Morgunblaðið - 27.06.1978, Blaðsíða 40
22
MORGUNBLAÐIÐ, ÞRIÐJUDAGUR 27. JÚNÍ 1978
Argentínumönnum
tókst hið ótrúlega
— urðu meistarar
HINN glæsilegi River Plate leikvangur í Buenos Aires var troðfullur
af áhorfendum heilum klukkutíma áður en úrslitaleikurinn í
Heimsmeistarakeppninni í knattspyrnu hófst. Þar voru saman komnir
um 77000 manns, sem langflestir skörtuðu hinum bláu og hvítu litum
Argentínu. Aðeins fáeinir voru á bandi Hollendinga og bar lítið á þeim
innan um hinn mikla sæg heimamanna. Fjöldi suður-amerískra
þjóðarleiðtoga, með Jorge Videla sjálfan í broddi fylkingar, voru
mættir til að horfa á, en enginn var mættur frá Hollandi, þeim geðjast
ekki að stjórnarfarinu þar í landi. Hvorki Argentína né Holland höfðu
unnið titilinn áður, en bæði hins vegar komist í úrslit, en tapað. Því
var öruggt að blað yrði brotið í sögu HM, er ný þjóð myndi skipa
sér á bekk með þeim fáu sem unnið hafa keppnina til þessa.
Hollendingar trítluðu inn á völlinn nokkrum mínútum á undan
heimamönnum,, en þegar þeir loks komu inn á völlinn, gerði þétta
snjókomu af bréfsnifsum og er talið að þar hafi farið fyrir lítið flestar
símaskrár í Buenos Aires. Mörg liðanna í keppninni að þessu sinni
beittu fyrir sig múrveggs vörnum og er það breyting frá því í
Vestur Þýzkalandi 1974, er sóknarknattspyrna réði ríkjum. Það var
því mikill sigur fyrir knattspyrnuíþróttina, er markhæstu lið
keppninnar mættust í úrslitaleiknum að þessu sinni, Argentína og
Holland.
En leikurinn ætlaði aldrei að
geta hafist, vegna þess að Rene
• Er ítalski dómarinn flautaði til leiksloka, braut út tryllt gleði meðal
allra Argentinumanna, ekki sist meðal leikmannanna eins og myndin
sýnir. Þetta eru markamaskínurnar Leopoldo Luque og Mario
Kempes. (Símamynd AP)
Van Der Kerkhov var með gifs um
úlnliðinn og dómarinn ítalski var
smeykur um að kappinn myndi
nota þa til þess að berja á
mótherjunum. Seinkaði leiknum
um 10 mínútur meðan verið var að
ganga frá meiðslum Renes á
viðunandi hátt. Ekki var leikurinn
mínútu gamall, er fyrsta auka-
spyrnan var dæmd og ekki sú
síðasta, því að þær nálguðust
áttunda tuginn áður en yfir lauk.
Hollendingar áttu fyrsta færi
leiksins, er Rep skallaði naumlega
framhjá markinu eftir aukaspyrnu
frá vinstri, en síðan tóku Argen-
tínumenn völdin á vellinum og
héldu þeim þar til þeir höfðu
skorað fyrsta markið á 30. mínútu.
Jongbloed varði vel skot frá Luque
snemma í leiknum og nokkru síðar
annað frá Passarella. Nokkru áður
var Krol bókaður fyrir að höggva
Bertoni niður og er dómarinn
sýndi spjaldið, notaði Bertoni
tækifærið og rak olnbogann í
vömbina á Jóhanni Neeskens.
Komst hann upp með það. Um
þessar mundir réðu Argentínu-
menn miðju vallatins og þeir
Kempes, Gallego og Ardilles voru
í miklu stuði. Inn á milli áttu
Hollendingar þó hættulegar
skyndisóknir og Argentínumenn
gátu aldrei verið rólegir. Enn áttu
þeir Kempes og Luque góðar
tilraunir, en sá fyrrnefndi brenndi
af, en Erny Brandts stöðvaði þann
síðarnefnda. A 25. mínútu tók
leikurinn að æsast er Passarella
komst öðru sinni í gott færi en
skaut yfir markið, Hollendingar
brunuðu upp og Johnny Rep komst
í dauðafæri, en Fillol varði snilld-
arlega. Þrem mínútum síðar var
Bertoni kominn í opið færi en
brenndi illilega af. Það lá í loftinu
að mark væri á næstu rrösum og
eins og gangur leiksins var, var
það sanngjarnt, er það voru
Argentínumenn sem brutu ísinn.
