sem eina þjóð getur hent.
Að þessi áróður vinstri flokk-
anna hitti í mark er m.a. vegna
þess, að ekki var strax í upphafi
hlítt því ráði, að láta þá
skerðingu vísitölubóta sem
nauðsynleg var talin, koma
fram í sömu mynd og bráða-
birgðalög ríkisstjórnarinnar í
maí kváðu á um. Einnig vegna
þess að fleiri keðjuverkandi
verðbólguvaldar voru ekki hala-
stífðir samhliða.
En þessi áróður er kald-
hæðnislegur, þegar haft er í
huga að vinstri flokkarnir hafa
Framhald á bls. 18