Morgunblaðið - 23.06.1978, Blaðsíða 29
MORGUNBLAÐIÐ, FÖSTUDAGUR 23. JÚNÍ 1978
29
„Þegar varanleg vegagerð
verður hafin ætti
að byrja framkvæmdir
frá Akureyri
og halda suður"
- rætt við Ásgrím Hartmannsson á Ólafsfirdi
„Ég skil satt að segja ekki þá ölafsfirðinga sem ekki
styðja hann til þings ... “ — Ásgrímur og Helga
eiginkona hans.
Ólafsfjörður er ört vax-
andi bær, sem á allt sitt
meira og minna undir
sjávarútveginum. Þaðan
eru tveir skuttogarar
gerðir út og þar eru tvö
frystihús, hraðfrystihús
ólafsfjarðar h.f. og hrað-
frystihús Magnúsar
Gamalíelssonar.
Ásgrímur Hartmannson
fyrrverandi bæjarstjóri á
Olafsfirði er framkvæmda-
stjóri hraðfrystihúss Ólafs-
fjarðar h.f., en Mbl. átti
spjall við hann í vikunni.
„Rekstur hraðfrystihúss-
ins hefur gengið sæmilega
undanfarin ár, hús hafa
verið endurbyggð og á það
sinn stóra þátt í því að
afkoma fyrirtækisins var
allgóð á síðasta ári, þrátt
fyrir ýmsar hækkanir, en
það má jafnframt þakka
því, að við höfum haft
duglegan verkstjóra og
yfirleitt mjög gott starfs-
fólk. Enda hafa Ólafsfirð-
ingar löngum verið rómaðir
fyrir dugnað í starfi og ekki
sízt hafa sjómennirnir okk-
ar þótt afburða duglegir.
Héðan eru gerðir út tveir
skuttogarar og báðir voru
þeir komnir hingað á með-
an sjálfstæðismenn höfðu
meirihluta í sveitarstjórn.
Bæjarfélagið á Ví hluta í
öðrum togaranum og hrað-
frystihús Ólafsfjarðar og
hraðfrystihús Magnúsar
Gamalíelssonar % hluta en
sérstakt hlutafélag á hinn
skuttogarann. Það fer ekki
á milli mála að megin-
ástæða þess hve atvinna
hefur verið jöfn og almenn
er þessi togaraútgerð okk-
ar.
Vegamálum, þeim hefur
miðað mjög hægt hérna.
Samgöngur eru fyrst og
fremst undirstaða þess að
byggðin þróist eðlilega. Það
átti fyrir mörgum árum að
fullgera veginn hér fram
sveitina og yfir Lágheiðina
og fá snjóblásara hingað til
Ólafsfjarðar sem gæti séð
um snjóruðning héðan til
Siglufjarðar, Skagafjarðar
og Akureyrar. Ég tel að
Ólafsfjörður eigi siðferðis-
legan rétt til þess, að
hingað verði þegar í stað
fengið slíkt tæki sem haldið
getur opnum leiðum héðan
til tveggja átta en það var
aðallega fyrir tilstuðlan
okkar Ólafsfirðinga að
fyrsti snjóblásarinn var á
sínum tíma keyptur hingað
til landsins.
Múlavegi hefur verið
heldur illa haldið við en
hann er ekki fullgerður
enn. Það sem skortir þar
helzt á framkvæmdir er að
vegurinn er ekki orðinn
jafn breiður og upphaflega
var ákveðið og svo hefur
heflun og ófaníburði héðan
og til Akureyrar verið
afskaplega ábótavant.
Vitanlega hefði það marg-
borgað sig ef varanlegt
slitlag væri komið á allan
þann veg.
Þau ár sem ég hef haft
afskipti af byggðamálum
hef ég m.a. bent á að þegar
varanleg vegagerð verður
hafin ætti að hefja „ þær
framkvæmdir við Akureyri
og halda suður til Reykja-
víkur, en ekki byrja að
sunnan og halda noröur.
Stefnunni hefur verið snúið
við með því að byrja allar
stórframkvæmdir á Suður-
landsbyggðakjarnanum.
Hér er nýlokið flugvall-
argerð og ég veit ekki betur
en að áætlunarflug hefjist
hingað á næstunni.
