Morgunblaðið - 28.10.1978, Blaðsíða 5
MORGUNBLAÐIÐ, LAUGARDAGUR 28. OKTÓBER 1978
5
Ekki ófróðlegt að vita
hvaða ráðamenn Sverrir
á við í þessu sambandi
— segir Leifur Benediktsson verkfræð-
ingur um ummæli Sverris Hermanns-
sonar um Bessastaðaárvirkjun
„ÉG VEIT ekki til þess að
einhverjir ráðamenn hafi fyrir
löngu afskrifað upphaflegar hug-
myndir um virkjun Bessastaðaár
og mér þætti því ekki ófróðlegt að
vita hvað ráðamenn Sverrir
Hermannsson alþingismaður á
við í þessu sambandi,“ sagði
Leifur Benediktsson verk-
fræðingur vegna viðtals við
Sverri Hermannsson í Morgun-
blaðinu en þar sagði Sverrir m.a.
að hann vildi geta þess að
upphaflegu hugmyndirnar um
virkjun Bcssastaðaár væru löngu
úr sögunni, þótt ráðamenn hefðu
hingað til ekki haft þrek til að
játa það nema í einkasamtölum.
Leifur sagði að hann hefði á
sínum tíma haft sem prófverkefni
virkjun Bessastaðaár og hefði það
verk orðið kveikjan að meiri
undirbúningi virkjunar árinnar.
„Það er smámunur á þeim áætlun-
um, sem gerðar hafa verið um
virkjun Bessastaðaár og ræðst sá
munur af breyttum og fyllri
upplýsingum og breyttum viðhorf-
um á hverjum tíma, og hefur verið
unnið að undirbúningi þessarar
virkjunar með sama hætti og við
aðrar virkjunarframkvæmdir. Að
öðru leyti veit ég ekki til þess að
neinum áætlunum um Bessastaða-
árvirkjun hafi verið kastað fyrir
róða,“ sagði Leifur.
Pram að þessu sagði Leifur að
alltaf hefði verið rætt um sama
fyrirkomulag í stórum dráttum á
Bessastaðaárvirkjun nema hvað
eina spurningin væri hvort virkja
ætti vatnið ofan af Fljótsdals-
héraði í jarðgöngum eða pípu og
því hafa báðir möguleikarnir verið
með í myndinni frá byrjun.
Hvatarfundur:
Ætla vinstri menn að
brjóta einstaklinginn á
bak aftur með ofsköttun?
HVÖT, félag sjálfstæðis-
kvenna í Reykjavík, efnir til
almenns fundar í Valhöll,
Háaleitisbraut 1, n.k. mánu-
dagskvöld kl. 20.30. Auk
kosningar kjörnefndar
verður rætt um eftirfarandi
umræðuefnii Ætla vinstri
menn að brjóta einstakling-
inn á bak aftur með ofsköttun?
Frummælendur verða
Sveinn Jónsson, löggiltur
endurskoðandi, og Styrmir
Gunnarsson ritstjóri. Fundar-
stjóri verður Helga G. Björns-
son og fundarritari Hrönn
Pétursdóttir. Kaffiveitingar
verða.
Allt sjálfstæðisfólk er
velkomið.
Svölurnar, félag fyrrverandi og núverandi flugfreyja, standa um þessar mundir í
undirbúningi fyrir árlega jólakortasölu sína en kortin eru seld til ágóða fyrir fjölfötiuð börn,
sem þær hafa styrkt á ýmsan hátt undanfarin ár. Á kortunum er mynd með eftirprentunum
eftir Erró og munu kortin verða seld að Grensásvegi 12 frá og með 14. desember n.k. og virka
daga kl. 17—19, en þar hafa þær fengið lánaða skrifstofuaðstöðu. Myndina tók Rax þegar
Svölurnar voru að vinna við að setja jólakortin í búnt.
Life ogLífdeila um nafnið
Bandaríska tímaritið Life,
sem nú er að koma út að nýju
eftir nokkurt hlé og fer á
markað í Evrópu eítir áramót-
in. hefur hótað málshöfðun á
hendur útgefendum tímaritsins
Lífs, Frjálsu framtaki, vegna
þess að Life á nafnið skráð
hérlendis.
Að sögn Péturs J. Eiríkssonar
aðstoðarframkvstj. Frjáls fram-
taks ritaði íslenzkur lögfræðing-
ur, sem Time-Life samsteypan
fékk til að annast þetta mál,
Frjálsu framtaki bréf í síðasta
mánuði þar sem farið er fram á,
að nafnið Líf verði lagt niður
þar sem Time-Life eigi nafnið
Life skráð hérlendis. Segir í
bréfinu að verði nafni blaðsins
Lífs ekki breytt muni verða
hafin málsókn.
— Við teljum það vart koma
til greina að breyta nafninu og
munum svara bréfi þessu á þann
veg, sagði Pétur, en verði af
málsókn þá geri ég ráð fyrir að
við munum m.a. benda á að
Tíminn sé eldra rit en Time og
teljum við það nánast fráleitt að
verða við þessum óskum. Ég geri
ráð fyrir að við svörum bréfi
þessu einhvern næstu daga. Ef
til þess kemur að við verðum að
hrófla eitthvað við nafninu geri
ég ráð fyrir að við gætum t.d.
breytt því í Lífið eða eitthvað í
þá átt.
Opnum í dag
í nýju húsnæði
á horni Ármúla
og Grensásvegar
HP HÚStSÖGN
Armúla 44.