Morgunblaðið - 27.06.1978, Blaðsíða 39
MORGUNBLAÐIÐ, ÞRIÐJUDAGUR 27. JÚNÍ 1978
21
• Landsliðshópurinn sem náði að sigra Danina tvöfalt. í fremri röð er unglingaliðið. Vésteinn. Einar
og Oskar R. I aftari röð Hreinn, Elías, Ólafur Unnsteinsson þjálfari, Erlendur og Oskar Jakobsson.
Ljósmynd Þórarinn Ragnarsson.
sleggjukastinu. Þar varð hörku-
kepp'ni eins og búist var við.
Erlendur Valdimarsson hafði for-
ystu eftir fjórar umferðir og náði
tvisvar að kasta 59,75 metra, sem
er mjög nálægt íslenska metinu,
sem er 60,74. Samt voru köst hans
ekki að fullu heppnuð, þar sem
meiri hæð vantaði á svif sleggj-
unnar. I fimmtu umferð svaraði
danski methafinn, Erik Fisker,
fyrir sig með sínum besta árangri
í ár, 60,01 metra. Danska metið,
sem hann á sjálfur, er 63,74
metrar. Óskar Jakobsson kom á
óvart með því að ná 3. sæti í
sleggjukastinu og kasta 51,58
metra, sem er hans besti árangur
og jafnframt fimmti besti árangur
íslendings fyrr og síðar. Fjórði
maður í sleggjunni, Kjell Andreas-
sen, var aðeins skugginn af
sjálfum sér í keppninni og náði sér
aldrei á strik. Hann á best 56,83
metra í ár, en kastaði nú aðeins
47,18 metra. I keppni unglinga
keppti Óskar Reykdalsson fyrir
Island og tryggði Islandi stig með
því að kasta 28,12 metra, en hann
hafði aldrei keppt í sleggjukasti
áður. Daninn Finn B. Jakobsen
sigraði örugglega með því að kasta
50,99 metra. Úrslit í sleggjukast-
inu urðu þessi:
metrar
1. Erik Fisker 60,02
2. Erlendur Valdimarsson 59,75
3. Óskar Jakobsson 51,58
4. Kjell Andreasen 47,18
í keppni unglinga sigraði Finn
Jakobsen frá Danmörku, kastaði
50,99 metra, en annar varð Óskar
Reykdalsson, kastaði 28,12 metra.
SPJÓTKAST:
Síðasta keppnisgreinin var
spjótkast. Slæmar aðstæður voru
til keppni, þar sem mjög misvinda-
samt var á vellinum og atrennu-
brautin laus í sér. Spjótin bæði
misstu flug og stefnu og merktu
illa á vellinum er þau komu niður.
Þá fuku þau all oft út fyrir
kastgeirann. Danirnir og Óskar
Jakobsson, sem allir hafa kastað
yfir 70 metra í ár, voru í hinum
mestu vandræðum af framan-
greindum ástæðum. Voru þeir 5—7
metra frá sínum besta árangri í
ár. Óskar varð að láta sér nægja
annað sætið í keppninni með því
að kasta 64,99 metra, en hann
sagði sjálfur, að hann væri yfir-
leitt alltaf öruggur að kasta yfir 68
metra. Elías Sveinsson tugþraut-
arkappi stóð vel fyrir sínu og varð
fjórði, kastaði 59,75 metra. Greini-
legt var, að Einar Vilhjálmsson,
sem kastaöi í unglingakeppninni á
sama tíma og kastaði 61.05 metra
í fyrstu umferð, var til alls
líklegur. Og danski unglingurinn
Karsten Bojsen kastaði 63,31
• Einar Vilhjálmsson kom mjög á óvart í spjótkastkeppninni með því
að setja nýtt íslenskt drengjamet og ná öðru lengsta spjótkastafreki
íslendings, kastaði 67,36
Ljósm. Þórarinn Ragnarsson
metra í síðasta kasti og tók
forystu í keppninni, undirbjó
Einar sig af kostgæfni fyrir sitt
síðasta kast. Sýndi hann mikla
keppnishörku og skap þegar hann
gerði sér lítið fyrir og náði
risakasti, sem vakti undrun og
aðdáun allra á vellinum. Kastið ■
mældist 67,36 metrar, sem er næst
besti árangur Islendings fyrr og
síðar. ísiandsmet Óskars Jakobs-
sonar er 76,32 metrar. Hinn gamli
methafi, Jóel Sigurðsson, átti lengi
sögufrægt met, 66,99 metra. Kast
Einars var lengsta kast keppninn-
ar, tveimur metrum lengra, en
sigurkast Danans Karstens
Hersits, sem keppti í karlaflokkn-
um. Einar hafði bætt árangur sinn
um 7 metra í þessari einu keppni.
