Morgunblaðið - 27.06.1978, Blaðsíða 38
20
MORGUNBLAÐIÐ, ÞRIÐJUDAGUR 27. JÚNÍ 1978
Tvöfalduríslenzkur sig-
urí kastlandskeppninni
Frá Þórarni Ragnarssyni, fréttamanni Mbl. á kastlandskeppni í Haderslev.
LANDSLIÐ íslands í kastgreinum frjálsra íþrótta sigraði Dani tvöfalt í
landskeppni í köstum, sem fram fór í Haderslev um helgina. í karlaflokki
sigraði Island með 25 stigum gegn 19, en í unglingaflokki með 11 stigum
gegn 9. Arangur kastaranna var mjög góður og náðu þeir flestir sínum
besta árangri í tvö ár. Tvö íslensk drengjamet voru sett í keppninni, óskar
Reykdalsson, Selfossi, setti nýtt íslenskt drengjamet í kúluvarpi, bætti 30
ára gamalt met úr 14,78 í 15,34 metra. Einar Vilhjálmsson sýndi afburða
keppnishörku og minnti á föður sinn Vilhjálm Einarsson er hann í síðasta
kasti sínu f spjótakastskeppni unglinga, náði næstbesta árangri Islendings
fyrr og síðar, með því að kasta 67,36 metra.
Keppnin hófst á laugardag
klukkan tvö með setningu, leiknir
voru þjóðsöngvar landanna og
síðan setti formaður danska
frjálsíþróttasambandsins, Karl
Lyne Pedersen, mótið með stuttu
ávarpi. Veður var gott, sólarlaust
og logn, er keppnin var sett. En í
því er kringlukastkeppnin hófst,
gerði úrhellisskúr, þrumur og
eldingar. Fresta varð keppninni
um hríð vegna veðursins, en eftir
skamma stund stytti upp og
keppnin í kringlukasti hófst. En
án efa háði hinn sleipi kringlu-
kasthringur keppendunum.
KRINGLUKAST:
Oskar Jakobsson var vel að sigri
kominn í kringlukastinu, átti
jafna og góða kastseríu. Hans
lengsta kast var 59,10 metrar, en
hann var mjög óheppinn í sínu
síðasta kasti, er hann kastaði 62
metra, sem hann gerði gilt í
hringnum, en kringlan hafnaði
rétt utan við kastgeirann. Óskar
Jakobsson er nú kominn í sviðs-
ljósið erlendis, sem kastari á
heimsmælikvarða. Erlendur náði
sínu besta kasti erlendis á sínum
langa keppnisferli 58,21 og sýndi,
að hann er í mjög góðri æfingu.
Má búast við að bæði Óskar og
Erlendur kasti 62—65 metra í
sumar. Báðir Danirnir voru langt
frá sínum besta árangri í kringlu-
kastinu og veittu enga keppni. Var
tíu metra munur á Óskari og betri
Dananum. Úrslitin í kringlukast-
inu urðu þessi:
1. Óskar Jakobsson ís. 59,10 metra
2. Erlendur Valdimarss. 58.21
metra
3. Ken Andreassen Dan. 49,15
metra
4. Peter Jan Hansen Dan. 45,73
metra
I kringlukasti unglinga keppti
Vésteinn Hafsteinsson frá Selfossi
og sýndi hann mikið keppnisskap
og öryggi og náði sínum besta
árangri fyrr og síðar og sigraði
óvænt og örugglega með því að
kasta 43,07 metra. Annar varð
Daninn Peter Skröver, kastaði
39,98 metra.
KÚLUVARP:
Hreinn Halldórsson er óðum að
komast í sitt gamla og góða form,
hann átti mjög góða kastseríu í
keppninni og kastaði t.d. tvívegis
yfir 20 metra. Má búast við því, að
þegar fótavinnslan verður komin í
samt lag eftir meiðslin, takist
m
< mmm - - ihhhhhmhcsísmí
• Óskar Jakobsson keppti í iillum kastgreinunum og hafði í nógu að
snúast. Hér sést hann í kringlukastinu þar sem hann sigraði
örugglega.