Hitaveitan, hún hefur
reynzt vel. Vatnsskortur er
nú fyrirsjáanlegur, en það
eru taldar líkur fyrir því,
að hægt sé að fá miklu
meira heitt vatn hér með
borunum. Við sjálfstæðis-
menn vildum láta bora hér
eftir heitu vatni á síðasta
ári. Það var ekki gert en
mér er sagt að það sé
fyrirhugað á næsta ári.
Félagsleg aðstaða er afar
lítil hér og hefur á síðasta
kjörtímabili verið alger
kyrrstaða í þeim málum.
Undanfarin ár hefur lítið
sem ekkert verið unnið að
því að byggja hér upp
aðstöðu fyrir dagvistun
barna og tel ég það einna
mest aðkallandi varðandi
félagslega aðstöðu og má
segja atvinnulega líka, þar
á ég við konur sem vinna
úti. Þetta hefur verið eitt af
baráttumálum okkar sjálf-
stæðismanna síðasta
kjörtímabil en það var
fyrst núna á síðasta ári að
fjárveiting fékkst til þess-
ara mála hjá bæjarstjórn.
Fjárveitingar til Ölafs-
fjarðar hafa verið sæmileg-
ar á þessu kjörtímabili
miðað við aðra staði á
landinu og hafa skapað
möguleika til þess að halda
áfram þeim framkvæmdum
sem hafnar voru í byrjun
kjörtímabilsins. Þar má
fyrst nefna frekari bygg-
ingu heilsugæzlustöðvar-
innar. Það hefur ekki reynt
á það, að fá fjárveitingu til
annarra framkvæmda en
áður voru mótaðar af
meirihluta bæjarstjórnar
hér, en þar er náttúrulega
heimamönnum um að
kenna en ekki þingmönn-
um.
Hvernig kosningarnar
sem framundan eru
leggjast í mig? Ég hef mest
starfað að sveitarstjórnar-
málum og byggðamálum og
hef reynt að vinna eftir
mætti að málum eigin
sveitar og málum fjórð-
ungsins í heild. Ég hef
alltaf litið svo á að það beri
að hafa þessi mál í huga
fyrst og fremst bæði þegar
velja á menn í sveitarstjórn
og til Alþingis. Eftir að ég
hætti sem bæjarstjóri og
nú sem bæjarfulltrúi hef ég
dregið mig nokkuð út úr og
hef sjálfsagt verið búinn að
vera allt of lengi við þessi
mál.
Eftir því sem mér er sagt
bæði hér á Ólafsfirði og
inni á Akureyri, þá hef ég
komizt að þeirri niðurstöðu
að þingsæti Lárusar Jóns-
sonar sé í alvarlegri hættu.
Það væri mikið áfall fyrir
allt kjördæmið, ekki sízt
Akureyri, ef ástæða er til
að óttast um þingsæti
annars manns á lista Sjálf-
stæðisflokksins. Lárus
Jónsson hefur einna bezt
þingmanna kjördæmisins
menntað sig í sveitar-
stjórnamálum og unnið að
þeim. Hann var fyrsti
framkvæmdastjóri Fjórð-
ungssambands Norðlend-
inga eftir að það samband
var skipulagt. Það er þeim
ljóst, sem fylgzt hafa með,
að Lárus hefur reynzt
Ólafsfirði alveg sérstaklega
vel varðandi útvegun fjár-
veitinga á þessu kjörtíma-
bili en þegar hann var
bæjarfulltrúi hér hafði
hann einna mesta forystu
um bæjar- og atvinnumál
staðarins. — Ég skil satt
að segja ekki þá Ólafsfirð-
inga sem ekki styðja hann
til þings og mér er ljóst að
hann hefur ekki síður unn-
ið Akureyri vel.
Já, hér á Ólafsfirði eru
afargóð skilyrði fyrir því að
gera bæinn að ferðamanna-
bæ. Veiði er mikil í ánni og
vatninu, silungsveiði og
sjóstangveiði er mikið
stunduð. Hér eru möguleik-
ar á skíðaiðkunum allt árið
um kring og það má því
segja að hér sé aðstaða til
margvíslegra hluta fyrir
ferðamenn. Lítið hótel er
rekið í bænum og ég tel það
vera mjög þarfar fram-
kvæmdir að hér er hótel í
byggingu, en aðstöðu fyrir
tjaldstæði þarf að koma
upp, á því er mikil þörf,“
sagði Ásgrímur áður en við
kvöddumst.
Frá Ólafsfirði