Morgunblaðið - 27.06.1978, Blaðsíða 15
MORGUNBLAÐIÐ, ÞRIÐJUDAGUR 27. JÚNÍ 1978
15
VILMUNDUR Gylfason, annar þing-
maður Alþýðuflokksins í Reykjavík, er
fæddur 7. ágúst 1948. Hann varð
stúdent frá Menntaskólanum í Reykja-
vík árið 1968 og lauk BA-prófi í sögu
frá Manchester-háskóla árið 1971.
MA-prófi í sögu lauk hann frá
háskólanum í Exeter, en síðan hefur
hann verið kennari við Menntaskólann
í Reykjavík. Vilmundur hefur starfað
viö sjónvarp og útvarp auk pess sem
hann hefur skrifað greinar um pjóð-
mál og stjórnmál í blöð.
Kona Vilmundar er Valgerður
Bjarnadóttir, og eiga pau eina dóttur,
Guðrúnu sem er fjögurra ára.
Magnús Magnússon er fæddur 30.9.
1922 í Vestmannaeyjum. Lauk prófi frá
Loftskeytaskólanum 1946 og stundaði
tækninám hjá Pósti og síma. Hefur
starfað sem sjómaður, bílstjóri og
lengst af hjá Pósti og síma sem
stöðvarstjóri í Vestmannaeyjum síöan
1956. Magnús var kjörinn í bæjarstjórn
1962 og situr í henni enn og var hann
bæjarstjóri árin 1966—75. Magnús er
efsti maður á lista Alpýðuflokksins í
Suðurlandskjördæmi. Hann er kvænt-
ur Mörtu Björnsdóttur frá ísafirði.
Hjörleifur Guttormsson er fæddur á
Hallormsstað 31. október 1935. Hann
varð stúdent frá Menntaskólanum á
Akureyri 1955 og vorið 1963 lauk hann
námi í líffræði frá háskólanum í
Leipzig. Þá fluttist Hjörleifur til
Neskaupstaðar, par sem hann hefur
búið síðan. Þar hefur Hjörleifur verið
kennari, auk Þess sem hann hefur
unnið mikið að náttúrufræðimálum
skóla- og safnamálum.
Kona Hjörleifs er Kristín
Guttormsson.
KJARTAN Jóhannsson er fæddur
19.12.1939. Stúdentspróf frá M.R. 1959
og próf í byggingarverkfræði í Stokk-
hólmi 1963 og rekstrarverkfræði frá
háskóla í Bandaríkjunum árið 1965.
Hefur aðallega starfað sem ráðgjafar-
verkfræðingur og kennt í viðskipta-
deild Háskóla íslands. Kjartan var
bæjarfulltrúi i Hafnarfirði árin
1974—1978 og hefur síðan 1974 verið
varaformaður Alþýðuflokksins en
hann kemur á þing sem fyrsti meður
A-lista í Reykjanesi. Kjartan er kvænt-
ur Irmu Karlsdóttur.
ALEXANDER Stefánsson er fæddur
6.10. 1922 í Ólafsvík. Stundaði nám í
héraðsskólanum á Laugarvatni og
Samvinnuskólanum í Bifröst. Starfaói
hjá Kaupfélaginu í Ólafsvík, m.a.
kaupfélagsstjóri í 14 ár. Hefur síðan
starfaö að sveitarstjórnarmálum og
verið oddviti Ólafsvíkurhrepps síðan
1966 og átt þátt í stofnun Samtaka
sveitarfélaga á Vesturlandi og var
fyrsti formaður þeirra. Alexander er
kvæntur Björgu Finnbogadéttur og er
hann kjörinn á þing af lista Framsókn-
arflokks 2. sæti.
EIÐUR Guönason er fæddur 7.11. 1939
í Reykjavík. Hann lauk stúdentsprófi
frá M.R. 1959 og B.A. prófi frá Háskóla
islands árið 1967 og hafði Þá unnið í
5 ár meðfram á Alþýðublaðinu sem
blaðamaður og ritstjórnarfulltrúi. Hóf
störf hjá sjónvarpinu 1967 sem
yfirþýðandi og síðar fréttamaður og
fulltrúi í dagskrárdeild. Eíður er fyrsti
maður á lista Alþýðuflokks í Vestur-
landskjördæmi. Hann er kvæntur
Eygló Helgu Haraldsdóttur píanókenn-
ara.
r
„Arangur-
inn betri en
ég vonaði
fyrirfram”
segir Hjörleifur
Guttormsson
„ÞESSI árangur Alþýðubanda-
lagsins á Austurlandi er að vísu
heldur betri en ég hafði þorað að
vona fyrirfram, en ég eins og
fleiri Alþýðubandalagsmenn
fundum það í kosningabarátt-
unni, að við höfum mikinn
meðbyr í kjördæminu, og gerð-
um við okkur í vaxandi mæli
vonir um að ná því markmiði að
tryggja Helga Seljan áfram sæti
á Alþingi, en það var okkar
meginmarkmið í kosningabar-
áttunni," sagði Hjörleifur Gutt-
ormsson líffræðingur í Nes-
kaupstað en hann fer nú á þing
sem annar uppbótarmaður
Alþýðubandalagsins, og þar með
sjötti þingmaður Austurlands-
kjördæmis.