Það var 7 mínútum fyrir hlé, að
Ardilles sendi laglega á Kempes,
sem lék á þrjá Hollendinga áður
en hann skoraði með góðu skoti,
1—0 fyrir Argentínu. Hollending-
ar sóttu mjög í sig veðrið þær
mínútur sem eftir voru og áttu
bæði Rep og Rensenbrink langskot
sem voru ekki all fjarri ramman-
ÞEIR SKORUÐU A HM
MARIO Kempes varð markhæsti
leikmaður IIM 1978, skoraði
hann G mörk í 7 lcikjum. Tala
þessi virðist fara lækkandi, síðast
voru mörkin 7 og þar áður 10.
Athygli vekur, að Kempes skor-
aði ekki mark fyrr en í átta liða
keppnina var komið. En svona
Iitur listinn út>
Mario Kempes Arg. 6
TeofiIIio Cubillias Perú 5
Rob Rensenbrink Holl. 5
Hansi Krankl Austurr. 4
Leopoldo Luque Arg. 4
Johnny Rep Holl. 3
Karl H. Rummenigge V-Þýsk. 3
Paolo Rossi Italíu 3
Dirceu Brasilíu 3
Roberto Brasilíu 3
Eftirfarandi leikmenn skoruðu 2
mörk hver: Bertoni og Pasarella
(Argentínu), Haan og Brandts
(Holland), Bettega (Ítalíu),
Gemmell (Skotlandi), Flohe og
Dieter Múller (V-Þýskalandi),
Boniek og Lato (Póllandi), Nelinho
(Brasilíu).
Og eftirfarandi skari leikmanna
skoraði eitt mark í keppninni:
Poortvljet (Holland), Benetti (ítal-
iu), Saccarelli og Causio (Ítalíu),
Hansi Múller, Abramczick og
Hölzenbein (V-Þýskalandi), Plat-
ini, Lacomb, Lopez, Berdoll og
Roucheteo (Frakklandi), Cueto
(Perú), Daniafar (íran), House-
man og Tarantini (Argentínu),
Dani (Spáni), Schachner og Ober-
mayer (Austurríki), Reinaldo
(brasilíu), Sjöberg (Svíþjóð), ■
Vazquez og Rangel (Mexikó),
Kaabi, Gohmmidt (Túnis), Csabo,
Zombory og Toth (Ungverjal.)
Deyna og Zarmach (Póllandi),
Asensi (Spáni), Dalglish (Skot-
landi), Velasguas (Perú), Rowhans
(íran), Willy og Rene Van Der
Kerkhov (Holland).
• Á efri myndinni skorar Mario Kempes fyrra mark sitt á móti Hollandi. og á þeirri neðri er hann
enn á ferðinni og skorar framhjá Hollensku varnarleikmönnunum. Síðara markið dró alveg vígtönnina
úr Hollendingum. Símamyndir AP.
Stigatafla HM
EF TEKIN eru saman s síig Austurríki 7 3 0 3 7:10 6
liðanna á IIM. líkt um V-Þýzkaland 6 14 1 10: 5 6
deildakeppni væri að ræða. er Perú 6 2 13 7:12 5
útkoman svonat Túnis 3 111 3: 2 3
Spánn 3 111 3:2 3
Skotland 3 111 5: 6 3
Argentína 7 5 11 15: 4 11 Frakkland 3 10 2 5: 5 2
Holland 7 3 2 2 15:10 8 Svíþjóð 3 0 12 1: 3 1
Brasilía 7 4 3 0 10: 3 11 íran 3 0 12 2: 8 1
Italía 7 4 12 8: 5 8 Ungverjaland 3 0 0 3 3: 8 0
Pólland 7 3 12 6: 6 7 Mexíkó 3 0 0 3 2:12 0