Ljósm. Þórarinn Ragnarsson
Hreini að bæta íslenska metið. Var
það álit Ólafs Unnsteinssonar,
þjálfara íslenska liðsins, að
Hreinn hefði sneggsta útkast
kúluvarpara í heiminum í dag en
vantaði betri fótavinnslu. Og um
leið og hún væri komin í lag kæmu
stóru köstin. Óskar Jakobsson
sýndi mikla keppnishörku með því
að ná sínum besta árangri, 18,38,
og þar með þriðja besta árangri
Islendings frá upphafi og einum
besta árangri á Norðurlöndum í
ár. Aðeins Hreinn með 21,09 og
Guðmundur Hermannsson með
18,48 hafa kastað lengra. í kúlu-
varpi unglinga keppti Óskar Reyk-
dalsson frá Selfossi fyrir Island og
hann hafði kastað lengst 14,02
metra fyrir keppnina. Hann bætti
árangur sinn hreint ótrúlega í
keppninni, strax í fyrstu umferð
kastaði hann 14,97 og bætti þar
með 30 ára gamalt met Vilhjálms
Vilmundarsonar KR sem var 14,78
metrar og jafnframt hið sögu-
fræga Skarphéðinsmet Sigfúsar
Sigurðssonar Selfossi, sem einnig
var 14,78, en Sigfús var eins og
kunnugt er í 12. sæti á Olympíu-
leikunum í London árið 1948. I
annarri umferð stórbætti Óskar
sig aftur og kastaði 15,34 metra,
sem er nýtt íslenskt drengjamet
yngri en 18 ára og glæsilegur
árangur hjá svo ungum pilti. Þess
má geta, að Vilhjálmur Vilmund-
arson, sem átti fyrra metið, er
faðir hins kunna spretthlaupara
Vilmundar Vilhjálmssonar. Úr-
slitin í'kúluvarpinu urðu þessi:
• Erlendur Valdimarsson einbeittur á svip í sleggjukastinu. Hann átti
góða kastseríu og var ekki langt írá íslandsmetinu.
Ljósm. Þórarinn Ragnarsson
metrar
20,19
18,38
16,82
14,82
1. Hreinn Halldórsson
2. Óskar Jakobsson
3. Michael Henningsen
4. Freddy Pedersen
Sigur íslendinga í kúluvarpinu
var yfirburðaaigur, betri Daninn,
Michael Henningsen, sem er næst-
besti kastari Dana fyrr og síðar,
náði sínum besta árangri í ár í
keppninni, en best á hann 17,82,
þannig að hann kastaði metra
skemur en hann á best. í kúlu-
varpskeppni unglinga sigraði Ósk-
ar Reykdalsson, setti nýtt íslenskt
drengjamet yngri en 18 ára,
kastaði 15,34 metra. Annar varð
Palle Hedgaard, kastaði 12,60
metra, með kasti sínu hefði Óskar
sigrað lakari Danann í karlaflokki
örugglega. Þannig lauk keppni
fyrri daginn og hafði ísland þá
örugga forystu í karlakeppninni,
höfðu íslendingarnir hlotið 16 stig
á móti 6 stigum Dana. í unglinga-
keppninni höfðu. íslendingarnir
hlotið 6 stig gegn 4 stigum Dana.
Seinni daginn hófst keppnin í
• Hér halda þeir Öskar Jakobsson og Hreinn Halldórsson á óskari Reykdalssyni sigurvegara í kúluvarpi
unglinga. óskar setti nýtt íslandsmet drengja yngri en 18 ára og bætti þar með þrjátíu ára gamalt met
Vilhjálms Vilmundarsonar
Ljósm. Þórarinn Ragnarsson.