„Við áttum ekki von á að við
slægjum Framsóknarflokknum
við hér í kjördæminu að þessu
sinni, en gerðum okkur ljóst að
bilið myndi minnka mjög veru-
lega frá því sem var. Sú
staðreynd að Alþýðubandalagið
skuli vera orðinn stærsti
flokkurinn hér á Austurlandi
teljum við ánægjulegt atriði og
ekki sízt að Lúðvík Jósepsson
formaður Alþýðubandalagsins
skuli standa fyrir þessum lista.
Helgi Seljan er nú kjördæma-
kjörinn og að ég skuli ná þarna
uppbótarsæti er mér ánægju-
efni, en auðvitað kemur það mér
töluvert á óvart, eins og ávallt
er um slíka vinninga. Eg vil þó
ekki segja að mér hafi ekki verið
það ljóst nokkrum dögum fyrir
Framhald á bls. 31
„Alþýðuflokkur-
inn leysi
vandamálin”
segir Gunnlaugur
Stefánsson
„ÞAÐ SEM mér er efst í brjósti
er þakklæti til stuðningsmanna
flokksins í þessum kosningum
sem unnu mikið og gott starf.
Hins vegar vona ég að Alþýðu-
flokknum auðnist að takast á
við vandamálin sem framundan
eru og leysa þau,“ sagði Gunn-
laugur Stefánsson, sem nú
verður sjöundi þingmaður
Reykjaneskjördæmis.
„Hafði ekki
gert ráð fyrir
svona mikiUi
aukningu”
segir Björn
Jónsson
„ÞAÐ ER auðsætt að þessi mikli
sigur leggur miklar skyldur á
herðar þeirra, sem sigruðu í
kosningunum. Sjálfur hafði ég
ekki gert ráð fyrir þetta mikilli
fylgisaukningu Alþýðuflokksins,
og ég held að þeir hafi verið fáir
sem áttu von á þessari aukn-
ingu,“ sagði Björn Jónsson
forseti Alþýðusambands ís-
lands, en Björn hefur nú verið
kjörinn á þing á nýjan leik, sem
uppbótarmaður Alþýðuflokksins
í Reykjavík. „Hvort þessi úrslit
tákni einhverja vendingu í
íslenzkum stjórnmálum tel ég of
snemmt að spá um. Hins vegar
hlýtur svona stór breyting að
hafa einhverjar afleiðingar í för
með sér, þegar litið er til lengri
tíma,“ sagði Björn ennfremur.
„Þakka þeim
sem tóku sunnan-
manninum ver’
segir Arni
Gunnarsson
„ÉG þakka öllu því fólki í
Norðurlandskjördæmi eystra,
sem tók svona vel á móti
sunnanmanninum, fyrir góðan
stuðning við jafnaðarstefnuna,"
sagði Árni Gunnarsson ritstjóri
þegar Morgunblaðið ræddi við
hann í gær, en Árni verður nú
sjöundi þingmaður Norður-
landskjördæmis eystra. Þegar
Morgunblaðið ræddi við Árna
var nýbúið að vekja hann og tjá
honum að hann væri orðinn
þingmaður, en ekki var útlit
fyrir það snemma í gærmorgun.
Kvaðst Árni því vart vera búinn
að átta sig á þessari nýju stöðu.
Kemur mér
á óvart
sagði Bragi
Níelsson
BRAGI Níelsson læknir er einn
nýrra þingmanna af hálfu
Alþýðuflokksins en hann var
annar maður á lista í Vestur-
landskjördæmi. Mbl. leitaði til
hans með þá spurningu hvort
kjör hans hefði komið honum á
óvart:
— Já, ég veit varla hvað ég get
sagt um það, þegar ég vaknaði
í morgun þá gerði ég mér fyrst
grein fyrir því hvað hafði gerst.
Baráttan hér var ekki um mig,
heldur snerist öll okkar hugsun,
þ.e. okkar Alþýðuflokksmanna á
Vesturlandi, um að ná kjöri Eiðs
Guðnasonar og því má segja að
þetta hafi komið mér mjög á
ovart. Annars er ég ekki neinn
nýgræðingur í stjórnmálum, ég
hef haft áhuga á þeim frá
skólaárum og verið viðloðandi
þau á einhvern hátt síðan, sagði
Bragi Níelsson að lokum.
ódýr spamey tinn liíxusbíll
Stöðugt hækkandi bensínverð
er áhyggjuefni flestra bifreiðaeigenda.
Af þeim sökum hefur athygli manna
beinst að sparneytnum bifreiðum.
RENAULT 12 er frekar stór, rúmgóður
en umfram allt, eyðir mjög litlu bensíni.
RENAULT 12 er með framhjóladrif
sem eykur ökuhæfni við allar aðstæður.
KRISTINN GUÐNASON HF.
SUÐURLANDSBRAUT 20. SÍMI 86633