Úrslitin í spjótkastinu urðu þessi:
metrar
1. Karsten Hersilt, 65,35
2. Óskar Jakobsson 64,99
3. Jón Sólberg (Danm.) 63,73
4. Elías Sveinsson 59,75
Úrslit í spjótkasti unglinga:
1. Einar Vilhjálmsson 67,36
2. Karsten Bojsen 63,31
Landskeppninni lauk því með
öruggum sigri íslendinga í karla-
flokki sem sigruðu með 25 stigum
gegn 19 og í unglingaflokki unnu
íslensku piltarnir óvænt með
ellefu stigum gegn níu.
Síðan var íslensku landsliðs-
mönnunum haldið hóf þar sem
þeir voru leystir út með gjöfum og
Ólafur Unnsteinsson þjálfari og
fararstjóri var sæmdur heiðurs-
merki danska Frjálsíþróttasamb-
andsins. Hreinn Halldórsson, Ósk-
ar Jakobsson og Erlendur
Valdimarsson halda héðan frá
Danmörku á heimsleikana í
Helsinki, þar sem þeir keppa 28. og
29. júní við bestu kastara heims-
ins. Síðan taka þeir þátt í GN
Galan í Stokkhólmi 3.-4. júlí, sem
er alþjóða frjálsíþróttamót, en
koma síðan heim að því loknu.
Sænskt 2. deildar lið
sem setur markiö hátt, leitar eftir handknattleiks-
mönnum í úrvalsflokki. Svar meö upplýsingum
um kröfur og feril sendist til: EBK, c/o Strand,
N. Storg. 38. 575 00 Eksjö, Sweden.
Óskar Jakobsson:
Ætla að ná tveimur
„toppum" í sumar
ÓSKAR Jakobsson, sem keppti í öllum kastgreinum
fyrir íslands hönd, sagðist vera sterkari nú en áður
og kvaðst hann vonast til þess að ná góðum árangri
í sumar.
— Ég var mjög óheppinn bæði í spjótkastinu og
kringlukastinu og gat ekki einbeitt mér að mínum
beztu greinum, þar sem ég þurfti að keppa í þeim
öllum, sagði Óskar eftir keppnina. Ég ætla að
leggja áherslu á kringluna í sumar og hafa
kúluvarpið sem aukagrein. Ég ætla að reyna að ná
tveimur „toppum" í sumar og það mun verða í
Kalottkeppninni í Svíþjóð í júlí og í Evrópumótinu
í Tékkóslóvakíu í haust, sagði Óskar að lokum.
Einar Vilhiálmsson:
Árangurínn kom
mér mjög á óvart
EINAR Vilhjálmsson, 18 ára gamall Borgfirðingur,
er sonur Vilhjálms Einarssonar, hins kunna
frjálsíþróttamanns hér fyrr á árum.
Einar sagðist hafa byrjað að æfa knattleiki þegar
hann var 10—11 ára gamall en fór að æfa frjálsar
íþróttir af alvöru þegar hann var 14 ára gamall.
Hann sagðist ætla að leggja áherzlu á spjótkastið
í framtíðinni og reyna að ná langt í greininni.
— Þessi árangur kom mér mjög á óvart því ég
hafði aðeins kastað 60,56 metra bezt í ár og gerði
mér ekki vonir um að slá íslandsmetið svona fljótt,
en það var 63,90 metrar, sagði Einar. Ég stefni að
því að ná mínu bezta á landsmóti UMFI á Selfossi
og einnig í Karlottkeppninni.
Óskar Reykdalsson:
Ólafur bætti
kaststílinn
ÓSKAR REYKDALSSON er 18 ára gamall
Selfyssingur, sem kom mjög á óvart með því að
bæta 18 ára gamalt met Vilhjálms Vilmundarsonar
í kúluvarpinu.
Óskar kvaðst hafa byrjað að æfa frjálsar íþróttir
þegar hann var 12 ára gamall og hefði hann æft
mjög samviskusamlega frá 14 ára aldri. Hann
kvaðst ekki hafa búizt við jafngóðum árangri og
raun varð á en sagði að Ólafur Unnsteinsson
þjálfari hefði lagfært hjá sér kaststílinn, áður en
haldið var í keppnina. Kvaðst Óskar hafa fylgt
ráðum Ólafs nákvæmlega og árangurinn lét ekki
standa á sér. — Ólafur lagaði stílinn mjög mikið
og ég á honum mikið að þakka, sagði Óskar. Ég
stefni að því að sigra í kúluvarpinu á landsmótinu
á Selfossi í sumar og ég stefni markvisst að því
að komast á Evrópumót unglinga, sem haldið
verður í Póllandi haustið 1979.