Morgunblaðið - 15.09.1978, Blaðsíða 11

MORGUNBLAÐIÐ, FÖSTUDAGUR 15. SEPTEMBER 1978
11
Hér eru þeir Elvar Þór Þorleifsson og Örn Ægisson, tíu ára gamlir
ísfirðingar, sem blaðamaður Morgunblaðsins hitti að máli þar sem
þeir voru að leik á Flotbryggjunni á ísafirði fyrir stuttu.
Ljósm.i Anders Hansen.
Veiða
marhnúta
og krabba
en ætla
að verða
flugmenn!
„Ég ætla að verða flugmaðUr
þegar ég verð stór. þá er hægt að
ferðast svo mikið og sjá svo
margt,“ sagði Örn.
Ekki voru þeir félagar
alltof hrifnir af tilhugsuninni
um að fara að setjast á
skólabekk aftur, að liðnu
frelsi sumarsins. Elvar tók að
minnsta kosti alveg þvert
fyrir að hann hlakkaði til að
byrja í skólanum, og Örn
sagðist ekki hlakka mjög
mikið til. — Þó kom í ljós við
nánari eftirgrennslan, að
báðir áttu þeir sér sínar
eftirlætis námsgreinar, báðir
sögðust hafa gaman af að
reikna og teikna.
„Ég ætla að verða flugmað-
ur þegar ég verð stór,“ sögðu
þeir báðir einum rómi, þegar
spurt var um framtíðar-
áformin, „þá er hægt að fara
á svo marga staði, skoða
marga hluti og taka myndir
og svoleiðis," sögðu þeir.
„Já, ég hef verið að vinna
dálítið í surnar," sagði Örn, „í
rækjustöðinni, og haft þar
talsvert kaup.“ Elvar Þór
sagðist hins vegar ekki hafa
verið að vinna í sumar, en
hann hefði þó stundum selt
blöð.
Að lokum spurði blaða-
maðurinn hvort þeir væru
ánægðir með að buá á Isa-
firði, og kváðu þeir báðir já
við því, gott væri að vera á
Isafirði, og ekki ástæða til að
reyna annað, en þó sagði
Elvar að hann hefði grun um
að ágætt gæti verið að eiga
heima á Akureyri, þar sem
hann á skyldfólk.
En að þessum orðum töluð-
um gáfu þeir félagar við
Flotbryggjuna a ísafirði til
kynna að þeir vildu fara að
slíta þessu spjalli við blaða-
snáp sunnan úr Reykjavík,
enda var nú flugvél að koma
inn til lendingar og með nógu
að fylgjast fyrir verðandi
flugmenn.

n»ar»a
annarri
P> •” L,U9h,r3l 66,
sem alls en£,ínn hefur
e,n/ á ad #á,a
framhjá sér tara
1 -* " .. ^^Va *,essum síöustu
°9 ■ ■ ■ tímum
w * * *
l Mikiö vöruúrval
40V-80%
afsláttur
j— TÍZKUVERZLUN UNGA FÓLKSINS
(((% KARNABÆR
Útsölumarkaðurinn
Opið
til
hádegis
laugardag
LAUGAVEG 66 SÍMI FRA SKIPTIBOROI 28Í 55